[الجنوب العربي]

الوه يا أهل المقابر شي وظيفه عندكم
معي 12 فرد ماحصلت شي توظيف
من الاحياء بلعنه والامل عاده بكم
لوتسمحو يا أهل المقابر بلا تأليف
ونرجو المعذره بالاتصال ازعجتكم
معكم على الهاتف بوحمدي محمدضيف
لي 6 اتصل لكن ما جاء خطكم
ردو علي لاتقطعو قلبي بحد السيف
كلمني نفر الوه ماذا شأنكم
من فين تتكلم ومن انته بلا تخريف
قلنا الشاعر البداع يتكلم بكم
قال حيا الله بو حمدي لنا التشريف
معك سالم ربيع كيف عاد احوالكم
كيف تاك الناس دي داخل عدن والريف
من بعد مامتنا نحب اخباركم
والمعذره يا الشاعر الشعبي على التكليف
قلت له ماشي نفس خابر ايش جا من بعدكم
جتنا مصائب ماقدر احصيها بلا توصيف
ولالي علم ياسالم منين ابدا لكم
لسجال عندي اتراكمت من داخل الارشيف
الوه انته معي قال انا سامع لكم
قليل صوتك طلعه وادخل بلا تغليف
قل لي يامحمد ما السبب في احداثكم
من الذي غادر ومن باقي خبطت الكيف
قلنا دي غادر لعله وصل لاعندكم
اما السبب في احداثنا دي امس جانا ضيف
من6 الى90 مسكها البيض زيكم
صلح وعطل ويمسي في راحه وفي تكعيف
يتبع
‏ ‏