[علي المفلحي]

ياوحدة المحتل ولي خايبه
من بعد قتلك وسط ارضه تقبري

اخلصت لك وخان عهدا بيننا
طالبتهو سلمي ورده عسكري

سميته اخا وينعتني عدو
آثرتهو حقي وهو ماقدري

سلمتهو دوله نهبها كلها
وبالمظالم ذي عمل يتدمري

الكل في داخل بلادي يكرهه
حتى عميله ذي معه يتذمري

لاعهد او ميثاق يوفي به ابد
يكون زيدي منهم او اغبري

خلاص كذبه بان والباطل طغا
وشعبنا اقسم بان يتحرري

وحده اوالموت انكشف مضمونها
وقوته في صبرنا تتكسري

ياطائر الفينيق حلق وارتفع
جناح سلمي حي وغابي عسكري

لابد ان تحمي جناحك ذي ظهر
من بطش محتلا وغازي بربري

لابد ان تنهض بجنحينك سوا
حتى تحطم قبضة المستعمري

خلاص بعد اليوم يكفي ماحصل
تضرب تباعا قف ولاتتاخري

انقض على الصيد السمينا في حذر
فك المخالب وانهش اللحم الطري

الصاع صاعين القصاص العادلا
وبعدها منك عدوك يذعري

لاتاخذك رحمة ولاتشفق بهم
لجثة الحدي فقط تتذكري

ودم فارس ذي سفك متعمدا
بيد ظابط من عيال الاحمري

وضاح والجعدي وعثمان البطل
دمائهم صارت رخيصه تهدري

حتى شعوب الارض ماتنظر لنا
من يملك القوه فهو يتقدري

مسيرة المليون محد ذاعها
والموت به اعلامهم يتفاخري

مصالح العالم سياسه تحكمه
تنازلات الخصم صارت اجدري

لابد ان نرسم سياسه واضحه
نقنع بها العالم بدحض المفتري

مادام هو بياع كاذب عندهم
باكون صادق بينهم والمشتري

عندي وثايق ذي نقضها خصمنا
وعندي الواقع لهم بيصوري

وعندي الجرحاء وقتلا بالميات
وعندي الاسرا الووف نظهري

وعنده المنهوب حقي كاملا
وثائقي تثبت اذا هو زوري

من بعد تسعين المعمر حقنا
داخل يمنهم او باارض البندري

باناخذه بالقصب ولا بالرضى
طال الزمن ولاقصر يامفتري

وحده جنوبيه قويه راسخه
نكون فيها بالولايه اجدري

سوارنا للخصم نتمترس بها
ووسط ارض الله فيها نفخري

مفتاحنا للنصر والذخر الابي
تضمن لنا استقلال في ضرف اشهري

رهاننا القادم عليها يتجه
فك ارتباط الشعب من مستعمري

والختم صلو يالحبايب ع النبي
شفيعنا ذي في صفاته نفخري