|
قال الكوكني ابو مافيش واظبية حبيل الريده ليتش تقربي للجما اهداء للقياده السياسية
بسم الله الرحمن الرحيم
الاخوه الاعضاء والعضوات والزوار الكرام السلام عليكم ورحمه الله وبركاته في البدايه كل عام وانتم بخير وشهر مبارك علينا وعليكم ان شاء الله تعالي وأعانا الله على صيامه وقيامة امس كان اخر ايام شعبان وخرت أشوف الدنيا والعالم والناس وم ادخلتوش وركبت مع واحد صاحبي بالسيارة وشغل لي اغنيه واظبيه حبيل الريده وانا جلست اسمها وبصراحه قلت بكتب عليها موضوع وبهديها الى قيادتنا السياسيه بيني وبينكم انا وجدت الاغنيه تعبر عن معاناة الشااعر وهي مثلها ألان معاناة الشعب لهذا ارجو من القياده السياسيه انها تسمع الاغنيه ويفتهم لهم بس لانهم هم ظبيه حبيل وطبعا الأحوال زفته في عدن والحالة أزفت والدنيا خربت مش مثل أول فين السنبوسه والباجيه والكالتكس والعتر وفين وفين كل حاجه غلا في غلا والشعب راتبه ما يكفيه يدفع حق الكهرباء والدولار طالع نازل تقول انه جالس في مرقص من مراقص الفاتح وبصراحة الحالة زفته جدا والدنيا غلا نااار واخوانا في الجنوب في جميع المحاظفات بيفطرون على مي والله كم في بيوت في الجنوب حالتها حاله يعلم بحالها الله وهذه الايام رمضان لزم على قيادتنا انها تجتمع وتجلس مع بعض وتصفى الشوائب من شان الجنوبيين وليس من شان مصلحه فلان او فلانة ونشتي المرة هذه جلسة كبيره وصغيره وهم يفهمو القصد والمقصود ونريد نتائج بما اننا من الشعب نريد شئ يفرحنا لانه الشعب بصراحه باقي له قليل وبيغني لكم اغنيه ياظبيه حبيل الريده واذا غناها الشعب بتكون بدون لحن او وزن وبيصدرها الى التاريخ والتاريخ بيني وبينكم ما يرحم احد يا قيادة نحن الشعب والمساكين مثلي جالسين نفكر نخرج الشعب في عدن في خامس ايام العيد نتعائد ونلبس فنائل بيضاء وعاده بنشوف كيف الدعوه بتكون لانه بصراحه لزم يخرج الواحد بوجه خلال رمضان وان شاء الله وانا كلي ثقه انه وجوهنا بتكون كلنا بيضاء لانكم في الاخير ابناء الجنوب والجنوب في ذمه كل شخص منكم ومراح نقول لكم انكم وطنين لاننا كلنا بدون وطن وانا جلست ادور على تعريف للوطن وجدت انه تعريف الوطن لقمه عيش وسكن وعلاج ودراسه ووظيفه ويوم جيت اشوف نفسي معي وطن او مافيش طلع مافيش بكل بصراحه لهذا كلنا بلا وطن داخل قصعه لبن جالسين فالان ان الاوان اننا نستعيد وطنا واللهم اني صائم http://www.soutaden.com/vb/showthread.php?p=218#post218 |
اهل السلى في سلاهم واهل العبادة يصلون
الكوكني ليلة 29 شعبان يتسمع لضبية حبيل الريدة ارجوا بأن تكون مسكتها للعيد كل عام وانتة طيب وجميع الاهل وشعب الجنوب |
اقتباس:
كان اول الواحد بالعيد يشتري من ست بدلات الى ثمان ذلحين من هذا الي يشتري ثنتين هذا قدة ابن مغترب وكان اول ثلاث وجبات ووجبة رابع للعصرية وعاد بعدالفطور ذاك الشاهي العدني وبعدالغداء العصير البيوتي وبعدالعشاء كل واحديشرب له 2 او ثلاثه قلاصات حليب وكانت الناس في نعمة والعلاج والتعليم والوظائف ماذلحين ولاشي من هذاكله ياعلي سالم البيض الله يرحم والديك شوف كم رجع شعب الجنوب والله العظيم الناس ماحصلت حق رمضان وتعال شوف البؤس في وجوههم في العيد الشعب يناديك يهتف باسمك يحمل صورك يريدك ترجعله نريدمنك ان تجمعهم تحت يدك وتحل كل خلافاتهم فانت الاب للشعب الجنوبي الشعب الجنوبي في ظلم كبير محروم محروم شعاره الحرمان الناس اصبحت شبه عايشه نريد منكم تحرك اقوى العشب جاهز ومستعدلاي شي المهم انتوا وانتوا فيكم الخير والبركة وتحياتي للكل. |
اقتباس:
الله يسامحك يا كوكني وكل عام وانته بخير انا رحت ادور على اغنيه ياظيبيه حبيل الريده وماحصلتها واتصلت بعبدالحكيم موفق وارسلها لي وصحيته من النوم بسببك وقلبت الاغنيه شمال يمين ولا فهمت غير في الاخير بصراحه انته خبيث ياكوكني هههههههههههههههههههه وكل عام وانته بخير خطييررررررررررررررررررررررررررررررررررررررررررررر خطيررررررررررررررررررررررررررررررررر ياكوكني انصحك تغير اسمك الى ابو في بدل مافيش طلعنا نحن مافيش والله |
واكوكني انا والله اول مرة اسمع القصيدة ياخي اكتب لنا كلماتها على شان نفهم كتير ولاخاف انته ولاحافظ منها شي بس معك المقطع الاول رع الدنيا رمضان مانقدر ندور مع الصيام
وانت عارف الحالة ايش رايك ولا انا غلطان |
اقتباس:
|
|
اقتباس:
|
اقتباس:
الله يسامحك وكل عام وانته بخير |
عمي الكوكني كل عام وانت بخير وشهر كريم على الجميع بصراحة ياعم الكوكني القيادات الجنوبية في الداخل والخارج عندهم اجازة طول شهر رمضان لان بعضهم قرروا ان يعتكفوا في المساجد الى يوم العيد والبعض الاخر قاعدين يجهزوا شنط السفر من شان يسافروا يعملوا لهم عمرة ويطلبوا المغفرة لان رجولهم قربت من القبور مثل حالتك ياعم كوكني ؛وطبعآبعد العيد بيردون عليك ويقولوا لك ماعليش ما شفنا موضوعك لاننا كنا مشغولين بالعبادة. على العموم سيبك من القيادات هذة الايام وركز في موضوع خامس ايام العيد فهو الاهم. تحية لك ياعم الكوكني. |
|
Loading...
|
Powered by vBulletin® Version 3.8.12 by vBS
Copyright ©2000 - 2024, vBulletin Solutions Inc.