[جدار برلين]

المشاركة الأصلية كتبت بواسطة جدار برلين

يشرب من البحر من يسفك دماء الكثيـر
ما هو لمن يعتصم بالسلم أو في مسيـره

من ينكر الشعب من حقـه ومنـه يغيـر
ويعطي الأمر للعسكـر بطلـق الذخيـره

ما فيش إنسانية فيكم ومـا فـي ضميـر
وأكبر مصيبة إذا الإنسان يفقـد ضميـره

ما فيك خيراً ولا في الحاشيه يـا خبيـر
من بعدكم كـم تحملنـا مشاكـل كثيـره

ولا أمل فيك من مثلـك يجـي أو يسيـر
في داهيه أنت وأتباعك شيوخ العشيـره

الشعب كله يئس مـن كذبكـم والهديـر
وإعلامكم ذي يسوي عالشعيـره بعيـره

لك عدة أوجاه وأسلوبك مـراوغ خطيـر
ساعات عاصي وساعه تنقلب بوهريـره

ما تعرف الكذب يا كذاب حبلـه قصيـر
مهما تمّوه على أصحاب العقول الصغيره

من بايصدق قصص وأفلام يـا شكسبيـر
غطيت فيهـا الجرائـم لولّـه والأخيـره

أظهرت نفسك مؤدب يـا سمـو الأميـر
معصوم من دم قاداتـك بحنكـه قديـره

وأنت من يقرع الطاسـه وشـبّ النفيـر
وجرع الشعب كاسات النظـام المريـره

لن يترك الشعب من مثلك ومن هو أجيـر
مع العصابـة يبقبـق والفوائـد لغيـره

الشعـب لازم يحـدد إتجـاه المسـيـر
ويشعل النار قد هاجت معه نـار صيـره

وفي نضالـه يحقـق للامـل والمصيـر
لايمكن الشعب في صمته يحقق مصيـره

وبالإرادات نصنع فجـر مشـرق منيـر
ويعاد ما قد نُهب منـا بفتـره قصيـره

وياخذ الشعـب حقـه الغنـي والفقيـر
ويعيش حرا على أرضه وينعـم بخيـره

بعيد عن شلـة الإفسـاد أهـل الهبيـر
ذي همهم ينهبوا ثروة جنـوب الجزيـره

لا يمكن الشعب بعد اليوم بـك يستجيـر
أو يسمع أصوات لازالت لديكـم أجيـره

أو يبقى الشعب باحلامـه مكبّـل أسيـر
كلا فلن تبقى أرضي في يديكـم أسيـره

باقول كلمـه لكـم بـا بثهـا عالأثيـر
باسم الملايين من شعب الجنوب الغفيـره

برع من الارض هو هذا القـرار الأخيـر
من حيث جيتوا تعودوا يا الوجوه الشريره


****************
قصيدة منقولة للشاعر الحر ( ذو المنار )

يا مرحبا ذو المنار يابدر ضـوءه منيـر
بـددت ظلمـات ليلتنـا بليلـة منيـره

أبدعت في وصف متبلطج ونافخ ل( كِير )
هل يفهم المنبطح ذي عاد نفسه بحيـره

ما باعترف بالإمام أحمـد ولا بالوزيـر
ولا علي ذلك الكـذاب وجـه الكسيـره

للفقر عنوان لـو زادت هنـاك الحميـر
والخبز لو قل حجمه زاد وضع الخميره

***************

جــــــــدار بـــــرلــــيـــــن

12 / 3 / 2008 م