|
من م/مكيراس الشاعر المرحوم السيد قاسم محمد عبدالله
هذه القصه ارسلها الشاعر الكبير قاسم محمد عبدالله الى اذاعة لندن للاشتراك في مسابقة للشعر الشعبي وحاز على جائزة من الاذاعة نضراً لابداعة المتميز وفكرة العميق وسرد الاحداث التي كانت تدور بطريقة سلسة ومفهومه البدع ياسين لي ما الله هو قدر ========== الملك له والبقا له هو العزيز البار خلق وفرق صور في كل ما صور =========لا لو ن في الخلق يشبه لون في الاقطار من قال كن كان يتكون بما قدر ===========بالكاف والنون هوه الحاكم الجبار يقول قاسم محمد بحر جوه بر دار ==========الفلك سين جيم ارقام في ما دار لقطار في اخطار والباقين تتفكر ===========ما همها الا تسمع نشرة الاخبار الميم ها دال يا نعمة برقم اخضر=========== والعين والدال بعده نار توكل نار والعين والسين تالي ينهي المنكر ==========من حول لا حول حسبتها هدف واعبار والشرق والغرب يتقارب ويتاخر=========== اخر زمان الذي اوصى به المختار من قرن لا قرن زارت كل قرن اكبر========== ما كان كانت من التاريخ والاثار ابن اليمن قال في التاريخ ما اتقرر=========== رينا بصرنا وفي من ما بصرنا ابرار عاد المشقات في رمز العماد اكثر=========== دقة عذاب الاله الواحد القهار ثمود بالجهل دق الصخر واتكبر=========== نزل عليه الغضب وجرعة الاشرار فرعون لما طغا في مصر واتكبر========== غرق وموسى خرج من داخل الابحار والشرق لوسط في التاريخ كم قد مر========== وفي اليمن كم قرون احوال واستمرار حمير سبا الترك عثمانين في الدفتر========== سعيد باشه وبعده هزت الاعصار امام صنعا سكن في زامه اتعمر============= عدن بريطانيه في جو بارد حار ميه وتسعه وعشرين عام ذي استعمر========== بعدين قامت وسارت مهرت الثوار اتقاتلو بينهم واعدائهم تبص==============ر لعداء تفرج وهم من بينهم دمار بعدين دار الفلك سبتمبر اكتوبر========== واتوحد الشعب كله امن واستقرار هذه تواريخ صادق حلمها عبر========= يا صاحب العقل خذ من شاعر الشعار اول نصيحة تثق بالله لا تضجر========== وحاكم الحق في الاعلان والاسرار الثانيه لا وليت اعدل بحق ازقر =========خذ حق بالحق واد الحق واحكم بار الثالثه لا تسي العايب صديق احذر========= ثاني حذر لا تسي السارق امين الدار الرابعه لا تكبر بالخطاء تصغر========== رع من تكبر صغر با يحط مهما طار والخامسه العلم يبني ناس ما تذكر======== والجهل يهدم بيوت العز بالاخطار والسادسه ما عبر بالامس واتعبر========= خذ به عباره لفاكر هو عبر وانذار السابعه لا تعرض للخطر تخطر======= تدخل في الخوف وانته في احسن استفخار الثامنه لا تسي في ارضك المنكر ==========تلذ عدوك وتنكر خيك في الاشوار فكيف من ذي يسير اعمى وهو يبصر======== يبصر بعينه وقلبه ما عرف لفكار في وقت تمشي وعينك ليمنك ليسر========= بعير يعصر وغيره يوكل العصار عينك بوجه الحكم يحلف ويتنور========== وهوه عينه بجيبك يرحم الدينار من سهر الناس بالباطل قفا يسهر========= ما يدخل الموج الا من قده مهار وجهل في جهل ضلم اعمى يناجي اصور====== يا داخل السوق لا تسال على لسعار لما ترى الحق والباطل قفا يقهر========== لكل ضالم نهايه تحكم الاقدار في حق ولا حنق او عرف او منكر======== وما ذريته صربته وانته بها حزار يا صاحب الحق جر والحق واتحزر========= لا تامن العيب لا تركن على المكار لا تدي السر ذي سره خطا يشهر========= لا تلحق الكذب عند الصدق فيه انكار |
يقول قاسم محمد فيني غبي ما براشي وسوت الكذب صادق ما بين مرشي وراشي قلنا لكم وقت سابق حبل امحسد حبل واشي وبعد جا وقت ثاني حنت جبال الرياشي معك معك لا يهمه وانته من ايدك معا شي ذيب الخلا يوم راهن وقال بيه رماشي ذكره عليهم حجابه امعارف اصبح مخاشي ضامي بسيله يبا ما ء من امضياح امجناشي يا ذي تبا الفيد تغنى جاك البرد في الرشاشي ذي بي كفاني حمدته وان الندم ما كفا شي نوبه من الجبح طارت ما حنت الا على شي يقول قاسم محمد فيني غبي ما براشي الحمر تهرج وتحكم وسوت الشي ماشي وذاك ذيده خليه طالت عليه المناشي وانته تشوفه بعينك وهم يقولون ماشي عينك بوجهه وعينه لمجيب شي فيه لاشي اما الخلي لا تكلم ما في السواعد عراشي وباع عمه لخاله وقام ذاك امعناشي والسارف ايقول عارف وبن الهواء ما درا شي ويش قربه ويش جابه يابدو سيلة رقاشي جاك الفنى واعترف لك وقلت ما عاد ابا شي سرا سرا يا مغني والنوم ما عاد جا شي واهله يشوفون رسمة وهم يقولون ماشي الحمر تهرج وتحكم وسوت الشي ماشي |
ياقاسم الوقت ولا غبنك علا الوقت غبنك نهار تقطع وتمنع وناس محد يزنك واليوم لا ما تخزن بي جي وبا يخزن ابنك ون امشقا ذي شقيته وجوع ذي وسط بطنك يقــول قاســم محـمــد مـن طــرب غـنـا وكل واحـد وهــو عاجـب على مغنـاه واهل السياسة تحيك الماء في المعنى واهل الدوع من جرى ما بلغه معناه قــــد الخشــب مـاتــوازت علـى المبنـأ والباني اكمل حجار الناس في مبنـاه جاء وقت لا تأمن اليسرى من اليمنى يضحـك بالانياب والباكـور فـي يمنـاه يقول قاسم محمد كل شئ من صفاة ~~~ الوقت موجة ولكن سيرتة لاقفاة سرقة غلا رشوة وي تضحك عليناامعضاة ~~ يوم امتعب للمواطن وامزلط لمقضاة وقولوا لمخوة محسن الوقت ذاك ~~ الاصدقاء أخوة ومخوة خيك لبيك جاك ما الوقت ذا امخا لخية يقول ابرز كذاك ~~ لا انته تباني ولا انا عاد قلبي يباك يقول قاسم محمد تاجر مضيع حسابه *** وذي بناء البيت بيدة ولا دراء وين باب |
قاسم محمد قال حيلت صاحب امعيب *** يضحك مع امراعي ويوكل مع امذيب
وحيلت حاكم امرشوة لاحاضر ولاغيب***عينك قدا وجهه وهو عينه على امجيب وحيلت سارق المهرا ورع في راسه امشيب** بينك وبين العدو يلعب ريب لاريب لاتكذب على غيرك وتصبح عبرتك خيب***ولاتدي كلامك ناس ماهي للشرف هيب ولاتبذل بمالك شبه لاخاطي ولاصيب*** ولاتلحق خطا العايب وتحنق عالم الغيب ولاتلحقشي السارف قل نستغفره تيب*** مضرابة ثلتعشر برد لصباح لهيب من بردها كم صبحت حيوان تعيب*** العين بالعين اكثرت اول تراحيب وبعد اتغيرت ايش السبب ياهل التجاريب***البحر في بطنه سمك يوكل سمك غيب يبا يدخل في الموجه ويدخل في المكاريب***وذي جرب نسي والوقت لياته تقاليب رقم الحا يفض الشين في كل المطاليب***وقع لاهل الهوا في كسبهم فقر اميعاقيب وبعض الناس ما تفهم بلفات التراقيب*** بصرنا فين ما رينا وقلنا ذه مكاتيب ياذي ما عرفت الهرج تحسب ناس تحسيب**لسانك طال وارجيلك عنادامشي تنشيب حسن هارون يضحك لك وقلبه بالخطر حيب**وقلنا كيف باكر جاب لك تاريخ برقيب |
قصيدة للشاعر قاسم محمد عبدالله (قرية سمع)
قاسم محمد قال من كل وما حسب يفقر وما يدري وبعدين سا حساب يحاسب قفا ما شلت امنود ما كسب والرد بعد المد يأتي في الجواب جاووقت لا يعرف تجامل ولا نسب يعرف عمل زارع على الشد والركاب ايتضحك الدنيا علينا بها العجب كلن يرى الثاني بعينه كما الذباب ونحن نقاطعها لباها على الطلب وهي شارد ايتلعب ولا باب سد باب ولا عاد نفهم وين شعبان من رجب رجعنا غشم نضحك مع ضحكت الشباب والجيد من حاذر من اللوم والعتب ومن قيل قال ايش سرح القيل ايش جاب كما إن الشرف اربي من القرش والذهب يوم الذهب يذهب وقول الشرف صواب ويا القلب حط الكبر في خانت الأدب وساير زمانك من دعاه الوفاء استجاب ويالهاجس اتنهجر على ضربة الطرب على دقة القنبوس والدف والرباب من أتحمل الدنيا على ضهره أنقطب اطرح ثقلها ضهرها اجله من التراب كما إن السمق ساق النسم يدخل الحنب حد يمحنه ماله يسي غوش وانضراب وحد في الهوا يا دان لشجان يا هلب يبا ما كرع من جو صافي بلا سحاب وحد جالس أيحسب حسابه بلا تعب ما جئ يجي فيها وما سار لمذياب وحد أيكيل الهم يا كيل يا مسب ضيقه بلا معنى ودعوى بلا جواب وصلوا على المختار هوسيد العرب محمد رسول الله وال آل والصحاب هذه القصائد نقلت منتديات مكيراس |
تشكر مردم جهنم .. وصح لسان الشاعر
|
رحم اللة الشاعر قاسم بن محمد
كان شاعر وحكيم ياليت اخي توافينا بالكثير من اشعارة |
شكرا اخي
اخوك باسل الساحر السبت 1 جمادى الأولى 1430 |
هذه ابيات للشاعر السيد قاسم محمد عبدالله عند ما حصلت كارثة يناير
يقول قاسم ويش ذه من ذنوب--------- من كل ارض ايتلايم واكتمل بالجنوب مبتال ذي شرعت واتماكرت بالعيوب------ عمل في امحيد لما اتكسرين امسحوب اتطاير امنوب لما نوب كل روس نوب------ وقع طير في اجباحه وشي للهروب |
وهذه من مقاطع من قصيده بدع وجواب مع شاعر من البيضاء اسمه محمد موسى العامري
قال العامري ريتك تقع زيدي تشوف المزيده واصحابها ---------- رع قد نشبنا بينهم وانتو لباكم تنشبون وواصل يقول سلم على الشطر الجنوبي ماتهز اهباها-------------اهل الوفا والمعرفه وايازنو ذي يعرفون حيث الحكومه في المطارح قسمت مسلابها---------مااصحابنا لاشي طلبنا منهم بايغلبون حيث المحافظ للمواطن والوطن كسابها----------- فارس ممارس للشرف والعز والصاحب زبون انا مواطن لامعي مدفع ولادبابها ---------- ماهل معي بندق قده خاسع غبوني بالغبون ماهل جليلاته خذيناها من امجلابها ----------- خذنا وقلنا انس لمجهال لا يسترهبون بو ناصر الليله عجيب النفس ثم اعجابها------- يالناس ذي دلو على اصوات الربابه يلعبون وهذه ابيات مختاره من جواب السيد قاسم محمد انبدع بحاكمها وواليها وهوه ادرا بها --------- يقول للشي كن على ملكه وملكه له يكون ثم قاسم محمد قال لو بالنفس ضيقه مابها ---------- لاتضهر المشكا على الاعدا الذي بايفرحون ذي قلتلي ريتك تشوف المزيده واصحابها--------- زيديك لك واحنا لنا الله ان تبو ان ما تبون ماقد بصرنا يوم حطو من طرف وادي بها--------- للعر لاحيد امعلم ايحكمو وايزهبون وامسا الرعوي في ذنه ليلت بلا يبلا بها --------- وامزيدي امسا يحلف انها ليلتك ام القرون شف هاجسك من حيث ماجت طارفه حيا بها----- ساعه مع امراعي ومن اكل الذياب ايتوكلون ماهاجسي مثل امجليله ساقها ضرابها ---------- قال امحجر فيها لبن وايتنقلب وانها لبون انكان بلي بل في يدي وقلبي احزر بها --------- وانكان بلك يكتبو خمسه وخمسه يشطبون |
|
Loading...
|
Powered by vBulletin® Version 3.8.12 by vBS
Copyright ©2000 - 2024, vBulletin Solutions Inc.