قصيدة لشاعر الشعب باسردة

[معين الجنوب]

قال بوناصـر الشعـر ينـادي صحابـة
نادي الشعب كله في المدن ثم لشعـاب

اثبتـوا واستعـدوا كلـكـم للحـرابـة
كل من اعتدى اعطوة في الراس خـلاب

وفرضوا عا لوطن اسم الحذر والرقابـة
راقبوا سائر الايـام يـا قـوم انجـاب

كافحوا عن وطنكـم كلكـم يـا شبابـة
واحضروا عند سود الكير لا شب شباب

راجعوا كل مخطـي ويعـرف صوابـة
من تعدى عليكم لمخولـه بـا لصـواب

يا اهل جردان ياذي ضارييـن الحرابـة
مثل ما امس هدوا يا رجاجيـل لسـلاب

هكـذا هـكـذا لاتغلـبـون الغـلابـة
الشرف في نخرها يا معاصيـر لشنـاب

يا الهياصم زمام الراس ونتوا عصابـة
يا اسود الخلاء ونمار شجعـان وذيـاب

يا الفهيدي صلاب الروس حل الصلابـة
طاب سوق اللعب شواع فيهـا ورتـاب

وين نعمان ذي كانت لهـم كـل هابـة
قال جيش العوالق منهم ليـس مهتـاب

بان ذا الصوت لا قد شي لكم به طلابـة
والميازين توزن بيـن صـادق وكـذاب

وين حبان ذي عا لضمد حطوا زهابـة
ضمدكم دي نطح ضمدة وروح بلا زهاب

فيكم الـروح يـا منفـذ بلدنـا وبابـة
يا لله اليوم يا مطلوب يا فاتـح البـاب

يا هل لسود زبون السوق ونمار غابـة
غيبوا خصمكم خلف القمر حيث ما غاب

يا الغسيلي زمام الغيل ونتـوا خطابـة
سنوا سيوفكم وقضوا على كل غصـاب

يا لماطر عـزم يـا خوتنـا والقرابـة
وين شجعانكم يا الصبر يا حصن غلاب

وين لسرود ما فيهـم رايـت انقلابـة
با شعور الوطن تظهر ويظهر لها حجاب

يا البواعيض حيد الملح تعـوي ذيابـة
با دروب السلاح الزين ورصاص ينذاب

حن وقت الشرف بن الشقر في شعابـة
كلمتي واضحة غتوا عليها بـا لنيـاب

وين جيش السليماني دهشنـي غيابـة
ما حظر عندنا ايش اخرة ايش لسبـاب

وين عظمي وخرخوري رجال المهابـة
والقشاعير شيبتهم بغيته مـع الشـاب

والجويري وذي با لعين لي بـة طلابـة
والحسيني وبن شبشب في النار مشهاب

خاب من ما حضر سعف النمر والذيابة
كلكم صوتوا من ما حضر سعفهم خـاب

وطلع الخبر بلـغ كلمتـي ونـت نابـة
قلهم عا لجمال السـود حطيـت لقتـاب

حافظوا عا الشرف والميح زرو طنابـة
ماتقع عافية لما يقـع حـرب وحـراب

يا رجـال السعيـدي بـادرو بلاجابـة
وين شجعان هل منصور مطلق وعصاب

وين جاء لحمـدي ذي مايهـم الحنابـة
والوبيري وسعفة قلهـم سوقنـا طـاب

ساعة المجد يا حمير لمـن بـا يجابـة
واكسبوا مجد هذا المجد من كان كساب

جدنا قد حضر عهد النبـي والصحابـة
جدنا الحميري زاوم عمر بـن الخطـاب

عاد هل بابحر مثل المطر فـي سحابـة
جيشهم جم كم با عد واجد بـلا حسـاب

جيش لبحور كم من هيج يرشخ بنابـة
عند كسر الشرف لازم يروحون قصـاب

والمشاجر قسيم السيل دي فـي ركابـة
كلهم يركبـون الهجـل يبـدون ركـاب

وهل ميفع وقوم البير او مـن يشابـة
ودخل الراس واعط الجهوري مني كتاب

قلهم شاحن المركـب وحنـت قصابـة
مركب الشعب يا محسن وله اربع قصاب

شحنته كلمـة الايمـان وحنـا حجابـة
شعبنا في سبيل العـز للـروح جـلاب

واشكر الشعب في الحوطة ويحيا شبابة
دي تبرع من الراشن بعشريـن قـلاب

رحمه الله عليهم ما قـراء فـي كتابـة
دخنوهم بعود اخضر وكـاذي وغـزاب

عرجوا بي على عـزان سـد الغرابـة
قلهم شعبنا قاضي علـى كـل عيـاب

يا سلاطين شعب الواحدي يـا احبابـة
اوبهوا من كلام الهون لو لصبح تـراب

انتوا سياد هذا الشعـب وانتـوا قطابـة
وان رضيتوا فلا نرضى ولو كنتم اقطاب

شاعر الشعب خاطبكـم ولبـوا خطابـة
نفذوا كل ما في الخط هذا مـن خطـاب

من يحب الوطن يخرج ويفـدى ترابـة
الف تحت الثرى ما همني غيب لا غاب

نادي الشعب عن هذا الوطن با النيابـة
من بلد حجر لا عرما الى وادي نصـاب

من حسد او عتب ما همني من عتابـة
ليس ابن الوطن من كان حاسد وعتـاب

يعتبـر خائـن بـلادة ولا فيـة ثابـة
او قليل الارادة او كمـا الطفـل لعـاب

تـم قولـي ولكنـي ترقـب جـوابـة
يا حماة الوطن با منكم بـدع وجـواب

الف صلوا على الشافع لنا من عذابـة
النبي دي سكن طيبة وآلـه ولصحـاب

وكل مـن قالهـا لازم يحصـل ثوابـة
كرروها بها تلقـون غفـران وثـواب
نقلت القصيدة كما هي والعهدة على الكاتب ..