[حيد حديد]

من قصائدي في مهرجانات الحراك في وادي عمد
اخوكمك ومحبكم ابوراضي
*****************
من قلب ثائر نظمت ابيات ثوريه=واعلنت باسم الجنوب العربي الثوره

ماهي في السر ثورتنا علانيه=ثوره مجيده بعون الله منصوره

ثورة حراكي مباديه حراكيه=مؤمن بما يطلبه شعبه وجمهوره

ثاير وشاعر وله وفي الشعر شعبيه=في ساحة الشعر دايم لولي دوره

شاعر ولموال ماتغيير مباديه=مايلعب المال بأحساسه ولا شعوره

حسه من الشعب لي من دون حريه=من كثر غيظه خرج من دايرة طوره

واقسم بربه معد عاش الرفاهيه= مادامت امته مغتصبه ومقهوره

باقولها في العلن ماهي بسريه=يسمعني المجتمع بالصوت والصوره

واحد من اثنين يادوله جنوبيه=وإلا الشهاده مع الثوار والثوره

يكفى كفاء غيض من قهر اليمانيه=واذناب للقرش مرتشيه وماجوره

باعوا تراب الوطن لغراض شخصيه=لا بارك الله في شلات ماموره

لسياد صنعاء اليمن واشيوخ قبيله=مشّوا قرارات همجيه ومنكوره

بالغصب ماهو بشي رغبه وحريه=من ماتبع رايهم بايغيبوا كوره

كل من تبعهم صبح في الراي تبعيه=بلغصب ماهو على كيفه ولا شوره

اذناب ماشي لهم رغبه ولا نيه=ثوره عليهم وعالحاكم وطابوره

ياشعبي الحر يكفي من عبوديه=ناضل وجاهد وخل اجهادك اسطوره

ناضل وجاهد على جبهات شعبيه=واجعل بلادك لهم اقبور محفوره

لك حق مشروع واهدافك مصيريه=لك حلها الشرع والعالم ودستوره

حقق مصيرك وجاهدهم علانيه=عند الاراده جيوش العزو مدحوره

بايندحر جيشهم بإرده اقويه=وانته قوي باس وإرادتك مشهوره

لازم يعود الشمالي لا شماليه=خلاص يرجع بلاده منتهي دوره

وتعود لرض الجنوب الحر شرعيه=من بعد ماالنصر في جوه يشع نوره

لصلاح والمؤتمر يرحل وطاغيه=مسمار للخيل في رخله وحافوره

والختم يابخبت من صلى على نبيه=وامسى يرتل على لايات في السوره —