|
عميا وبتخضب لمجنونه
كلا يقــــــــول اليافعي كــــلا @ ما عاد نقبل ما يقولونــــــه رابع سنه بالمجلس الأعلــى @ عميا وبتخضب لمجنونـــــــه ما حد بهم على النبي صلــى @ كأن فيهم جن مسكونــــــــــة ما شي تقــدم من ذو أتولــى @ ولا أعترف نهجه وقانونــــه علـــــى المبادئ كلن تخــــلا @ ومن دفع أكثر يطيعونــــــــه وشعبنا بالصبر يتحلـــــــــى @ محتار بين أسيوف مسنونـة بعد التصالح قسموه أشـــــلا @ الى نفق مظلم يودونـــــــــــه تيــــــــار بالمليـــــــونية أدلا @ ولأخر لعصيان يدعونــــــه توقيتــها دعــــــــــواتهم هبلا @ ومن يعارضهم بيقصونــــه كلـــــــن علــى الثاني بيتبـلا @ والشعب في حيرة يخلونــــه عقدين ما يحصل على لأكلا @ بالعافية الماء يلاقونــــــــــه وهم بيتغدوا لــــــــحوم أطلا @ والقات من ذحله يجيبونــــه أولادهم بالمرتبـــــــــة لولى @ ويفعلوا كل ما يريدونــــــــه والكيمرا بالطابـــــق الاعلى @ تحرس على بيته وصالونـــه وذي بناء لـــه قصر بالأولى @ والمشترك يدفع له المونــــه وأهلنـا أسرا وكــــــــم قتـلا @ ومن الى منفاه ينفونــــــــــه ومن جرح مـــا حد له أتولى @ ولا بمستشفى يداوونـــــــــه خلافهم ع المصلحة يحـــلا @ على قضيتنا يحيكونــــــــــــه الحل ولأغيره لهم حـــــــلا @ المجلس الأعلى يحلونـــــــــه وننتخب من عندهم عقـــــلا @ حب الوطن بروح يفدونــــــه هدفهم الشعب الأبي يعــــلا @ للمجد والعليا يقودونــــــــــــه هذا وخير القــــــول ما قـلا @ ودل بالواقع ومضمونـــــــــه |
صحت لسانك ياشاعر الثورة كفيت ووفيت
|
|
صح لسان شاعر الجنوب المهاجر
تمثل المهاجرين 800 الف جنوبي اجمل واصدق قصائدك |
اقتباس:
|
اقتباس:
حياك ربي استاذي العبادل انت وامثالك اصل الوفاء لاعدمناك يارب |
لك التحيه وصح الله لسانك شاعرنا لحبيب :محسن صالح
|
اقتباس:
صح الله بدنك استاذي قلب قلب الجنوب النابظ ولاجمل مرورك الكريم وحسك الوطني لاعدمناك يارب |
اقتباس:
صح الله بدنك وجهك ابيض استاذي مناضل حر لاعدمناك يارب |
صحت لسان الحرف والمعني
وابيات مصفوفه تصيغونه الحل ليس الحل يامحسن لن الجماعه ذا يريدونه المجلس الاعلى هرم مبنى مطلوب نصلح من يقودنه تنظيم صارم صح يجمعنا هيئات تطرد من يعيقونه نجعل تعددنا لقوتنا اثراء للثوره بمضمونه تنافس التقديم للافضل وسيلة التنويع مضمونه مليونية يدعي لها واحد وكلهم لازم يعينونه والاخر العصيان يتولا والكل واجب ان يلبونه محد يعارض ماطرح لول ولايعرقل مايريدونه وحدة قياده تنبثق عنهم تنسيق جبهة نار مرصونه خط الوسط والباك يتبعهم هجوم نحو الخصم يردونه |
|
Loading...
|
Powered by vBulletin® Version 3.8.12 by vBS
Copyright ©2000 - 2024, vBulletin Solutions Inc.