((( معانات معلم )))
قال المعلم يا مدير التربية
صبري نفد ماعاد للحكمة مكان
لا عاد ابي حافز ولا اكرامية
ابي معاشي رأس مالي والضمان
زهيد لكنه يقع في زاوية
والله وكيلي خالقي والمستعان
ما عاد بيغطي بنود الصرفية
بسبوع واحد بصرفه ولا ثمان
لكن تفاجأنابضربة قاضية
قطع الرواتب في أواخر رمضان
بواعد التجار للاكرامية
ماراتبي قدهو حصاني في الرهان
ما شي حسبنا للرياح العاتية
ذي خلت المشهد ملخبط للعيان
العيد بكرة والايادي فاضية
وام العويلة قدمت كشف البيان
مستلزمات العيد حسب الكمية
الصادرة من الوزارة واللجان عيد القبالي والمصاري كافية والقات مطول والغدا من لحم ضان
والطفل يفرح والمرة متهنية والبنت تسلى بالفساتين الحسان
اتبخرت أحلامنا في ثانية
وخابت الآمال والمستور بان
عيشة نكد كلآ بحالة مزرية
الله يعلن من غدر فينا وخان
طز في التحالف كلهم والشرعية
وشلة الحوثي كهانيت الزمان
سرق ونصابين مية بالمية
ماشي لهم من بعد ذلحينة أمان
مافي مكاسب من عيال الصافية
ولا من الدنبوع جلعاب الدمان
ذي دخلونا بالحروب الدامية
والذل جابوا للمواطن والهوان
لا عندهم رحمة ولا إنسانية
ولا يهم العار متسول جبان
واذكر محمد في ختام القافية
ما يلمع البارق من أطراف المزان
الاثنين 4 يوليو 2016 م
قولو صح لسان الشاعر
===============
|