[علي المفلحي]

*رساله مهمه*
لكل ولي أمر اب ام اخ رجل غيور انقدو نساءكم وبناتكم ..
*اقسم بالله انها حقيقه*
دخلت محل معسلات في كريتر خلف شارع الطويل وسط سوق الكدر اشتري فحم . تفاجٱت بالمحل كله نساء وبنات .
اكلم البائع (شمالي)من الخلف اشتي فحم والبائع ضارب لي سقال .
تنتين بنات بالعشرينات يقولو له نشتي قات نشتي نخزن عيد . البائع اخرج لهم مرقحه من الاسفل .
قفزت بنت كانت جنبهم تقول للبائع حق امس القات يذوب . قال لها شلي من هدا القات والحساب براسلك بالليل . والمحل كله نساء والله استحيت وانا الفت لهم ..والراجل ضارب لي سقال . وفجاه اجو تنتين بنات يجلسو بالكرسي حق المحل خلفي يقولو للبائع التاني نتصلبك امس بالليل تزيد لنا قات نقص علينا .وتلفونك مغلق . انا ماعجبنا الوضع شليت نفسي ورحت محل تاني للمعسلات بالزغط حق سوق الطويل .
اتفاجإ بالمحل كله نساء وبنات والبائعين شماليين . هدا يخرج قات من تحت الدرج لزبونه والتاني يقول لبنت سددي المبلغ اللي عليك السابق وانا بعطيك قات ومعسل ...
وانا منتظر واشوف العجب اسمع واحده تكلم صاحبتها تقلها لو درت امي انني اخزن بتقتلني والله .. شليت نفسي وقلت وصلنا لهده الدرجه وقلت باروح المحل الثالث اللي بالخلف حقا المعسلات اللي جنب مخبازة الصوفي والشوف المحل مليان نساء ولا فيه رجل والبائعين اثنيين شماليين ..
قسم بالله لعنت اليوم اللي فكرت فيه اشل فحم من عند اصحاب المعسلات ..
واللي يكذبنا يروح يشوف بنفسه السخافه وقله الحيا اللي حاصله عند اصحاب المعسلات بسوق الكدر