[علي المفلحي]

قصيده بعنوان (صوره بالمنصوره)

بسم الله ابداء شعري بالقرآن سوره سوره
واتبع دعوتي للجمعه كلن منكم يحضرها

الزحف الكبير الهادر ياشجعان
للمنصوره
استفتاء شعبي واضح حاله محدا ينكرها

واجب كلنا نتقدم نرسم للحدث والصوره
فرض العين يااصحابي جوله لحدا يخسرها

ذي قصر يكفر ذنبه حان الوقت قد جاء دوره
يعطي للجنوب الهبة ذي رب السماء قدرها

يخلص للشهيد والجرحاء ذي قد سددو الفاتوره
والاسرا بسجن المحتل تحت الارض به يقبرها

يخجل يستحي يتحرك مثل الناس بالمعموره
كم له بايضلي صامت لا فعاليه يحضرها

لو شارك بفعله يفخر يزداد البهاء في نوره
يرفع بالقبيله راسه بين الناس لايخسرها

وسط البيت يصبح قايد يشفي عينه المعووره
يحكي ماحصل لولاده بالجولات ذي سطرها

بالميدان كلن يبذل في نفسه وفي بابوره
والمهجر يقدم دعمه كلن خبرته يسبرها

يدعم للشباب الواعد والاصحاب في مقدوره
حق النقل حق الجلسه من روس الزكاه يأمرها

لازم للتحدي نقبل ناصنع للحدث بالصوره
هذه معركه سلميه فيها شوكته نكسرها

المحتل يعرف قدره عند الامه المشهوره
التحرير حتما" قادم ربي بالسما ينصرها