[حفيد سالمين]

حكومة عدينه
كلمات/ محمد علي محسن (حفيد ساليمن)

حرام لو كنت ناســــي ** ياذي بلادك رهينـــــــــــه

يامن تدور كراســــــي ** وين أنت والشعب وينــه

تمشي وخلفك حراسي ** وانته كقط المدينــــــــــــه

كالعبد دائم مداســـــــي ** سيده بسوطه يهينـــــــه

يسقيك في ربع كاسي ** وصار دينك بدينـــــــــــه

جلاد مجرم وقاســـــي ** قلبه ملئ بالضغينـــــــــه

يبطش بأهلك وناسي ** في لحج أو في دثينــــــــه

ولا تحرك حواســـــي ** تسمع صراخ الحسينــــــه

قلبك تلوث وخاســــي ** لوث زهور الجنينــــــــــه

أين الذهب يا نحاسي ** شلو قلادة أمينـــــــــــــــه

حتى دقيق الكياســــي ** فاسد ملوث عجينــــــــــــه

فكو جميع المراســـي ** لهل البطون السمينـــــــــه

جب سم وادفع بياسي ** بدّل حليبك طحينــــــــــــــه

ولازاد فيك الحماسي ** للغلي زيت المكينـــــــــــــه

من كثر هذه المآسي ** ورد دواء بوسفينــــــــــــه

يريح بعد النعاســـي ** غالي يعانق ضنينـــــــــــــه

سريع قبض النفاسي ** سريع موته بحينـــــــــــــه

يحيا القرار السياسي** تحيا حكومة عدينـــــــــــــه

وتحيا مراكش وفاسي** فيها القصور الحصينــــــه

من دمنا يا عراســـــي** وصدقنا والسكينــــــــــــــه

اخذتها من لباســـــــي** بالغدر فرصه ثمينـــــــــــه

بكره تروح التكاســـي** وكل من باع دينــــــــــــــه

نجمه علمنا خماســـي** والبنك يرجع شلينــــــــــه

والكل مرفوع راسـي** حنين قلبي حنينــــــــــــــه.