[عدن برس]

العم الكوكني يدور على عمل واذا به يتجول بشوارع كريتر ولفت انتباهه محلات العنتري للازياء
قال العم الكوكني والله باجرب حضي واشوف هل مع العنتري عمل ولو براتب بسيط وعلى قول المثل لعب الفلوس ولا الجلوس
اتجه العم الكوكني الى المتجر وهناك وجد العنتري صاحب المحل قال السلام عليكم رد عليه العنتري وعليكم السلام العم الكوكني هنا يا مرحبا يا مرحبا واذا بزبائن يلتفتون بمجرد سماع اسم العم الكوكني وكلهم ابتسموا وسلموا عليه
ودار الحديث التالي بين العنتري والعم الكوكني
قال العنتر كيفك يا كوكني وايش اخبارك
رد الكوكني الحمد لله على كل حال
والله شف يا عنتري ترني ادور على عمل شف لي معك اي شغله
قال ولا يهمك رع قد هذه الايام الشغل ضعيف لكن ولا يهمك
قال الكوكني لك لما تجربني
قال على بركت الله من بكره تعال استلم الشغل
قال الكوكني بشرك الله بالخير يا عنتري وان شا الله سوف اكون عند حسن ضنك بي
وفي اليوم التالي لبس العم الكوكني بنطلونه الاسكيني وتشرت مكتوب عليه لا ن اع ج
وصل متاخر 5 دقائق والسبب انه اول يوم له في الدوام
سلم على العنتري وكان العنتري يصتبح وكان معه خمير وثلاجه شاي رد السلام وقال تفضل يا كوكني
جلس الى جواره واخذا يصتبح معه وبينما هم يصتبحون مر طقم عسكري وخلفه سياره وكان قيران في السياره
قال العم الكوكني هذا قيرا صاحبي يا عنتري اذا لك اي خدمه ولا يهمك ضحك العنتري وقال مش معقول كيف تعرفت عليه قال والله يا عنتري الي عرفني عليه
حميد الاحمر فتبسم العنتري هذه المره ابتسامه ساخره قال العم الكوكني مالك مش مصدقني قال العنتري انا مصدقك بس خايف تقوال الي عرفك على حميد الاحمر هو علي عبدالله صالح
فضحك العم الكوكني وقال لا لا الله يهديك يا عنتير لا تستعجل الي عرفني على حميد بن لحمر هو العطاس وقبل ما تستفسر على من عرفني على العطاس هو علي عبدالله صالح فضحك العنتري حتى بانه نواجده وقال الصراحه يا كوكني لقد ادهشتني بس لي سؤال من عرفك على علي عبدالله صالح رد الكوكني بدون تكليف قال اوباما...
قال العنتري اتسخر مني يا كوكني فاذا بالكوكني يمصع يمين وقال عيب عليك يا عنتري شف معك الكوكني ابو مافيش اسئل علي كل المنتديات شف ما عمري كذبت
واذا انت مش مصدق بعد الي قلته لك ايش رايك نروح الى عند اوباما رجلي على رجلك شف كل تكاليف السفر عليك ولا بدفع من جيب عانه
قال العنتري وانا موافق
قال الكوكني متى تبي نروح صنعا عشان التاشيره قال العنتري الان رح حضر نفسك وبعد الضهر نقطع في الرويشان
فقال الكوكني وليش ما نسافر بطائره اامن ... شف اصحاب عنس با يتقطعونا بذمار شف قد معهم 7 من ابنا يافع... ويافع ساكته ?
قال العنتري والله قلتها انعل ابوها لنزاده علي جمعتعشر الف ريال اسمع يا كوكني خلاص نقطع في الطياره العصر
المهم الكوكني جهز نفسه ولبس بنطلون وجاكت رسمي والعنتري كذالك
وفي صنعاء توجهوا الى احد الفنادق وفي اليوم التالي ذهب الكوكني الى السفاره الامركيه وهناك رحبوا به ترحيب حار وقال له السفير الامريكي كيف اقدر اخدمك يا كوكني قال الكوكني والله شف اشتي تاشره لي وتاشيره لصاحبي العنتري عشان نروح زياره الى امريكا عشان اتمشى ومنها نزور صاحبي اوباما قال السفير ولا يهمك يا كوكني ربع ساعه والتشيره جاهزه ولم تمضي الا دقائق واذا بالسفير الامريكي يسلم الكوكني الجوازات حقه وحق العنتري
على العموم في اليوم التالي كانوا على متن الطائره متجهين الى واشنطن وبعد ساعات طويله في الطائره وصلت الرحله الى واشنطن وهناك ارتاحوا في احد الفنادق
خلوها على الله العنتري الى الان قد خسر بندلين من الدولارات لكن في سبيل اكتشاف الحقيقه لا يهمه
وبعد الراحه ذهبوا الى البيت الابيض وهناك عند البوابه رحبو بالكوكني كلهم يقولون هاي كوكني هاي كوكني ولكن عند البوابه الاخيره قالو له وبالحرف الواحد شف انت يا كوكني على الراس والعين تقدر تدخل تسلم على اوباما ولكن صاحبك ما نقدر ندخله لاساب امنيه كما تعلم قل الكوكني هذا بوجهي قالو له اسفين والله انت وجهك كبير بس هذه التعليمات تقدر تخش انت لوحدك وصاحبك خله يتنظرك خارج اسوار البيت الابيض
قال الكوكني طيب خلونى اتشاور مع صاحبي وان شا الله ما يزعل
قال الكوكني للعنتري كيف بتشوف قال العنتري واكوكني عادي ادخل انت وانا انتظرك خارج كما قالوا لك
قال الكوكني اسمع يا عنتري سوف اخلي اوباما يشاور لك من البلكون حق البيت الابيض قال العنتري والله فكره خلاص تمام
دخل الكوكني الى البيت الابيض وهناك سلم على اوباما وزوجته مشيال وبنته ماليا الذي فرحه كثير بالعم الكوكني وتبادلوا الحديث وسال الكوكني اوباما على الحجه ساره
وسرد الكوكني القصه من طاطا لسلام عليكم فضحك اوباما وقال خلاص ولا يهمك سوف نشاور على صاحبك من البلكون
وطلعوا على البلكون وشاوروا للعنتري بايديهم
المهم ان الكوكني سلم على اوباما وتجابروا يمكن رع ساعه وودعه وخرج ويا للمفاجئه لقد وجد الكوكني صاحبه العنتري مدوخ وكانوا الناس ملتمين عليه واخذ الكوكني يدعي صاحبه العنتري حتى رد عليه بصعوبه قال الكوكني خير خير ويش الي صار لك قال العنتري والله الي فاجاني وخلاني ادوخ هو عندما ظهرتم علي في البلكون كانوا الناس مستقربين ويقولون من الي واقف بجانب الكوكني بالبلكون وياشر بايده ؟؟؟؟؟؟؟؟؟؟؟؟؟؟
والسلام ختام