[علي المفلحي]

(هذه قصه جندي كان في شقره)
انا الجندي اسامه علي سالم العوذلي احد جنود القوات الخاصة التي يقودها ما يسمى بالعوبان اليوم قلت باخرج اللي في قلبي وانا صائم بدون لف او دوران خلاص ضبحت لما متى على هذا الحال لازم كلمة الحق تقال وتوصل رسالتي الى عند العوبان ولا الجن ويفصلني ولا يسوي اللي بايسويه الرزق على الله مش بيده .. عالعموم انا اجبرتني الظروف ان اروح اداوم مع العوبان في العرقوب لانه كان يخصم علينا من 21 الف شهرياً للذي ما يداوم المهم هذا مش موضوعي .. الموضوع الذي اشتي اتكلم عنه شفته بعيني من دون ما اسمع من احد ولا اتهم احد يا جماعة اللي شفته يخليك تسب لقاداتنا الجنوبيين اللي مع الشرعية الف مره وكأنهم عبيد عند بن معيلي وشلته عزكم الله العوبان ما يروح الحمام الا ويستأذن من بن معيلي هذا قبل رمضان وقبل الاحداث الحاصلة في وقتنا الحالي .. اما مع الاحداث حصلت حاجات تخليك تكره ام اليوم اللي رحت فيه مع الشرعية اول يوم قالوا هجوم باندخل زنجبار قلنا يالله مستعدين قام العوبان النعجة بتقديمنا في الصفوف الامامية والدحابشة خلوهم في الخلف عليهم الامان وهو معهم هو قادات الشرعية كامل ولا بيوصلهم شي كلهم من مفرق شقره ولا قدا امعرقوب واحنا الجنود الجنوبيين تقول بهايم ودفوا بنا قدام في خط النار لما شفت العيال اصحابي اللي كنا ناكل انا وياهم سوى ونجلس ونخزن سوى يقتلون قدام عيني تمنيت اني قتلت افضل لي .. ليش ما تقدمون يا قادات الشرعية وتكونوا بين الجنود المقاتلين مثل اصحاب الانتقالي ؟؟؟؟ تلقى بن معوضه وصالح السيد وعبداللطيف السيد وحيدره خوه والربيعي والشنيني وقادات الضالع ويافع وغيرهم في الصفوف الامامية مع الجنود وذالا نعااااااج يبون سرقة ونصب وخصميات على الجنود وغنايم وفيد ووقت الجد يقولون ذالا جن اصحاب الانتقالي ماحد يعود لهم الا دي خلقهم اقدموا انتوا واحنا بانحميكم من الخلف الله يقلعها من مرجلة معكم .. طيب ليش حنبتوا لعماركم من البداية لنتوا مش قدها اذا انتوا رجاااال يا العوبان وعبدالله الصبيحي ويوسف العاقل وصبري علي وسند الرهوه وابو مشعل وغيركم ما الدحابشة قوم بن معيلي ما بذكرهم لأنهم مقدسين عندكم ومن سابع ألمستحيلات احد يتجرا منكم ويقول لبن معيلي اقدم انته واصحابك بيهين كرامته منكم عالعموم اذا انتوا رجال باتقاتلون مع الجنود يد بيد مثل قادات القوات الجنوبية مش تخازين واستعراض على قناة يمن شباب ولولا الالغام ولولا جدتي فطيم لاشي شمس قد اشرقت من اول يوم وبعدما تكملون القاءات التلفزيونية ولا نشوف لكم اثر ولما حد من الجنود يحصل على غنيمة وقده مضحي بروحه من شانكم يا سرق جيتوا شليتوها عليه انتوا منعاجه ومفتاله اللهم اني صائم مش حق حرب وعادكم تشتوا تدخلون عدن فدوبكم على ريحها ما دخلتوها عدن تبا رجاااال مش من نوعيتكم يا سرق اقسم بالله يالعوبان ان باموت جوع ما ارجع معك ولا مع الشرعية بشكل عام وبتلقاني جالس لك بالمرصاد في الشيخ سالم مع القوات الجنوبية واكثر الجنود بيروحوا بيوتهم وبيخلوكم لعماركم انتوا والدحابشة وبانشوف منهو بينفعكم والسلام ختام ..