___________*عاجل
جواب اﻻسطورةالعدنية على الشاعر بن عوض
من بندر كريتر سلم للسواق في بابوره
خطي يوصلة ﻻيافع ذي في ناسها مشهوره
ناس العرف وهل المنطق ساس الحكم ناس الشوره
قدم شكوتي عن شاعر في شعرة خرج عن طوره
انقل عبرها تقديري وعجابي بكامل صوره
بشعار القدير الفارس لكن ليس باﻻسطوره
نام الناس حين انشرها وعياني بغت مسهوره
صار القلب نصفة جمرة من عشقة وشي من جوره
اقفل باب بيتي عني وشعل وسط داري ثوره
شبهة صرت بين اﻻسرة ﻻحرة وﻻ ماسوره
عان الله ذي هي مثلي ﻻ حية وﻻ مقبوره
تتنكد بزلة شاعر جن بشهرته وغروره
زله من عدن جرتنا من موجة لقاع ابحوره
غابت شمس كانت تسطع والبدر استحال اضهوره
يامن له ثقه يملكها في شعبه وفي جمهوره
انصف في ذبيحة يدك ذي خلفتها معقوره
زاد الشوق بعد اللقية في صدفه وماهل خوره
ماكان العجب تيمني بشعارك وﻻ مسحوره
عصفوري يحلق بعدي بي يسعد وبه مسروره
ﻻزاد الهوى زغردنا في عش حبنا المغموره
يملكني ويفرض حقة يامرني وني ماموره
مابسمع لسلطة غيره ﻻ طوعاً وﻻ ماموره
دللني وله مديونه باطيعة وباتبع شوره
صارحته بكل شي عنك والباقي يكمل دوره
رجع لي نباء ياطاير شوف القلب شب اجموره
والشمل افترق جزئياً والدمع استفاض انهوره
واخر ﻻتشاريف العز في يافع وشخط النوره
اغلى امنية من قلبي زفوها من المذكوره
سجلته جوابي هذا عله يفتهم بسطوره
والشاعر يسامح غيره ﻻعبر بما في شعوره*
|