اعـود لـه مـن بـعد ماخانني ** استغفر الله
لااشـتـري بالود من باعني ** في بيعه وشراه
بـارمـيـه بالسهم الذي صابني ** به iiباتحدااه
وبـعـد هـذا عـلـى الـماضي ** سلام iiالله
كـم كنت انا في عشقته مبتلي** احرسه وارعاه
افـديه بالمهجه وكل مامعي ** من مال او iiجاه
وحـيـنما شفته تطاول معي **وعرفت iiمغزاه
قـفـلـت بـابـه كـانـي ** لـم اكن اهواه

غـلـق وتـم مابيننا كل شي ** حتى المحاكاه
يمشي على خطه وانا بامشي ** في الخط لي باه
بـعـد الـشيانه والكلام الحفي**ماشي مصافاه
ولـعـاد شـي عـهـد ثـاني ** بعد عهد الله

حـاشاي ليس الغدر من شيمتي ** ولا المعاداه
مـايـنتقص عهدي ولاذمتي ** في موت وحياه
خـلـوه يتحسر على صحبتي ** ويبث شكواه
مـعـاد بـاتـنـفـع الـشكوي ** وقولت آه

الـجـود والـمـعـروف ماينتسي**لكنه انساه
قـلـبه غدا مثل الحديد القسي**مااغلظه مااقساه
حـتى الحياء لي كان به مكتسي ** فارق محياه
مـن بـعـد مـاطـالـت الـفـرقه**انا واياه

ظـلـم الجفاء والظالم المبتدي ** امره الى الله
مـاعذر مانورده مورد ردي ** واسقيه من ماه
عـاد الـزمـن الا مـكـانـه مدي **المجازاه
اصـبـر وخـل الزمن ** يجري على مجراه