[ابن الحراك الجنوبي]

اليكم هذة لابيات اتمنى ان تنال حسن اعجابكم

من قال بسم الله الرحمن وتوكل&&&&& يعينه الله رب العرش سبحانـــــــــــــــــــــه

لو جاه من خير ولاشر يتقبل&&&&& يتحمد الله يترجى لغفرانــــــــــــــــــــــــــــــــــ ه

الضالعي قال طبع الجيد ما يزعل&&&&& من كلمة الحق ذي ترجح بميزانـــــــــــــه

الحق عالي ودرك الباطل الاسفل&&&&& ومن بني فوق متنه طاح بنيانــــــــــــــــــه

اصلي سعيدي قبيلي دون حد يسئل&&&&& وله في المجتمع رقمه وعنوانـــــــــــــه

اباً على جد نتمشيخ ونتمعقل&&&&& رجال ذي تقلع العاصي وشيطانـــــــــــــــــــــه

نؤخذ ونعطي ونوفي الكيل ما نبخل&&&&& والخصم نسقيه من بارودي الزانـــــــــه

والان ملزوم يا فرخ الحمام ارحل&&&&& من فوق حصن السعيدي شامخ اركانــه

لما تصل عند قايد قله اتفضل&&&&& هذه الرساله وورد احمر من اغصانـــــــــــــه

ما ضن ابو رعد ينسى بدعي الاول&&&&& لما يشلوه ميت فوق عيدانـــــــــــــــــــه

من راس قمة جحاف العاليه هرول&&&&& وحرقته النار حتى طير دخانـــــــــــــــه

جربت قايد بأكزمنيشن اسبيشل&&&&& جوب خطا والنتيجه صفر با لخانـــــــــــــــه

بطل لك الشتم يا قايد علي بطل&&&&& وهتم بموضوعنا ذي جيت من شانــــــــــــه

يتمني الجيد في حين الخطا يحصل&&&&& يعثر من الرجل لا يعثر من السانـــــــــه

با منح ابو رعد قايد جايزة نوبل&&&&& اذا صدق يوم في تاويل قيفانــــــــــــــــــــه

والمؤتمر لا تطبل له ولا تصهل&&&&& شعاره الخيل والميدان ميدانـــــــــــــــــــــه

ما با يثق فيك صدقني ولا يقبل&&&&& تكون به عضو او من ضمن فرسانـــــــــــه

وليش ما تنتقد قله ضلمت اعدل&&&&& كم يشكي الشعب من ضلمه وحرمانــــــــه

اثبت وقوفك معه تبحث على مدخل&&&&& تشجع الباطلي با لكذب واعوانـــــــــــــه

احذر من المؤتمرحتى ولو بسمل&&&&& با يبتسم لك وبخ السم بسنانـــــــــــــــــــه

وصاحبك جدد الموعد بمستقبل&&&&& مستقبله هو واولاده واخوانــــــــــــــــــــــــه

يا بن علي لا تناصر كل متسول&&&&& ذي با لاخير اتضح زوره وبهتانـــــــــــــــــه

اخلص مع الشعب يا قايد علي وعمل&&&&& لازم تعالج هموم الشعب واحزانـــــه

لا تدحض الحق بالباطل ولا تكسل&&&&& تأكل وتشرب وحولك ناس جيعانـــــــــــه

الفقر حلق ومكريب الغلا يشعل&&&&& والبعض ما يمتلك حبه بمخزانـــــــــــــــــه

الراش والمرتشي يوضع في المعقل&&&&& وكل فاسد وسارق نقلع اذانـــــــــــــه

با حن من قلب للاتعاب متحمل&&&&& لما تلين القمم ذي عمرها لانـــــــــــــــــــــه

غبني على البنت ذي مثل القمر واجمل&&&&& عاشت بجنات والليله بزنزانـــــــــه

يستاهل اللوم من ناسب غشيم اهبل&&&&& بعد التستر تركها الزوج عريانـــــــــه

ما يسوى الزوج زنتها ولا المخمل&&&&& بت سبعتعشر سنه شيبه ومهتانــــــــــه

اول عروسه تزوجها بلا مجول&&&&& الصبر حتى يواروا القبر جثمانــــــــــــــــــه

كسب الشرف خير من كسب الذهب وافضل&&&&& من مال بقعا لانه غالي اثمانـه

يا بن علي هل يهمك وضعنا المهمل&&&&& اوقف مع موطن الحكمه وسكانــــــــه

والوحده الام مكسبنا وحلم الكل&&&&& بالروح والدم مفديه ومصطانــــــــــــــــــــه

احنا اتحدنا ودار العز ما يختل&&&&& ولا تقلقل مواثيره وعمدانــــــــــــــــــــــــــــه

العيب يتذكر الماضي وماهو حل&&&&& لا اللول لوله ولا المرجان مرجانـــــــــــه

من يخسر الشعب يا بو رعد با يفشل&&&&& شعب اليمن جاد بالحكمه وايمانـــــه

في اي حين السفينه قلت با توصل&&&&& بر الامان ابتعد او هيه خربانــــــــــــــه

ون قصدكم شعبنا يا بن علي يرحل&&&&& هذا من العجز والخيرات مليانـــــــــــه

وبعد ما يرحلوا يا قايد استقبل&&&&& شيعي و غربي و مقديشو و من غانـــــــــه

وبالنهايه انا ما ريد تستعمــــل&&&&& الفاض شومه مسيئه كيف ما كانـــــــــــــه

بالحفض والصون لا تجنن ولا تحول&&&&& انا جبل صلب ماشي به تليانــــــــــــه

صلي وسلم على اخر نبي مرسل&&&&& ما حن في راعده وصبت امزانـــــــــــــه