[حالمين ردفان]

قصيدة للجنوب الثائر

بسم الله ابدا واكتب الشعر موزون = اترجم الواقع بشعري واساهم

يالله ياللي عالم ٍ كل مكنون =تفرج لمن كيد المعادي فناهم

من غير عونك مالهم بالوطن عون = ضاقت ذريعتهم وعتم سماهم

كم واحد ٍ منهم ورا السجن مسجون = وانت الوحيد اللي عليم بخطاهم

يالله ياسامع ندا من ينادون = يارب ترحمهم وتحسن عزاهم

أطفال لجنوب دون ذنب ٍ يموتون = يوم اليماني بالقنابل رماهم

وصوت النساء مبحوح يوم ٍ يصيحون = والناس تنظر بالعيون وتراهم

كن العرب بعيونهم مايشوفون = ولو البصر بعيونهم في عماهم

طاحت كرامتهم بلاشك وضنون = ماحرك الغيره مصايح نساهم

داس الكرامه بينهم جيش اليمانون = وحنا فلا زلنا نريد التفاهم

وين الذي في كل مسجد يصلون = وين الذي بالليل نسمع دعاهم

وين الذي في منزل الكتب يقرون = وين الذي رب البريه هداهم

وين الذي عند اللوازم يقيفون = لاشتدت الكربه يذري ذراهم

يا اهل العروبه كيف عنهم تصدون =إليا متى وهذا التخاذل معاهم

يالله دمر جيش صعلوك يمنون = خلص على روس الفتن واشركاهم

يالله تهلكهم مثل قوم فرعون = يارب تقطعهم وتقطع نماهم