[علي المفلحي]

هدنه قصيره من حراكي الجنوب
موقف مساند نحو تغيير الشمال

شكلي نوقف والعقيده بالقلوب
خيارنا واحد ولا غيره بدال

خطوه بها نلغي الثوابت والصلوب
والرمز يسقط ذي اخذنا بالقتال

نحطم اصنام الجهاله والكذوب
ونسحب التاريخ ذي فيه اختلال

وقفة محارب لا تفكرها عيوب
ولا تراجع او قبول الاحتلال

طحسه بها نقفز مع زخم الشعوب
ولأ سقطنا قبل ان يبدا النزال

محتار والاحزان سبب لي شحوب
والصف يتفرق بحيله واحتيال

الشك ساورني على كل الخطوب
والهم وسط القلب يوزن للجبال

المشترك لعاب والحاكم لعوب
وقادت الشعب الجنوبي العيال

الكل يعمل ضد احلام الجنوب
يوزعون ادوارهم للاغتيال

خدمة مصالحهم وتعمير الجيوب
وشعبنا دمه على ارضه يسال

اين التفاهم اين تنظيم الدروب
نلعب سياسه مثلهم بالاحتيال

لابد نتفاهم وماضينا يذوب
وتنتهي اخطائنا والاعتلال
‏ ‏
حراك ع الصامت موقت بالجنوب
وننطلق ديركت من بعد الزوال