((اسطوانة نكون او لا نكون))
للشاعر /مطيع المردعي 4/4/2016
هذا الشعار اللي قتلني للاسف
دايم وانا بسمع (نكون او ﻻ نكون)
مجرد استهلاك يومي بالصحف
واهل التواصل بالمواقع ينشرون
لكن على الواقع بشوفه مختلف
اعمالنا صارت تدل ان لا نكون
نكون لو شعبي على ارضه وقف
وقفت رجل واحد ويحسن بالضنون
نكون لو ننتج مكون معترف
له لون واحد ليس له سبعين لون
نكون في وحده جنوبيه وصف
واحد وله قاده تقود الثائرون
نكون لو كنا بميدان الشرف
نفرض شروط الامن ويعم السكون
نكون لو رجلي على ارضي تقف
حاكم وقاضي في مدنها والحصون
نكون لو امني وجيشي يلتحف
راية بلادي والشباب المخلصون
نكون لو جيشي على حد الطرف
جاهز مدرب للوطن دمه يهون
نكون فوق الارض مش داخل غرف
نشعل ابوها من جهاز الاي فووون
والان قولوا لي على اية هدف
نكون او نحنا بخاااانة لا نكون
البعض ما يصحى ولا بايعترف
إﻷ متى ماحسها بين العيون
اليوم لا زال الكره بالمنتصف
يا تثبتوا عن ارضكم او تخرسون
|