طبعا انا قابلت الزوج ....وهذا من اساس العلاج الاسري فشكى حاله وبعيدن نحكم عليهم ...او بالاصح نشخص حالتهم ونقدم لهم حلول ...
الجزء الثاني نشوف وش كانت مشكلت الزوج
=================================
الجزء الثاني
قبل ما نقرر لها حل وترتاح هذي الزوجه ونقول مسكينه
خلونا نسمع ابو مطب زوجها ...وش يشتكي منه ثم نقول له الف حل
هات اللي عندك يابو مطب ....( الزوج )
ويش اقول ويش اشكي
خلني ساكت احسن لي ...
....آهـ ....ثم آهـ ...
يابو ناصر وش ذا الحالة
راتبنا ليهل هلاله
يقضي قبل ادخله بجيبي
سجل عندك هات الآله
الفين قسط السياره
والفين راعي البقاله
وتسعميه يآخذها السايق
وسبعمية راتب شغاله
والباقي تصرفه الزوجه
يخرج فوراً من مدخاله
المعرس عدو الزوجه
والزوجة عدوة ماله
تبغى نقاطه للطقاقة
وتبغى للمولود شياله
وهات الف اظهر فستاني
المشغل غلق تفصاله
ويوم الجمعه عرس الجيران
هات اشري للبنت احفاله
وزوجة خالي ولدت تؤام
عطني رفاعة لعياله
وهات الف قيمة خماخم
وألف تطلبني دلآله
وهات الف قسط الجمعية
وألف لفلان نزاله
وليجيت البيت ابغى الراحه
قالت شف ذا سطل زباله
كبه عجل وارجع حالاً
وعس هدومي في الغساله
مدري وشهوفي البيت دوري
مدري زوج والا شغاله
آخر قولي يابو ناصر
هي حالتنا هذي حاله
لا تنصحني اني اراضيها
والا حالك من الف حاله
انا قررت بحل واطلقها
والا اهددها بزوجه ثانية
وارتاح واجيب لحالي لحاله ....
يابو ناصر وش ذا الحالة ....
.....
بس عندي سؤال ...؟؟
هل بالفعل تنحل المشاكل الزوجيه بشكل دائم ...ام للترسبات موقعها ..بمعنى (هل من الممكن ان ينسى الزوجين اخطاؤهما على بعضهما البعض حتى بعد حل المشاكل بينهما )
|