كما نتقدم لقيادة المملكة الكريمة وشعبها المضياف بجزيل الشكر والامتنان ونقدر تفهمهم لقضية
اشقائهم في الجنوب المقتصب ونؤكد لهم بأ ن الجنوب هو عمق المملكة التاريخي ومايمس امن
الارض الطيبة يمس بالدرجة الاولى ارض وشعب الجنوب
بديت بسم الله علام الغيوب سبحانه المعبود رب البريه
سبحانه اللي يغفر الذنب ويتوب الواحد اللي عزنا في نبيه
وضح طريق الخير والخير مطلوب وحنا على دربه كتبنا الهويه
من عهد ابوتركي جمع شعب وشعوب لياعهد ابو متعب حفظنا الوصيه
الحاكم اللي مالك كل القلوب عبدالله اللي له من اسمه مزيه
العين عز الشعب وبالقلب مكتوب مكتوب اسمه داخل قلوب حيه
والباء باذن الله بيعيش محبوب لانه حكم بالعدل بين الرعيه
والدال دمعه للملك جت باسلوب تحكي مشاعر صادقه وطيب نيه
يومه حضن طفل يتيم ومسلوب ضمه على صدره بكف نديه
الالف ابو متعب سند كل مطلوب يحكم بشرع الله وسنة نبيه
واللام لاوالله مايعيش مغلوب في عهد ابو متعب تعيش الحمية
حمية الاسلام ماجت بعيوب ماهي حمية ناس بالجاهليه
واللام الاخر لا ماقالها بنوب واللي سأل يعطيه جزل العطيه
الهاء هد جبال ومن باسه تذوب وقت الشدايد مايهاب البليه
رجل يدوس الصعب ويفك مكروب قوله فعل يرقى بنا للعليه
يشهد له التاريخ والفعل مرغوب يومه جمع اخواننا تحت فيه
في وسط مكه جمع قلوب وقلوب جمع ابو عباس ويا هنيه
وتوحدة قلوب وانزاحت ذنوب وحكومة الوحدة رضت بالسويه
واليوم ابومتعب جمع كل يعروب في قمة رياض الزهور الزكيه
باالافتتاحيه كشف كل العيوب قال الخلل واسهب بحل القضيه
رسم طريق المجد وفتح له دروب وبين على وضح النقا كل سيه
شرح ظروف امه تكابدها حروب وفصل امور مااظنه خفيه
الطائفيه شر والحق مسلوب ودعى العراق لشجب هاالطائفيه
بصومالنا الام والاب مرعوب شبابها بالحرب صاروا ضحيه
وبسوداننا دارفور تشقق الثوب الكل فيها منتظر للمنيه
لبنان يشكي والجسد صار معطوب وحال العرب مايسر حال شقيه
لكن ابو متعب دعاهم ولا هوب يصعب علـيه يجمع اخ باخيه
نادى بوحدة صف بنيان مصبوب ونادى بطي اللي مضى الف طيه
صفحه جديده تجعل الحلم محسوب في واقع كله اماني قويه
دام ابومتعب قال ..كلماته تنوب ايه ابشروا بقدوم امه ابيه
حبك يابومتعب فلا منه مهروب لانك زرعت الحب بارض طريه
ماتوب من حب الملك لا ماتوب لنه حفر اسمه بقلبي هنيه
ياللي اعدت الشوف لعيون يعقوب احفظ ابومتعب وسلم يديه
تمت وصلوا عد ماهبت هبوب على نبي مايجي بالخطيه
|