|
شلوا الذهب والحلي شلوا السفن والمرافي= ردوا شموسي كسوف(جواب الشعيبي على شعيفان البكري
السلام عليكم ورحمة الله وبركاته بدع الشاعر عادل حسين صالح شعيفان البكري مرسل الى الشاعر أحمد الشعيبي بدع القوافي بوافي عالماً بالخوافي= هوه الغفور الروؤف الحمد لله مالهاجس يصف القوافي= بيصف ابوها صفوف لادآر بكري يطوف البحر في بدع وافي= لتماطرين الحروف يالله توكلت بسمك ونت لي خير كافي= جنبني أهل الكدوف يا هاجسي قوص بحرك لا تهم الزوافي= غامر ولجل الهنوف والان يا مرسلي اعبر بخطي مرافي= وشل زهرك قطوف والعطر مختوم متخصص لشبل الفيافي= وهده سلامي الوف بلغ سلامي الى الضالع وحتى جحافي= هم أخوتي والردوف عند الشعيبي تقدم دار بالجود وافي= هم يكرمون الضيوف لا ترجع الا وجبت الرد كافي وشافي= من كاملين الوصوف قال الفتى بن شعيفان ان ذا الوقت جافي= باقول ميتين آوف مليت من دجل اصحاب الرتب والكوافي= لفو بلدنا لفوف مليت ذا الجور ذي وسط اليمن والخلافي= والقمع يا كم نشوف معنا حكومه كما دفتر حسين الغلافي= والكارثه بالكشوف اقوالها ثانيه والفعل يأتي منافي= مليت من (سوف سوف) والفقر خيم ومتواجد بكل الحوافي= والجوع في كل جوف مسؤل عايش ورجلينه وسط ماء دافي= والشعب صايم عطوف الشعب نصفه مشرد بالغرب والمنافي= جارت عليه الظروف والغش مصحوب بالرشوه بكل المرافي= واللعب فوق الرفوف مرور في الخط مثل الهر بين الجيافي= وكل ساعه يحوف اما المدارس بلا تعليم والعلم مافي= ماهل بيبنو صفوف والكهرباء لاصيه ساعه وعشرين طافي=والشمع عج السقوف والطب الله يجيرك لو دخلت المشافي= مثله زريبه خروف لا الجيب مليان بيردوه مسكين صافي= بيشبضوها الوف والنصب والبطش للثروات ذي بالمصافي= والشعب عايش بخوف لا اتفجره من كريتر ما تقع شي عوافي= لما يزول الكسوف اما الجبال الرواسي انجبت جيش حافي= وهم رجال السيوف رجال ما تعرف الباطل جنابي رهافي= هم ذي يسانو العطوف والان بصرخ وبا نادي وبعلن هتافي= يا فاهمين الحروف فرصه اخيره لاصحاب النفوس الضعافي= يكفي طريق الهفوف باقي معاهم ثواني في الزمان الاضافي= رغماً عليها انوف وختمها بالنبي ما اتلاطمين الزوافي= والحاج ما مسى يطوف عد السهل والضفافي والجبال النيافي= على رسولي الوف جواب الشاعر أحمد الشعيبي على الشاعر بن شعيفان البكري قال الشعيبي هلا حيا بذيب الفيافي= ذي بالفيافي يطوف مرحب يزن ارضنا والشامخات النيافي=بعز واغلا الضيوف اهلا وسهلا بشاعر جيد للحق ووافي=شاعر ذكي فيلسوف نورت ياليافعي حياك يوزن جحافي=من سهلها لا الطهوف اهدا لنا بُن من يافع منقّى وصافي= وارسل زهور القطوف بارد له من عسل دوعن مع نس كافي = وله سلامي الوف ونْعِم بيافع بها كمن رجل جيد وافي=للحق دايم وقوف والساع ياهاجسي امطِر عليّا قوافي=متناسقات الحروف حروف من بحرنا بحر المُوَج والزوافي=بحر الذهب والصدوف جاوب على الشاعر البداع حسب القوافي=ومابقي بالكشوف اشرح ملامح تبان الظاهره والخوافي= واللي بتحت الغلوف بارد لك ياصديقي حرف كافي وشافي=يشرح جميع(البروف) اشتي جوابي يُحطّم كل من كان نافي=ذي هُم كبار اللقوف يتمشدقوا في الهُرى والصدق ضايع ومافي=كله هدر سوف سوف والشعب صبره نفذ بيده جنابي رهافي=شاهر بيده سيوف للحرب جهّز عُدد صَف الرصاص النحافي= جاهز لشعل القصوف من عام تسعين كم ذاق الجُرع والزعافي= ماذاق عذب الغروف مرة مئاسي خطيره بالسنين العجافي=والشعب مفزوع خوف الجوع دمّر كياني ما امتلك قرص حافي= الجوع دك النجوف معنا حكومه كما دفتر حسين الغلافي =والكاشفه بالكشوف سووا لها باب زين ، والنقش صنع الخزافي=وهيه زريبة خروف فيها القوارض فقط تشبه رمال الجفافي= كل المراعي جفوف والشعب قال اعقلوا وهم يقولوا عوافي= مُتحسنات الضروف لامدرسه صالحه لادكتره في المشافي=والطب كله وصوف لاعدل لاحرّيه ، حتى لمركز ثقافي = عيني لهم لم تشوف ردّو بلدنا غنيمه للاسف وختطافي=ياحسرتاً عالرفوف شلوا الذهب والحلي شلوا السفن والمرافي= ردوا شموسي كسوف وانا الذي لجل وحدتكم قطعنا المسافي= من اجل لم الصفوف ظلمت بنتي بكم واكسيتها بالزفافي=نقّشتها بالكفوف قلنا لها اليوم يوم النور لاشي تخافي= زوجش قبيلي رؤوف لا قصر صنعاء تحملنا الثقل والخفافي= من اجل زف الهنوف عالشرع زوجتها راضٍ وهو مكر خافي=غدر بكل الضيوف شهر العسل ماكمل الا وقام الخلافي=كنة يبينا خلوف و خانني بعدما لقّيت له ظهر قافي=في يوم بان الخسوف احتل شعبي وأرضي من حدود السرافي = لا السادسه أرض حوف واليوم بان الخبر ماقدمه كان كافي =بان الذي في الظروف ماظن وحده بباله بل يريد المصافي= قد له سنين لايحوف واضح مقالي لهم والكل جنبي وقافي= مترصده بالكهوف باعز بنتي انا بارّجع العذب صافي= حسب النسب والعروف ماطرح هنوفه لهم با شعل قصوره قصافي=من اجل رد الهنوف حذرت وانذرتكم بالمنتدى والصحافي= محد سمع للهتوف حبيتم الكذب من بعد اكتشاف اللحافي=والعصوره واللفوف والختم ما يهطل الماطر وما البرق رافي= على كميل الوصوف عساه يشفع لنا في يوم حامي وجافي=لي رحمتك ياروؤف ارجو ان تنال اعجاب الجميع تقبلو تحياتي وتقديري |
تسلم اخي العزيز
ابداع كبير بدعاً وجواب الله يديمكم حماه الجنوب العربي |
اقتباس:
نورت بتواجدك العطر يعطيك صحه وعافيه تقبل تحياتي |
اقتباس:
اصح الله لسانك جواب شافي وكافي يسكت اصحاب اللهوف ننتظر ابداعك بشوق تحياتي |
اقتباس:
يعطيك الف الف صحه وعافيه اخي العزيز اشكرك على المرور الطيب تقبل ودي وتقديري |
مشكووووووووووور اخي شعيفان البكري وصح الله لسانك.
|
بدع وجواب رائعين ..
صح الله لسان شاعرينــــــــــــــــا البكري والشعيبي.. |
صح الله لسان الشعرا
اشكرك اخي الشاعر شعيفان وصح الله لسانك والشاعر الشعيبي والله قصيده حلوه وتشرح عن الوضع في اراضيناء تــــــــــــســــــــــــــلــــــــــــــــمــــ ـــــــــــو |
تسلم اخي العزيز
ابداع كبير بدعاً وجواب الله يديمكم حماه الجنوب العربي |
|
Loading...
|
Powered by vBulletin® Version 3.8.12 by vBS
Copyright ©2000 - 2024, vBulletin Solutions Inc.