وحدة الـكيـــد والفيـــد
[poem=font="Simplified Arabic,6,red,bold,normal" bkcolor="transparent" bkimage="backgrounds/6.gif" border="double,10,limegreen" type=1 line=1 align=center use=ex num="0,black"]
الحمد كل الحمد للفرد الصمد=حمداً بماقدّر وماكرم به وجاد
الفضل لك عالعبد يا واحد احد=عبدك على دين الهداية والرشاد
ولابعظم حد ولابخضع لحد=على كريم الجود طارح لعتماد
قال الصهيـبـي عاد قلبي مابرد=من ذي على الواقع ومن ذي بالفؤاد
كم قلت ليش الهم كله والنكد=جاثم على صدري يقولون اتحاد
اتوحدوا وتلاحموا يداًبيد=ونا كياني ضاع أعلنت الحداد
ضاع الكيان اللي لروحي والجسد=تاهة ملايين البشرراحة بلاد
حالة ومفروضةعلى كمّن أسد=ملفها ناصع وصفحاته سواد
اتوحد الزرع الذي يطلع بكد=مع قطيع الضان وسراب الجراد
وتجمع انتاج البلد من دون عد=كامل مكمل في جيوب اهل الفساد
أتوحدوا اهل المصالح والفيد=ماحد يحاسب حد وممنوع انتقاد
خلاص سار النهب رسمي معتمد=بك ياوطن منهوب حسب الأعتياد
اتوحدوا كل السرق ماشي حسد=كلاًأخذ سهمه لنهب الأقتصاد
وكل سارق من سريقة يوم غد=يطلب نصيبه من الف لامين صاد
وتبادلة كل الجراثيم المدد=وتعاشرة واصبح عددها بزدياد
وتجمّعوا كل القرابع والخرد=وصلحوا وحدة عظيمة للجماد
واهل الجذم واهل الجرب واهل الرمد=اتخالطوا ماحد يريد الأنفراد
من به مرض معدي يبادر واتحد=معهم وفودهم وهومثل استفاد
وتكاثرة لمراض والطب ابتعد=يجوز بعض احيان بعض الأرتداد
وتعاطف التاجر وحكام البلد=وزاد هذا العطف في سعر المواد
هو ذالك المكسب وهم ذاك السند=لو قال بابيع المواطن بالمزاد
وتعانق العابد وذي ماقط سجد=ولاحدى به ودّ ولاشاف الوداد
هذا بقلبه حقد من كثر العقد=وذا معه فتوى يرى قتله جهاد
وتوازنوا كل المشايخ ند لند=نفس الخناجر والبنادق والعتاد
بحكم عٌرفي يحكموا قتل العمد=والسجن واكد من بخل اوبه عناد
وتلاحموا كل الشغيلة بالعِدَد=عالأرصفه ماحد تهنّى بالرقاد
ذا همهم واحد موحد والجلد=ونومهم واحد وعدتهم محاد
وتوحدوا كل المساكين الجَدَد=لطلبة الله بالشوارع والرصاد
لاجل الدموع السائلةفي كل خد=يهل الفضيلةوحدوي من دون زاد
وتفاهم الجلاد هو واللي جلد=كي لا يقول ارتد راضي بالصعاد
اتوحدوا كل الشياطين المرد=وتفرقوا اهل الجرامل والكناد
اتفرقوا ماحد تنفّع واستفد=أتشتتوا واتمزقوا في كل واد
لكن مصير المضطهِدوالمضطهَد=محتوم مهما طال ذاك الأضطهاد
لكل ظالم حد ومن يزرع حصد=باتحصدون احقادنا يوم الحصاد
وعاد أول زرعكم بالأرض مَد=وعاد تالي جمرنا تحت الرماد
ماحد خمد عاد العداوة بالولد=عاد الذي يولد يناديه المناد
والحكم حكم الله يقضي ماوعد=قولك ووعدك حق يارب العباد
لكل شي موعد قرب ولأّ بعد=ياناهب الحق يفعل الله ما أراد[/poem]
__________________
هنا حدي هنا خطي الملاحي=هنا مافي تراجع او تســامح هنا برزخ فلا يمحـيه ماحـي=وفاصل بين ماءحالي ومالح هنا أكبر قضــية ياانبطاحــي=هيَ أم الثوابت والكواســــح لزيارة أشعاري عن القضية الجنوبية
|