[علي المفلحي]

لودر ياعروسة ابين ياقلب الجنوب المحتل
لقنتي المخادع درسا طول العمر ماينسونه

الاحمر وعفاش اخوه ميزان القوه قد اختل
الجيش انقسم والفرقه صارة حربهم مجنونه

الانصار ملك الفرقه تشحنهم وبعدا ترسل
فوق الجاه مالا تغدق والتوظيف له مضمونه

اما القاعده معهاالجيش تاخذ عهدته او تقتل
لو خمسين منهم هلو سلمهم لواء بالمونه

الاثنين صارو واحد الاسم المميز تحمل
انصار الشريعه رسمي والاثنين هم يرعونه

فيهم قد ضحك ع العالم وحيانا بهم يتسول
شارك بالقضاء ع الارهاب والاسماء به مرهونه

الاصلي يتاجر فيها والتقليد فيهم يعمل
يدعمهم بنصف الغله فوق الفيد ذي يجنونه

في ابين وضعهم عنوه يشتي للقضية يقتل
قسمنا ثلاثه اقسام يشتي يخلط المضمونه

لو واصل نفوذه ومتد في ارض الجنوب المحتل
بعد الاحتلال الثالث تصبح ارضنا معجونه

وابنا الجنوب وسط الجيش محكوما عليهم يقتل
اما المتعدي يقتلهم او من خلف بيصيدونه

حتى الطايره ظللها بالاحداثيه ذي يرسل
يضرب للقبايل تاره او للجيش بيدكونه

كم طلعات بينفذها آلآف القنابل تنزل
دمر بالقذائف ابين لجل انصارهم يحمونه

دمر بنيته والبنيان والسكان منها يرحل
اما شلها بالقوه مالم حطها مطحونه

ياشعب الجنوب اتحول
السلمي كفايه طول
جهز محجئك وتقنبل ضد الشله الملعونه

تحرير الوطن واجبنا
فرض العين لازم نقبل
نطرد للشريعه والجيش
تصبح ارضنا مأمونه

يوما حددو للقارح
نغسل همنا ذي طول
ساعة صفر نعلن فيها
هبة شعبنا المضمونه

نختمها بذكر المولي
والقرآن ذي هو منزل
صلو ع النبي قدوتنا
طول الوقت لاتنسونه