[علي المفلحي]

لا يحدث هذا إلا في عدن .
تروح تشتي تحجز غرفة بفندق تلاقي الفندق ملان عوايل نازحين ولهم شهور بالفندق حاجزين .. تصدقوا ان ارخص فندق وغرف ماتقدر تسكن بها ليله واحده الغرفه ب 7000 الف ريال اليوم الواحد اما الفنادق النظيفه لا يمكن تلاقي غرفة بأقل من 12 الف الليله الواحده والجناح اقل شي بتلاقيه ب25 الف الليله الواحده وهم لهم شهور مستأجرين وحاجزين بالفنادق وانتم احسبوا كم بالشهر وكمان الأكل من المطعم ..

وأزيدكم كمان معلومه تروح تدور بيت ايجار وإن حصلت شقه يقولوا لك ادفع بالريال السعودي او الدولار تقول لهم الاوضاع زفت وتقول لصحاب الشقه انا راتبي كذا يقلك صاحب الشقه بيجي نازح من مطلع وبيدفع مقدما المبلغ اللي نشتية ..

هل وجدتم نازح يدفع ايجار بالسعودي او بالدولار او يسكن فندق ... لا يوجد ذلك الا في عدن

فالنازحين بلغت اعدادهم مئات الألاف والاعداد كل يوم تتزايد تحت مسمى النزوح ..

وعاد الخبر المليح يقلك نازح وهارب من الحوثيين ولما تجي اي مناسبه مثلا عيد او عرس يحصل بمناطقهم تحصلهم يروحوا يعيدوا او يحضروا تلك المناسبات وينسوا انهم هاربين ونازحين من الحوثي ..

موجة النزوح بهذا الشكل تقف خلفها اجندات تتبع الشرعيه والحوثيين ..

فأغلب النازحين مكلفين من قبل الشرعيه والحوثي كجنود لسحب العمله من محلات الصرافه من العاصمه عدن وبعد ذلك يتم تجميعها وسحبها للحوثي ويتم شراء العمله بأسعار باهضة .

وجميع هؤلاء النازحين تحصلهم بالفنادق او يستأجروا شقق ويدفعوا ايجارها بالسعودي او الدولار ..

النازحين بالعاصمه عدن قنابل موقوته .. فالحذر الحذر وتشديد كل الإجراءات اللازمة ومتابعة ذلك من قبل الجهات المعنية والمختصه ... #
خليكم صاحيين