هكـــذا هو نظام صنعاء المحتل للجنوب الغالي ...
الاتحادات الرياضية في الخليج اجتموا قالوا : أيش رايكم نروح آخر زيارة لليمن السعيد القعيد ونشوف الجماعة هناك شي جهزو شي لخليجي عشرين.. شي ملاعب وشي فنادق ... والله وصلوا الجماعة من الخليــج قالوا لهم : السلام عليكم نحن وصلونا .. شي انتم جاهزين وعندكم ملاعب جاهزة وفنادق وأمن وأمـان ولا مـــــــــــــع ؟؟؟ لكن الجماعة أنتم عارفين ولا مع ابوهم شي جاهز غير البنادق الروسي والدبابات وكم كرتون قنابل مسيلة للدموع .
قالوا الجماعة الحكامة في صنعاء : أسمعوا ياخبرة حيا بكم لليمن انتم اهلنا (طبعاً الكلام للجان الرياضية القادمة من الخليج) قالوا أسمعو باخبرة : أيش رايكم بدلاً ما نلعب كرة بدون فايدة وتخسرونا زلط على الجيش والامــن حق القات ... وانتم عارفين بالنسبة للمنتخب اليمني النتيجة تكون ياخمسة صفر ياسبعة صفر لليمن وأيضاً أنتم عارفين جماعة الحراك نكدوا علينا عيشتنا ... أيش رايكم نغير اللعبة وبـــدلا من أن نسوي خليجي عشرين نغيرها ونسوي أبوها مناورات عسكرية في الضالع وردفان وجحاف وخور مكسر وعزان وجعار وأبين كمرحلة أولى وبعدين نسوي المناورات في مناطق جنوبية أخرى ... قالوا الجماعة أعضاء اللجان: أسمعوا يابو يمن : جهزوا حالكم وأنتبهوا على انفسكم من جماعة الحراك لانهم زادوا لاننا كنا فاكرين بأنهم قليل طلع الجنوب كله حراكي ... جهزوا حالكم وبعدين يصير خير ونحن حاضرين .. بس اعملوا لنا رنــة ونسوي لكم بطولة استثنائية .