|
حن قلبي
الشاعر علي الهلالي
حن قلبي حنين الطير واردف حنينه@ حن زايد بزايد ان انات مظلوم@ والسبل لالسبل زيد فراقه وبينه@ما تلاقو ولا لي بالقا اي معلوم@ داخلي نار شبت في حشائي سخينه@ حرقت داخلي والدم بالعرق مسموم@ والكبد يابسه سارة مع الحيد عينه@ واصبح العقل تفكيره مشتت ومهدوم@ هكذا حال من فارق رصاص المكينه@هكذا حال من فارق سلب سك مختوم@ لالمس بخمسه صدري بتنزل سكينه@ونضحك بايسلي قلب محروق مهموم@ وين جعما بسك ابيض وشرما حسينه@وين شرفا وابو ديره وقناص محكوم@ قال بن سالم ان الصبر طالت سنينه@ والصبر زاد والمطلوب واضح ومفهوم@ بله استعجلو ياسايقين السفينه@لاطمو موج متعجرف بواجهت حيزوم@ قررو حرب لو ذلارض ترجع عجينه@ لا تسوو حساب انسان فاشل ومهزوم @ هاجسي قال بارد السعيده حزينه@ واطوي السلم وارد اليمن اسم مشئوم@ جاهدو يا جنوبيين فرصه ثمينه@كل لاطم نسي ولا نسي اي ملطوم@ كبدو خصمكم ذلحين وقته وحينه@واتركو كل مندس له مصالح ومرسوم@ بله اتماسكو من ريفكم لالمدينه@سامحو من قلط محد من الناس معصوم@ اهدو المقبره رجال من كل عينه@ يرقم الدمع من كثره على الخد مرقوم@ وانزع العاطفه من القلوب الرزينه@ واجعل الخوف في كل الجنوبين معدوم@ ربنا ذه مسائل عبد ماسك بدينه@ واسئلك بعدها ان ينتصر شعب مظلوم@ كل واحد بعهده يلتزم لايخينه@ يؤي القبر ولاظل بالسجن معزوم@ والمنافق متى يصحى ويندي جبينه@عار عاراه ياعاراه ياعار يالوم@ كيف بعتم ضمايركم بحفنه مهينه@ واهلكم شتتوهم بين تايه ومهظوم@ بعد ذلحين كلن بايوضح ظنينه@يا معي ياعليا مانبي حل مقسوم@ في الوحول اسبحو ولااوقفو بالجنينه@مانبي شخص برمائي بيمشي وبيعوم@ خيرة الله عليكم اقطفوها شنينه@ قد ربح من قطف زهره وهي راس حمحوم@ مايفيد الندم ياهل البطون السمينه@مايفيد البكا لاسرت بالدين ملزوم@ راس كمن بطل مالان لاالصخر لينه@عاد ينزاد به سيعه اذا سار تقدوم@ تظحيه لاجل ارض الحر نفسه مهينه@ لااوي من يروح رد عنا ومنظوم@ لارجع منهزم ولااوي من يعينه@اح من قبري انهد اوببطن او بحلقوم@ قلت ماارضا باذلالي ولاابقا رهينه@ منتظر حل من غيري وهو يبقا السوم@ دام والحل بيد الشعب والطين طينه@هم مقاتيل هم سجنا وهم شعب محروم@ والمصاب اسمعو نوحه ونقمة انينه@ يسهر الاهل من حوله وفارقهم النوم@ عاهدو من سكب دمه ويتم بنينه@ساعفو من ربط صوبه وجا اول القوم@ قلت ياخوان محلا المكعسه والذنينه@ذي بتخضب بدم احمر على الراس مدهوم@ ون نزل حار سوا رقمته علفلينه@وردة الحب من عاشق هداها بمفهوم@ للحبيب الذي لازلت ساكن بعينه@كم تحمل ونا ساكت وهو ظل مئلوم@ جاء وقت اللقا يظمني في حضينه@ قدتزينت في عطري وبالكار مبروم@ هاانا ياحبيبي فيك روحي دفينه@ منك خارج وليك ارجع ولي فيك مقسوم@ |
صـــــــح لسانك يالغالي علي الهلالي وبيض الله وجهك ابيات قوية وحماسيه رائعه جدآ جدآ الله يحفظك ويرعاك ننتظر جديدك كل الود والتقدير |
|
Loading...
|
Powered by vBulletin® Version 3.8.12 by vBS
Copyright ©2000 - 2024, vBulletin Solutions Inc.