قال بوصقر دمتي عاصيه يالحبيلين**ياديار الشرف والعز اول وثاني
ساتضلين قلعه صامده ساتظلين**عن انوف الحسد والمرتزق والشواني
ياديار الشرف يامن شعلتي براكين **حاليآ تشتعل نارش وسابق زماني
والزميل البريطاني اعطيتوه درسين** واستفادو بجملتها وكل المعاني
والحبيلين دائم تنجب الا ثعابين** والثعابين حيه من حنش يعزفاني
لامدح والكتابة تنقري بالعناوين** عن اوصافهم بالمدح تعجز لساني
لو بـ اوصافكم يتمتعون الجنوبين** بـ التكاتف وبـ الشجعه وكل المعاني
كان حققت ما بـ القلب في غمظة العين **وانتصرنا وحررت الوطن في ثواني
وانما علتي والمشكله في الشرايين** في مرض حلبي معدي ودمر كياني
علتي في قيادات الجنوب القديمين** هم سبب علتي هو والمرض ذي بلاني
هم سبب لانتكاسه عام اربع وتسعين** هم سبب لاحتلال الفارسي ذي غزاني
بعد حبي لكم ليش الجزاء يالمحبين** بالاهانه تهينوني بأخر زماني
ليش يابوجمال اليوم تعور لي العين**ذا بدل ماتكحلني بتعمي عياني
ليش ياحيدره تضهر لشعبك بوجهين** ليش دائم كذا ماشي عليكم اماني
ام وظاح والدرويش وش بايقولين** عنكم يامحمد بن علي والبطاني
لوقبلنا ألفدراليه مابايطيعين** يقبلين الكلام المسخرة والبياني
عن لقاء القاهره ياام الشهيدين ردين**سمعين القياده ترجمين المعاني
في دماء عيالكن قولين ماذا تريدين**حكم فدراليه ولالكن شور ثاني
ردهن جا براميل الشريجه يعودين** والمشاريع لاخراء مالهاشي مكاني
اسمعو يادعات الفدرله مايقولين**اسمعو ام من فرقاء ولدها تعاني
اسمعو لا ارامل منكم يستغيثين** لسفينه ترسوها ببحر الاماني
لاكن العكس جانا طين ساعة وفي حين** من لقا القاهره خابت جميع الاماني
خافو الله في شعب الجنوب الاصيلين** خافو الله في الست الملاح الغواني
اتقو ربكم في شعب خمسه ملايين** شعبكم ذي يردد اسمكم في الاغاني
يهتفو في الشوارع ياعدن باتعودين** ايظآ فلان بايرجع ويرجع فلاني
ليش هذا التخاذل يازعيم السلاطين** ايش ذي غيرك وانته معي كنت ساني
ليش غير مسارة ليش عبدالله حسين** واناكنت عده بيسري في يماني
ليش هاذاك تاجر في دمائي بقرشين** ليش هاذاك بايعني وذاك اشتراني
ليش في كل ساعه تظهرولي علئ دين** وكل لحضه لكم مذهب واسلوب ثاني
امس بـ المذهب السني وبكرة مسيحين** وبعد بكره تحولتو علئ التركماني
وبعد اسبوع شيعه لاهل صعده موالين** للريالات بتغنون وادان داني
لاغفرله حميد اللي يغر المساكين** بالفلوس المزور ذي معه في جواني
بعد ذلحين واعازم مساء يوم لاثنين** شل خطي علئ دوله اربيه ساني
من عدن شل ياطارش تحية لبرلين**لاعلي سالم المغوار بتروح عاني
هو ولاخوان من كانو بجنبه مقيمين**مننا عد ماحنين نوب المجاني
الف مبروك جيناكم نبارك مهنين**في لقاء بروكسل الطيب نزف التهاني
شعب لجنوب عن بكرة ابيهم موالين**من كرش لاجبل صرفيت قاصي وداني
والهدف هو هدف واحد ولاعندي اثنين**مامعانا هدف خامس ورابع وثاني
ياعلي سالم الست الغواني يعانين **عن بكرة ابية الشعب كلة يعاني
ماتشوفون في وجهة نضركم وبالعين** انه اليوم فاض الصبر ان الاواني
من قتلني بطلقة جاز يقتل بمجزين**حق مشروع لي في البندق العيلماني
مطلب الشعب كلمه منكم بين (قوسين)**واعلنوها صراحه لي وفكو عناني
حق مشروع لي قانون والشرع والدين**واظح القصد وانتم تفهمون المعاني
ختمها في نبي اول واخر نبيين**في رسول الهدئ زين الوصوف الحساني
يشفع لامتة في يوم تشعل براكين** يوم ماينفع المؤمن فلان اوفلاني
الشاعر ابوصقر السليماني
شاعر الثورة السلميه حاليآ والمسلحه بعد حين