حب عند المصـــــــــعد

[superman]

انا بصراحه قريت هذة القصه في احد المنتديات وحبيت انقلها لكم


(( حب عند المصعد))

(( الجزء الأول))
<< الساعة الرابعة عصرا من يوم الأربعاء >>
بوخالد : شوفي أنا بوقف السياره في المواقف وبجيك.. طيب
( بو خالد((ابراهيم)) (( يملك شركه)) متزوج حرمتين الاولى نوره(ام خالد) وعيالهم : خالد, مها, تركي, ساره,
حرمته الثانيه : (منيرة) ام خلود وعندها بس بنت : خلود
خلود : طيب .. بس لا تتأخر ماباقي شي على موعد الزياره
( خلود 22 سنه( آخر سنه رياضيات))بو خالد : الله يهديك وين ماباقي شي؟ باقي ساعه .. يالله انزلي
نزلت خلود من السياره ودخلت المستشفى وقفت عند المصعد وكان واقف واحد طويل وسيم ابيض لابس ثوب وشماغ وفي ايده باقة ورد وصل المصعد مد الرجال ايده عشان تدخل خلود
خلود: لا لا مشكور انا انتظر ابوي
ركب الرجال اول ماسكر باب المصعد وصل بو خالد
بو خالد : الى الحين وانتي هنا؟
خلود : ايه المصعد ما جى
انتظر بو خالد هو وبنته ولما جاهم المصعد طلعوا عليه ودخلوا لغرفة ام خلود وكانت حصه( ام نايف) وعيالها( نايف ، حنان) موجودين ( وكانت الغرفه غرفه خاصه يعني ما شاء الله كبيره )
بو خالد ، خلود : السلام عليكم (( تغطت ام نايف وحنان ماتغطت تعتبره مثل ابوها))
الكل : وعليكم السلام
خلود وهي مبتسمه : القمر وش اخباره اليوم ؟؟ ( سلمت على امها)
ام خلود : الحمدلله على كل حال
بو خالد: وشخبارك يام خلود ان شاء الله احسن من اول؟
ام نايف: لا الحمدلله احسن ..شوف الوجه ينور
( حصه (( ام نايف)) اخت منيره ام خلود زوجها متقاعد (( عبدالله بو نايف)) عيالهم : نايف , حنان ,فيصل)
من اول ما دخلت خلود ونايف ماشال عيونه عنها
نايف: شخبارك خلود؟
(نايف 25 سنه ( مدرس فيزياء))خلود ومنزله راسها : الحمدلله انت شخبارك؟
حنان : ياسلام تسألين عنه وانا بنت خالتك وصديقتك ماتسألين عني؟؟
(حنان 22 سنه (آخر سنه رياضيات وهي صديقة خلود))
نايف : انتي كل يوم تشوفينها بالجامعه اما انا صار لي فتره ماشفتها
خلود تبي تغير الموضوع: ها يمى تغديتي؟
ام خلود : ايه الحمدلله
بو خالد : ماتشوفين شر يا ام خلود
ام خلود : الشر ما يجيك تسلم
بو خالد : يالله عن اذنكم انا بروح اخلص ا شغالي وبجي اخذك يا خلود
هزت خلود راسها لبوها..طلع بو خالد من الغرفه
ام نايف شالت الغطا عن وجهها : هاا خلود شخبار دراستك؟
خلود قاعده بجنب امها وماسكه ايدها : الحمدلله يا خالتي تمام
ام خلود : يمى خلود مايصير تقعدين لحالك في البيت روحي بيت خالتك ..
خلود : يمى كلها كم يوم وبتطلعين من المستشفى ما يحتاج اروح وبعدين اخواني ساره وتركي قاعدين معي في البيت .. وابوي يمر علينا ساعات واحيانا ينام بعد
حنان : حتى انا وصديقتي نزورها
خلود : يمى لا تشيلين هم
ام خلود تكلم ام نايف : الله يخليك يا حصه انتبهي لخلود بعد عيني
ام نايف مبتسمه : جعل عمرك طويل ومحد راح ينتبه لها الا انتي
خلود : يمى وش هالكلام لا تقولين كذا !! ترا ازعل
نايف مبتسم : كل شي ولا تزعل خلود انتبهي يا خالتي
ضحك الكل وقعدوا يسالفون ..وبعد خمس دقايق راحت حنان بعيد عنهم تفتش بالغرفه لحقتها خلود
خلود : ابد ما تخلين عادتك وش عندك وش تدورين؟
حنان :ابد ولا شي بس بشوف يمكن الناس اللي كانوا هنا نسوا شي ما شيات
خلود بهمس : حنانوه فااتك
حنان لفت وجهها على خلود : وشو؟
خلود : وانا داخله المستشفى شفت واحد يقط الطير من السما
حنان : قولي والله ؟ وين شفتيه؟
خلود : تحت عند المصعد بس ياهو وسيم ترا يناسبك ههههههههه
حنان : صدق ؟ تكفين قولي لي وينه بروح ا خطبه هههههههه
جاهم نايف : وش عندكم مخلينا وقاعدين تسولفون لحالكم؟
حنان تسوي معصبه : سوالف بنات مالك خص
نايف : والله انك قليلة ادب شوفي خلود ما شاء الله عليها محترمه وخجوله وهاديه .. خلود عطيها شوي من اللي عندك
(خلود خدودها صاروا حمر ..)
حنان : اقول خلود خلينا نقعد مع خالتي ونسولف معها في ناس خربوا جونا
قاموا عند ام خلود وقعدوا يسالفون...
********************
(( في بيت ام خالد))مها نازله من غرفتها ورايحه للصاله وكانت ام خالد قاعده مع ساره اللي توها جايه من بيت ابوها
مها : يمى
(مها 22سنه (آخر سنه قسم عربي) مغروره وشايفه حالها وتغير من خلود))
ام خالد : وش تبين ؟؟ وبعدين ليش ما تسلمين على اختك ؟؟
مها : اوووه.. بعدين انا اكبر منها المفروض هي تسلم .. المهم ما علينا بروح بيت عمي
ام خالد : وش عندك في بيت عمك؟
مها : بروح اقعد مع بنت عمي اشوي اشتقت لها ما شفتها من زمان
ساره : يا كذبك خلود تقول انكم دايم مع بعض في الجامعه
((ساره 18سنه ثانويه عامه وتحب خلود عكس اختها مها )
مها معصبه : شوفي اولا لا تطرين لي اسم هالمخلوقه خلودووه ثانيا انتي مالك دخل فاهمه ولا لأ؟
ام خالد : وجع اللي يوجعك لا تحترمين لا كبير ولا صغير ما تشوفيني قاعده قدامك؟ ولا ترفعين صوتك بعد؟
مها زعلانه : يمى اسفه بس هذي بنتك هي والخايسه خليدووه مالهم دخل فيني
ساره ( تغيظ مها) : ابي اعرف انتي ليش ما تحبين خلود ؟؟ لانها اشطر واذكى منك؟ ولا لأنها اجمل منك واعقل منك؟
مها : وع عليها الله ياخذها مفشلتني في الجامعه تصدقين يمى البنات اللي بالجامعه يقولون لي ما نصدق ان خلود اختك ولا كأن ابوها تاجر .. يمى ملابسها ووع تفشل هي مع بنت خالتها
ساره عصبت : شوفي عاد اذا ملابسها تفشل هذا لانها متواضعه ولا هي بمغروره مثلك
دخل تركي عليهم
تركي : السلام عليكم
((تركي 20 سنه( سنه ثاني ادارة اعمال))الجميع ما عدا مها : وعليكم السلام
ساره : زين انك جيت تكفى خذني لبيت خالتي ام خلود البيت هذا يخنق
قامت ساره والبست عباتها
تركي : وش السالفه وش فيكم هذيك (( يقصد مها )) ماده البوز وانتي تبين تنخنقين وش فيكم؟
ام خالد زهقانه : يبون يذبحوني هالبنات كل ما قعدوا مع بعض تخانقوا
ساره : بسم الله عليك يمى بس بنتك ترفع الضغط
مها معصبه : انتي اللي ترفعين الضغط والسكر
سار : الا انتي اللي .........
تركي وقف بينهم : هي هي هي بس بس وش فيكم اجيب لكم سكاكين تذبحون انفسكم وتفتكون؟؟ يالله ساره قومي نروح بيت ابوي اريح على الاقل والواحد يقدر يرتاح وينام
طلع تركي مع ساره
ام خالد معصبه : الله يا خذك من بنت تبين تنحشين كل اللي في البيت يالله قومي انقلعي روحي بيت عمك ولا تجين
قامت مها وطلعت فووق تلبس عباتها ونزلت تحت
مها : يمى خالد فووق ؟؟
الا خالد تو يدخل البيت
خالد 23سنه موظف (( في شركه ابوه))
خالد : لا مو فوق هذا انا
مها : ول مسرع ماجيت
خالد حب راس امه وقعد : وش تبين فيني وش عندك؟؟
مها تلخبطت : هااا مابي شي بس حبيت اشوف انت هنا ولا لأ... يالله مع السلامه
خالد : وين وين ؟
مها : خل امي تقولك
طلعت مها ولا عندها في اخوها
ام خالد : خلها تولي بتروح بيت عمك اذتنا الله ياخذ ابليسها
خالد : ول ول وش فيها مهيووه.. بعد ساره مو هنا ولا كان قلنا متهاوشين
ام خالد : الا ساره كانت هنا وتهاوشوا وراحت بيت ابوك حتى ما شبعت منها
خالد : يمى الى متى تركي وساره يقعدون هناك ليش ماتجي خلود هنا احسن واخف؟
ام خالد : كان تصير جريمة قتل ؟؟
خالد : ههههههههههههه الله يهديها مها ما خلت احد بحاله... يالله يمى عن اذنك بروح انام
******************
( الساعه خمس انتهت الزياره طلعت ام نايف ونايف وراهم خلود وحنان وهم طالعين شافوا بو خالد واقف مع رجال)
خلود تدق حنان بكوعها : حنان هذا هو.. هذا هو
حنان وقفت عن المشي : زين شوي شوي ذبحتيني ..وينه ؟وبعدين من هو؟
خلود متلخبطه : هناك شوفيه مع ابوي ..شوفيه .. هذا راعي المصعد
تلفتت حنان وشافته : ايه شفته ايه والله صدقتي يطيح الطير من السما .. ولا طلع يعرف ابوك يا بختك
خلود : تتوقعين يشتغل عنده بالشركه ؟؟
حنان : والله جايز لان شكله 24 او 26 سنه بعدين انتي وش عندك تسألين عنه؟؟
خلود : اشششششش هذا ابوي جا
حنان : يالله اجل مع السلامه بروح الحق على امي واخوي
خلود : مع السلامه
بو خالد : هاا شبعتي من امك ؟
خلود : ايه يبى الحمدلله
بو خالد : اجل يالله مشينا
(( خلود ودها تستفسر عن هالرجال بس شلوون؟؟))
*********************
(( في بيت بو سعود))
بو سعود((حمد))((يملك شركه)) كان متزوج حرمتين الاولى هي نوره (( ام خالد حاليا)) وهي طليقته طبعا.. عندهم ولد واحد : سعود.. الحرمه الثانيه : ام تهاني (( متوفيه من 4 سنين)) وعندها بنتين: تهاني,نسرين
بو سعود كان في المطبخ يسوي له بيض دخلوا عليه بناته
تهاني : افااااا افااااا بو سعود يسوي بيض وانا راسي يشم الهوا
(تهاني 22 سنه.. آخر قسم رياضيات وهي صديقة خلود وحنان)راحت تهاني واخذت المقلى من ابوها وكملت .. قعد بو سعود على الكرسي عند طاولة الطعام وقعدت جنبه نسرين
بو سعود : اجل وين سعود؟
نسرين : يدخل سيارته .. الحين يجي
( نسرين 19 سنه .. قاعده في البيت )خلصت تهاني من البيض وحطته على الطاوله وجابت الخبز وقعدت دخل عليهم سعود من الباب الخلفي
سعود : يوووووه ريحة زفر وش مسوين ؟
(سعود 26سنه (يشتغل مع ابوه في الشركه ) ومتزوج عبير(25 سنه) بنت عمه وتوها جايبه بنت)تهاني : مسوين بيض لبوي ليش ما جبت له غدا من المطعم؟
سعود : وليش انتي ما سويتي له غدا؟
تهاني : انت عارف اني ماجيت من الجامعه الا العصر وبعدها رحت معك المستفى مايمديني اسوي قول لا ختك اللي قاعده في البيت
بو سعود : بس انتي وياه انا اشتيكت لكم؟
نسرين : يبى ليش ما تتزوج عشان ترتاح؟
تهاني : ليش يتزوج هذا احنا عنده ومو مقصرين وبعدين انتي قاعده في البيت لا شغله ولا مشغله
تضايق بو سعود وقام ولا كمل اكله
سعود بشويش : الله يقلع لسانك كذا سديتي نفس الوالد ؟ هذا هو قام ولا كل..
تهاني زعلانه : والله ما كان قصدي .. نسرينووه ليش تفتحين له موضوع الزواج هو اشتكى لك؟
طلعت تهاني لحقت ابوها تبي تعتذر منه
نسرين : مدري ليش تهاني ما تبي ابوي يعرس!!
سعود : والله انكم غريبات العاده الصغيره هي اللي ماتبي ابوها يعرس انتوا صاير عندكم العكس.. ما علينا.. وش رايك في بنوتي الحلوه؟
نسرين : ياربي تجنن قمر والله قمر طالعه علي
سعود : ايه بااين .. حبيبتي هي طالعه على ابوها وبعدين غصب تصير حلوه لان امها وابوها حلوين
نسرين : عدال لا يطيح نصك
سعود : ايه موتي من القهر .. المهم انا بروح اكلم حبيبتي عبوره احسن من اني اقابل وجهك
نسرين مبتسمه : ول عليك توك شايفها.. بعدين احمد ربك اني قعدت معاك
سعود وهو طالع من المطبخ وبصوت عالي : الحمدلله لك يارب
دخلت تهاني
تهاني : وش فيه اخوك ؟
شالت تهاني الصحن وراحت تغسله
نسرين : مبسوط ببنته الله يحفظها له.. ها اعتذرتي لبوي؟
تهاني مبتسمه : ايه والحمدلله رضى علي .. وسألني عن عبير وبنتها ويمكن الزياره الثانيه يروح لها وانا بروح معاه بتروحين ؟
نسرين : لا ماني رايحه كم مره اروح تونا جاين منها
تهاني : كيفك .. بصراحه ما شبعت من بنت اخوي
**********************
(( في بيت بو سلطان))
بو سلطان((سعد))(( شريك اخوه(حمد) بو سعود بالشركه)) وزوجته فاطمه (( ام سلطان)) وعيالهم :عبير, سلطان, اشجان) بو سلطان قاعد مع زوجته بالصاله
بو سلطان : اجل وين العيال من بعد الغداء ما شفتهم؟
ام سلطان تصب القهوه لبو سلطان : رايحين لا ختهم المستشفى
بو سلطان : شخبارها الحين بعد الولاده؟
ام سلطان : والله بخير .. الله يعينا على نفاسها وجمعت الحريم
بو سلطان : كم اخذت من ولدت 9 ايام؟
ام سلطان : لا تسع ايام اليوم يصير لها.... السابع
(( في هاللحظه دخلوا العيال))
العيال : السلام عليكم
سلموا على امهم وابوهم وقعدوا
ام سلطان وابو سلطان : وعليكم السلام
اشجان : يمى لو تشوفين رنوووودي تجنن يا دلبي عليها
((اشجان 20 سنه (ثاني سنه قسم دراسات اسلاميه))سلطان : ايه والله يمى تهبل تشبهني
سلطان 23 سنه( تو متخرج ولا لقى له وظيفه وتخصصه هندسة كمبيوتر )
ام سلطان : الله يحفظها ان شاء الله لامها وابوها
بو سلطان : وش رنوودي ؟؟ هذا اسمها؟؟
ام سلطان : لا اسمها صعب رماد مدري رمال
اشجان وسلطان : هههههههههههه
اشجان : يمى اسمها ريناد ري ناااا د
بو سلطان : وشو؟؟ ليش ما سموها فاطمه ولا حتى نوره على اسم ام سعود؟؟
سلطان : وش هالاسماء القديمه .. خلاص يبى هالاسماء تنفع للعصر الحجري
اشجان : الحين مافي الا ريناد ورهاد وريماس و....
ام سلطان : بس بس وش هالاسماء الصعبه
اشجان :هههههههههههههههه
بو سلطان : زين عبير شخبارها
اشجان : الحمدلله بخير تسلم عليكم
بو سلطان : الله يسلمك ويسلمها .. متى راح تطلع؟؟
سلطان : مدري هي تقول يوم الجمعه
اشجان قامت : يالله عن اذنكم بروح انام من جيت من الكليه وانا مانمت
سلطان : حتى انا بعد بروح عند الشباب
بو سلطان : وش شبابه روح دور لك على وظيفه
سلطان قام يعدل شماغه : وش وظيفته الحين العصر ما ينفع ادور يوم السبت الصباح ان شاء الله اني بدور
ام سلطان : انت لو ترضى وتشتغل مع ابوك في الشركه كان ارتحت
سلطان : الشركه ما أبيها كل العايله موجوده فيها بدور لي شي يختص بتخصصي
بو سلطان :اسمع اذا تقفلت عليك كل الابواب لعاد اشوفك عند باب الشركه فاهم؟
سلطان وهو طالع : فاهم وصدقني شركتكم مابيها
********************
(( في بيت بو ناصر))
بو ناصر((سلمان)) اخو ((بو خالد)).. مدير المدرسه اللي فيها نايف. وزوجته لطيفه (( ام ناصر)) وعيالهم: ناصر ,نهى ,ماجد, مي .
ام ناصر : يا ماري ماري ... مي يا مي
دخلت نهى على امها
نهى : وش فيك يا يمى تصارخين؟
(نهى 20 سنه( ثاني سنه عربي) صديقة مها بنت عمها ومن نفس طينتها)
ام ناصر : روحي افتحي الباب ما تسمعينه؟
نهى : الا يمى سمعته وكنت بفتحه بس سمعتك تنادين وجيتك ... هذي اكيد انها مها
قامت نهى وافتحت الباب لمها سلمت عليها ودخلتها داخل..سلمت مها على مرت عمها
ام ناصر : شخبارك ؟ وشلون امك وابوك؟
مها : بخير يا خالتي يسلمون عليك
نهى : يمى عن اذنك بنروح غرفتي نذاكر.. يالله مها قومي
ام ناصر : شلون تذاكرون ومها اكبر منك؟
نهى : هااا... ايه يمى بس تخصصنا واحد يعني عندنا مواد متشابهه .. يالله مها
طلعوا فوق ومروا على الصاله اللي فوق وكان فيها مي وماجد
مها : السلام عليكم عيال عمي
قام ماجد فاتح ايدينه يعني يبي يحضن مها( يبي يرفع ضغطها) : هلا وغلا هلا بالزين كله هلا بحبيبتي
ماجد 19 سنه( اول سنه محاسبه)مها : وخررر انت وجهك هذا اللي ناقص بزران يبون يحضنوني
ماجد مسوي زعلان : افاااا ليش تجرحيني يا بنت عمي انا احبك واموت فيك تكفين تزوجيني!!
مها : مجووود وووجع خل عنك هالخرابيط .. شخبارك مع المحاسبه؟
ماجد ( صار طبيعي ) : الحمدلله ماشي الحال
مها تطالع ناحية مي ورفعت صوتها شوي : زين.. مي وش فيها ماتبي تسلم علي ؟
قامت مي وسكرت كتابها بتروح لغرفتها ولما قربت عند مها : لاااا ماابي اسلم
(مي 18 سنه ثانويه عامه .. وصديقة ساره بنت عمها ومعاها بنفس الفصل)مها وهي معصبه : مالت عليك يعني انا اللي ابي اسلم عليك
نهى : ما عليك منها ولا تنسين علاقتها با ختك ساره .. يالله بس تعالي ابي ارويك المكياج اللي شريته..
ماجد : وانا اجي ابي اشوف معاكم ..
مها : ماجد خل عينك على كتابك زين بابا
وراحوا للغرفه وقعد ماجد على التلفزيون طلع ناصر من غرفته التفت عليه ماجد
ماجد : هلا يابو الشباب
ناصر مستعجل وطالع من الصاله : هلا فيك
(ناصر 24 سنه موظف في بنك)ماجد يكلم نفسه : وش فيهم هالناس راحوا وخلوني بروحي ... ما علي منهم خليني اتفرج على ام بي سي تو احسن لي

يتبع

[superman]

(في بيت بو نايف )
بو نايف قاعد بالمجلس دخل عليه نايف
نايف : السلام عليكم يبى
بو نايف : وعليكم السلام
نايف : شخبارك ؟؟ وشلون المزرعه ؟
بو نايف : الحمدلله والمزرعه تو جاي منها وبصراحه يبي لها شغل
نايف : والله يا يبى من تقاعدت وانت بهالمزرعه وكل يوم يبي لها شغل .. الله يقويك ويعطيك الصحه والعافيه
بو نايف : الا فصيل اخوك وينه مااشوفه؟؟
( فيصل 20سنه ( سنه اولى حاسب الي المفروض سنه ثاني بس عادها)نايف : مدري عنه سألت امي تقول مع الشباب في الاستراحه
بو نايف : محد مدمره الا امك
نايف : يبى وش فيها اذا قعد الاستراحه مع الشباب عادي ما فيها شي
بو نايف : مافيها شي ؟؟ ايييه الشكوى لله
نايف : اقول خل عنك فيصل وقوم توضا الحين بيأذن المغرب
بو نايف قام : على قولتك الصلاه ابرك من فصيل
وقام نايف ورى ابوه
**********************
((في الصاله حنان تكلم خلود بالتلفون ..))
حنان : يعني يوم السبت ما علينا الا الواجب هذا
خلود : ايه وباقي المحاضرات دروس جديده
حنان : زين .. الا تعالي تهاني شخبارها من بعد الجامعه وانا ما دريت عنها العاده اول ما تجي البيت تدق!!
خلود : انا قبل العصر دقيت عليها وقالت انها بتروح تزور مرت اخوها توها والده..
حنان : اهااا.. طيب والحين كلمتيها.. ولا هي دقت عليك؟
خلود : لا.. اول ما جيت قعدت مع ساره وتركي
حنان : شخبارها ساره ان شاء الله بخير ؟
خلود : الحمدلله بس متهاوشه مع مها
حنان : هذي مها ما تخلي احد بحاله ابد لا في الجامعه ولا في البيت اشوى انك مو ساكنه عندهم ولا كان صارت علوم
خلود : يا بنت الحلال انا ماعلي منها اهم شي ابوي .. الا على طاري ابوي تصدقين انه ماتكلم عن الرجال اللي كان وياه بالمستشفى لما كنت معه بالسياره؟
حنان : وانتي وش دخلك بالموضوع عشان يتكلم معك فيه ؟؟
خلود انحرجت : هااا لا بس المفروض انه يسولف يقول لي وين راح ...من كلم .. يعني يسولف معي
حنان : لا والله لا يكون انتي امه ولا ابوه عشان يقولك .. ولا وش رايك اذا يبي يسوي شي يستأذن منك ؟
خلود : حناااان بلا بياخه انا ماكنت اقصد انا قصدي...
حنان : اشوفك مهتمه بهالرجال لا يكون بس اااا
خلود تغير الموضوع :هااا ..الا تعالي حنان انتي عرفتي حل هالمسأله بصراحه دوختني احس انها معقده
حنان : لا والله.. طيب يا خلود غيري الموضوع بس ماراح اخليك .. أي مسأله تقصدين؟
وكملوا سوالفهم
*************************
((بيت بو ناصر- غرفة نهى))
نهى : هااا مها جبتي اللي قلت لك عليه؟
مها : لا ماقدرت تو سألت عنه عند امي الا هو داخل علينا
نهى : يووووه حسااافه طيب متى راح تجيبينه ؟؟
مها : مدري والله انتي تدرين في الصباح هو في شغله وانا بالجامعه؟؟ انتي ليش مستعجله ان شاء الله بيجي يوم وهو عندي..
نهى : بصراحه انا خايفه يا مها وابي اتأكد من الموضوع عشان مااتوهق
مها : ليش خايفه ؟؟ انا قلت لك خليني اسأله؟
نهى : لا تكفين ماابيه يحس بشي .. انتي جيبي اللي قلت لك عليه انا عندي خطه جهنميه
مها : ما عليك .. تطمني راح اجيبه لك بس انتي لا تستعجلين ... يالله بس رويني وش شريتي ..
*************
طلعت مي من غرفتها شافت ماجد نايم على الكنبه نزلت تحت.. البيت فاضي ما في احد طلعت الحوش وقعدت شوي على الكراسي اللي برى.. طفشت قامت لبيت الشعر قعدت تدور لها شي.. مجله.. جريده تبي تسلي نفسها وهي تدور اسمعت صوت من برى راحت عند الدريشه وقعدت تطل شافت ناصر شايل كرتون كبير وفي الجهه الثانيه رجال يشيل معاه.. حطوا الكرتون بالارض
وقعدت تسمع ...
ناصر : مشكور يا محمد ما قصرت
محمد : العفو ولو احنا بالخدمه
ناصر : اتفضل .. اشرب لك شي
(( مي : يووووه لا يكون بيدخله هنا ؟؟ ))
محمد : معليش يا استاز ناصر دنا مشغول شويه
(( مي خايفه : اشوى))
ناصر : يابن الحلال اقعد اشوي الشغل لاحق عليه.. حالف عليك
محمد : طيب امرنا لله
وجى ناصر ومحمد صوب بيت الشعر
(( مي ميته من الخوف: ياااربي وش اسوي الحين بيدخل الرجال هنا وين اروح وين انخش .. يا ويلي من ناصر ياربي استر وش اسوي))
قرب ناصر ومحمد من الباب الا يرن جوال محمد
محمد : عن ازنك .. الوو ... .. ايوه ..ايوه .. اوكي دنا قاي دلوئتي.. مع السلامه ... معليش يا استاز ناصر خليها مره تانيه الشغل عاوزيني ضروري
ناصر : يالله مو مشكله مره ثانيه ان شاء الله
(( مي ارتاحت : اووووووف الحمدلله لك يارب))
راح ناصر ووصل محمد للباب وسكر الباب .. طلعت مي
مي : احم احم
ناصر مغزوع والتفت وراه : ووووجع خرعتيني ... وش عندك هنا؟؟
مي : كنت طفشانه وقعدت هنا شوي؟؟
ناصر معصب : لو اني مدخل الرجال هنا وش كنتي بتسوين ؟؟
مي خايفه : ناصر وش دراني انك جاي ومعاك واحد (( تبي تغير الموضوع)) الا اقول وش اللي بالكرتون هذا؟؟
ناصر يهاوش : مالك دخل يالله انقلعي روحي داخل وياويلك ان شفتك مره ثانيه هنا يالله
مي زعلانه : طيب
راحت مي بسرعه ودخلت داخل (( تكلم نفسها )) وش فيه هذا معصب ؟؟ واللي بالكرتون وشو؟ بروح اصحي ماجد عشان يشوف ويقول لي .. (( طلعت مي فوق وراحت عند ماجد))
مي : ماجد ... ماجد قوووووم
ماجد : اووووووه وخر عني وش تبين؟
مي : قووم نام داخل بغرفتك ؟
ماجد : ........
مي : مجوووود لا يكون ماصليت المغرب ؟؟ قوم .. يالله قوووم صل المغرب ولا بعلم عليك ابوي يالله قووم
ماجد : طيب طيب
قام ماجد وراح غرفته ... قعدت مي بالصاله تنتظر ماجد .. تأخر عليها
مي : وش فيه هذا تأخر ؟؟ بروح اشوفه لا يكون نايم بس؟
دخلت غرفة ماجد لقته نايم على السرير
مي بصوت مرتفع : ماااااااااااااااااااااجد قوووم صل
ماجد : روحي انقلعي صليت
مي : علي هالكلام.. اصبر هين اعرف انا الحين كيف اقومك
راحت مي عند ماجد الا شافت السجاده مفتوحه في الجهه الثاني .. قعدت على السرير
مي : احمد ربك ان السجاده انقذتك
ماجد : ميوووه اطلعي برا تراني مو فاضي لك
مي : قووم ناصر برى عنده كرتوون كبير مدري وشو ؟؟ قووم تكفى شووفه و قول لي؟
ماجد : خلاص اشووفه بعدين.. يالله اطلعي برا وطفي النور وسكري الباب وراك
مي عفست وجهها : زين
طلعت مي وسكرت الباب وراها الا تبي تعرف وش هالكرتون الكبير راحت عند الدريشه مالقت الكرتون عند الباب وشافت ناصر داخل طالع ... مي طفشت تبي تعرف بأي طريقه وش فيه هالكرتون؟؟
*********************
(( في بيت بو سعود))
بو سعود : يالله يا تهاني تأخرنا
تهاني نازله من الدرج : يالله هذا انا جيت
بو سعود : وسعود وينه ما هو برايح؟
تهاني : مدري والله لحظه ادق عليه
دقت تهاني على جوال سعود الا الجوال بالصاله
تهاني : جواله هنا .. اجل اكيد انه هنا
طلع سعود من دورة المياه وشاف تهاني وابوه بالصاله
سعود وهو ينزل اكمام ثوبه : هاا الحين بتروحون؟
بو سعود : ايه بتروح معنا ولا لحالك؟
سعود : لا روحوا انا فاتتني صلاة العشا جماعه بصليها هنا والحقكم
قام بوسعود : يالله خير ان شاء الله
طلع بو سعود وتهاني نزلت نسرين من فوق شافت سعود يصلي انتظرته لين خلص
نسرين : تقبل الله
سعود : منا ومنك صالح الاعمال
نسرين : منت رايح لعبير ؟
سعود : الا الحين بروح ؟ ليش تبين شي ؟
نسرين : ايه .. اذا ماعليك امر وانت جاي بليز جيب معاك عشا اوكي
سعود : وليش انتي ما تطبخين؟
نسرين : مالي خلق لا للمطبخ ولا للطبخ ... اه وينك يا عبير متى ترجعين البيت وتريحينا من هالطباخ!!
سعود : يا سلام يعني ما اشتقتي لعبير اشتقتي لطباخها؟؟
نسرين تبي تغيظ سعود : اممممم بصراحه انا اشتقت لها بس اشتقت لطباخها اكثر .. يعني انت عااارف ان عبير عليها ذاك الطبخ اللي ..
سعود رمى عليها علبة المناديل : اقوول بلا فلسفه زايده ولا تغلطين على حبيبتي
نسرين مبتسمه : ووش فيك زعلت انا ما قلت شي غلط ..هو صحيح ان...
سعود لبس شماغه وطلع : اقول قعدي هذري لحالك انا تأخرت على عبورتي
نسرين بصوت عالي عشان يسمعها سعود : يا بخت عبير لقت لها واحد يحبها كثرك
****************
دخلت خلود المستشفى ووقفت تنتظر المصعد وقاعده تتلفت يمين ويسار
خلود في نفسها : وينه ؟؟ ليتني اشوفه مره ثانيه ؟؟
وصل المصعد وطلعت عليه وصلت الدور اللي فيه امها وقعدت تدور الين ما وصلت غرفة امها
خلود في نفسها : شكله ما جى اليوم يالله ان شاء الله اشوفه بكره
دخلت خلود غرفة امها وسلمت عليها
خلود : شلونك يمى الحين عساك بخير
ام خلود : الحمد لله يا بنيتي ؟؟ اجل وين ابوك؟؟
خلود : انا ماجيت مع ابوي انا جايه مع تركي نزلني وراح
ام خلود : وشخبارك يا بنتي عساك بخير ومرتاحه؟
خلود ( والدموع مليانه بعيونها ) : مرتاحه يا يمى بس ناقصني وجودك معي في البيت ..
قعدت خلود تسولف مع امها ولا حست بالوقت الا بدخلت تركي عليهم
تركي : السلام عليكم ؟؟ شخبارك خالتي؟؟
راح باس راس خالته وقعد
ام خلود : بخير شلونك انت ؟؟ وش اخبار امك؟
تركي : الحمدلله بخير .. اهم شي انتي بشرينا عن صحتك؟
ام خلود تتنهد : ايييه الحمدلله على كل حال
تركي يكلم خلود : يالله خلود الزياره انتهت
قامت خلود وباست راس امها
خلود : يمى انتبهي لنفسك
ام خلود : انتي اللي انتبهي لنفسك ... تركي واللي يخليك انتبه لا ختك
تركي : لا تخافين خلود في عيونا
ام خلود : تسلم عيونك .. الله يخليك لهلك ويوفقك يارب
تركي : يالله خالتي ماتشوفين شر
خلود : مع السلامه يمى
انزلت خلود وتركي للدور الارضي ووصلوا عند البوابه
تركي : انتظريني هنا بروح اجيب السياره واجي طيب
خلود : طيب .. طيب
راح تركي وقعدت خلود بالكراسي اللي برى وقاعده تطالع يمين ويسار الا تجي عينها على الرجال اللي طلع من المستشفى دق قلب خلود بقوه وقالت بنفسها : اخيرا شفته مره ثانيه.. وفجأه تضايقت لانه مو لحاله معاه وحده !! اسألت نفسها : مين اللي معاه ؟؟ لا يكون زوجته بس؟؟ ولا شالت عينها الا لما راحوا بعيد .. وصل تركي وقامت خلود وركبت السياره... قعدت تفكر وتسأل نفسها؟؟ معقوله حبتيه يا خلود ؟ بس انتي ما تعرفينه و هوما يعرفك ولا درى عنك ويمكن هذي ثالث مره اللي تشوفينه فيها؟؟ طيب هذي زوجته؟؟ لا لا هذي يمكن اخته؟؟ طيب ليش موزوجته؟؟ ااااااه ياربي
تركي : هيييي خلود وين وصلتي؟
انتبهت خلود لتركي : هاااا .. معاك معاك .. بس ما سمعتك وش كنت تقول؟
تركي : والله منتي بيمي اللي ماخذ عقلك يتهنا به
خلود بنفسها : وين يتهنى به وهو مايدري عني
تركي : وش رايك نمر على ساره ونروح نتعشى بمطعم؟؟
خلود : على راحتك .. أنا ماعندي أي مانع
*************************
(( في بيت بو ناصر))نهى تسلم على مها عند باب الصاله
نهى : يالله مع السلامه حبيبتي واماااانه لا تنسين اللي اتفقنا عليه
مها : افاااا عليك اعتمدي علي الله ثم علي .. يالله مع السلامه
نهى : مع السلامه
كان بين باب الصاله والحوش 4 درجات.. قبل لا تنزل مها من الدرج طاحت شيلتها بالارض انزلت تاخذها ومارفعت راسها الا يصدم فيها ناصر لانه كان مسرع ولا شافها قدامه
مها معصبه : عمى اللي يعميك ماتشوووف؟؟
ناصر معتفس : آسف .. اعذريني والله ما شفتك ... لا يكون تعورتي بس
مها (( من طرف خشمها)) : لا ماتعورت بس وخر عن طريقي
وخر ناصر وقعد يراقبها لين ما طلعت من البيت
ناصر يكلم نفسه : ول عمى اللي يعميني مره وحده ؟؟ بس ما عليه مقبوله منك يا عسل
دخل ناصر الصاله وشاف نهى
ناصر : من متى ومها هنا؟
نهى مشغوله بالتلفزيون تغير من قناه لقناه : من العصر..
ناصر : وليش ماقلتي لي انها هنا؟
نهى التفتت عليه : وليش اقولك ان شاء الله؟؟
قعد ناصر جنب نهى : نهى حبيبتي .. مها تحبني مثل ماانا احبها ؟؟
نهى تطالع فيه با احتقار : عمرها ما فكرت فيك اصلا
ضاق صدر ناصر ليش مها ما تحبه وش ناقصه ؟؟ وليش هو يحبها ويموت فيها ليش متعلق فيها لهدرجه؟؟*********************
(( في بيت بو نايف -- الساعة 12 بالليل حنان تسولف مع خلود على التلفون ))
حنان : خلود وش فيك ؟ احس انك زهقانه ؟ هذا وتوك جايه من المطعم .. وش سالفتك ؟؟
خلود زهقانه : مدري وش فيني يا حنان احس ان ضايق صدري مدري ليه وما ني قادره انام
حنان : يوووووه طيب ليش كل هذا ؟؟ خالتي فيها شي؟
خلود : لا امي بخير ما فيها شي
حنان : اجل وش فيك ؟ وش اللي مكدر خاطرك لهدرجه؟
سمعت حنان صوت برى غرفتها
حنان : خلود .. لحظه اشوي كأني اسمع اصوات برى الغرفه
خلود : طيب
طلعت حنان من غرفتها شافت فيصل متكي على نايف ويمشي بصعوبه .. خافت حنان
حنان : نايف وش فيه فيصل ؟؟
نايف : اووووووش اسكتي لا تفضحينا وتصحى امي ولا ابوي
حنان بشويش : زين قولي وش صاير ؟؟
نايف : حنان واللي يرحم والديك ادخلي غرفتك بكره اقولك .. وفيصل ما فيه شي شوي تعبان
اسمعت حنان كلام اخوها ودخلت غرفتها واخذت سماعة التلفون
حنان : هلا خلود
خلود : هاا من وين طلعت هالاصوات؟
حنان : هذا نايف .. الهم ما علينا قولي لي وش فيك؟
خلود : اقولك شي بس ما تهاوشيني؟؟
حنان : قولي ما راح اهاوشك
خلود متردده : طلع متزوج يا حنان
حنان : من هو؟
خلود : راعي المصعد
حنان : تتكلمين جد؟
خلود : ايه والله اليوم شفته بالمستشفى ومعه زوجته
حنان : خلود .. أنا مااقولك من جد انه متزوج .. من جد انتي حبيتيه؟؟
خلود : ............
حنان : خلود ما دريت انك حماره .. معقوله تحبين واحد ما شفتيه الا اليوم ولا تعرفينه ولا يعرفك؟
خلود : مدري يا حنان بصراحه من شفته وانا قاعده افكر فيه حاولت اطلعه من راسي ما قدرت
حنان : والله انك مو صاااحيه .. وبعدين هذا هو طلع متزوج وش لك فيه؟؟
خلود : لا لا شكلها مو زوجته ..
حنان : لا تخبليني توك تقولين زوجته والحين مو زوجته .. تكذبين على نفسك؟؟
خلود : مدري بس ما سيت انهم متزوجين شكلها اخته
حنان : طيب واذا طلعت اخته وش راح تستفيدين؟
خلود : على الاقل راح ارتاح انه مو متزوج
حنان : خلوود عن الخبال بس
خلود : وش فيك حنان .. هو يعرف ابوي يمكن يوم من الايام بوي يعزمه
حنان : واذا اعزمه بتروحين له بالمجلس ؟؟
خلود : هاااا ... مدري يا حنان وبعدين لا تخليني اندم لاني قلت لك
حنان : والله كيفك يا خلود انتي عقلك براسك ومنتي بغبيه فكر زين وصدقيني ماراح تسفيدين شي
خلود : .............
حنان تتثاوب : يالله طسي أنا بروح انام وانتي خلك مع راعي المصعد
خلود : هههههههه طيب بس ان شاء الله تجربين الحب وراح تعذريني بعدها
حنان : ايه خلاص .. يالله تصبحين على خير
خلود : وانتي من اهله واحلام سعيده
قفلت خلود السماعه واخذت الراديوا وقعدت تقلب الا سمعت مقطع حلو من اغنية ام كلثوم
(( طول عمري با ئول لا أنا أد الشوء وليالي الشوء ولا ئلبي أد عزابوا عزابوا ...... وا ئبلتك انت لئيتك بتغير كل حياتي ما اعرفش ازاي أنا حبيتك ما اعرفش ازاي يا حياتي من همسة حب لئيتني با احب .... آآآه لئيتني با احب وادوب في الحب .....
***************************************

يتبــــــــتع الجزء التاني

[superman]

(( الجزء الثاني))
(( غرفة خلود))

سارة تصحي خلود من النوم : خلود ... خلود قومي وش ها لنوم ... خلووود
خلود : كم الساعة الحين؟
سارة : الحين الساعة وحده الظهر
خلود : وشو الساعة وحده ؟؟ يوووه تأخرت وما صليت الظهر
سارة : اخاف الفجر بعد ما صلتيها؟
خلود : لا لا الحمد لله صليتها اصلا ما نمت الا بعد صلاة الفجر
سارة : زين يالله قومي أنا وتركي ننتظرك على الغدا
خلود : سارة آسفه لاني ما طبخت لكم اعذريني يا قلبي
سارة مبتسمه : ولا يهمك ... يالله عاد قومي لا تتأخرين
ابتسمت خلود لا ختها وقامت من فراشها و سارة طلعت من الغرفه وخلود راحت تغسل وتتوضأ
*******************
(( بيت بو سعود – غرفة سعود))
سعود يكلم عبير على الجوال
سعود : آآه يا عمري مشتاق لك
عبير : خلاص هانت بكره بطلع من المستشفى و...
سعود زعلان : وبتقعدين بيتكم شهر
عبير : طيب وش اسوي يا قلبي تدري هذا البكر يعني لازم نفاسي عند امي
سعود : لازم تقعدين شهر ؟؟
عبير : يا قلبي يا سعود هونها وتهون اوكي ؟
سعود يغني : احبك والقمر يشهد ونجم الليل يا عمري .. احبك تشهد الدمعه ..احبك تشهد جروحي .. غرامك صار عنواني وانا قبلك بلا عنوان ..آآآه احبك يا عمري
عبير بخجل : وانا بعد احبك موت
سعود : حبي يصير انام عندكم في البيت؟
عبير : هههههههه لا ما يصير و اشجان وين تروح ؟؟ بس يصير انك تزورني
سعود : لا والله ... اصلا غصب راح ازورك وبجيك اول ما اخلص الدوام ولا راح اطلع الا .... 2 بالليل يعني بصير لززززقه
عبير : هههههههه احلى لزززقه يا عمري
صوت طقطقه على باب غرفة سعود
سعود : لحظه يا عمري ..... مين؟
نسرين : انااااا
سعود : ادخلي يا نسرين
فتحت نسرين الباب : قوم تغدا...
سعود يكلم عبير : تصدقين يا عمري من بعدك غداي وعشاي من المطعم!!
نسرين ارفعت صوتها عشان عبير تسمع : كذاااب ما عليك منه كل يوم أنا اطبخ له انهد حيلي من الطبخ
سعود : أنا كذاب هين يا نسرينوه
عبير : ههههههههه خلاص عمري روح تغدا
سعود : طيب وبعد الغدا برجع ادق عليك اوكي حياتي ؟
نسرين بشويش : ول عليك .. ما تشبع منها ؟
عبير : اوكي يا قلبي ... مع السلامه
سعود : مع السلامه ... امووووووواه
سكر سعود الجوال ورفع راسه ويشوف نسرين تبتسم
سعود : للحين انتي هنا ؟
نسرين : يا اخي احترمني
سعود : وش تبين ؟
نسرين : ابيك تنزل تتغدا
سعود : لا يكون انتي اللي طابخه؟
نسرين : لا تهاني
سعود : اشوى
نسرين مسويه معصبه : بلا اشوى بلا هم خلصنا يالله قوم
سعود قاعد يدور اقرب شي عشان يرميه على نسرين ولما التفت ما شاف الا غبارها... نزلت نسرين للصاله تركض .. وكانت تهاني تجهز السفره
تهاني : هيييي عن الخبال وش فيك ؟
نسرين : سعود يبي يضربني
تهاني : اكيد رافعه ضغطه تستاهلين
بو سعود : تعالي عندي ولا راح يقدر يلمسك
راحت نسرين وقعدت عند ابوها
نسرين بقهر : ايه والله يحسب نفسه هو الوحيد اللي عنده مره ذبحنا عالطالعه والنازله عبير وعبير
تهاني : يمى منك قولي الله يهنيه مو تحسدينه
بو سعود : بكره بتعرسين وبتذبحينا بزوجك وكأن محد عنده رجل الا انتي ههههههههه
نسرين تمثل : يبى خلاص استحي
تهاني باستغراب : انتي تستحين ؟؟
نزل سعود وتهاني راحت تجيب الغدا
سعود : وينها هالملسونه؟
نسرين تخبت ورى ابوها
سعود : ايه انخشي ورى ابوي الوعد بعدين
بو سعود : حدك عاد الا نسريني لا تلمسها
نسرين تسوي حركات بو جهها لسعود ترفع ضغطه ..وسعود يتوعد فيها... جات تهاني وحطت الصحن وتجمعوا على السفره وتغدوا
*******************
(( في بيت بونايف – الصاله))
الكل قاعد بالصاله ام نايف وبو نايف قاعدين على الارض يتقهون .. فيصل منسدح على الكنبه .. ومقابله نايف قاعد على الكنبه يطالع قناة العربيه دخلت حنان الصاله وكتابها بأيدها وراحت وقعدت جنب نايف
حنان بشويش : ناايف
نايف ووجهه على التلفزيون : نعم
حنان بشويش : وش فيه فيصل البارح؟
التفت نايف لحنان وبصوت خفيف : وش فيك انتي تبين تفضحينا؟ قلت لك ما فيه شي؟
حنان : ما فيه شي ؟ طيب .. يمىىىى
نايف دقها بكوعه : خلاص بعدين اقولك
ام نايف : نعم يمى
حنان مبتسمه : الله لا يهينك صبي لي شاي
قعدت حنان تتقهوى مع امها وابوها .. وبعد دقايق قام نايف وطلع الحوش شافته حنان قامت ولحقته .. راح نايف ناحية الكراسي وقعد وحنان وراه
نايف : وش فيك لا حقتني ؟؟
قعدت حنان : ابد ما ابي شي بس ابي اسولف معاك
نايف : مصره الا تعرفين وش فيه فيصل؟
حنان مبتسمه : اذا سمحت
نايف : بس توعديني ما تقولين لاحد خاصة امي وابوي
حنان : اوعدك والله ما اقول لهم
نايف : يا طويلة العمر البارح الساعة 12جاني اتصال من جوال فيصل .. رديت الا هو خويه وليد ..
وليد : نايف.. تعال الاستراحه الفلانيه واخذ اخوك ..
نايف : وش فيه فيصل؟
وليد : مدري وش اقولك ..
نايف : قول اللي عندك خلصني
وليد : بصراحه اخوك كثر شرب اليوم وطاح علينا ومو عارفين وش نسوي فيه قلت ادق عليك وانت تتصرف
نايف : يا عيال الكلب توهقونه ويوم يطيح عليكم تتبرون منه
نايف يكمل السالفه لحنان : وقفلت الخط ورحت له الاستراحه الا هو منتهي والباقي انتي شفتيه
حنان منصدمه : معقوله فيصل يشرب ؟
نايف : أنا نفسك ماكنت مصدق فيصل تغير كثير مو مثل اول
حنان : صدقت حتى بدراسته كان دايم ياخذ ممتاز والحين عايد السنه
نايف : رفقاء السوء لهم دور
حنان : وانت الحين وش بتسوي ؟
نايف : مدري..رحت له الصباح وكلمته وللأسف كلامي مااعجبه وقال لي مالك دخل فيني وانا مو بزر ومن هالكلام
حنان : ليش ما تقول لبوي؟
نايف : وش بيسوي ابوي بيحبسه في البيت ؟ ما عليك أنا راح احاول معاه وان شاء الله ينصلح حاله
حنان : الله يسمع منك
نايف : ....... الا خلود شخبارها؟
حنان : الحمد لله بخير
نايف : اتهقين شعورها نا حيتي كيف؟
حنان : شلون يعني كيف؟
نايف : يعني تسولف عني ؟ تحسين انها مهتمه فيني ؟
حنان : عاادي تسأل عنك احيانا
نايف : حنان تكفين كلميها في موضوعي ..
حنان : أي موضوع؟
نايف :قولي لها الزواج بعد ما تتخرج أنا موافق بس على الاقل نكتب الكتاب
حنان : تبي تخطبها يعني ؟؟
نايف : ان شاء الله بس ابي اعرف شعورها ناحيتي بالاول
حنان : امممممم خلاص ان شاء الله اليوم ولا بكره افتح لها الموضوع
نايف مبتسم : صدق .. يا بعد عمري يا اختي
*********************
(( في بيت بو خالد – الصاله ))
مها : يمى .. اليوم بعد بروح بيت عمي زين
ام خالد : ما تشبعين من بيت عمك ؟؟ اقعدي اليوم اخوك سعود بيمر علينا
مها : وش اسوي فيه يعني لازم اقعد معاه كفايه ان انتي موجوده
خالد : حتى أنا بكون موجود
مها : شفتي هذا خالد بيقعد واكيد ابوي بعد بيقعد
بو خالد : لا لا أنا مشغول وبعد العصر بطلع
مها : يمى يكفي انتي وخالد
ام خالد : من متى ما شفتي سعود ؟؟ يا بنت استحي وقعدي مافي روحه لبيت عمك
مها مدت البوز ... رن جوال خالد وطلع برى يكلم .. مها شافت خالد برى على طول تذكرت نهى وراحت فوق لغرفة خالد..
افتحت باب الغرفه سكرته بشويش شغلت الكمبيوتر ... افتحت نافذة المسنجر سجلت ايميل خالد في ورقه فتحت صفحة الانترنت شافت المحفوظات ... سجلت اسماء المنتديات اللي يدخلها خالد واخذت اسمه المستعار.. سكرت كل شي وطفت الكمبيوتر وطلعت من الغرفه
مها : اوووووووف الحمد لله .. تمت العمليه بنجاح
انزلت تحت وقعدت تترجى في امها الا ترضى لها وتخليها تروح لبيت عمها .. امها وافقت بس قالت لها بعد ما يطلع سعود تروحين.. دخل خالد الصاله
مها : وش هالاتصال اللي يخليك تطلع برى وتكلم؟
خالد : هذا واحد من الشباب
مها : واحد من الشباب تطلع برى وتكلمه ليش ماكلمته هنا؟
خالد : مهيوووه انتي تعرفيني أنا مااحب هالخرابيط
مها في نفسها : ما تحب الخرابيط ؟؟ ايه هيييين علينا هالكلام
ام خالد : شوفي ان ماسكتي عن اخوك ما تروحين لبيت عمك
مها : خلاص يمى تووبه هااا بسكت ما ني متكلمه
اخذ خالد الجوال ودق على اخوه تركي
خالد: السلام عليكم
تركي : هلا والله وعليكم السلام
خالد : وينك يا اخوي لا نشوفك ولا تسأل ولا تدق
تركي : وش اسوي مشغول بدراستي وبخواتي
خالد : يا اخي ليش ما تجي خلود عندنا على الاقل كلنا مجتمعين
مها مو عاجبها كلام خالد وتقول بصوت محد يسمعه : يا ويلكم ان جبتوها هنا والله لذبحها
تركي : حاولت فيها وكم مره اقول لها بس ما في فايده
خالد : اذا ماتبي كيفها بس انت وساره لازم تجون تزورونا ولا نسيتوا ان عندكم اخوان واهل
تركي : وش دعوى يا اخوي كل يوم اذا راحت لأ مها أنا وسارة نجي البيت بس انت ما تنشاف
خالد : اليوم أنا قاعد في البيت ولا بعد سعود راح يمرنا تعال انت وساره اوكي
تركي :صدق ؟ سعود بيمر عليكم من زمان ما شفته النجس .. الا امي شخبارها؟
خالد : بخير الحمدلله .. يالله اجل اخليك الحين اذن العصر بقوم اصلي ... سلم على خلود وساره
تركي: ان شاء الله.. فمان الله

[superman]

في بيت بو ناصر ))
بعد ما طلع بو ناصر وناصر وماجد للصلاه راحت مي تركض لبيت الشعر تبي تعرف وش كان بالكرتون اللي امس ؟؟
دخلت لبيت الشعر وشافت شي جديد (( طاولة بلياردو))
مي تكلم نفسها : بس .. طاولة بلياردو !! وانا على بالي شي مهم وحلو مالت عليك يا ناصر كل هالازعاج على هذي .. الحمد لله والشكر راحت مي غرفتها ودقت على سارة
مي : السلام عليكم سارونه
سارة : هلا وغلا وعليكم السلام
مي : شخبارك وش مسويه؟
سارة : الحمد لله بخير انتي شخبارك؟
مي : الحمد لله عايشين .. ها بتجينا اليوم؟؟
سارة : ايه ان شاء الله.. اول ما يجي تركي من الصلاه وننزل خلود عند امها اجيك على طول
مي : يعني يبي لك نص ساعه تقريبا ..
سارة : تقدرين تقولين كذا
مي : سارة .. وش رايك تجيبين خلود معاك من زمان ماشفتها
سارة : مدري بصراحه خلود ما تحب تطلع بس بحاول معاها
مي : ايه حاولي معاها.. زين وش سويتي في الاحياء ذاكرتي؟
سارة : ايه ذاكرت فصل وباقي فصل
مي : يا حظك سبقتيني أنا ماخلصت الفصل الاول
سارة : مي لازم ناخذ 15 هذي ثالث مو لعبه
مي : اكيد لازم نجتهد .. وبعدين عندنا بكره كله ... اليوم خلينا نرتاح من المذاكره
سارة : خلاص صار لا تنسين جهزي الكيرم والورقه ههههههه
مي : خلاص اوكي .... يالله مع السلامه
سارة : حياك حبيبتي ....
*************************
( في بيت ام خلود – الصاله))
ساره : خلوود
خلود تقرا الجريده : نعم
سارة : وش رايك اليوم نروح بيت عمي
سكرت خلود الجريده : بيت عمي ؟؟ لا لا ماني رايحه .. بعدين انتي عارفه لازم ازور امي
سارة : مو شرط الحين اذا جيتي من عند خالتي نروح
خلود : بس انتي تعرفين نهى ماتحبني وانتي بتقعدين مع مي أنا وين اروح؟؟
سارة : قعدي معانا.. اليوم معطينا انفسنا اجازه وراح ننبسط كثير
خلود متردده : امممممم مدري والله
سارة : خلاص ماعلي منك تجين يعني تجين
دخل عليهم تركي
تركي : السلام عليكم
خلود وساره : وعليكم السلام
تركي : يالله ما جهزتوا؟
خلود : يالله بروح البس عباتي
تركي : وانتي يا سارة ؟
سارة : مو رايحه بعد ما ترجع خلود من المستشفى مر علي وودنا بيت عمي
تركي : خلود بتروح بيت عمي ؟؟
سارة : ايه .. وش فيك مستغرب صح؟ هذا بفضل الله ثم فضلي أنا اقنعتها
تركي : ايه والله شي غريب .. بس تصدقين زين سويتي على الاقل تغير جو.... زين انتي قومي البسي بنروح البيت
سارة : مالي خلق اروح اشوف مها ترى أنا مروووقه وما ابي اخرب مزاجي
تركي : ما عليك من مها .. ما اشتقتي لامي ولخالد ؟؟
سارة : الا وودي اشوفهم بس مها بتسد نفسي
تركي : ماعليك منها ان غلطت عليك أنا بوقفها عند حدها .. على فكره سعود بيكون موجود
سارة مبسوطه : قول والله .. اجل خلاص بروح من زمان ماشفته والله مشتاقه له ولسوالفه
جاتهم خلود
خلود : يالله تركي أنا خلصت
تركي : يالله سارة روحي البسي عباتك
سارة : يالله ثواني بس
طلعوا من البيت وركبوا السياره وكان تركي حاط على ام بي سي اف ام واندمجت خلود مع الاغنيه وراحت عالم ثاني (( عمــــري ماتمنـــيت شـــــي قد ماتمنيت اشوووفك .. واروي عينــــــي من حلاك وتلمـــــس كفوفي كفوفك لا تعيشني بخوووف وتعتذر لي بالظــــروف.. لا تعيشني بخوووف وتعتذر لي بالظــــروف حتـــى أنا عندي ظروف يمـــكن اصعـــب من ظروووفك))
وصلوا المستشفى ونزلت خلود وكانت تتمنى لو تشوف راعي المصعد....
********************************
(( في بيت ام خالد – عند باب الشارع))
خالد : هلا وغلا بالقاطع هلا تفضل
سعود حب خشم خالد : هلا فيك .. شخباركم؟
خالد : حنا بخير بس نسأل عنك؟
دخلوا داخل الصاله
سعود : ما شاء الله العايله كلها هنا مجتمعه
ام خالد : هلا وغلا بوليدي .. كلنا مجتمعين عشانك
سعود سلم على امه واخوانه قاموا يسلمون عليه
تركي : حيا الله بو ريناد شلونك ؟؟
سعود : والله بخير الحمد لله
مها : ليش ما جبت لنا ريناد نشوفها ؟؟
ام خالد : ايه والله ليش ما جبتها ؟؟
سعود : خلاص بكره عبير بتطلع من المستشفى واجيبها لكم ان شاء الله
((ام خالد ماتبي تروح لبيت بو سعود بحكم انه طليقها ))
سارة : اكيد حلووووه صح ؟
سعود مبتسم : الا قمر تشبه امها ..( مد سعود جواله لساره) خذي تلقين صورتها بالاستيديو
ام خالد : شلونك مع عبير ان شاء الله مرتاح؟
سعود : الحمد لله مرتاح لاخر درجه
مها : والله يا بختها لقت لها واحد جميل ويحبها بعد ليتني الاقي واحد مثلك
سعود بغرور : ده بعدك أنا مالي مثيل هههههههه
ام خالد : الله يحرسك من العين ويوفقك يارب
سارة : سعود ... ترى ارسلت الصوره وسويت لك اقتران يا ويلك ان مسحته
سعود : لا ماني ما سحه وانتي بعد يا مها سوي لي اقتران علشان ما تلعبون علي
مها : ههههههه عشان ما نصيدك بس ولا يهمك بسويلك... اشوووف عطيني الجوال ابي اشوف الصوره
ام خالد : اجل وش اخبار مرتك ان شاء الله بخير؟
سعود : الحمد لله تو جاي من عندها وتسلم عليكم كلكم
خالد : اقول سعود وشخبار شركتكم؟
سعود : والله بخير .. بس ترا في منا قصه لا تناشبونا فيها
خالد : ههههههههه المناقصه من نصيبنا ان شاء الله
سعود : ايه بنشووف من اللي بيربحها
(( قعدوا يسالفون يضحكون ... جات الساعة خمس الا خمس ))
تركي : يالله عن اذنكم بروح اخذ خلود من المستشفى ... يالله سارة
قامت سارة وحبت راس امها : يالله يمى مع السلامه ... مع السلامه جميعا
**********************
(( بعد صلاة العشا – في بيت بو ناصر))
مي : حيا الله من جانا تفضلوا
دخلوا البنات بالصاله وقعدوا
مي : خلود وش اخبارك وشلون امك ان شاء الله طيبه ؟
خلود : الحمد لله بخير .. انتوا شخباركم وشلون عمي ؟
مي : والله بخير
سارة : اجل وين نهى ؟؟
مي : فوق مع اختك مها
خلود بصوت صغير لساره : كملت مها ونهى .. شوفي أنا بدق على تركي يا خذني
سارة : خبله انتي والله ما تروحين
مي : وش فيكم ؟
سارة مبتسمه : ما فينا شي ... المهم جهزتي العده
مي : ابد كل شي جاهز
دخل ناصر بالصاله شاف خلود وصد
ناصر : احا احا عندكم احد غريب؟
مي : لا لا هذول بنات عمي تعال ادخل
دخل ناصر : السلام عليكم
البنات : وعليكم السلام
ناصر وهو يطالع خلود : انتي خلود ؟؟ والله تغيرتي .. شخبارك ؟
مي : تغيرت للأحسن ولا للأسوء
ناصر : الا للأحلى بكثيييييير
((خلود انحرجت ودها الارض تنشق وتبلعها وهي اذا انحرجت لازم خدودها ووجهها يصيرون حمر))
سارة : افااا وانا مو مليانه عينك ليش ما تسلم ؟
ناصر : آآآسف شخبارك سارة وشلونك بالدراسه؟
سارة : الحمد لله بخير
ناصر : ممكن اقعد معاكم ؟
مي : ايه عادي ما فيها شي
قعد ناصر : خلود .. ليش ما تزورينا دايم ؟ شوفي ما شاء الله سارة كل خميس عندنا ومها تقريبا كل يوووم
خلود وعيونها بالارض : ودي بس امي مريضه لازم اكون بجنبها
ناصر : ايييه ما تشوف شر... وش اخبارها الحين؟
خلود : الحمد لله بخير
(( لحظة سكووووت))
ناصر :انتوا متأكدين ان عااادي اقعد معاكم؟؟
سارة : ايه عادي وش فيك منت بغريب
ناصر : بس يمكن خلود مو ما خذه راحتها خلاص أنا بقووم
خلود بخجل : لا عادي يا ولد عمي .. خلك معانا
(( تعودت خلود على الجو وعلى مي وناصر وقعدوا يسالفون ويلعبون ويضحكون حتى ماجد جاهم وقعد معاهم وكانت جلسه ولا اروع))
(( في غرفة نهى))
نهى ميته من الفرح : مشكووووووره يا مها والله ماقصرتي
مها : ولو احنا بالخدمه .. بس قولي لي وش بتسون في الايميل والمنتديات؟؟
نهى : امممممممم اولا بسجل في المنتديات وبرد على مواضيعه وبتميلح عليه بشوفه يعطيني وجه ولا لأ... وبعدين بسوي ايميل ثاني غير اللي عندي وبضيفه وبصير صديقته واخليه يقول لي كل اللي في قلبه وبكذا بعرف هو في قلبه احد؟؟ ..وبعرف بعد يحبني ولا لأ ؟؟
مها : والله انك خطيره ... طيب افرضي انه عرفك وش راح تسوين ؟؟
نهى : لا ماراح يعرفني وكيف يعرفني ؟؟ انتي ما عليك حطي في بطنك بطيخ صيفي وخلي كل شي علي
مها : انتبهي يا نهى اخاف انه صدق يحبك لكن اذا عرف انك مسويه هالحركات يقلب عليك ويكرهك
نهى بخوف : ان شاء الله مايصير الا الخير..
مها : زين .. أنا جيعانه ابي آكل
نهى : يالله ننزل تحت وندور لنا شي نا كله
مها : يوووووه اخاف اشوف نصووور ترى حدي مالي خلقه
نهى : ناصرمو موجود يالله قومي
(( نزلوا نهى ومها للصاله ويسمعون هالضحك والسوالف ))
مها : انتوا عندكم احد
نهى : مدري والله خلينا ننزل ونشووف
(( نزلوا اشوي بحيث انهم يشوفون من اللي بالصاله .. شافوا سارة وماجد ومي يلعبون ورقه وناصر وخلود قاعدين يلعبون كيرم ويسالفون ويضحكون ))
مها معصبه : خليدوووه وش اللي جابها بيتكم ؟
نهى : مدري عنها .. شوووفي نصووور شكله مبسوووط فيها
مها : والله ما اخليها بعد تبي تاخذ ناصر مني والله ما اخليها هين
(( انزلت مها معصبه .. مسكتها نهى ))
نهى : هي انتي وش فيك ؟؟ هدي اعصابك توك تقولين مالك خلق نصوور والحين نصوور صار حلو لما شفتيه مع خلود
مها : أنا ما همني نصووور بس...
نهى : اجل وش اللي همك .. انه يطالع وحده غيرك ومين هالوحده خلووود ..
مها عصبت اكثر : وخرررري عني زين
(( انزلوا للصاله .. وخلود لما شافت مها وقفت على طول والكل قاعد يطالع مها اللي موصله حدها من العصبيه))
مها بصوت عالي : انتي وش عندك هنا ؟؟ كل مكان أنا اروح فيه الاقيك موجوده
قام ناصر : هيييييي مها وش فيك ؟؟ احنا مو بالشارع قصري صووتك .. وبعدين هذا بيت عمها وحياها الله بأي وقت
مها : لا والله وتدافع عنها بعد .. عجبك يا ست خلوود .. ناصر اللي ما عمره رفع صوته علي ويترجاني عشان ابتسم له يكلمني بهالطريقه ؟؟
مي : مها لو سمحتي احترمي نفسك واحترمي المكان اللي انتي فيه
مها : مي مالك دخل أنا اتكلم مع اختي ... ردي يا ابله خلود
(( خلود مو عارفه وش تقول قامت تبكي وراحت تلبس عباتها واخذت جوالها تبي تدق على تركي .. راح لها ناصر واخذ الجوال منها ))
ناصر : خلود .. وش تسوين ما عليك منها انتي في بيتنا مالها دخل.. يا شيخه انتي زين جيتي والحين تبين تروحين؟؟
خلود وهي تبكي : ناصر واللي يعافيك مالي خلق الهواش .. الله يخليك عطني الجوال ابكلم تركي
مها معصبه : وخررر عنها خلها تروح انت وش عليك منها
راحت سارة لخلود : خلود والله ماتروحين انتي جيتي معي بتروحين معي
خلود زاد بكيها : سارة أنا مااقدر على مها بليززز خلوني اروح
ناصر معصب : مها شووفي لك خيارين يا اما انك تطلعين فوق وماتنزلين أو انك تتطلعين برى البيت .. مالنا خلق مشاكل
مها : بعد تطردين يا نصووور هين أنا اراويك
(( وراحت مها فوق بتاخذ عباتها ولحقتها نهى ))
نهى : مها وش فيك صلي على النبي
مها معصبه : وخررري عني .. اخوك يطردني من بيتكم وتبيني اقعد بعد
(( انزلت مها ونهى وراها ))
نهى : يا مها يا حبيبتي لا تاخذين على ناصر هو مقهور لانك ماتعطينه وجه
مها وهي تلبس شيلتها : يطردني عشان خلووودووه والله راح تندمون كلكم .. وخري عني انتي بعد
(( طلعت مها من بيت عمها .. وراحت نهى للصاله ))
نهى معصبه : زين عجبك الحين يا استاذ ناصر .. يالله خذ راحتك معاها اقعد واضحك وانبسط
ناصر : اقول انقلعي بس لا تخليني احط الحره فيك
نهى : لا بعد اطردني من بيتنا
ماجد : نهى خلاص روحي فوق خلصينا كفايه اللي صار
مي : خلاص أنا اللي بطلع فوق .. يالله خلود يالله سارة
ناصر : انتظري يا مي محد رايح فوق الا هي
نهى : اقول لا تسوي فيها رجال ويعني كلمتك هي اللي تمشي ماراح اطــ ....
(( ارتفع ضغط ناصر وراح لنهى وشدها من شعرها وقعد يضربها وراح ما جد وفكهم ووخرنهى ))
ماجد بصراخ : خلاص اطلعي غرفتك.. ناصر وش فيك هذي اخرتها تمد ايدك على خواتك؟؟
(( راحت مي تجيب كاس ماي لناصر ))
خلود تكلم سارة وهي تبكي : أنا السبب لو اني ما جيت كان ماصار اللي صار
سارة احضنت اختها : لا والله مو منك هذا كله من مها هي اللي تحب المشاكل
مي : خذ يا اخوي وهد نفسك الموضوع ما يسوى ولا يستاهل
بعد ماشرب ناصر الماي : خلود أنا آآسف على اللي صار .. اعذروني كلكم
(( طلع ناصر فوق لغرفته وماجد راح لنهى .. اما مي قاعده تهدي بخلود وتحاول تسكتها و ساره دقت على تركي عشان يا خذهم))

[superman]

في غرفة ناصر ))
ناصر منسدح على سريره ويكلم نفسه : أنا وش سويت ؟ الحين خلود بتحرم تدخل البيت .. بس مها ارفعت ضغطي ونهى بعد كان لازم اقص لسانها .. بس أنا اول مره امد ايدي عليها !! ياربي وش قاعد يصير .. لا يكون مها تفكر اني مهتم بخلود عشان كذا هي عصبت ؟؟ معقوله تغير علي ؟؟ بس والله أنا ماحب الا هي .. ليش مها تفكر اني ممكن احب غيرها .. الحين شلون بترضي علي .. ياربي ارحمني ..
*********************
(( في غرفة نهى ))
ماجد فتح الباب اشوي وطلع راسه : ممكن ادخل
طالعته نهى ولا ردت عليه
ماجد : بليززززز
نهى وهي تمسح دموعها : ادخل وسكر الباب وراك
ماجد : نهى حبيبتي لا تزعلين على ناصر
نهى والعبره خا نقتها : يا ماجد ابوي ما مد ايده علي .. يجي ناصر يمدها ولا بعد عند بنات عمك
ماجد : اذا تبين الصراحه انتي بعد غلطانه .. انتي نرفزتيه بكلامك
نهى : .............
ماجد : وش رايك تروحين تعتذرين منه؟
نهى عصبت ودموعها على خدها : من جدك انت تبيني اعتذر له .. لو شيصير ما راح اعتذر له
ماجد : اوووووووف الله يهديك .. تراه اخوك الكبير لا زم تعتذرين منه
عصبت نهى : ماجد قلت لك ماراح اعتذر لأحد .. كفايه مها زعلانه علي وانا مالي الا هي .... (( قعدت تبكي نهى )) ماجد لو سمحت خلني بروحي
ماجد : بس يا نهى ...
نهى وهي تبكي : الله يخليك ماجد خلني بروحي
********************
(( في بيت بو سلطان ))

ام سلطان : يا أشجان ....... أشجان
أشجان طالعه من غرفة الجلوس الخاصه بالحريم : نعم يمى
ام سلطان : هااا رتبتي الغرفه ؟؟ حطيتوا السرير ؟
أشجان : ايه سلطان جاب السرير وانا فرشته وعطرته وضبطته
ام سلطان : سرير الصغيره لا تحطينه عند سرير امها
اشجان : ليش يمى ؟؟ انتوا اول كنتوا تحطون البنت جنب امها
ام سلطان : لا لا تحطونه بعدين الحريم يشوفون البنت ويعطونها عين .. خلي سرير البنت هنا بالصاله والناس اللي نعرفهم ومن اهالينا ندخلهم هنا يشوفونها
اشجان : اهاااااا ..طيب خلاص الحين اشيله واجيبه هنا
(( راحت اشجان .. ودخل ابوها وقعد مقابل زوجته ))
بو سلطان : هاااوش تسووون ؟
ام سلطان : نرتب الغرفه .. انت عارف بكره الصباح بتطلع عبير من المستشفى لازم كل شي يكون جاهز
بو سلطان : ايييييييه .. زين صبي لي قهوه
*************
في بيت بو سعود ))

(( الكل قاعد بالصاله ))
نسرين : تهاني ... بكره متى نروح لبيت عمي
تهاني : اكيد العصر
نسرين : تصدقين اشجانوووه لها وحشه من زمان ما شفتها
تهاني : بكره بتشوفينها وبتشبعين منها
سعود بوادي ثاني : آآآآآآآه واخيرا عبوره بتطلع من المستشفى
نسرين : من قدك يااااعم.. اكيد بتصير لهم لزقه و نوع امريكي ههههههههه
سعود : يحق لي الزق والله
بو سعود : بس كذا بيطفشون منك وخاصه اشجان ماراح تاخذ راحتها
تهاني : ومن قالك اصلا يا سعود انك بتاخذ راحتك مع زوجتك ؟؟ من 4 العصر الى 12 ونص تقريبا بيكون عندهم حريم وانت في الصبح بتكون في الشركه يعني ما عندك الا الظهر
نسرين : هههههههههههاااااااي يالمسكين
سعود زعلان : يوووووه تصدقين ما فكرت بهالشي .. بس مو مشكله اكيد بو سعود بيرضى لي اخذ ساعتين أو 3 ساعات في الصبح اجازه
بو سعود : لو تاخذ نص دقيقه بخصم عليك
نسرين : يحيا العدل ... يعني بس انت ولد راعي الشركه تبي تتسيب في العمل ؟
قام سعود يبوس راس ابوه : الله يخليك بس ساعه وحده
بو سعود : على حسب الشغل
سعود : ااااااه الله يلين راسك بس
نسرين : اقول تهاني .. خلود وش اخبارها مالها حس
تهاني : والله ما ادري عنها من امس
سعود : مين خلود ؟
تهاني : صديقتي اخت اخوانك ... عرفتها
سعود : ايييييييييييه بس بس عرفتها.. اذكرها يوم كانت صغيره وكانت جميله هي الى الحين حلوه؟
نسرين : ووووووووووول والله لعلم عليك عبيررر هييييييين والله لقول لها
سعود : هااااااا نسرينوووه يا ويلك ان قلتي لها .. وبعدين انا اعتبرها مثل اختي يعني عااادي
بو سعود : لا مو عااادي استح على وجهك انت رجال متزوج ما يصير تقول هالكلام
تهاني : يوووووه كبرتوا السالفه .. ما يسوى عليك سألت هالسؤال .. .. ايه خلوود ما زالت جميله وتهبل وفيها شوووي من ساره اختك
نسرين تمزح : وش رايك اخطبها لك ؟
سعود يمزح : اذا احلى من عبير اخطبيها بس مو تقولين لها
نسرين : هي احلى من عبير بشوووي
سعود : خلاص اجل اخطبيها
بو سعود : سعود العقل زين
سعود : وش دعوى يبى امزح مع نسرينووه الخبله ابيها توصل الكلام لعبير واشوفها تغير علي ولا لأ... وبعدين لو يجيبون لي ملكة جمال العالم غيرررر عبووورتي ما ابي
***************************
(( الساعه 11 ونص بالليل – غرفة خلود))

ساره قاعده مع اختها
ساره : حسبي الله عليها مهاخربت جلستنا
خلود : لا يا ساره انا اللي خربت عليكم لو اني مو موجوده كان ما صار شي
ساره : والله قهر .. بس شفتي ناصر كيف مهتم فيك؟؟ تصدقين هذا اللي قهر مها اختي وانا اعرفها زين
خلود : ...........
قامت ساره : اسفه يا خلود كان ودي ابسطك واغير جوك ... بس والله ما كنت عارفه ان بيصير كذا
خلود وهي مبتسمه لساره : خلاص ولا يهمك دامك انتي معي صدقيني انا مبسوووطه
ساره بأبتسامه وهي طالعه: يالله تصبحين على خير
خلود : وانتي من اهله
اخذت خلود جوالها ودقت على تهاني
خلود : السلاااام عليكم
تهاني : هلا وغلا وعليكم السلااام
خلود : امممممم نايمه؟
تهاني : لا صاااحيه ... تصدقين تو متكلمين عنك في البيت
خلود : خير ولا شر ومنهم انتوا؟
تهاني : انا ونسرين وسعود
خلود : سعوود؟؟ ما تستحون تتكلمون عني عند اخوكم ؟
تهاني : لا تخافين مدحتك ما حشيت فيك
خلود : الله يا خذ شرك الا وينك لا تدقين ولا تسألين؟؟
تهاني : اعذريني والله مشغوله وامس واليوم رحت ازور مرت اخوي بالمستشفى
خلود : ايه وش اخبارها ورنووودي شلونها؟
تهاني : الحمدلله بخير ورنووودي تجنن
خلود : ومن تشبه؟
تهاني : امممممممم فيها شوي من عبير بس تشبه سعود حيل
خلود : عبير اعرفها بس سعووود .. امممممم ما شفته خبري فيه من 14 سنه
تهاني : ايييه ما علينا اخرتها بتشوفينه
خلود : زين.. يعني في هاليومين ما عندك حتى دقيقه تسألين عني فيها؟؟
تهاني : يا قلبي انتي في بالي بس والله كنت مشغوله
خلود : اوووكي سا محتك بس آخر لك مره ....
تهاني : مشكوره يا قلبي .. لحظه خلووود ...
تهاني تكلم نسرين : وش فيك وش تبين؟
نسرين : سلمي عليها وقولي لها مشتااااقه لهااا موووووت
تهاني تكلم خلوود : هااا سمعتي نسرين وش تقوول؟
خلود : هههههه ايه سمعتها قولي لها وانا مييييته عليها بس انتوا اللي قاطعين ماتجوني
تهاني تنقل الكلام لنسرين
نسرين بصوت عالي : خلاص جهزي نفسك بكره العصر نجيك
خلود : قولي لها لا العصر لا تجي انا اكون عند امي خليها تجي بعد العشا
تهاني : ما عليك منها اصلا بكره بنروح بيت عمي (( نقلت تهاني الكلام لنسرين))
نسرين : خلاص اجل خليها بنص الاسبوع
تهاني تنقل الكلام لخلود
خلود : حياكم الله
تهاني : الله يحيك .. ما علينا وش اخبار حنان؟؟
(( قعدوا يسالفون الى الساعه 12 وربع وبعد ما قفلت خلود الجوال قعدت تفكر بكل شي صار لها اليوووم الين ما غمضت عينها ونامت
**************************
(( يوم الجمعه الساعه 9 صباحا— في المستشفى ))

راح سعود عند الاستقبال يبي يكمل الاجراءات ويدفع اللي عليه عشان يطلع عبير
الموظف : امممم معليش يا اخ سعود بس المريضه تعبت البارح والدكتور طلب انها تقعد الين العصر
سعود بخوف : تعبت وش فيها ؟
الموظف : والله ماادري بس الدكتور بيجي العصر ويكشف عليها واذا انها طيبه بيسمح لها بالخروج
سعود مستعجل : طيب مشكور يا اخوي
راح سعود وبخطوات سريعه لغرفة زوجته ودخل عليها وهي كانت قاعده على السرير ترضع رنودي
سعود : هاااا يا قلبي وش اخبارك وش فيك؟
عبير : ما فيني شي يا عمري انت وش فيك جاي تركض احد لاحقك ؟؟
دخل سعود : وش اللي ما فيك شي هذا وجهك اصفر قولي لي وش فيك؟؟
عبير : حياتي والله مافيني شي بس شوية نزيف والحمدلله خف اشوي
سعود : يعني ما يضرك؟
عبير : ان شاء الله لأ وبعدين اقولك خف احسن من البارح
سعود : انتي متأكده انك احسن ؟
عبير : قلبي انا بخير ... لهدرجه تخاف علي
سعود قرب من عبير ومسك ايدها : اكيد يا عمري بخاف عليك والله لما قال لي الموظف انك تعبانه جيتك طاير والله خفت عليك يا غاليه
عبير : يا بعد عمري انت .. زيين انتظرني اشوي عشان البس ونطلع
سعود : لا ماراح تطلعين الحين راح تقعدين الين العصر يجي الدكتور ويتطمن عليك واذا انتي بخير يكتب لك خروج
عبير زعلانه : يوووه والله طفشت من هالمستشفى
سعود بحب : والله انا اللي طفشت وابيك تطلعين بسرعه (( قعد سعود يغني لمرته )) .. تعـــــال وما بقى لي يوم في غيــــــابك يصبرني آخاف امووت من شــــوقي وانت مطول غياااااابك ... تعال وكل شي صااااار في بعدك يذكرني دروبك ضحكتك طاااااريك وريح العطر بثيابك...
وباس ايد عبير .. تذكر انه العصر ما يقدر يجي ويا خذ زوجته لان عنده شغل مع بو خالد
سعود : يووووه حبيبتي اليوم العصر ما اقدر اخذك
عبير : ليش؟
سعود : بروح عند عمي بو خالد بنشتري منه بضاعه وبنخلص اوراق وفواتير ومافواتير وسالفه طويله بعدين اقولك عليها.. لحظه يا عمري
سعود دق على سلطان
سعود : الوووووووو
سلطان وتو صاحي من النوووم : نعــــــــــم
سعود : نعاااامه ترفسك انت الى الحين نااايم؟؟
سلطان : وش تبي قول اللي عندك خلصني
سعود : اااه يا قليل الادب ... المهم انامن بعد صلاة العصر بكون مشغول مع عمي بو خالد .. يعني مر على عبير وطلعها اوووكي
سلطان : وداااق على من الصبح تقولي هالكلام نطرت الين الظهرولا العصر ودقيت
سعوود : قلت لك عشان ما انسى ..ولا تخاف بدق عليك العصر واذكرك اوووكي
سلطان : اوكي اوكي
سعود : يالله كمل نووومك
قفل سعود الخط ويكلم عبير : والله اخوك هذا مشكله .. الله يستر بنتي ما تطلع عليه
عبير : ههههههههه لا ان شاء الله تطلع عليك (( وبكل حنان قالت )) طيبه وحنونه ومرحه وتحبني مثل ما انت تحبني
سعوود : حبيبتي ما في احد بهالدنيا يحبك كثري
عبير : الله يخليك لي ولا يحرمني منك يا بعد عمري .. اقول حياتي دق على امي وقول لهم اني مو جايه الحين
سعود مبتسم : على امرك انتي تاااامرين امر
ودق سعود على عمته وقالها السالفه كامله

[superman]

(( الجزء الثالث))

(( الساعة 1 ونص الظهر – بيت ام خلود ))
تركي قاعد بالصاله على التلفزيون وساره نازله من فوق كانت رايحه تجيب كتابها الاحياء وخلود توها مخلصه غسيل الصحون وطالعه من المطبخ
تركي : سلمت الايادي يا خلوود بصرااااحه خووووش غدا
خلود مبتسمه : عليك بالعافيه يا خوي
سارة : تركي وطي صوت التلفزيون شوي بذاكر
تركي : وليش ما تروحين فوق في غرفتك وفي الهدوء؟
سارة : ماابي اقعد لحالي ... بليزززززز
تركي : طيب ولا يهمك
تركي وط صوت التلفزيون وخلود راحت عند التلفون بتكلم امها
خلود : السلام عليكم يالغاليه
ام خلود : هلا وغلا بحبيبتي وعليكم السلام
خلود : وشلونك يمى انتي بخير؟؟
ام خلود : ايه الحمد لله طيبه
خلود : ما شاء الله باين على صوتك انك بخير وتمام
ام خلود :الحمد لله .. ابشرك يمى احس اني احسن من اول وعندي لك مفاجأه
خلود مبسوطه : وشهي ؟؟؟ تكفين يمى قولي لي
ام خلود : بما اني مااحس بتعب بطلب من الدكتور يطلعني اليووم
خلود فرحانه: صدق يمى ؟؟ الحمد لله على سلامتك .. يعني خلاص نمر عليك أنا وابوي ونطلعك
ام خلود : هو مو اكيد اني بطلع بس بحاول مع الدكتور انه يطلعني .. احس ان ما فيني شي يعني ماله داعي اقعد
خلود : يا بعد عمري يا يمى واخيرا راح يرجع نور هالبيت
ام خلود : ايه والله اني مشتاقه لبيتي ولغرفتي ولكل زااويه ... اشتقت اني اقعد واسولف معاك اشتقت انومك على صدري
خلود : ان شاء الله يا يمى و راح تطفشين مني ههههههه
ام خلود : اطفش من كل الناس الا انتي .. زين سولفي لي وش اخباركم وش مسوووين؟؟
قعدت خلود تسولف على امها وفرحانه انها بخير وبترجع للبيت سكرت خلود من امها
تركي : الحمد لله على سلامة خالتي يا خلود
خلود : الله يسلمك .. تصدق احس اني بطير من الفرح
سارة : خلاص عااد من اليوم ورايح بنصير في خبر كان
خلود : وش دعوى .. والله انتوا ما قصرتوا وبالعكس ما راح انسى جميلكم وقعدتكم معي
تركي : عااادي احنا ما سوينا شي
خلود : عن اذنكم بكلم ابوي وبقوله ....



يتبع

[superman]

دقت خلود على ابوها
خلود : السلام عليكم يبى
بو خالد : هلا والله وعليكم السلام
خلود : شخبارك عساك بخير؟
بو خالد : الحمد لله بخير انتي شلوونك؟
خلوود : أنا مبسوووووووووووطه بطير من الفرح
بو خالد : اوه اوه غررريبه وش عندك ؟
خلود : امي اليوم بتطلع من المستشفى وابيك توديني ونروح انطلعها
بو خالد : لا والله .. الف الحمد لله على سلامتها .. بس يا خلود أنا اليوم عندي شغل ويمكن اتأخر شوفي تركي خليه يوديك
خلود زعلت : يعني ابد ما تقدر تأجل شغلك شوي ؟
بو خالد : والله ياليت اقدر بس اليوم عندي زبون ويبي يشتري بضاعه ولازم أنا اخلص الموضوع
خلود قل حماسها : طيب يبى .. يعطيك العافيه
بو خالد : اذا صارت امك بالبيت دقي علي خلاص
خلود : ان شاء الله (( سكرت خلود السماعه ))
خلود : تركي
التفت تركي لها : هلا
خلود : تقدر اليوم تاخذني لامي ؟
تركي منحرج : والله كان ودي بس اليوم متواعد أنا والشباب بنروح البر
خلود : اوكي خلاص مو مشكله
تركي : والله آآآآسف
خلود : عااادي ولا يهمك ... بدق بيت خالتي وبشوف نايف اكيد انه فاضي
دقت خلود بيت خالتها
خلود : السلام عليكم
....... : وعليكم السلام
خلود : مين نايف ولا فيصل ؟
فيصل : لا أنا فيصل من معي ؟
خلود : هلا فيصل شخبارك ؟ أنا خلود بنت خالتك منيره
فيصل : هلا وغلا خلود شخبارك وشلون خالتي ؟
خلود : الحمد لله بخير .. فيصل حنان ولا خالتي بجنبك؟
فيصل : امي مو بالصاله .. بس حنان هذا هي تبينها ؟
خلود : ايه عطني اياها
حنان : هلا وغلا بخلوووده شخبارك ؟
خلود : الحمد لله تمام انتي شلونك ؟
حنان : الحمد لله عايشين
خلود : تكفين شوفي نايف فاضي العصر ولا لأ ؟
حنان : وش فيك عسى ما شر ؟
خلود بزعل : ما شر بس امي اليوم بتطلع من المستشفى وابوي واخوي مشغولين وما عندي احد الا نايف تكفين شوفيه لي
حنان : قووولي والله .. الحمد لله على سلامتها أنا متأكده ان نايف فاضي بس خليني اروح ابشر امي
خلود ردت لها الروح : اوكي خلاص ... سلمي على الكل
حنان : مع السلامه
************************

(( بيت بو ناصر – غرفة نهى ))
نهى : مين ؟؟
ناصر : أنا ناصر افتحي الباب
نهى : وش تبي ؟؟
ناصر : انتي افتحي بالاول وانا اقولك
قامت نهى وافتحت الباب وعلى طول اقعدت على سريرها
ناصر : الى الحين زعلانه علي ؟؟
نهى صاده عنه ولا ترد عليه
ناصر : طيب وش تبين عشان ترضين علي ؟
نهى : ...............
ناصر : امممممم طيب مها شخبارها ؟
نهى التفتت على ناصر وخانقتها العبره : كل منك ادق على جوالها وارسل لها رسايل ما ترد علي أنا مالي الا هي .. هي اختي وصديقتي وبنت عمي وحبيبتي وبسببك انت انحرمت منها
ناصر : لا يا نهى لا تقولين كذا ... طيب ممكن تعطيني جوالك؟
نهى : وش تبي فيه ؟
نا صر : انتي عطيني اياه ولا عليك
اخذ ناصر جوال نهى وفتح رساله جديده وكتب (( مها أنا آآآآآسف على كل اللي صار بس نهى مالها دخل بليزز لا تخاصمينها عشاني .. ناصر )) وارسلها لمها .... بعد دقايق رن الجوال (( رساله جديده =1))
ناصر : ممكن افتحها ؟؟
نهى هزت راسها موافقه فتح الرساله (( معقوله يا ناصر تطردني من بيتكم عشان خلود ؟؟ وانا اللي دايم ازوركم واجيكم واسلم عليكم ؟؟ بصراحه توقعتك توقف معي مو ضدي )) ناصر قال بنفسه : معقوله هالرساله من مها ؟؟ معقوله هالموقف خلاها تغير معاملتها لي ؟؟ ليتك جايه من زمان يا خلود ... رد عليها (( مها بقولك شي يمكن انتي تدرين عنه بس بذكرك فيه أنا احبك ومستحيل احب غيرك وصدقيني خلود ما تعني لي شي بس والله حراام اول مره تزورنا من فتره طويله... ارجوك لا تخاصمين نهى )) انتظر ناصر دقيقه ... دقيقتين ... ثلاث ماردت مها .. رجع الجوال لنهى
ناصر : اسف مره ثانيه سامحيني
نهى وهي صاده عنه : ماراح اسامحك الا لما ترجع لي مها
ناصر مو عارف وش يقول قام وطلع من غرفة اخته وسكر الباب وراه وبعد خمس دقايق رن جوال نهى (( مهاااااوي يتصل بك))
نهى : هلا وغلا بمها هلا حبيبتي
مها من غير نفس : هلا بك .. ناصر بجنبك ؟
نهى : مو جنبي .. ليش تبينه ؟؟ اروح أناديه لك؟؟
مها : لا لا أنا ابي اكلمك انتي ... شوووفي أنا عارفه انك مالك دخل باللي صار امس بس المفروض انك ما تسكتين والمفروض انك طردتي خليدووه
نهى : والله تكلمت ودافعت عنك لدرجه ان.... ان ناصر ضربني وقدام خواتك بعد
مها مو مصدقه : وشو ؟؟ ناصر ضربك ؟؟ طيب ليش يسوي كذا والله ما توقعت ان ناصر يتصرف هالتصرفات؟؟
نهى : والله مدري .. تلقينه يبي يزعط عند خلود.. بس امانه يا مها لا تخاصميني عشانهم أنا مالي الا انتي
مها متردده : امممم .. اوكي اوكي انسي اللي صار قول لي وش صار بعد ما طلعت من عندكم ؟
تصالحوا مها ونهى ولا كأن صار شي ... وقعدوا يسالفون
**************************
(( في بيت بو سعود – الصاله))
سعود واقف عند الدرج : يا تهااااااااااااني ... يا نسرررررررين بسررررعه يا هووووووو
تهاني من فوووق : يالله جينا ثواني بس
سعود : خلصوا علي تراني مستعجل
بو سعود : وش عندك وش فيك مستعجل ؟؟
سعود : يبى الله يهديك نسيت شغلنا مع بو خالد ؟؟
بو سعود : ايييييه نسيت والله ... شوووف اخذ البضاعه بسعر زين لا يضحك عليك
سعود : ههههههههه ما عليك يبى عمي بو خالد رجال طيب وما راح يضحك علي
نزلت نسرين وتهاني وسلموا على ابوهم
تهاني : يبى تبي شي قبل لا اطلع؟
بو سعود : لا يابنتي ما ابي الا سلامتك
تهاني : ماراح نتأخربنجي بعد صلاة العشاء
بو سعود : ما عليك مني اخذي راحتك في بيت عمك
نسرين : مع اسلامه يبى
بو سعود : انتبهوا لا نفسكم ... سعود لا تسرع زين؟
سعود : من بعد البيت عشان اسرع ولا يهمك ... يالله يا بنات تأخرت على الرجال
اطلعت تهاني ونسرين وسعود وراحوا لبيت عمهم
(( في بيت بو سلطان ))
وصلوا لبيت عمهم وانزلوا استقبلتهم اشجان ودخلتهم الصاله ..سلموا على عمهم ومرت عمهم وقعدوا... دخل عليهم سلطان
سلطان : السلام عليكم
الجميع : وعليكم السلام
سلطان : هلا والله بنات عمي هنا وانا ماادري؟؟
تهاني : هلا بك شخبارك ؟
سلطان : الحمد لله بخير.. انتوا وش اخباركم؟؟
نسرين : والله مشتاقين لكم .. الا عبير متى راح تجي ؟؟
سلطان : يوووووووووه تصدقون اني نسيت ... يالله عن اذنكم
اشجان وتهاني ونسرين قاعدين بزاوية الصاله ويسالفون .. وابو سلطان وام سلطان بالزاويه الثانيه يعني بعيد عنهم
بو سلطان : اقول فاطمه
ام سلطان : سم
بو سلطان : وش رايك نخطب تهاني لسلطان ؟؟
ام سلطان : وتهقى اخوك بيوافق يزوج بنته لواحد ما يشتغل ؟؟
بو سلطان : هذا ولدك لو يرضى يشتغل عندنا بالشركه كان عرسناه وافتكينا منه ... شووفي انتي كلميه وقولي له ان عندنا بالشركه شغله تناسبه .. احنا محتاجين مهندسين كمبيوتر
ام سلطان : والله ولدك راسه ياااابس ..هو ما يبي شركتكم بس بحاول معه وبقوله
**************************
(( الساعة اربع – في المستشفى ))
انزلت ام نايف وحنان وخلود من السياره ونايف راح يوقف السياره في المواقف... ام نايف قدام وحنان وخلود وراها وقاعدين يسالفون
خلود : تصدقين يا حنان أنا حبيت مصعد هالمستشفى
حنان : الله ما اقدر على الرومنسيه بس الحمد لله اللي افتكينا منه هذا اخر يوم لنا هنا
خلود : الحمد لله صحيح اني مبسوطه لانه اخر يوم بس متضايقه لاني ماشفته
حنان : هذا هو شوووفيه واشبعي بشووفته
خلود تلخبطت : هااا وينه وين شفتيه ياحنان ؟؟
حنان : هيي انتي يالخبله أنا اقصد المصعد مو راعي المصعد
قربوا عند المصعد ووقفوا عنده ينتظرونه ينزل لهم.. جاهم نايف ووقف جنبهم وصل المصعد واطلعوا عليه .. وراحوا لغرفة ام خلود ... خلود متلهفه حييييييل لأ مها وكانت تسرع خطواتها عشان توصل اول وحده للغرفه وفعلا وصلت اول وحده وافتحت غرفة امها .. بس الغرفه فااااضيه السرير ما في احد سكرت الباب
خلود لخالتها : امي مو هنا اكيد انها قاعده تنتظرنا با استراحة النساء يالله شكلنا تاخرنا عليها وراحت هناك تنتظر
ام نايف : ومين اللي طلعها وخلص اوراقها انتي مو قلتي ان ابوك مشغوول ؟؟
خلود خافت : هااااا اجل وين امي ؟؟
نايف : خلكم هنا بروح اسال عنها عندالاستقبال واجي
خلود بخوف : خالتي لا يكون امي فيها شي ؟
ام نايف تحاول تهدي الوضع : لا يا خلود ان شاء الله مافيها الا الخير ... مو انتي تقولين ان صوتها صاير احسن ؟؟
خلود : خالتي أنا خااايفه اخاف امي صار لها شي
جاهم نايف : يمى الاستقبال يقولون ان خالتي ما طلعت ولا احد جى واخذها
ام نايف : شفتي يا خلود الحمد لله امك ما فيها شي تلقينها تعبت من القعده على السرير وراحت تتمشى تعالوا لغرفتها ننتظرها
راحوا للغرفه واقعدوا حنان راحت الحمام لقت الباب مقفل
حنان : خلووود خالتي هنا بالحمام
افرحت خلود : صدق ؟؟ يالله والله اني مت من الخوف والحمام مافكرت فيه ابد .. الحمد لله لك يارب
طقت حنان باب الحمام : خالتي ..... خالتي ..... خالتي فيك شي؟؟؟خالتي افتحي .. يمى خالتي ما ترد علي
الخوف سكن في قلب كل من في الغرفه
ام ناايف : ناايف يمى روح شوف أي احد يجي يكسر الباب شوف الامن اخاف صار لها شي
راح نايف وخلود راحت عند باب الحمام وتنادي امها وتبكي وحنان تهدي فيها .... جى نايف ومعاه كم عاااامل اكسروا الباب خلود شافت امها طايحه على الارض وغرقانه في وسط دمها ادخلت الحمام قعدت جنب امها وهي مو مصدقه وش قاعد يصير ارفعت راس امها من على الدم وحطته بحضنها
خلود ودموعها على خدها : يمى .. يمى قومي هذا أنا جيتك .. يمى لا يكون تاخرت عليك بس ؟؟ يمى يالله قومي يمى انتي ماشبعتي مني صح ؟؟
خلود لفت وجهها ورا عشان تكلم خالتها : خالتي تعالي قولي لامي تقوم انتي اختها يمكن تسمع كلامك (( رجعت خلود تطالع في امها )) : يمى راسك يطلع منه دم هو يعورك ؟؟ نااايف الله يخليك روح ناد الدكتور امي ما فيها شي بس جرح بسيط في راسها الله يخليك ناده بسرعه
الا الدكتور يدخل حط السماعات عند قلب ام خلود وقعد يكشف عليها شوي .... قام الدكتور
خلود ولا زال راس امها في حضنها : دكتور امي مافيها شي صح ؟ يالله اكتب لها خروج الحين احنا بناخذها معانا
نايف يكلم الدكتور : هااا دكتور بشر
الدكتور : الظاهر الضربه كانت قويه وسببت لها نزيف داخلي ...(( وهو يطب طب على كتف نايف )) ادعوا لها بالرحمه

ام نايف اول ماسمعت وش قال الدكتور طاحت وتحس ان ارجولها مو شايلتها ... راحت لها حنان ونايف وقعدوها بأقرب كرسي وحنان راحت تجيب كاس ماي لأمها ونايف راح عند خلود
وبنفس اللحظه خلود تصارخ وتبكي : لاااااااااااااااااااااا امي ما فيها شي اصلا انت ماتعرف شي في الطب .. امي بخير هي مكلمتني اليوم يمىىىىىىىىىى قووومي يمىىىىىىى ... ناااايف روووح جيب دكتور غير هذا تكفى يا نااايف امي مافيها شي مافيها شي
نايف قرب من خلود وكان وده يا خذها ويضمها بصدره ويخفف عنها : خلووود ادعي لها بالرحمه (( مسك خلود يبي يقومها )) يالله قوومي خليهم يشوفون شغلهم
خلود وهي تبكي : وخررررررر عني محد بياخذ امي مني وخرووووو عني كلكم وخرووووو عني .. يمىىىى قومي تكفين يمىىىى أنا مالي غيرك بهالدنيا يمىىىىى لا تروحين وتخليني ... يمى مشتاااقه لحضنك قوميييييي يا يمىىىى
نايف اشر لحنان عشان تروح تحاول مع خلود راحت حنان وقعدت جنبها
حنان وهي تبكي : خلود حبيبتي قوومي انتي مؤمنه وتؤمنين بالقضاء والقدر قوومي
خلود احضنت حنان : اااااااااااااه يا حنان راحت الغاليه يا حنان من بقى لي في هالدنيا
حنان : كلنا معاك يا خلود يالله قومي
قامت خلود وجاوا الممرضات وشالوا ام خالد وحطوها على السرير النقال وطلعوها برى الغرفه وحنان اخذت خلود وقعدتها على الكرسي وجابت لها ماي
نايف دق على بو خالد
نايف : الو هلا عمي
بو خالد : هلا والله نايف
نايف : عمي ممكن تجي المستشفى؟
بو خالد : أنا مشغول يا نايف قول لام خلود وخلود اني بجيهم البيت اول ما اخلص شغلي
نايف : عمي أجل شغلك وتعال المستشفى ضروري
بو خالد معصب : نايف وش فيك ؟؟ اقوولك مشغول ماتفهم
نايف : عمي ..... خالتي عطتك عمرها
بو خالد انصدم : وشوووووووو ؟؟؟ متى هالكلام
نايف : من خمس دقايق تقريبا
بو خالد : وخلوود وينها وش اخبارها ؟؟
نايف : خلود حالتها حاله
بو خالد : يالله الحين ابجيكم ..
(( في مكتب بو خالد ))
سعود : عسى ما شر يا عمي وش فيهم الاهل
بو خالد بحزن : ام خلود ماتت
سعود : ان لله وان اليه راجعون .. عظم الله اجرك
بو خالد : اجرنا واجرك .. آآآسف يا سعود ممكن نأجل الشغل لبعدين أنا لازم اروح المستشفى الحين
سعود : طزززز في الشغل ... خليني اوصلك يا عمي
بو خالد : لا يا سعود لا تكلف على نفسك انت روح وشوف زوجتك تلقاها جات الحين من المستشفى
سعود : عمي زوجتي لاحق عليها ... بس ما يصير تسوق وانت بهالحاله
بو خالد باابتسامه بسيطه : ما قصرت الله يعطيك العافيه
(( في المستشفى))
.. خلود كانت قاعده بالارض وسانده ظهرها على الجدار ومنزله راسها وحنان ما كانت موجوده كانت بدورة المياه وام نايف قاعده على الكرسي ونايف واقف عندها .. لما وصل سعود وبو خالد سعود اعتذر وقف بعيد عنهم بشوي وكان صاد ولما انتبهت خلود لبوها قامت تركض وراحت ارتمت بحضنه
خلود وهي ميته من البكي : اااااااه راحت يا يبىىى راحت امي
بو خالد متاثر : خلاص يا بنتي ادعي لها بالرحمه ومحد يروح الا في يومه ..(( بو خالد يكلم نايف)) وينها هي الحين؟؟
نايف : حطوها بالثلاجه .. ينتظرونك توقع وتستلم جثتها
بو خالد التفت ناحية سعود : سعود ... سعوود
قرب سعود من بو خالد
بو خالد بعد بنته عنه شوي : خلاص يا بنتي انتي روحي مع خالتك وانا اخلص الاجراءات واجيك خلاص
خلود هدت شوي : خلاص يبى
وخرت خلود عن ابوها وجات عينها بعين سعود اللي يطالعها بشفقه وصدت عنه بسرعه .. نايف دق على حنان وقالها تجيهم برى عند السياره

[superman]

في نفس اللحظه بيت بو سلطان
اول ما انفتح باب الصاله بدت البلالين تطير والتصفيق والتصفير والورود والحركات مستقبلين عبير وبنتها
ام سلطان : الف الحمد لله على سلامتك يا بنتي
دخلت عبير وسلمت عليهم كلهم وتحمدوا لها بالسلامه
اخذت تهاني رنوودي من عبير : ياقلبي قلبها تجنن هالبنت يا زينها والله
اشجان : اشوف تهاني عطيني اياها .... يسلم قلبه الحلوووووين
بو سلطان : حيا الله عبير وشلووونك ؟
عبير : الحمد لله يبى بخيررر انتوا شلووونكم؟
ام سلطان : كلنا طيبين... وين الصغيره عطوني اياها
اخذت ام سلطان رنوودي وسمت عليها وقرت عليها المعوذات
عبير : سلطان ... وين الا غراض ؟
سلطان : برى الحين اجيبهم لك
عبير تكلم اشجان : يالله يا زين البيت واخيرا افتكيت من المستشفى
اشجان : الله يعنا على الحريم وازعاجهم
(( عايلة بو سلطان مبسووووطه بعبير وبرنوودي ... مسكينه هالصغيره من يد ليد محد تاركها لحالها... بعد ساعه دخل عليهم سعود وهو حزين ... نظرات الكل صوب سعود ))
سعود : السلام عليكم
الكل : وعليكم السلام
قامت عبير لزوجها مبسوطه بس سعود معطاها وجه : وش فيك ياعمري عسى ماشر
راح سعود وقعد : زوجة بو خالد ماتت
تهاني منصدمه : ام خلووود ؟
هز سعود راسه
تهاني بدت تبكي : متى ؟؟
سعود : تو قبل ساعه تقريبا
الكل يقعد يذكر الله .. واللي يدعي لها بالرحمه.. والله يدعي ان يصبر اهلها... قامت تهاني برى الحوش ودقت على خلود
تهاني خانقتها العبره : خلوود حبيبتي عظم الله اجرك
خلود وصوتها مخنوق : اجرنا واجرك .. بس انتي مين اللي قالك؟
تهاني : اخوي سعود
خلود قامت تبكي : تهاني الله يخليك تعالي عندي محتاااااجه لك حيييييييل
تهاني : خلاص الحين اجيك ولا يهمك بس انتي هدي نفسك لا تبكين (( تهاني ماقدرت تمسك نفسها وقعدت تبكي))
دخلت تهاني الصاله وقالت لسعود يوديها عند خلود.. نسرين راحت مع اختها والكل وصى تهاني انها تعزي خلود واهلها
*********************
(( في بيت بو نايف – عزا الحريم ))
الكل موجود .. بنات بوسعود .. بنات بو ناصر وامهم .. بنات بو خالد وامهم ... تهاني وحنان يواسون خلود وام خالد وام ناصر يواسون ام نايف الكل حزين وساكت الا مها ونهى يسالفون بصوت خفيف واحيانا ينسون انفسهم وتطلع منهم ضحكه بسيطه
مها : الا قولي لي وش سويتي مع خالد؟
نهى : ابد بعد ما سكرت منك دخلت النت وسجلت بمنتدى واحد من المنتديات اللي يدخلها وقعدت ارد على كل مواضيعه وامدح فيه .. ومن هالكلام
مها : تتوقعين بيعطيك وجه؟
نهى : مو بس وجه الا وجهين هههههههه
مها : ههههههه والله انه بيصير مسخررره
نهى : لا عاد مو لدرجه اني امسخره أنا ما سويت هالخطه الا ابي اعرف هو يفكر بمين ويحب احد ولا لأ ؟
مها : اممممممم والله مدري عنك
نهى : اقول الحين هذول من جدهم يبكون ولا يمثلون؟
مها : هههههه ايه والله تصدقين ذكروني بالمسلسلات
نهى : الا ما قلتي لي
مها :هااا
نهى : ليش اليوم ارسل لك رسايل ما تردين ويوم ارسلك ناصر رديتي عليه ... لا يكون طحتي بحبه؟؟
مها : لااااا طحت بحبه.. بس هو قاهرني من تصرفه
نهى : بس اللي يشوفك لما تهاوشتي مع خلود ويشوف ردك عليه بالرسايل يقول انك تحبينه وتغارين عليه
مها : تهقين صدق أنا احبه وانا مدري ؟؟ لا لا لا مااتوقع
نهى : نشوووف وش نهايتك معاه ذبحتيه بحبك وانتي منتي براضيه تعترفين انك تحبينه
مها : نهى من قالك اني احبه
مها : لا تكابرين يابنت
************************
(( بعد شهر – في بيت بو نايف))
من وفاة ام خلود وخلود ساكنه بيت خالتها لأن البيت اللي كانت هي وامها ساكنين فيه ابوها اجره وحاول فيها انها تروح معاه لبيته بس هي رافضه عشان ماتبي تحتك بمها ..
خلود قاعده تذاكر مع حنان بغرفتها وبين كل درس يقعدون يسالفون...
حنان : خلوود
خلود : هلا
حنان : في موضوع ابي اكلمك فيه من قبل وفاة خالتي الله يرحمها
خلود : الله يرحمها ان شاء الله ... وشو موضوعك ؟؟
حنان متردده : خلود بصراااحه نايف يبي يتزوجك
انصدمت خلود : ايييش؟؟
حنان : اللي سمعتيه..
خلود : بس يا حنااان ...
حنان : لا بس ولا شي اذا تزوجتوا بتعيشن معنا على طول ولا راح تضطرين انك تروحين لبيت ابوك
خلود : حناااااااان ارجوك افهميني أنا مااقدر اتزوج نايف
حنان : ليش ؟؟ وش فيه اخوي ؟؟
خلود : يووووه حنان ناايف ما فيه شي ومليون بنت تتمناه بس أنا مااقدر اتزوجه
حنان : خلود لا تجننيني ليش ما تبينه؟؟
خلود : ترضين اتزوجه وانا احب واحد غيره؟؟
حنان بدهشه : هاااااا ... لا يكون تقصدين راعي المصعد؟؟ من جدك انتي الى الحين تفكرين فيه ؟؟ يابنت انتي ما تعرفينه ليش الى الحين تحبينه؟؟
خلود : من قالك مااعرفه الا اعرفه ومن عرفته حبيته زووود ... بس للأسف حب من طرف واحد وانا ماابي اظلم نايف معي .. ماابي اعيش معه وانا قلبي وعقلي مع واحد ثاني ..
حنان : تعرفينه ؟؟؟ من هو؟؟
خلود : سعود
حنان : من سعود ؟؟
خلود : اخو تهاني
حنان منصدمه : هااااااا اخو تهاني صديقتنا؟؟
خلود تهز راسها
حنان : اخو اخوانك ؟ ولد ام خالد ؟؟
خلود : ايه يا حنان
حنان : خلود اللي اعرفه سعود متزوج وعنده بنت واللي اعرفه من تهاني انه يموت بزوووجته
خلود بألم : مو هذا اللي ذابحني .. حنان أنا حبيته قبل لا اعرف انه سعود وانه متزوج وانه وانه .. تصدقين يا حنان والله اني انقهر اذا تهاني قعدت تسولف عنه وعن حبه لعبير ... كنت اتمنى اني عرفته قبل لا يتزوج
حنان : زين كيف عرفتي انه سعود ومتى ؟؟
خلود : في اليوم اللي توفت فيه امي كان جاي مع ابوي وسمعته يناديه بسعود أنا اول ماكنت مصدقه انه سعود اخو تهاني بس يوم انها كلمتني وقالت ان سعود هو اللي قالها عن وفاة امي تأكدت انه هو
حنان : طيب انتي مره قلتي لي انك شفتيه طالع من المستشفى ومعاه وحده وقتها كانت زوجته والده .. مين هذي اللي كانت معه؟؟
خلود : هذي تهاني .. تقول انها كانت رايحه مع ابوها بس ابوها ماطول سلم على عبير وقالها خلي سعود يرجعك
حنان : اهااااااااااااا ... خلود هذي فرصتك انك تنسينه ... تزوجي نايف وانا متاكده انك راح تنسين حبه ...
خلود : صدقيني حنان حاولت انساه بس ماني قااادره
حنان مو عارفه وش تقول لخلود ولا هي عارفه وش تقول لأخوها ... خلود تسندت على السرير وغرقت في احلامها.
************************
(( في بيت بو ناصر – غرفة نهى))
نهى قاعده على سريرها ومها مقابلها وقاعده على كرسي التسريحه
مها : ما قلتي لي وش اخبار فارس ؟؟ (( فارس اسم خالد المستعار بالنت))
نهى : هههههههههههه تمام تصدقين اني الحين اعز صديقاته وانه يقووولي كل شي يصير له!!
مها : لا والله .. طيب وصلتي للي تبين توصلين له ؟
نهى : ايه وعرفت ان ما في قلبه أي احد
مها : حلوووووو وبعدين وش بتسوين ؟؟
نهى : امممممم مدري بس بكثر زياراتي لبيتكم واحاول اني اقابله وبكذا راح يتكلم عني عند ريم ؟؟
مها : ههههههههههه مسكين اخوي ما يدري ان ريم ونهى هي شخص واحد
نهى : ايه والله بس عرفت كل شي عنه وش يحب وش يكره متى ينام ومتى يصحى تصدقين قالي ان عنده اخت حقوووده ومغروره شكله يقصدك ههههههههه
مها عصبت : هاااااا هين يا خويلد أن ماارويتك
نهى : وش فيك بعدين راح تفضحيني .. بس قال انه يحبها حيل
مها : هو قال لك كذا ؟؟.... طيب عشانك باسامحه (( وبكل خجل )) اجل نصووووري وينه؟؟
نهى : ههههههه مها يا حليلك اول مره اشوفك تستحين ههههههه ....انا دقيت عليه قبل لا تجين وقلت له انك جايه عندنا وقال بيجي بعد ربع ساعه
مها بقلق : بس الحين صار لنا نص ساعه
(( فتح عليهم ناصر الباب ودخل وكان حاط ايدينه ورى ظهره))
ناصر : السلام عليييكم
مها ونهى : وعليكم السلام
نهى : تو مها تسأل عنك وووو بصراحه كانت قلقانه عليك
ناصر : اموووت أنا باللي يخافون علي شخبارك مهاوي ؟؟
مها وراسها بالارض : الحمد لله بخير
ناصر : نهى ممكن تغمضين عيونك ؟؟
نهى : ليش وش عندك ؟؟
ناصر : نهى اسمعي الكلام
نهى : طيب هااااااا هذا أنا غمضت
قرب ناصر من مها ومسك ايدها وقومها واليد الثانيه ما زالت ورى ولما قامت مها مد لها باقة ورد احمر يجنن وله ريحه حلوه
ناصر بصوت خفيف : اشتقت لك مووت
نهى وهي مغمضه عيونها : ناصر تراني سمعتك
الكل : هههههههههههههههههههههه

(( في بيت بو سعود – الصاله ))
كانت عبير وتهاني بالصاله ومعاهم رنودي ... نسرين نايمه .. وسعود وبو سعود في الشركه
عبير : هااا يا تهاني وش قلتي ؟؟
تهاني خايفه ومتردده : عبير مدري وش اقولك .. بصراحه سلطان رجال وموظف بشركه كبيره يعني مقتدر ...لكن أنا .... بصراحه ماابي اتزوج
عبير : وليش ما تبين تتزوجين ؟؟
تهاني : في اسباب كثيره تخليني ارفض الزواج بشكل عام
عبير : طيب علميني بأسبابك أنا اسمعك
تهاني : اولا ابوي .. ماابي اخليه بروحه .. الحين انتي وسعود تبنون لكم بيت يعني بعد كم شهر أو خلينا نقول بعد سنه بتطلعون من هنا ... ونسرين ان شاء الله راح تتزوج .. واذا تزوجت أنا مين بيبقى له ؟؟
عبير : تهاني اذا انتي ونسرين تزوجتوا اكيد بناخذ عمي معنا مستحيل نخليه بروحه
تهاني : لا يا عبير انتي تعلميني في ابوي ؟؟ هو ماراح يرضى ينام في غير غرفته
عبير : صدقيني هذي محلوله وغيره وش عندك؟؟
تهاني : ااااااا أنا احب سلطان مثل اخوي سعود يعني ما اتوقع اني احبه كزوج
عبير : هذا مو عذر اذا تزوجتيه راح تحبينه وغيره
تهاني عصبت شوي : بصراااحه أنا خااايفه من الزواج ولا ابي اتزوووج طوووووول عمري ارتحتي يا عبير
وقامت تهاني لغرفتها وعبير مو مقتنعه بكل الاسباب اللي قالتها لها

[superman]

في بيت بو نايف – الساعة وحده بالليل ))
خلود ما جاها النوم نزلت تحت للمطبخ شافت نور المطبخ شغال ... طلت براسها شافت نايف قاعد يسوي له شاهي
خلود : احم احم
نايف التفت مغزوع : بسم الله ... خلووود وش عندك قاعده بهالوقت
خلود باابتسامه : نفس اللي مقعدك
نايف رد عليها ابتسامتها : تبين اسوي لك شاهي ؟؟
خلود : امممم اذا سمحت
نايف : أنا اسمح بس بشرط؟
خلود : وش هو ؟؟
نايف : انك تشربين الشاهي كله معي

ابتسمت خلود وهزت راسها موافقه ...خلص نايف الشااهي وقعدوا على طاولة الطعام اللي بالمطبخ .. نايف وهو يشرب ويطالع خلود با اعجاب .. خلود انحرجت وتبي تسولف بأي موضوع
خلود : ااااااا صدق نايف وش اللي مصحيك؟؟
نايف : اممممم عندي اوراق اختبار اصححها.. وانتي ؟؟
خلود : بصراحه ماجاني نوم
نايف بخبث : وش كنتي تفكرين فيه ؟؟ فيني صح
انحرجت خلود : ههههههه بصراحه كنت افكر با اختبار اسبوع الجاي
نايف وهو يطالع بكاسه : خلوود ؟
خلود : هلا
نايف : تدرين (( رفع عيونه وحطها بعيون خلود )) أنا احبك موت وما اتصور اني اقدر اعيش مع وحده غيرك
خلود بنفسها : مسرع ما قلتي له يا حنان ؟؟ بس لو يدري اني رافضته كان ما كلمني بهالاسلوب كان رفض انه يحط عيونه بعيوني كان ما يكلمني مره وحده
نايف : خلووود ... صدقيني اني اموت فيك ومثل ما يقول الجسمي .. والله ما يســـــوى اعيش الدنيا دووونك
خلود خلصت شا هيها وحطت الكاس على الطاوله
خلود وراسها بالارض : مشكور يا نايف على الشاهي
وقبل لا تمشي مسك ايدها التفت عليه وجات عينها بعينه للمره الثانيه وشافت بعيونه كل الحب وكل الحنان نزلت راسها وسحبت ايدها وطلعت غرفتها ... قعدت تفكر ومحتاره .. هي تحب واحد ما يحبها ولا درى عنها .. وفي واحد يحبها ويموت فيها .. وش تختار انها تعيش بعذاب ونار سعود ولا جنة ناااايف ؟؟؟
فجأه سمعت صوت باب غرفتها
خلود : مييييييييييين ؟؟؟
...........................
خلود في نفسها : مين بيكون ((طالعت ساعتها )) الحين الساعة 2ونص معقوله نايف مانام الى الحين
خلود : مين عند الباب؟؟
.......................
خلود في نفسها : وش فيهم ما يردووون ؟؟ الله يستر لا يكون احد صاير له شي بقووم افتح
راحت خلود افتحت باب غرفتها شافت فيصل
خلود با استغراب : فيصل ؟؟؟؟ هلا فيصل امر وش بغيت ؟؟
فيصل منتهي (سكران) : خـ خـ لووووود وخرررري خـ خـليـــــني ادخل وووووانام
خلود حطت ايدها على الباب وعرفت انه سكران : هييييي فيصل غرفتك مو هنا غرفتك هناك
فيصل ما رد عليها بس قعد يطالعها من فوق لتحت وبنظرات حقيره ..فيصل فقد توازنه وكان بيطيح على خلود بس خلوود صارخت ورمته بالارض ... نااايف كان صاحي سمع صوت خلود وطلع يركض شاف فيصل مرمي على الارض
نايف : وش فيك يا خلوود؟
خلود مصدوومه : فيصل بغى يدخل غرفتي
نايف عصب ووقف فيصل على رجوله وقعد يهزء فيه ويضربه وفيصل كان يدافع عن نفسه .. وخلود ضايعه وتحاول تفكهم بس مو قادره راحت لغرفة حنان تطق عليها الباب...ام نايف وابو نايف طلعوا من هالازعاج والصياح .. وحنان اسمعت خلود وهي تناديها وقامت ركض
بو نايف يفكهم : بس يا فيصل ... نايف خلاص اترك اخوك... وش صاير وش فيكم ؟؟
نايف بعد عنه فيصل : يبى ولدك كان بيعتدي على خلود ...
ام نايف : وش هالكلام اصلا مستحيل فيصل يسوي كذا كان معتبرها مثل اخته واكثر
نايف وهو يلهث من الهوشه : يمى انت وش يدريك ... شوفيه شووفي حاله ... ولدك سكراااان

[superman]

(( الجزء الرابع))

((في بيت بو نايف – غرفة خلود ))
خلود ترتب ملابسها بالشنطه وحنان قاعده على السرير
حنان : عاد لا تنسينا يا خلود زورينا
خلود: انشاء الله كل اربعاء راح ازوركم ...حنان
حنان : نعم
خلود : انتي قلتي لنايف اني ماابي اتزوجه؟؟
حنان : تبين الصراااحه ... مو عااارفه شلون اقوله ..
خلود : احسن لا تقولين له
حنان : ما فهمتك
خلود : اذا سألك عن ردي قولي له اني برد عليه بعد يومين
حنان طارت من الفرح : صددددق ؟؟؟
خلود هزت راسها
حنان : وراعي المصعد ... قصدي سعود ؟؟
خلود : أنا فكرت في كلامك وبصراحه معك حق في كل كلمه انتي قلتيها... تصدقين اذا سولفت تهاني عنه وعن تعامله مع زوجته وبنته احبه زود!!
حنان با استغرااب : رجعناااااا
خلود : .. آآآآآه الله يوفقه ويسعده يارب .. ويساعدني على نسيانه
حنان مبتسمه : صدقيني اذا تزوجتي نايف راح تنسين سعود واللي خلفوه بعد لأن نايف يحبك موت
خلود خلصت من ترتيب ملابسها سكرت شنطتها وقامت ترتب كتبها الا تسمع طقطقه على الباب
خلود : مين ؟
فيصل : أنا فيصل ممكن ادخل؟
خلود طالعت حنان با استغراب ... حنان ارفعت اكتوفها يعني هي مو عارفه وش السالفه
البست خلود شيلتها : ادخل يا فيصل
دخل فيصل وهو منحرج ووقف عند الباب
فيصل : حنان ممكن تتركينا بروحنا ؟؟
حنان طالعت خلود وشافت الخوف بعيونها بس حست ان لازم فيصل يكلم خلود قامت واول ما قامت خلود امسكت ايدها
فيصل : لا تخافين مني يا خلود
حنان طمنت خلود بابتسامه وطلعت وسكرت الباب وراها
فيصل وهو يطالع بالارض وبتوتر : أنا آآآسف على اللي حصل البارح
خلود :.............
فيصل : بس صدقيني كنت اعتبرك مثل حنان وبعمري مافكرت اني أأذيك
خلود نظراتها حايره بالغرفه: .........
فيصل : انتي عارفه يا خلود أنا ما كنت في وعيي
خلود : .............
فيصل : ادري انتي الحين تكرهيني وصرتي تخافي مني .... بصراحه مدري وش اقولك ... أنا آآآسف
وبيطلع من الغرفه
خلود با ابتسامه : انا مسامحتك
التفت فيصل على خلود ورد لها الابتسامه : من جد يا خلود؟
خلود : بس بشرط .. توعدني انك تترك الشرب ؟؟
فيصل بتنهد : ان شاء الله
وطلع من الغرفه .... وخلود كملت ترتيباتها
*********************
(( في بيت بوسلطان ))
بو سلطان وام سلطان بالصاله قاعدين يتقهون .. دخلت عليهم عبير وريناد فوقها
عبير : السلاااام عليكم
بو سلطان وام سلطان : وعليكم السلام
بو سلطان : حيا الله عبير
سلمت عبير عليهم وحطت رنودي عند امها وفسخت عباتها وقعدت
عبير : وشلونكم وش اخباركم ؟؟
ام سلطان : الحمد لله بخير .. انتي شلونك وش اخبار سعود ؟؟
عبير : الحمد لله بخير
بو سلطان اخذ رنودي : ما شاء الله ما شاء الله كأنها كبرت وسمنت ؟
عبير :صدق ؟؟....... اشوى
ام سلطان: سعود وينه؟؟
عبير : يقول عنده شغل ..اجل وين اشجان ؟؟
ام سلطان : كانت هنا قاعده تنتظرك وزهقت وراحت غرفتها
عبير : عن اذنكم بروح لها
راحت عبير فوق لغرفة اختها وافتحت الباب بقوه
عبير : بوووووووووو
اشجان : يمى بسم الله واخيرا جيتي
قامت اشجان تسلم على اختها .. وقعدوا على الكنبه اللي بالغرفه
عبير : وش اسوي بسعود بالمووت اللي قام من النوم
اشجان : الحمد لله والشكر في احد ينام يوم الخميس ؟؟ ولا بعد في العصر
عبير : وش فيك انتي ؟؟ رنوودي طووول الليل صياااح وسعود مسكين مانام الا 8 الصبح
اشجان : اجل انتي ما شبعتي نوم؟
عبير : يعني .. ما علينا سلطان وينه ؟
اشجان : مدري تلقينه طالع مع ربعه
عبير : زين دقي عليه وقولي له اني ابيه ضروري
اشجان : وليش ما تدقين عليه من جوالك؟؟
عبير : يووووه جوالي تحت .. يالله دقي يا البخيله
اشجان وهي تدق على سلطان : اووووف خسرتيني .... هلا سلطان
سلطان : اهلين
اشجان : تعال البيت عبير تبيك
سلطان : وش تبي ؟
اشجان : مدري
عبير : تعال ابيك بموضوع مهم
سلطان : خلاص قولي لها ربع ساعه وانا جاي
اشجان سكرت الجوال : يقول لك بعد ربع ساعه .. الا صحيح وش تبين فيه ؟
عبير : بكلمه عن موضوع تهاني
اشجان : هاا وافقت؟؟
عبير : اذا جا سلطان اقولك
اشجان بقهر : يمىىى منك قولي لي الحين
عبير : لااااااااااااااا لما يجي سلطان
*************
(( بيت بو خالد – مها تكلم نهى بالتلفون في غرفتها ))
مها : اووووووووف خليدوووه بتجي عندنا في البيت
نهى : لا والله ... وش عندها
مها : بتقعد عندنا ماتبي بيت خالتها
نهى : غرررررريبه ليش ؟؟
مها : تقول مو ماخذه راحتها هناك ودايم الشيله على راسها
نهى : اهااااااا ... وانتي وش بتسووين؟؟
مها : وش بسوي بعد بطفشها وادوخها اخليها تكره هالبيت
نهى : هههههههه وهي من متى حبته ..
مها : الله لا يحبها.. المهم أنا بجيك اليوم
نهى : نعم نعم لا لا تجين
مها بزعل : افاااااااااا ليش ؟
نهى : لاني بجيكم اليوم
مها : ايه اشوووى ... خلاص حياك الله ... لحظه نهى بشوف مين عند الباب ..... ميييييييين ؟؟
سارة : يقولك ابوي تعالي سلمي على خلود
مها : طيب ..... نهى ... متى راح تجين؟
نهى : مدري يمكن بعد العشا
مها : خلاص اوكي .. يالله أنا بسكر خليدووه جات
نهى : الله يعينها عليك أأأأأ اقصد الله يعينك عليها
مها باستهزاء : هاهاهاها يالله بس مع السلامه
نزلت مها الصاله وشافت الكل مجتمعين...دخلت عليهم وهي رافعه حاجب وتطالع خلود با احتقار وقعدت ... قامت خلود بتسلم عليها الا مها صدت عنها خلود حست بالاحراج وقالت بنفسها (( اذا من اولها كذا الله يستر من تاليها يااارب صبرني )) طبعا الكل لاحظ حركات مها واشفقوا على خلود هالمسكينه .. ام خالد تحاول انها تفتح أي موضوع عشان تبعد عن خلود الاحراج
ام خالد : خلود وش اخبار خالتك وعيالها ؟؟
خلود : الحمد لله يا خالتي كلهم بخير
ام خالد : سارة نادي الشغاله تشيل شنط خلود وتحطها بغرفتها
سارة : ان شاء الله يمى
بو خالد : خلود .. اخذي راحتك هذا البيت بيتك وتصرفي فيه مثل ماتبين ولا تستحين ابد
ام خالد : واذا ناقصك أي شي لا يردك الا لسانك
خلود : ما قصرتي يا خالتي .. الله يعطيك العافيه
ام خالد : ولو انتي مثل بناتي
ارتاحت خلود لام خالد لانها عن جد انسانه طيبه وحبوبه
تركي : خلاص عااد خلوها الحين تروح غرفتها وترتب اغراضها وتشوف اللي لها واللي عليها
بو خالد : يالله يا بنتي قومي غرفتك
قامت سارة بتودي خلود لغرفتها
خالد : خليك يا سارة أنا بروح معها
خالد تقدم على خلود عشان يدليها غرفتها ..وصلوا لغرفتها فتح خالد الباب
خالد : هذي غرفتك
وقفت خلود تطالع غرفتها كانت كبيره ومقسمه قسمين غرفة نوم وغرفة جلوس وكانت الوانها حلوه ومتناسقه مع الاثاث
خلود : ماشاء لله تبارك الرحمن حلوه بس كبيره علي
خالد : وش كبيره عليك ادخلي بس
ادخلوا لغرفة الجلوس وقعدوا خلود ما زالت تطالع بغرفتها
خالد : خلود ... لا تاخذين على مها
خلود طالعت خالد باحراج : .........
خالد : ان شاء الله مع الايام تتعود عليك
خلود فاقده الامل : ان شاء الله ... بس استغرب هي ليش تكرهني ؟؟
خالد : ما اظن ان مها تكره احد .. تراها طيبه وطفله من داخلها وعلى بالها ان الطيبه ضعف وهي ماتحب تبين للي حولها انها ضعيفه .. انتي حاولي انك تتقربين منها وصدقيني راح تحبك
خلود : والله ودي بس هي دايم تصدني
خالد : انتي حاولي منتي بخسرانه شي
خلود : ان شاء الله بحاول
خالد : وصبري على أذاها الين ماتتعب وتقول الى متى وانا كذا
ارتاحت خلود لخالد حيل وكانت مبسوطه ان عندها اخو اكبر منها طيب وحنون ومتفاهم

[superman]

(( بيت بو سلطان بالصاله ))
عبير واشجان قاعدين يلعبون ريناد ويضحكونها دخل عليهم سلطان
سلطان : السلام عليكم
اشجان وعبير : وعليكم السلام
عبير : هذا ربع ساعه تأخرت كذا اجل لو قايل لي ساعه كم الساعة راح تجي ؟
سلطان : انشغلت مع الشباب ... اجل وين امي وابوي
اشجان : امي عندها موعد بالمستشفى وحضرتك ما جيت راح ابوي ووداها
سلطان : زين وش الموضوع اللي عندك يا استاذه عبير؟
عبير :أنا بقولك وش عندي بس ما تزعل ؟
سلطان : ما راح ازعل
عبير :مدري وش اقولك والله ...بصراحه تهاني رافضه الزواج
اشجان بزعل: صدددددق ؟؟؟ طيب ليه ؟؟ والله ما توقعت انها راح ترفض
عبير : مدري قامت تقول اعذار بس ابد مااقنعتني .
سلطان : بسلامتها والله ...بس هذا الموضوع اللي زاعجتني فيه؟؟
عبير مستغربه : ايه هذا هو
سلطان : يالله أنا طالع لغرفتي بروح اتروش واصلي العشا
عبير : زين وش رايك بنسرين؟
سلطان وهو قايم : شوفي نسرين تهاني حياه امل أي وحده اهم شي اعرس واسكت هالشياااب
راح سلطان لغرفته
اشجان : تصدقين نسرين احسن من تهاني وما احس انها بترفض
عبير : ثنتينهم حلوين .. خلاص بقول لامي وابوي وبعدين باخذ راي نسرين
رن جوال عبير (( حبي يتصل بك))
عبير: هلا حياتي
سعود : هلا والله عمري شلون رنووودتي؟
عبير : هذا هي قاعده تلعب وتناغي وتسولف مع اشجان
سعود : قولي لها يقول بابا لا تنامين عشان ما تسهري علينا كالعاده
عبير : ههههههه يا عمري عليها تراها صاحيه من ساعه يعني الحين بتنام وبتزعجك اخر الليل
سعود :الله يعينا على ازعاجها..شوفي دامها الحين بتنام خليها عند اشجان وانا عااازمك على العشا وش رايك؟؟
عبير : اوكي بس اذا جات امي بدق عليك لأني ماابي اطلع واخلي اشجان لحالها في البيت
سعود : خلاص حبيبتي .. مع السلامه
عبير : الله معك
********************
(( بيت بو خالد – عند باب الشارع))
نهى وهي نازله من السياره
ناصر : نهى
نهى : نعم
ناصر: دقي على مها خليها تنزل ابي اشوفها
نهى : وليش ما تدخل داخل ؟
ناصر : مشغول شوي وانا راجع بدخل
دقت نهى على مها وقالت لها تجي عند الباب ناصر يبي يشوفها... دخلت نهى وناصر وقف عن الباب وبيده كيسه جات مها وسلمت على نهى
ناصر يأشر بأصبعه على خده : وانا مالي بوسه
انحرجت مها ونزلت راسها
نهى : نصووور لا تحرجها
ناصر مد ايه : طيب مانبي بوسه تسلم علي باليد على الاقل
مدت مها ايدها وسلمت على ناصر
ناصر وهو ماسك ايدها : وش اخبارك؟
مها اسحبت ايدها : الحمد لله انت شلونك؟
ناصر : دام اني اشوفك أنا بخير(( عطاها الكيسه اللي عنده))
نهى : بعد هديه والله انك حركات
مها : ليش تكلف على نفسك
ناصر : لا كلافه ولا شي والغالي يرخص لك... يالله عن اذنكم
مها ونهى : مع السلامه
دخلوا الصاله
مها : قعدي هنا بروح اودي هدية نصووري واجيك
نهى : طيب
راحت نهى وقعدت ... نزل خالدمن فوق ولا شاف نهى.. وقفت نهى
نهى : السلام عليكم
التفت لها خالد : وعليكم السلام ااسف ما شفتك
نهى بخجل : وش اخبارك خالد؟
خالد مستعجل : الحمد لله بخير .. يالله عن اذنك
طلع خالد ... نهى (( تكلم نفسها )) مسوي علي ثقيل وعند ريم تخر كل اللي عندك .. ما عليه اصبر علي بس.. جاتها مها واقطعت حبل افكارها .. نهى قالت لمها السالفه وهي متضايقه لان خالد ما عطاها وجه
مها : ماعليك منه .. يمكن لانه ما يشوفك كثير ما تعود عليك ... شوفيني أنا مين يصدق ان يوم من الايام اني احب نااصر؟؟
نهى : في هذي صدقتي ..وان شاء الله راح اكثف زياراتي لكم ونشووف نهايتها يا خالد





يتبع........

[superman]

في سيارة سعود))
سعود كان مشغل اغنية راشد الماجد وقاعد يغني معاه ويدلع زوجته دلوعتي كل الحلا فيها .. احترت أنا مدري شسميها.. فيها الحسن كان البدر ضاوي اخت القمر محد يساويها
عبير : حبيبي انتبه للطريق
سعود ولا كانه يسمعها ويعاندها ويسوي حركات بالسياره (( حركة الحيا مثل ما يقولون الشباب))
عبير : سعوود حياتي بلا هالحركات لا تنسى عندنا بنت ونبي نربيها وش فيك يا قلبي
سعود وط صوت المسجل : وش اسوي احبك امووت فيك ودي اطلع راسي من الدريشه واصرخ بأعلى صووتي واقووول (( قعد يصارخ)) احبـــــــــــــــــــــــــــــــك يا عبورتي
عبير : يا بعد عمري انت
سعود : وش رايك الحين نروح البر ونقعد على هالجو الحلو ؟؟
عبير : خلاص حياتي كفايه اليوم وبعدين تلقى اشجان طفشت من ريناد
سعود : على راحتك يا حياتي
وصلت عبير لبيت اهلها وانزلت تاخذ ريناد ورجعت اركبت السياره
سعود وهو يطالع في بنته : يازينها والله .. تتوقعين تنام لبكره
عبير : اتمنى عشان ارتاح وانام زين ... اقول حياتي
سعود : هلا يا عمري
عبير : تدري ان تهاني رفضت الزواج من سلطان؟
سعود : لا لا لا تقولين؟
عبير : ايه والله وانا قلت لسلطان وقلت له نخطب له نسرين وش رايك؟؟
سعود : مدري بس هو اكبر منها با اربع سنين .. يعني تهاني انسب له
عبير : عااد تهاني ارفضته وبعدين اربع سنين مو كثيره!!
سعود : كيفكم يالغاليه ... خلاص شوفي راي نسرين
(( بيت بوسعود – الساعة 11 الليل في غرفة نسرين))
عبير : كلللللللللللللللللووووويش ... الف مبروك يا نسرين
نسرين مستحيه : الله يبارك فيك
دخلت عليهم تهاني وكان باب الغرفه مفتوح
تهاني : وش عندكم ؟؟
عبير بفرح : نسرين موافقه على سلطان
تهاني سلمت على اختها وهي مبسوطه : الف الف الف مبروك ... شوفي عاد قولي لسلطان ينتبه لها ويحطها في عيونه
عبير : لا توصين يا تهاني نسررين غاليه... خلاص اجل وش رايكم نكتب الكتاب الخميس الجاي ؟؟
تهاني : والله بكيفكم انتوا فصلوا واحنا نلبس
عبير : اجل خلاص توكلنا على الله ..
******************
((اليوم الثاني في بيت بو خالد – الساعة 4 العصر))
خلود في غرفتها واقفه عند المرايه تمشط شعرها ... شعرها كان لونه كستنائي ويجي لنص ظهرها اربطته ببكله واخذت غرتها الطويله وحطتها ورى اذنها .. اخذت ملزمتها ورايحه للحوش تذاكر.. اطلعت الحوش وكان فيه هوا شوي .. راحت الناحيه الخلفيه للحوش وبدت مذاكره ارجعت لبداية الحوش وشافت باب الشارع مفتوح راحت تسكره الا فجأه يطلع بوجهها سعود جات عيونها بعيونه .. خلود منصدمه سعود اللي تحبه هذا هو قدامها .. سعود بعد منصدم من اللي يشوفه قدامه وحده حلوه وبيضا وملامحها طفوليه وناعمه وشعرها طاير على وجهها .. صحت خلود من صدمتها وراحت تركض لغرفتها... دخل سعود مالقى احد بالصاله
سعود : يا هوووووووووووو ... يا اهل البيت
طلعت ام خالد من المطبخ
ام خالد : هلا والله بالغالي
سعود يسلم على امه : هلا يمى وش اخبارك ؟؟
ام خالد : الحمد لله بخير .. تعال اتفضل
سعود مستعجل : معليش يمى خليها بوقت ثاني أنا جاي اقولكم حياكم الله كلكم في بيتنا يوم الخميس ملكة اختي نسرين والرجال في بيت عمي بو سلطان
ام خالد : الف مبروك يا يمى .. ومن خذت ؟؟
سعود : سلطان ولد عمي
ام خالد : الله يوفقهم ويسعدهم
سعود وهو طالع :امانه يمى حرصي عليهم كلهم يجون اووكي؟
ام خالد : ان شاء الله
طلع سعود وركب سيارته وقاعد يكلم نفسه: من هالبنت هالحلوه اللي عندهم ؟؟ لا يكون بنت بو ناصر ؟؟ والله لو عندي اخو كان خطبتها له .. يالله ما علينا منها
****************************
(( في غرفة خلود))
خلود مو مستوعبه اللي صار بس مبسوووطه حيل من هالشي... صار لها فتره ما شافت سعود شغلت المسجل على اغنية عيضه المنهالي وقعدت تغني معاه بصوت واطي : (( تدري انــــي موت احبـــك ... وان مالي غيـــر حبك ... واللي ينبض في ضلوعي هذا قلبك ماهو قلبي .. واللي ينبض في ضلوووعي هذا قلبك ماهو قلبي ..هذا قلبك ماااااا ماااا ماااهو قلبي ....
رن جوال خلود (( حنان يتصل بك)).. وطت صوت المسجل
خلود مبسووطه : هلا وغلا بحنان هلا بنت خالتي وحبيبتي
حنان : اووه اووه وش هالوناااسه اللي انتي فيها؟؟
تسندت خلود على السرير وماسكه خصله من شعرها تلعب فيها : اااااااااااه يا حنان ... شفته ولاني قاااادره انساااه
حنان تغير صوتها : اهااااا يعني افهم من كذا انك رجعتي لكلامك الاول ..
خلود : وش اسوي يا حنان .. والله احاول انساه لكن من شفته اليوم عرفت اني مستحيل انساه
حنان بزعل : شفتيه؟؟؟ وين؟؟
خلود : هنا بالبيت جاي يزور امه على ما أظن
حنان : اهاااااااااا
خلود حست بحنان وتعدلت في جلستها : حنان حبيبتي لا تزعلين مني بس والله ما ابي اظلم نايف معي.. ليتك تفهميني
حنان : بالعكس ما ني زعلانه وهذي حياتك وانتي حره..يالله اخليك مع السلامه
خلود : حنونه وش فيك ؟؟ توني ما شبعت منك
حنان : بصراجه يا خلود ضاق صدري ... اكلمك بعدين
خلود بحزن : اوكي براحتك بس امااانه لا تزعلين
حنان : ولا يهمك .. سلمي على اهلك
سكرت حنان الا يرن جوالها مره ثانيه (( تهاني يتصل بك))
خلود : هلا والله تهاني
تهاني : هلا وغلا .. شخبارك؟؟
خلود : الحمدلله تمام انتي شلونك وش اخبار نسرين؟؟
تهاني : كلنا بخير.. ايه تعالي نسرين بتملك يوم الخميس وانتي اول المعازيم
خلود : لا والله ؟؟ الف الف مبروك عقبالك ان شاء الله
تهاني : الله يبارك فيك وعقبالك انتي بعد.. وقولي لحنان بعد خليها تجي لا تنسين
خلود : ان شاء الله
تهاني : يالله يا خلود رنوودي تصيح اكلمك بكره على خير
خلود : اوكي.. سلمي على نسرين وباركي لها
تهاني : الله يسلمك ... مع السلامه
خلود : هلا والله
******************************
(( بيت بو ناصر – غرفة نهى))
نهى قاعده بغرفتها على النت =+(( المشاعر ماهي كلمه تنتهي بوصف الشعور لو اقول اني فقدتك ما اظني قلت شي))+= تم تسجيل الدخول
*&(( يوم ضاق صدري تنفست بذكرى هواك حضنت الملامح في خيالي وتمنيت اجلس معاك))&*
ولكمووووووووووووووو هلا والله فارس
=+(( المشاعر ماهي كلمه تنتهي بوصف الشعور لو اقول اني فقدتك ما اظني قلت شي))+=
يسلمووووووووو هلا بك
*&(( يوم ضاق صدري تنفست بذكرى هواك حضنت الملامح في خيالي وتمنيت اجلس معاك))&*
وش اخبارك ؟؟ وش فيك تأخرت اليوم ؟؟
=+(( المشاعر ماهي كلمه تنتهي بوصف الشعور لو اقول اني فقدتك ما اظني قلت شي))+=
ابد تو صاحي من النوم .. انتي وش اخبارك؟؟
*&(( يوم ضاق صدري تنفست بذكرى هواك حضنت الملامح في خيالي وتمنيت اجلس معاك))&*
الحمد لله تمام.. قعدت من النوم الساعه عشر الصباح وقريت سورة الكهف وصليت بعدين قعدت مع اهلي وتغديت وذاكرت شوي وتو من ربع ساعه قاعده على النت هذاتفاصيلي لليوم وانت وش سويت؟؟
=+(( المشاعر ماهي كلمه تنتهي بوصف الشعور لو اقول اني فقدتك ما اظني قلت شي))+=
انا نمت متاخر امس ولا صحيت الا قبل صلاة الجمعه بشوي وصليت ورجعت نمت وتو صاحي
*&(( يوم ضاق صدري تنفست بذكرى هواك حضنت الملامح في خيالي وتمنيت اجلس معاك))&*
وش عندك على هالنوم ؟؟
=+(( المشاعر ماهي كلمه تنتهي بوصف الشعور لو اقول اني فقدتك ما اظني قلت شي))+=
البارح عيال عمي كانوا عندي وكنت سهران معاهم
*&(( يوم ضاق صدري تنفست بذكرى هواك حضنت الملامح في خيالي وتمنيت اجلس معاك))&*
عيال عمك ؟؟ اول مره تكلمني عنهم
=+(( المشاعر ماهي كلمه تنتهي بوصف الشعور لو اقول اني فقدتك ما اظني قلت شي))+=
ايه لأنهم ما يجونا دايم
*&(( يوم ضاق صدري تنفست بذكرى هواك حضنت الملامح في خيالي وتمنيت اجلس معاك))&*
اهاااااا اهم شي انبسطت معاهم؟؟
=+(( المشاعر ماهي كلمه تنتهي بوصف الشعور لو اقول اني فقدتك ما اظني قلت شي))+=
يعني مو لهناك انا مو متعود عليهم وخاصه البنات لأني مااشوفهم كثير اما الشباب عادي
*&(( يوم ضاق صدري تنفست بذكرى هواك حضنت الملامح في خيالي وتمنيت اجلس معاك))&*
زين اسألك سؤال وتجاوبني بصراحه ؟؟
=+(( المشاعر ماهي كلمه تنتهي بوصف الشعور لو اقول اني فقدتك ما اظني قلت شي))+=
انتي عارفتني انا دااائما صريح معك
*&(( يوم ضاق صدري تنفست بذكرى هواك حضنت الملامح في خيالي وتمنيت اجلس معاك))&*
بس ماتزعل اعتبره سؤال عااادي
=+(( المشاعر ماهي كلمه تنتهي بوصف الشعور لو اقول اني فقدتك ما اظني قلت شي))+=
ياريم اسألي ماراح ازعل
*&(( يوم ضاق صدري تنفست بذكرى هواك حضنت الملامح في خيالي وتمنيت اجلس معاك))&*
انت حاط عينك على وحده من بنات عمك ولا لأ ؟؟ قولي الصراحه لا تستحي
=+(( المشاعر ماهي كلمه تنتهي بوصف الشعور لو اقول اني فقدتك ما اظني قلت شي))+=
ههههههههههههه ضحكتيني وانا اعرفهم عشان احط عيني على وحده منهم .. الكبيره ما اشوفها دايم بس هي تجي بيتنا احيانا والثانيه اصغر مني ..انتي ليش تسألين هالسؤال؟؟
*&(( يوم ضاق صدري تنفست بذكرى هواك حضنت الملامح في خيالي وتمنيت اجلس معاك))&*
بس لأن اغلب الشباب يحطون عينهم على وحده من اهلهم او كانوا يحبون بعض من الطفوله .. يعني مثل هالسوالف اللي انت خابرها
=+(( المشاعر ماهي كلمه تنتهي بوصف الشعور لو اقول اني فقدتك ما اظني قلت شي))+=
صدقيني ياريم مو حاط عيني على احد بس انا متأكد اذا قلت لهلي اني ابتزوج بيخطبون لي بنت عمي الكبيره
*&(( يوم ضاق صدري تنفست بذكرى هواك حضنت الملامح في خيالي وتمنيت اجلس معاك))&*
يعني يزوجونك غصبا عنك؟؟
=+(( المشاعر ماهي كلمه تنتهي بوصف الشعور لو اقول اني فقدتك ما اظني قلت شي))+=
لا مو غصب ..
*&(( يوم ضاق صدري تنفست بذكرى هواك حضنت الملامح في خيالي وتمنيت اجلس معاك))&*
طيب فرضا انت ما تحبها بعد بتتزوجها؟؟
=+(( المشاعر ماهي كلمه تنتهي بوصف الشعور لو اقول اني فقدتك ما اظني قلت شي))+=
اذا على الحب عاادي يجي بعد الزواج ..وبالعكس انا ما اكره بنت عمي ولا احبها يعني عااادي
خالد ونهى كملوا سوالفهم على النت وبعد نص ساعه استأذن خالد وطلع بعدها نهى طلعت وراه ... نهى كانت مبسوووطه من الكلام اللي قاله خالد وتطمنت انه ما راح يتزوج الا هي

(( في بيت بو نايف – غرفة حنان))
حنان منسدحه على السرير تفكر في الكلام اللي بتقوله لنايف .. الا نايف دخل عليها غرفتها
نايف : ناايمه؟
قامت حنان : لا صااحيه تعال ادخل
دخل نايف وقعد على كرسي التسريحه : هااا ياا حنان مو كأنه خلود تأخرت بالرد ؟
حنان منحرجه : بصراحه مدري وش اقولك يا نايف
نايف بخوف : ما وافقت ؟
هزت حنان راسها
نايف : طيب ليش وش السبب؟
حنان تكلم نفسها (( ياربي وش اقوله .. اقوله هي تحب سعود؟؟
حنان : هي تقول الى الحين قبر امها ما نشف
نايف : حنان انا ما قلت زواج هو بس كتب كتاب
حنان :هااا ... هي تقول اذا كتبت الكتاب الحين راح تنشغل عن دراستها وهي تبي تنجح بتقدير حلو ..
نايف : ...................
حنان مبتسمه : وش رايك ادور لك على وحده .. الجامعه مليااانه من البنات الجميلات
نايف حس ان خلود ماتبيه .. قام وطلع من الغرفه من غير مايرد على اخته .. حنان اشفقت على اخوها وعلى حاله ...هي عاارفه انه يموت بخلود و ما كان ودها تكذب عليه بس هي كانت مجبوره ...

[superman]

(( بعد شهرين – زواج نسرين ))
الكل كان حاضر الزواج حتى نهى ومها ...وفي لحظة دخول العروس حطوا موسيقى سلو وكانت عبيرواشجان قدام العروس ينثروا عليها الورد وتهاني كانت ماسكه اختها تدخلها داخل وحنان وخلود ورى العروس رافعين ذيل الفستان ... وصلت العروس عند الكوشه وقعدت ....طقوا الطقاقات اغنية أجيك يسلم راسك وشلون ما اجيك ... وياك انا بالذات صعب اتغلى وقامت تهاني وخلود وحنان وعبير وارقصوا عليها ...بعد ساعه الا ربع من الاغاني والرقص
الطقاقه على المايك : تغطوا يا حريم المعرس واهله بيدخلون
تغطوا الحريم وتستروا ودخل المعرس وابوه و سعود وبوسعود...
ومع زفة المعرس انواع الزغاريط والتصفيق
خلود قاعده تراقب في سعود ما شاء الله صاير كأن هو المعرس مو سلطان واغلب نظرات البنات والحريم عليه وبعد ما قعد سلطان جنب عروسته غنوا كم اغنيه خاصه للعروسين ورقصوا عليها الرجال واهلهم ... راح سعود عند الطقاقه وطلب منها تغني اغنية : هلي لاتحرموني منه
وبدت الطقاقه تغني : هلي لاتحرموني منه .. هلي لاتبعدوني عنه ... مثل ماهو قطعه مني انا تراني قطعه منه... تحبه؟؟ اموت انا اذوب انا ادوخ انا والله وميت فيه ... تحبه ؟؟ هو عقلي وقلبي وروحي يا علني ما ابكيه
خلود قاعده تطالع بسعود وعبير وهم يرقصون على هالاغنيه وكان منظرهم يجنن ..كأنهم معاريس جدد .. كل بنت حضرت العرس تمنت ان يجيها واحد مثل سعود يموت بزوجته .. خلود تكلم نفسها (( شلون انا ادخل بين هالعايله المتماسكه المبنيه على الحب والحنان!! وشلون ادمرها؟؟ انا لازم اشيل سعود من راسي !!..
وهالمره خلود عزمت على انها تنسى سعود من بعد ماشافت بعينها حبه لزوجته
****************************
(( في بيت بو سعود- الصاله))
خلود مجتمعه مع تهاني وعبير ونسرين واشجان
تهاني : يالله هالقعده هذي تجنن بس ناقصها حنانوه
خلود : والله كان ودها تجي بس اخوها نايف عنده دوره ومو موجود في البيت وفيصل دايم مع الشباب ماتقدر تجي وتخلي امها وابوها لحالهم يمكن يحتاجون شي
تهاني : امممممم الله يعينها اجل
عبير : راح نشتاق لك يا نسرين
نسرين : ما عليه كلها شهر وتعدي
عبير تمزح : اهم شي تبسطين اخوي مو تغثينه بشهر العسل انا اعرفك تموتين على رفعة الضغط
نسرين : ههههههههههههه الا سلطان مااحب ارفع ضغطه
اشجان : يا ولد وش هالحركات
نسرين : مو على وش هالحركات بس تعرفين اخوك شوية عصبي
تهاني : انتي لا ترفعين ضغطه وهو ماراح يعصب عليك
نسرين : الله يعدي هالسفره على خير خوفتوني الله ياخذ ابليسكم
خلود : هههههه ما عليك منهم سوي اللي تبينه وما اتوقع انه راح يعصب عليك الا بالعكس راح يدلعك انتي عروس الحين
تهاني : خلود...
خلود : هلا
تهاني : انتي اول مره تجين عندنا وش رايك ارويك بيتنا؟؟
خلود : مو مشكله عااادي
قامت تهاني وخلود وروتها الدور الارضي كله .. راحوا الدور الثاني ومروا على كل الغرف واخر شي مروا على الجناح الخاص بسعود
تهاني : وهذا جناح خاص لسعود وعبير وبنتهم طبعا هذا مؤقت لأنهم بيطلعون بيت لحالهم
خلود : اهااااا
تهاني : تعالي
خلود : لا لا ماله داعي اخاف عبير تزعل
تهاني : عبير ما تزعل .. يالله بس تعالي
افتحت الباب وكان بالوجه صاله ادخلوا الصاله وتفرجوا عليها وكانت صور سعود مليانه الصاله .. ومروا على المطبخ وغرف النوم .. خلصوا واطلعوا من الجناح بينزلون تحت
خلود : ما شاء الله بيتكم كبيرررر وروووووعه
تهاني : تسلمين هذا من ذوقك
وصلوا عند البنات وكملوا ضحك وسوالف .. جات الساعه 10 ونص اخذت خلود جوالها بتدق على خالد يجيها
تهاني : مين تكلمين؟
خلود : بكلم خالد خلاص انا بروح
تهاني : والله ما تروحين حرام عليك تو الناس
خلود : وش تو الناس باقي ساعه ونص وندخل نص الليل
تهاني : تكفين اقعدي على الاقل ساااعه الله يخليك
نسرين : بعدني ما شبعت منك
خلود : اوكي بس حدي ساعه
رن جوال عبير وراحت بعيد عن الازعاج
عبير : هلا حياتي
سعود : هلا فيك هاااا راحت خلود من عندكم؟
عبير :لا ..
سعود : انتوا وين قاعدين
عبير : بالصاله .. ليش بتجي؟
سعود : ايه
عبير : خلاص تعال واقعد بالمجلس عمي بو سعود هناك
سعود : خلاص اوكي الحين بجي
رجعت عبير للبنات : عن اذنكم بنات بروح انوم رنوودي فوق واجيكم
تهاني : خذي راحتك
طلعت عبير فوق ... رن جوال خلود
خلود : هلا والله حنان
حنان : هلا فيك وش اخباركم؟؟
خلود : الحمد لله بخير .. انتي شلوونك؟؟
خلود ماتسمع شي من ازعاج البنات وضحكهم راحت برى الحوش وقعدت على الكراسي .. باب الصاله قدامها وباب الشارع وراها
خلود : الوووو حنان
حنان : هلا ...يمى وش هالازعاج؟؟
خلود : خلاص هذا انا طلعت الحوش ..
حنان : ها وش اخباركم وشلون نسرين؟؟
خلود : الحمدلله بخير ومو ناقصنا الا انتي
حنان : والله انتي عاارفه ولا انا ودي اجي...... يالله مره ثانيه ان شاء الله
خلود : ان شاء الله
حنان : خلود ..
خلود : نعم
حنان : بسألك سؤال وابيك تجاوبيني بصرررراحه مع اني متأكده من اجابتك بس راح اسألك
خلود : اوكي اسألي
حنان : يوم دخلتي بيت تهاني ما جا سعود في بالك
خلود : مع اني ما خذه على نفسي وعد بأني انساه بس من شفت عبير ورنودي والبيت ما اقدرت اطرده من بالي ..
حنان : انا مدري ليش انتي معذبه حالك .. متى راح تفهمين انه مستحيييل يحبك ...
خلود : مدري والله مو مني .. قلبي يمووووت في شي اسمه سعوود وش اسوي؟؟
حنان : انتي لازم تقطعين علاقتك بتهاني ونسرين ولو انك ما زرتيهم اليوم كان سعود ما جا في بالك
خلود : والله معك حق .. بس ما يصير اقطع علاقتي فيهم
حنان : اجل انسيه
خلود : حنان افهمي انا احب سعود واموت فيه ووالله اني حاااولت انساه عشان زوجته وبنته بس ما قدرت .. ودايم يجي في بالي الموقف اللي حصل لي في بيتنا لما طلع بوجهي صدفه ..هذا الموقف بالذات انا ما انساه طوول عمري... لحظه حنان
التفت خلود وراها وما شافت احد ..رجعت تكلم حنان
خلود : هلا
حنان : هااا وش فيك؟
خلود قامت بتدخل داخل : مدري بس كأني سمعت صوت باب الشارع .. ما علينا انا تأخرت على البنات اذا رجعت البيت ادق عليك اوكي
حنان : اوكي ..سلمي عليهم وعلى نسرين بالذات
خلود : ان شاء الله... مع السلامه
ادخلت خلود الصاله وقعدت تسولف مع البنات
**********************
(( سعود في سيارته ))
سعود مو مصدق وقعد يتذكر كلام خلود (((حنان افهمي انا احب سعود واموت فيه ووالله اني حاااولت انساه عشان زوجته وبنته بس ما قدرت .. ودايم يجي في بالي الموقف اللي حصل لي في بيتنا لما طلع بوجهي صدفه..هذا الموقف بالذات انا ما انساه طوول عمري...))
معقوووله خلوود تحبني ؟؟ ولا تموت فيني بعد ؟؟ ليتني ما سكرت الباب ليتني سامع اكثر ؟؟
قعد يتذكر شكل خلود..(( سعود يكلم نفسه : عن جد ملكة جمال )) صحى سعود من الصدمه اللي هو فيها : وش فيني انا قاعد افكر بخلود .. انا رجال متزوج وعندي بنت ... انسى ياسعود وكأنك ما سمعت شي انسى انسى يا سعود...

[superman]

الجزء الخامس)) (( 4 العصر – بيت بو خالد - المطبخ))
خلود مشغوله وساره متسنده على الثلاجه..
سارة : هااا ياخلود كم باقي على الكيكه تراني ميته من الجوع
خلود : ثواني بس .. وبعدين لا تعجليني
سارة : طيب .. اقول خلود باقي 3 اسابيع على الاختبارات النهائيه
خلود طلعت زينة الكيكه من الدولاب : ادري ما قلتي شي جديد
سارة : يعني افهمي ابيك تدرسيني رياضيات
خلود راحت عند الثلاجه : وخري شوي
وخرت سارة : هااا وش قلتي؟؟
خلود وهي تدور بالثلاجه : اوكي بس راح ابتدي معاك هذا الاسبوع لأن اختباراتي بعد اسبوعين
سارة : خلاص اجل بقول لمي عشان تدرسينا مع بعض
سكرت خلود الثلاجه وراحت تحط الكريمه والزينه على الكيكه ... قربت منها سارة
سارة : الله شكلها يجنن..
خلود :روحي جهزي الصحون والملاعق والحقيني بالصاله ...
خلود حطت الكيكه بالطاوله اللي بوسط الصاله وبدت تحط كل قطعه بصحن وملعقه ووزعتها على ام خالد وتركي وسارة وهي اخذت صحن
ام خالد وهي تاكل : يعطيك العافيه والله تعرفين تطبخين
خلود مبتسمه : عليك بالعافيه يا خالتي
تركي وفمه مليان : وش رايك نفتح لك محل للحلويات والنص بالنص
خلود : ههههههه خلاص لما اتخرج
انزلت مها وشافت الكيكه
مها : قاعدين تا كلون ولا تنادوني؟؟
قعدت مها واخذت لها قطعه وحطتها بصحن واخذت ملعقه وقعدت تاكل
مها : الله لذيييييذه ... من أي محل شريتوها ؟؟
سارة مبتسمه : من محل خلود
وقفت مها عن الاكل : وانا اقول ليش طعمها مر
رجعت مها الكيكه مع ان نفسها فيها
مها عافسه وجهها وتطالع فيهم : وشلون تاكلونها احس انها ما تنبلع!!
ام خالد : الا وش زينها من كيكه ان شاء الله اذا جا سعود بعد اشوي ابذوقه منها
خلود توترت وقالت بنفسها (( يا سلام سعود راح ياكل من ايدي ... ياربي تعجبه ))..خلص صحن سارة وراحت تجيب لها قطعه ثانيه
خلود وبدون شعور : بس ياساره راح تخلصينها وما راااح ياكل ...... خالد
سارة : خالد ما راح يجي بدري واذا جا سوي له وحده ثانيه
بعد ربع ساعه طق جرس الباب
ام خالد : مهاا قومي افتحي هذا اكيد سعود
خلود : اجل عن اذنكم أنا بطلع فوق .... واخذت الصحون والملاعق الوسخه وودتها المطبخ
مها معصبه : وليش ماتقولين لساره هي الاصغر
ام خالد : سارة قاعده تاكل يالله قومي بسرعه .. احترق سعود من الشمس
مها وهي طالعه من الصاله تتحلطم: وينها هالشغاله ليش ما تفتح الباب بس كل مها هي اللي تفتح صايره بواب لها لبيت
طلعت خلود من المطبخ وبأيدها صحن فيه ترامس الشاي والقهوه ..حطتهم على الطاوله بجنب الكيكه
خلود : خالتي تبين شي قبل لا أطلع فوق؟
ام خالد : مبتسمه : لا يا يمى ما ابي الا سلامتك
راحت خلود فوق لغرفتها...ودخل سعود بالصاله
سعود : السلام عليكم
الكل : وعليكم السلام
قامت سارة وتركي يسلمون عليه .. سعود راح باس راس امه وقعد جنبها
سعود : ها يمى وش اخبارك ؟؟
ام خالد : بخير انت شلونك وش اخبار بنتك وزوجتك؟
سعود : والله الحمد لله تمام
سارة : سعود تبي كيكه؟؟
سعود : لا مشكوره مو مشتهي
تركي : لا تفوتك والله يروح نص عمرك اذا ما اكلتها
سعود مبتسم : لهالدرجه الكيكه حلوه؟؟
مها : لا تصدقهم تراهااا مره ومالها طعم ابد
سعود : وش فيكم دوختوني حلوه ولا مو حلوه ؟؟
ام خالد تكلم مها : بدل ما تكرهينه في الكيكه قومي سوي مثلها
سعود : ههههههه افااااا يا مها هالصغيره سارة تعرف تطبخ احسن منك ؟؟ بس أنا بريحك لا تقومين ولا تسوين شي لأن من جد مو مشتهي اكل
سارة : مو أنا اللي مسويتها .. اللي مسويتها خلود
سعود سرح شوي وبدون شعور : طيب عطيني قطعه
مها : توك مو مشتهي
سعود يرقع : شوفي أنا صحيح مو مشتهي بس ما ابي اكسر خاطر امي اكيد انها تقول دخل بيتنا وما اكل شي ... سارة صبي لي قهوه
ام خالد : ما عليك منها بس هي مقهوره لان خلود بعمرها وتطبخ احسن منها
سارة وهي تمد له الكيكه : بذمتك قول رايك بصراحه عشان بعض الناس يعرفون ان الكل عجبته كيكة خلود الا هم
سعود كل اول لقمه : ياسلام بصراحه روووعه... ما دريت ان ماعندك ذوق يا مها
مها معصبه : والله انتوا اللي ماعندكم ذوق مدري وش عاجبكم في هالخلود
تركي : اهاااا يعني تعترفين ان الكيكه عاجبتك بس صاحبتها مو عاجبتك
مها وهي قااايمه : اووووووه اروح لغرفتي احسن من اني اضيع وقتي بكلام فاضي
تركي : مدري متى هالبنت بتحب خلود
سعود : باين على مها انها تكره خلود
سارة : الا ما تطيقها بعيشة الله
ام خالد : الله يهديها ان شاء الله
سعود : وخلودتكرها ولا لأ؟
تركي : بالعكس مسكينه هالخلود والله انها طيبه وحبوبه وما تكره احد
سعود : اجل الله يعينها على مها ويصبرها
سعود سرح في خلود ووجه خلود وكلام خلود وطيبة خلود وكيكة خلود
سارة : اقول سعود انت جاي تزورنا ولا تسأل عن خلود؟؟
تركي : اكيد جاي يزورنا
سارة تكلم تركي : ترا مايدري عنك ولا يدري عن اللي تقوله
تركي : هييييي يااابو الشباب
سارة : ولا هووو هنا
ام خالد دقت سعود بكوعها
سعود انتبه : هلااا
ام خالد : وش فيك وين رحت اخوانك يكلمونك وانت ماتدري عنهم!!
سعود مبتسم : لا يمى بس كنت افكر بـ
ام خالد : بخلود؟؟
سعود انقلب وجهه : ههههههههه لا يمى كنت افكر بطعم الكيكه ... سارة قولي لخلود تسلم ايدينها والله الكيكه لذيذه
ام خالد : تفكر بطعم الكيكه ؟؟ ليش ناوي تطبخ مثلها؟؟
تركي وساره : هههههههههههههه
تركي : والله يمكن يسويها بو ريناد
سارة : اقول خلونا من كيكة خلود ... ليش ما جبت رنوودي والله اشتقت لها
سعود وهو يحط الصحن على الطاوله : انشاء الله بكره بجيبها هي وعبير
ام خالد : ايه والله هذي مرتك ليش قاطعتنا ولا حتى تقول اسلم على ام زوجي
سعود : يمى اعذريها والله ريناد مطلعه روحنا...سهر بالليل ونوم بالنهار وامها صايره مثلها
سارة : يا حليلها والله ..اذا طفشتوا منها جيبها لي بنومها معي
ام خالد : خلي البنت عند اهلها وانتي خلك بدروسك
تركي يطالع بساعته : يوووه تأخرت .. يالله عن اذنكم
ام خالد : وين بتروح ؟؟
قام تركي : بروح عند الشباب..يالله مع لسلامه
ام خالد : سارة
سارة : نعم
ام خالد : قومي شيلي الصحون وديها للمطبخ
قامت سارة : ان شاء الله
سعود : يمى
ام خالد : نعم
سعود : يمى تسمحين لتهاني تزور خلود؟؟
ام خالد مستغربه : وليش امنع؟؟
سعود : مدري تهاني ودها تزورها بس خايفه من ردت فعلك
ام خالد : بالعكس حياها الله بأي وقت..
سعود : يعني انتي مو شايله عليها؟؟
ام خالد : انت عارف ان تهاني ونسرين مالهم ذنب بكل اللي صار
سعود : والله معك حق والله يسامح ابوي هو اللي مكبر السالفه
********************
(( غرفة مها))
مها تكلم نهى على التليفون
نهى : تكفين يا مها امااانه قولي له الله يخليك
مها : لا حول ولا قوة الا بالله.. اانتي مجنونه؟؟
نهى : يا بعد عمري انتي وش بتخسرين اذا قلتي له؟؟
مها : والله انك خبله تبيني اقوله يا خالد الله يخليك تزوج نهى بنت عمي؟؟
نهى : لاااا مو بهالطريقه عاااد
مها : اجل شلون؟؟
نهى : يعني قولي له .. متى نشوف عرسك؟؟ يالله نبي نشوف عيالك .. نبي نفرح فيك ..ومن هالكلام.. الله يخليك
مها : زين وبعدين
نهى : انتي اذا ازعجتيه كل يوم وقلتي له تزوج بيقول لك :خلاص اخطبي لي ازعجتيني ..عاد انتي حبيبتي راح تخطبيني له .. فهمتي الحين؟؟
مها : طيب خلاص ... الا انتي ليش مستعجله على الزواج توك صغيره؟؟
نهى : اللي يسمعك انتي وناصر مو مستعجلين؟؟
مها : أنا من ناحيتي مو مستعجله بس ناصر الله يهديه مستعجل
نهى : طيب ليش ماتخطبون وتفكونا
مها : تو الناس .. على الاقل لما اتخرج من الجامعه
نهى : يعني هامتك الجامعه الحين؟ مها محد يعرفك كثري
مها : بصراحه ماني متأكده من شعوري ناحية ناصر؟؟
نهى : شلون يعني منتي متأكده؟
مها : يعني اذا قعدت معاه وسولفت احس اني اموووت فيه بس اذا قعدت لحالي وفكرت فيه احس اني مااحبه...والله مدري شلون اشرح لك
نهى : انتي هييييي لا تقعدين تلعبين بمشاعر اخوي
مها : عشان كذا أنا أ أجل الخطبه ... وبعدين خاايفه حب ناصر لي يقل بعد الزواج
نهى : ان شاء الله ما يقل.. بس الخوف ان حبك لك يكون وهم؟؟
مها بقلق : والله مدري يا نهى أنا خايفه ومو خاايفه
نهى : احس انك بتعذبين اخوي معاك
مها عصبت : تراك ذبحتيني اخوي واخوي فكينا من هالسالفه قولي لي بكره بتروحي الجامعه؟؟
نهى خايفه من مها : لا مو رايحه بكره ابوي بيسوي عشاء التقاعد وتعرفين لازم اقعد اشوف اللي لي واللي علي
مها : عشاء رجال وحريم ولا كيف؟
نهى : لا بس رجال
مها معصبه : ومسويه نفسك بقعد البيت اللي يسمعك بتنظفين مدري بتطبخين !! المهم بكره لا تغيبين تعالي
نهى بخوف : ان شاء الله
*********************
(( بيت بو نايف))
نايف قاعد مع حنان بالصاله اللي فوق
نايف : متى راح تجي امي من المزرعه؟
حنان : والله مدري ليش تبي منها شي؟؟
نايف : لا.... بس اسأل
حنان : فيصل شخباره زرته اليوم؟؟
نايف : لا مارحت له ان شاء الله بعد بكره ازوره
حنان : تصدق اشتقت له ...
نايف : يالله باقي له شهرين ويطلع من السجن
حنان بحزن :آآآه يا فيصل ضيعت مستقبلك بايدينك.. وين فيصل اللي ما يطلع من البيت الا للضروره .. اللي يهتم بدروسه ... اللي مايعصي والدينه ..ضاع فيصل وانتهى
نايف : الله يهديه ان شاء الله ...ادعي له بالهدايه
حنان : الله يهديه
نايف : على طاري فيصل لا يكون خلود ما صارت تجي بيتنا بسبب اللي سواه هذاك اليوم ؟؟
حنان : لا لا مو عشان كذا
نايف : اجل وش عشانه ؟؟ عشان ما تشوفني أنا؟؟
حنان : والله مدري بس يمكن تكون منحرجه منك
نايف : لا تنحرج ولا شي الزواج قسمه ونصيب قولي لها تجي لبيت خالتها عااادي ولا كأن صار شي
حنان مبتسمه : افهم من كذا انك خلاص قررت تدور لك وحده غير خلود؟؟
نايف بحزن : غير خلود ؟؟ ومن هي اللي في هالدنيا كلها بتكون احسن من خلود
حنان تأثرت : نايف والله في بنات احسن من خلود بكثير لو تشوف البنات اللي بالجامعه الوان واشكال
نايف : بس قلبي مايشوف ولا يحب الا خلود
حنان فاقده الامل : الله يهديك ويرزقك بوحده تحبك وتموت فيك و تنسيك خلود
***************
(( في بيت بوسعود))
دخل سعود الصاله وشاف تهاني قاعده على التلفزيون
سعود : السلام عليكم
تهاني : هلا وعليكم السلام
قعد سعود : اجل وين عبير ؟
تهاني : فوق تنوم ريناد ..
سعود : وابوي وينه؟
تهاني : بالمجلس ما شفته؟؟
سعود بتعب : لا ما انتبهت له
تهاني : شخبار خالتي وعيالها؟
سعود : الحمد لله كلهم بخير ..وامي تسلم عليك
تهاني مستغربه : هاااا؟؟ خالتي تسلم علي أنا؟؟
سعود : ايه وش فيك ؟؟ تهاني انتي ما تعرفينها زين ..امي انسانه طيبه وقلبها ابيض.. تصدقين قلت لها انك تبين تزورين خلود قالت حياها الله بأي وقت
تهاني بفرح : صدددق ... يعني خالتي نست اللي صار ؟؟
سعود : اللي صار ماااضي واحنا اعيال اليوم
تهاني : الحمد لله لك يارب .. ودي اروح لها وابوسها على راسها ...
سعود وهو قايم : خلاص متى ما بغيتي تروحين أنا اوديك
تهاني : اوكي
طلع سعود فوق ودخل غرفته استقبلته عبير بكل حب وحنان
عبير : هلا ياعمري
سعود وهو رايح ناحية السرير: هلا
انسدح سعود على السرير وعبير واقفه مكانها مستغربه
عبير : حياتي وش فيك؟
سعود وهو مغمض عيونه : مافيني شي بس تعبان شوي
عبير : اجيب لك العشاء؟
سعود : لا لا ماله داعي
عبير : زين تبيني اجيب لك شي ؟
سعود معصب : اوووووووه يا عبير وش فيك صايره حنّانه قلت لك مابي شي ما تفهمين؟
عبير مصدومه : طيب طيب هدي نفسك ..انا برى اذا بغيت شي نادني
وعبير هي طالعه ريناد صحت من النوم وقامت تبكي
سعود : تعالي خذي بنتك هالمزعجه..ما تخلي احد يرتاح ابد
عبير اخذت ريناد واخذت رضاعتها وطلعت برى الغرفه وهي نازله تحت قابلت تهاني وهي طالعه
تهاني وهي تضحك لريناد : وش فيها رنودي مانامت؟؟
انزلت عبير من غير ماترد على تهاني وراحت وقعدت على الكنبه اللي بالصاله وعطت ريناد الرضاعه ..الحقتها تهاني وقعدت جنبها
تهاني بقلق : عبير وش فيك؟
عبير والعبره خانقتها : مافيني شي
عبير حاطه ريناد فوق رجولها ومن التوتر اللي هي فيه قاعده تهز رجلها وكل مالها تزيد في الهز
تهاني : عبير هدي شوي لا تطيح ريناد منك
عبير هدت شوي : ما لاحظتي شي على سعود
تهاني مستغربه : لا ..انتي ملاحظه عليه شي؟؟
عبير : ماتحسين انه متغير
تهاني : مو مره بس صاير يفكر ويسرح كثير
عبير : تهاني سعود صاير يعصب علي وعلى اتفه الاسباب..
تهاني تهدي عبير : ما عليه يا عبير تلقينه يمر بمشاكل وضغط بالشركه انتي عارفه ان الشغل كل على راسه
عبير انزلت دمعه من عيونها وطالعت بتهاني : يعني تتوقعين الشركه هي السبب؟؟
تهاني مبتسمه : ايه .. انتي عطيه وقت وصدقيني اول ماتخلص مشاكله راح يرجع مثل اول
عبير بامل : الله يسمع منك ان شاء الله
تهاني : الليله بنوم رنودي عندي عشان سعود ينام ويرتاح
عبير : ايه والله ريناد كل ليله تصيح وما تخليه ينام
تهاني مبتسمه : خلاص أنا با خذها وانومها معي وانتي انتبهي لزوجك اوكي
عبير ابتسمت : مشكوره يا تهاني
تهاني : ايه ابتسمي الزعل مو راكب عليك ...

[superman]

(( في بيت بو ناصر))
الكل قاعد بالصاله الا نهى
بو ناصر : هااا يا ناصر كل شي جاهز لبكره؟؟
ناصر : لا تفكر يا يبى كل شي جاهز
بو ناصر : ايه لا تفشلنا بكره بيجونا مدرسين ومدراء وموجهين وناس كباريه
ناصر : يبى اعتمد على الله ثم علي لا تحاتي
ام ناصر : عقبال ما تجهز لعرسك
ناصر : ان شاء الله يمى قريب
مي : عااد يا خوي مالقيت الا مها تتزوجها
ماجد : وش فيها مها صحيح انها مغروره بس والله طيبه وحليوه
ناصر : وانتي وش دخلك اهم شي هي عاجبتني
مي : والله راح تندم هذي حيه
ناصر عصب : انتي محد قال لك ان لسانك طويل
ام ناصر : مي روحي غرفتك ذاكري ما بقى شي على الاختبارات
بو ناصر : وش فيكم على بنتي؟؟
مي وهي قايمه : لا عادي يا يبى أنا اصلا رايحه فوق .. وانت يا ناصر راح تقول اختي قالت
ناصر مو عاجبه : يالله بس انقلعي لغرفتك
راحت مي لغرفتها ونزلت نهى
ناصر : هلا والله بحبيبتي
ماجد : لا تصدقينه مو عشانك عشان حبيبة قلبه مها ههههههههه
قعدت نهى : ايه ادري ....
ناصر : هااا وش اخبار مهاااوي
نهى : بخير تسلم عليك
ناصر : صدق ؟؟ قولي لي وش اخبارها وش مسويه ؟
بو ناصر : اقول اترك عنك مها وروح نام بكره عندك دوام
ناصر : الله يعني محد عنده دوام في هالبيت الا أنا؟؟ كلهم عندهم دوامات
ماجد مبتسم : أنا مو رايح بكره ما عندي شي
ناصر يكلم نهى : نهى سولفي لي عن مها
قام بو ناصر : اروح انام ابرك
قامت وراه ام ناصر : اخذني معاك
ناصر : نهى وش فيك ؟؟ اطر منك أنا يالله سولفي
قامت نهى وهي معصبه : تراك اذيتني بمها يا أخي روح اخطبها وفكني .. صايره لكم مرسول الحب
ناصر : هييييييي نهى وش فيك وين بتروحين؟؟
نهى وهي طالعه فوق : برووح انام بكره بروح الجامعه
ناصر قعد يطالع بماجد ... ابتسم له ماجد
ناصروهو قايم : وانا وش يقعدني مع بزران ... اروح انام أنا بعد
ماجد يكلم نفسه : وش فيهم هذول دائما يخلوني بروحي ... والله كيفهم هم الخسرانين ....(( وقعد يطالع التلفزيون))
********************
(( في ميلانو))
سلطان : هااا حبيبتي وش رايك بها لمطعم؟
نسرين : واااااااو بصراحه رووووعه... يجنن
سلطان برقه : ورومنسي
استحت نسرين ...
سلطان بحنان : لو ادري انك بها لطيبه والجمال والحنان كله كان تزوجتك من زمان
نسرين مازالت منزله راسها ... سلطان حط ايده عند ذقن نسرين ورفع راسها وجات عينه بعينها
سلطان : احبك
نسرين ساكته
سلطان : منتي راده علي ؟؟يعني اروح لأي ايطاليه و..
نسرين : لا لا خلاص برد عليك
سلطان : يالله تكلمي أنا انتظرك
نسرين : بصراحه ما توقعتك رومنسي لها لدرجه
سلطان : وغيره
نسرين وهي منزله راسها : وبس
سلطان فقد الأمل : وبسسس؟؟
نسرين طالعت فيه باابتسامه : وانا احبك موت
سلطان ارتاح : ايه الحين الواحد له نفس يطلب وياكل
نسرين : هههههههههههه
سلطان : الله لا يحرمني منك ومن هالضحكه ..
*************************
(( بيت بو خالد- بعد المغرب))
في الصاله اللي فوق
خلود : حيا الله تهاااني ..نور البيت يالغاليه
تهاني : منور بأهله ماشاء الله بيتكم حلوو
خلود : الله يخليك
طلعت مها من غرفتها ولا كأنها تشوف احد
تهاني بشويش : انتي كيف متحمله العيشه مع مها؟
خلود : عااادي أنا لحالي وهي بحالها واحاول اني مااحتك فيها كثير
تهاني : احسن لك.. اجل وين سارة اختك؟
خلود : قاعده مع مي من الظهريذاكرون .. مساكين الله يوفقهم ويسهل عليهم
تهاني : امين يارب...وحنان شخبارها القاطعه؟
خلود : الحمد لله بخير .. وبصراحه عتبانه عليك
تهاني : وش اسوي انتي عارفه نسرين تزوجت وعبير مشغوله مع ريناد... واغلب شغل البيت على راسي
خلود : والله غلطتكم ليش ما عندكم شغاله؟؟
تهاني : ما يحتاج شغاله حنا عددنا قليل
خلود : اجل تحملي اللي يجيك ... عن اذنك نسيت جوالي بالغرفه بروح اجيبه
تهاني : اذنك معك
(( تحت بالصاله))
ام خالد تكلم مها : وين ان شاء الله
مها وهي تلبس عباتها : بيت عمي
ام خالد : وعلى طول رايحه من غير ما تستأذنين ولا شي
مها : لاني عارفه انك ماراح ترفضين
ام خالد : ومين قالك اني موافقه ..اقعدي مافي روحه
مها راحت عند امها : يمى تكفين الله يخليك
ام خالد : أنا ابي اعرف وش عندك كل يوم رايحه لبيت عمك؟
مها : يعني تبين تحرميني من بيت عمي ؟
ام خالد : لا .. بس مو عدله كل يوم رازه الوجه عندهم
مها : خلاص يمى ااااخر مره ..خليني اروح الله يخليك
ام خالد : اوووووووف لا تتأخرين .. وبعدين لا تقعدين تسولفين انتي ونهى وتنسون المذاكره
مها باست راس امها : لا ولا يهمك المذاكره اولا
ام خالد : ايه هين
مها وهي طالعه : مع السلامه يمى
دخل خالد باس راس امه وقعد : وهذي كل يوم طالعه مالها والي
ام خالد : وش اسوي فيها ؟؟
خالد : ماعلينا سارة ومي الى الحين يذاكرون فوق
ام خالد : ايه .. الله يوفقهم وينجحهم ان شاء الله
خالد وهو قايم : ان شاء الله .. عن اذنك يمى بروح ارتاح بغرفتي شوي
طلع خالد فوق ..تهاني كانت بالصاله وقاعده على جنب تقرا المجله .. جا خالد وقعد على يمين تهاني
خالد : هااا يا مي قاعده تقرين مجله بدل المذاكره
التفت له تهاني وهي مفجوعه ..طالعها خالد مصدوم وقام
خالد :آآسف والله على بالي بنت عمي مي
راح خالد لغرفته منحرج من هالموقف ...دخلت خلود بالصاله
خلود : ها تأخرت عليك؟؟
تهاني متغير وجهها : لأ عااادي
************************
(( في بيت بو ناصر – بعد صلاة العشاء))
ناصر واقف عند الباب ويسلم على الضيوف ويدخلهم داخل وماجد بالمجلس يصب لهم القهوه وبو ناصر يسلم على هذا ويسولف مع ذاك ...
(( في غرفة نهى))
مها تطل من الدريشه : ماشاء وش كثر معارف عمي
نهى على السرير : تعالي بس ما عليك منهم..قولي لي قلت لخالد؟
مها اقعدت جنب نهى : لا ما شفته عشان اقول له
نهى : يمىىىى منك أنا قاعده على نار وانتي يابرد اعصابك
مها : اجل أنا خبله مثلك خليك قويه مو خفيفه بنسمة هوا تطيرين
نهى : مين يتكلم .. الحين يجي ناصر وتخرررين
مها مبتسمه : وووووجع
دخل عليهم ناصر : هااا وش اخباركم؟
نهى : هذي خامس مره اللي تدخل علينا وتسالنا هالسؤال
ناصر يطالع بمها : أنا مو جاي عشانك أنا جاي عشان حبيبتي
نهى : ناصر روح تلقى ابوي محتاج لك الحين
ناصر : يالله عن اذنكم (( وقبل لا يطلع غمز لمها))
نهى : حرام عليك يا مها شوفي كيف يموت فيك
مها : وانا قلت لك مااحبه؟؟
نهى : مدري عنك تقولين خاايفه ومدري ايش..؟؟
مها : أنا احبه بس مو متأكده من هالحب فهمتيني...؟؟
**************
(( في بيت بو سعود- غرفة سعود))
عبير قاعده على السريروسعود توه داخل
سعود : هلا عمري
عبير : هلا والله
قعد سعود بجنبها : القمر زعلان ؟؟
عبير : ............
سعود : آآآسف يا عمري سامحيني
عبير : ليش تغيرت علي؟؟
سعود : يا قلبي انتي عااارفه ضغط الشغل .. قدري يا حبيبتي
عبير :يعني اكيد الشركه هي السبب
سعود : وليش انتي شاكه بشي ثاني؟
عبير : لأ .. بس أنا مقصره في حقك؟؟
سعود : لا ياعمري منتي مقصره .. حبيبتي وش رايك نتعشى في مطعم اليوم؟
عبير : .........
سعود برقه : للحين زعلانه؟؟
عبير طالعت فيه ودموعها بعيونها : سعود أنا احبك واموت فيك بليزز اذا أنا مقصره معاك قولي
سعود ماتحمل كلامها وحضنها .. وقاعد يفكر (( معقوله اهدم بيتي لأني عرفت ان خلود تحبني .؟؟ آآآآآآآآآآآه المشكله ان كلمات خلود ترن بأذني ؟؟ بس ماابي اظلم عبير))
بعد سعود عبير عنه وابتسم لها : يالله حبيبتي قومي البسي عباتك ونودي ريناد عند اشجان ونروح المطعم
عبير هزت راسها ... وسعود طبع بوسه على جبينها وقاام وراح تحت بالصاله... رن التليفون
سعود : هلا
تهاني : هلا سعود .. وينك ماترد على جوالك؟؟
سعود : ناسيه بالسياره وش فيك ؟؟
تهاني : تعال اخذني
سعود : اقعدي شوي عند خلود
تهاني : خلاص ابي اروح ..البنت طفشت مني
سعود : لا مااتوقع خلود تطفش منك
تهاني : سعود قول انك مشغول ومو فاضي لي
سعود : مو على اني مشغول بس كنت بطلع أنا وعبير للمطعم
تهاني : يعني تصالحتوا..زين قبل لا تطلعون مر علي .. انت عارف عبير يبي لها ساعه على ما تجهز
سعود : طيب يالله أنا جايك الحين
طلع سعود راح يجيب تهاني
****************
(( في بيت بو خالد))
خلود تسأل تهاني : تصالحوا ليش هم متزاعلين؟؟
تهاني : لا مو متزاعلين بس سعود متغير شوي على عبير
خلود تسأل نفسها : وش اللي مغيره على زوجته؟؟
رن جوال خلود (( حنان يتصل بك))
حنان : اااه يالخونه تجتمعون ولا تقولون لي
خلود :اولا قولي السلام عليكم وبعدين عاتبي...وبعدين أنا عارفتك اذا قلت لك تعالي بتقولين امي لحالها وابوي مدري وش فيه وش نسوي لك؟؟
حنان : ماعلي منكم لازم تجون عندي في البيت
خلود : اوكي راح نجيك بس مو الحين اذا خلصنا اختبارات
حنان : كيفكم اهم شي تجون
رن جوال تهاني
تهاني تكلم خلود : يالله سعود جا
خلود : حنان خلاص اكلمك بعدين ... مع السلامه
تهاني البست عباتها ونزلت خلود معاها توصلها عند الباب سلمت عليها طلعت تهاني وقعدت تطالع سعود من فتحة الباب
***********
(( سيارة سعود ))
سعود وصل تهاني للبيت
سعود : يالله نادي عبير بسرعه
نزلت تهاني : ان شاء الله
بعد خمس دقايق جات عبير وركبت وحرك سعود السياره...راح لبيت عمه نزلت عبير عشان تنزل ريناد عند اشجان ..تذكر سعود ان ما سأل تهاني تبي عشا ولا تعشت عند خلود دق عليها جوال
سعود : هلا تهاني
خلود : هلا سعود أنا مو تهاني ..تهاني نست جوالها في بيتنا
سرح سعود في صوت خلود هو اول مره يسمع صوتها على التليفون
سعود : طيب خلاص ادق عليها على تليفون البيت .. مع السلامه
خلود : الله يسلمك
دق سعود على تهاني وقالها السالفه وسألها تبي عشى ولا لأ قالت له لأ...ركبت عبير السياره وحرك سعود وراحوا لمطعم حلو
*****************
(( بيت بو ناصر))
مها ونهى طالعين من الغرفه
مها : تتوقعين راحوا المعازيم كلهم
نهى : ايه كم الساعة الحين 10 ونص اكيد راحوا
وقفت مها وسلمت على نهى : خلاص لا تتعبين حالك ادل الطريق ... مع السلامه
نزلت مها ونهى ارجعت غرفتها ...طلعت مها من الصاله وراحت للحوش ..تغطت وراحت السياره .. وهي رايحه لفت نظرها واحد واقف مع ناصر وشكله آآخر المعازيم .. كان اطول من ناصر .. ركبت مها السياره وراحت بيتهم.. اول ماوصلت راحت لغرفتها ودقت على نهى وقالت لها السالفه وتبي تعرف مين هذا اللي واقف مع ناصر لأنها مشبهه عليه
دقت عليها نهى
مها : هلا نهى .. هاااا عرفتي مين هو؟؟
نهى : ايه بس بعد مااخذت تهزيء من ناصر
مها : ماعليك منه .. المهم منهو هذا؟؟
نهى : هذا نايف ولد خالة خلود
مها : اهااااااااااااااا... طيب اجل مع السلامه
نهى : بس اخذتي اللي تبينه وسكرتي .. وبعدين ليش تسألين عنه؟
مها : قلت لك مشبهه عليه وطلع صدق يشبه اخته حنان .. بس هو احلى .. يالله أنا تعبانه ابي انام
سكرت مها الخط وسرحت في نايف (( معقوله حبت نايف من اول نظره؟؟))
********************
(( سيارة سعود ))
سعود : هااا يا قلبي رضيتي علي؟؟
عبير : اكيد يا عمري وانا اقدر ازعل عليك
اخذ سعود جواله ودق على تهاني
سعود : هلا
خلود : آآآسفه لاني صايره ملقوفه وارد بس أنا رديت لأني شفت اكثر من مكالمه لك قلت يمكن صاير شي؟؟
سعود : لا مو صاير شي .. بس خلي أي احد يطلع لي الجوال برى
خلود : ان شاء الله
سكر سعود وسرح في خلود مره ثانيه (( ياربي ليش كل ماحاولت انساها يجمعني القدر فيها ليش ))
عبير بصراخ : سعوووود انتبه
سعود ما قدر يتصرف وصدم بالسياره اللي طالعه عليهم بسرعه جنونيه واقلبت سيارة سعود قلبه وحده ...قام سعود من بعد الحادث بخمس دقايق والتفت على عبير
سعود : عبير ..... عبير....
عبير ما تحركت ولا حررررررررررررركه

[superman]

((الجزء السادس))


(( في المستشفى ))
سعود بغرفة الطوارئ يضمدون جروحه البسيطه بعد ما خلص راح عند غرفة عبير ينتظر الدكتور وبتوتر
سعود في نفسه : ياربي انا السبب .. اذا صار أي شي لعبير ماراح اسامح نفسي..آآآه يا خلود كيف اطلعك من راسي كيف؟؟ ......يارب انك تعدي هالليله على خير
انتبه سعود للدكتور وهو طالع من غرفة عبير وراح له
سعود : هااا يا دكتور زوجتي فيها شي؟؟
الدكتور : لا الحمدلله زوجتك بخير .. بس كان مغمى عليها من الصدمه والحين حاطين عليها مغذي لمدة ساعه
سعود بأرتياح: الحمدلله لك يارب.. دكتور متأكد مافيها كسور؟؟ متأكد انها بخير؟؟ الله يخليك طمني
الدكتور : اهدأ زوجتك بخير ما فيها شي واذا مو مصدقني روح ادخل عليها
راح سعود ودخل على زوجته .. عبير على السرير وفي ايدها المغذي ..قرب منها سعود ومسك ايدها وايده الثانيه على راسها
سعود : حبيبتي وش اخبارك؟؟
عبير بتعب: الحمدلله بخير .. انت شلونك جاك شي؟
سعود : لا يا عمري انا بخير والحمدلله...سامحيني يا عبير انا آآسف
عبير : لا يهمك يا قلبي الحادث مكتوب لنا
قرب سعود وطبع بوسه على جبينها : الله لا يحرمني منك..اهم شي اني تطمنت عليك والحين اعذريني بروح اشوف وش صار على سيارتي.... اعذريني ياقلبي لازم اخلص كل شي مع الشرطه
ابتسمت له عبير : معذور يا حبيبي
طلع سعود برى الغرفه ورايح للأستقبال لأن هناك شرطي ينتظره ..وبعد نص ساعه خلص سعود اموره مع الشرطه ورجع لغرفة عبير الا يرن جوال سعود (( تهاني يتصل بك))
سعود : هلا تهاني
خلود : سعود انا خلود مو تهاني
سعود : آآآسف يا خلود نسيت ان الجوال عندك
خلود : انا اللي آسفه لأني دقيت عليك بهالوقت بس شفتك تأخرت ما جيت تاخذ الجوال فحبيت اتطمن
((سعود كل ماسمع طاري خلود او يسمع صوتها ينسى نفسه وينسى انه متزوج ومايذكر الا كلامها واعترافها يزن بأذانه))
سعود بكل رقه : تخافين علي يا خلود؟؟
خلود انصدمت من رد سعود : هاااااا لأ ...انا ...
وقفلت الخط بوجه سعود ...سعود يحاسب نفسه (( هو ليش قال كذا؟؟ ليش ينسى نفسه عند خلود؟؟ وحبه لعبير وين راح؟؟ ))تذكر عبير وراح لها بالغرفه وبعد نص ساعه طلعوا من المستشفى ووقفوا لهم تاكسي يوصلهم للبيت
*******************
(( غرفة خلود))
خلود منسدحه على سريرها وضامه المخده .. وتسأل نفسها : ليش سعود كلمني بهالطريقه؟؟يمكن عارف اني احبه؟؟ بس كيف ؟؟ لايكون حنان قالت لتهاني وتهاني قالت له؟؟ لا لا مااتوقع؟؟يمكن هو مغيزلجي او يمكن انا فهمت سؤاله غلط او ماسمعته زين..شغلت المسجل وسمعت اغنيه رابح صقر :
احب انا لا لا .. اشتاق لك لا لا .. لكني ميت فيك فاهمني ولا لأ.. دايم افكر فيك واشتاقلك واجيك...من قال انا ما ابيك لا تصدق اقواله .. احب انا حبك واذوب في قلبك يشهد علي ربك قلبي لك لحاله..اتوه واحلم بك هذا وانا جنبك وان زار جفني النوم زولك تهيأ له.. هذي حقيقة حب اخفيتها بالقلب ..خوفي من العذال تدري وتغتا له.......
(( اليوم الثاني الساعه خمس ونص الصباح))
خلود تسمع صوت الباب
خلود بكسل : ميييييييييين؟؟
..............: انا
خلود مو مصدقه قامت تفرك عيونها وتقرص بنفسها هي بعلم ولا بحلم ...لا لا اكيد بحلم ..قامت وفزت من على السرير وراحت تفتح الباب
خلود وهي فاتحه عيونها مو مصدقه : مهااااااا؟
مها مبتسمه : صباح الخير
خلود بدهشه : صباح النور
مها : انتي الى الحين ناايمه ؟؟ يالله صلي الفجر والبسي انا انتظرك تحت
راحت مها وخلود واااقفه عند باب غرفتها مو مصدقه وش قاعد يصير
خلود تكلم نفسها : مها تصحيني من النوم ولا بعد بتروح معي الجامعه؟؟؟لا لا اكيد نازل الوحي ..انا يبي لي اترووش بمووويه ثلج شكلي قاعده احلم والى الحين ما صحصحت
خلصت خلود وانزلت تحت بالصاله باست راس خالتها وابوها وقعدت..
مها : خلود قومي افطري بالجامعه تأخرنا
ام خالد وبو خالد صار حالهم من حال خلود مندهشين
ام خالد تكلم بو خالد بشويش : انت تشوف اللي انا اشوفه
بو خالد بدهشه : مااااني مصدق
خلود : يالله على قولتك نفطر بالجامعه
طلعت مها وخلود وركبوا السياره
*************
(( في الجامعه))
بعد ما فصخوا عباياتهم راحت خلود لمكانها المعتاد اللي تجتمع فيه هي وتهاني وحنان التفتت ورى ناحية مها
خلود : مها بتجين معي ولا بتروحين لصديقاتك؟؟
مها بأابتسامه : لا بجي معك
وهم ماشين جاتهم نهى واخذت مها على جنب وخلود قاعده تنتظر مها في الجهه الثانيه
نهى : مها وش قاعده تسوين مع خلود؟؟
مها : وش فيها يعني مايصير اروح واجي مع اختي
نهى بدهشه : لا عاادي ما فيها شي بس ...انتي حره ..المهم تعالي نفطر؟
مها : روحي افطري مع البنات انا بروح مع خلود
مشت مها وخلت نهى بوسط دهشتها...وصلوا مها وخلود عند تهاني وحنان
خلود ومها : السلام عليكم
تهاني وحنان وعيونهم مبققه: وعليكم السلام
خلود مدت الجوال لتهاني : خذي جوالك ومره ثانيه لا تنسينه
تهاني اخذت جوالها : مشكووره ..بس هاا لا يكون سولفتي مع حنان وخسرتيني
خلود : ههههههههه لا وش دعوى
حنان : مها وش اخبارك؟
مها بأابتسامه: الحمدلله انتوا وش اخباركم ؟؟ وشلون استعدادكم للأختبارات؟؟
حنان : الحمدلله بخير والله يعينا الاسبوع الجاي بتبدأ المذاكره صح
تهاني : ايه والله الله يعين
مها : وش رايكم نروح نفطر ؟
الكل : اوكي
مها تمشي قدام مع تهاني وتسولف وتضحك معاها وحنان وخلود وراهم
حنان بشويش : خلود انتي متأكده ان هذي اختك مها؟؟ اخاف انكم بدلتوها؟
خلود مبسوطه : تصدقين انا كنت مستغربه مثلك ..بس بعدين قلت الحمدلله اللي غيرها
حنان : مين يصدق ان مها تتغير ؟؟ اخاف انها تخطط على شي
خلود : لا حرام عليك لا تظلمينها
التفتت لهم مها مبتسمه..خلود وحنان ردوا لها الابتسامه وقدموا شوي وصاروا يمشون مع بعض..
***************
(( في بيت بو خالد الساعه 12 الظهر))
دخلت خلود ومها الصاله وكانت ام خالد وخالد وساره وتركي موجودين..طبعا الكل مو مستغربين لأن ام خالد قالت لهم السالفه
خلود ومها : السلام عليكم
الكل : وعليكم السلام
مها رمت نفسها على الكنبه : آآآآآآآآه تعبانه
خالد: تعبانه روحي نامي
مها : تصدقين يمى ..خلود لفت بي الجامعه خمس مرات تعبت من المشي وكل ما قلت لها نقعد تقول لأ المشي زين
ام خالد : يوم انكم لفيتوا الجامعه خمس مرات ليش رايحين اليوم قعدتوا بفرشكم احسن
خلود مازالت واقفه : خالتي احنا رايحين نشوف الاشياء الناقصه وان شاء الله بكره ماني رايحه
تركي بصراحه : واخيرا يا مها حنيتي على خلود
مها: ودي اقول لك مالك دخل بس بحترم وجود امي واخوي الكبير
تركي : لا لا انتي اكيد مو مها .. من متى وانتي تحترمين وجود امي وخالد؟؟
خلود : بالعكس يا تركي انت لو تشوف مها اليوم اندمجت مع حنان وتهاني بسرعه والبنات انبسطوا منها..موتتهم من الضحك
ساره بدهشه : مها تضحك؟؟غريبه .... واذا ضحكت تضحك مع نهى بس
مها قامت معصبه : يووووووووووه وبعدين معاكم كذاك مو عاجبكم وكذا مو عاجبكم وش تبوون
خلود وهي رايحه : عن اذنكم انا بروح غرفتي بغير ملابسي
خالد وهو قايم : وانا بروح ارتاح شوي قبل لأ روح الشركه
ام خالد : سوووويره قومي فوق ذاكري
ساره زعلانه : يمىىىى ما امداني اخذ استراحه تكفين مدديها لي ربع ساعه
تركي : تستاهل سااارونه استراحه الين بعد الغدا
ام خالد : والله كيفك النجاح لك مو لي
***********

[superman]

غرفة خلود))
صوت الباب....
خلود : مييييييين؟؟
خالد : انا خاااالد
خلود : لحظه شوووي
بعد دقايق افتحت خلود الباب لخالد
خالد : ممكن اقعد معاك ولا بتنامين؟
خلود : لا عااادي تعال ادخل
دخلوا وقعدوا بغرفة الجلوس
خالد : مبررروك
خلود : على؟؟
خالد : على صداقتك الجديده مع مها
خلود مبتسمه : ياااربي لا تحسدوني هذي امنيتي الوحيده وتحققت
خالد بتردد: خلود .. وش رايك فيني؟؟
خلود : وش رايي فيك؟؟ ما شاء الله عليك تجنن
خالد : لا جد لا تجاملين
خلود : والله شزينك... ماشاء الله طول ووسامه..وطيب وحنون وكل بنت تتمناك
خالد : تهقين اذا خطبت أي وحده بتوافق ولا بترفضني؟؟
خلود بأبتسامه : الا هي الخسرانه اذا ارفضتك...وبعدين لا تفكر انا عندي لك وحده تناسبك
خالد : صدق مين؟؟
خلود : حنان بنت خالتي يالله على هالبنت تجنن
خالد : بصررراحه يا خلود انا حاط عيني على وحده ثانيه
خلود : انا أعرفها؟؟
خالد: ايه وتعرفينها زين
خلود : مين؟؟
خالد : البنت اللي كانت عندك امس
خلود : تهاني ؟؟
خالد : مدري عاد وش اسمها ..بس بصراحه امس دخلت عليها على بالي انها مي بنت عمي وشفتها ودخلت قلبي بسرعه وبعدين كفايه انها صديقتك يعني اتوقع انها بمثل اخلاقك
خلود : والله مدري وش اقولك بس تهاني صديقتي من زمان وانا اعرفها زين يعني يمكن انها ...
خالد : ترفضني ؟؟ مو توك تقولين كل بنت تتمناك؟؟
خلود : لا انا ولا انت ولا أحد فاهم السالفه .. تهاني رافضه الزواج بشكل عاام
خالد بحزن : ليش طيب؟
خلود : مدري والله بس ولا يهمك انا اكلمها واقولك ... بس مو الحين؟
خالد : اجل متى؟؟
خلود : بعد الاختبارات
خالد : لييييش عاااد
خلود : عشان ما تفكر في الموضوع وتنسى مذاكرتها...خلها بعد الاختبارات عشان تفكر براحتها ولا تتعذر علينا بأي شي
خالد : اذا كذا اوكي انتظر وامري لله
خلود بمزح : احلىىىى يا خالد من قدك تحب
خالد : والله مدري وش اقولك .. من جات عيني بعينها وهي داخله بقلبي احس اني يوم شفتها قلت خلاص هذا هي يا خالد
خلود حطت ايدها على ركبة اخوها : خلاص ولا يهمك خل الموضوع علي ولك مني خطوبتكم بعد الاختبارات بأسبوع بأذن الله
خالد : الله لا يحرمني منك .. وان شاء الله يجي اليوم اللي اقولك فلان خطبك مني
خلود تغير وجهها ووخرت ايدها : ان شاء الله
خالد وهو قايم : يالله اجل انا اخليك ترتاحين .. وانا بعد بنام لي كم ساعه
خلود : تبيني اصحيك وقت الغدا؟؟
خالد : ياليت
خلود مبتسمه : اوكي
*************
((غرفة مها ))
مها منسدحه على السرير تحاول تنام الا يرن جوالها (( نهى يتصل بك))
مها : يووووه والله فاضيه وش تبي هذي بعد......هلا نهى
نهى : سنه على ما تردين وينك؟
مها : كنت بنام بس انتي دقيتي...خير وش تبين
نهى : هااا ماابي شي بس حبيت اسألك وش هالتغير المفاجأ بينك وبين خلود وصديقاتها؟؟
مها عصبت : اولا مالك دخل .. ثانيا انا حرررره وبعدين خلود اختي واليوم او بكره راح اتغير واحن عليها ...عندك شي ثاني؟
نهى : خاايفه : لا سلامتك .. سلامتك ماابي شي
مها: يالله باااي (( وسكرت الخط بوجهها))
****************
(( بيت بوناصر- غرفة نهى))
نهى ماسكه الجوال بأيدها ومستغربه من تصرفات مها ومو مطمنه ابد..سمعت صوت الباب
نهى : مين؟
ماجد : انا ماجد
نهى : وش تبي؟؟
ماجد : قومي تغدي
نهى : زين الحين اجي
انزلت نهى وشافت اهلها مجتمعين
نهى : السلام عليكم
الكل : وعليكم السلام
قعدت نهى وسموا وبدوا يا كلوون
ام ناصر : نهى .. بكره بتروحين الجامعه؟
نهى : لا يمى ليش امري؟؟
ام ناصر : ما يامر عليك ظالم.. بس بكره عندي موعد بالمستشفى ويمكن اتأخر ابيك تتطبخين الغدا
نهى بزعل : يوووووووه والشغاله ليش ما تطبخ؟؟
ام ناصر : تدرين ابوك ما يحب ياكل من الشغاله
نهى : طيب خلاص
ماجد : اجل الله يرحمنا كلنا ... يا بختك ياناصر منت ماكل
ناصر : ايه والله الحمدلله اني انا اللي بودي امي
نهى : والله محد ضربكم على ايديكم وقال لكم اكلوا
ناصر : اقول نهى ... وش اخبار خطيبتي؟؟
نهى : ايييييييييييه ذكرتني ..لو اقولكم شي تستغربون كلكم
مي : وش صاااير
نهى : لو تشووفون مها وخلود اليوم بالجامعه ....
ماجد مفزوع : تهاووووشووو؟؟
نهى : لا يتهاوشون .. وش زينهم مع بعض
مي: خلود ومها؟؟
نهى هزت راسها
ناصر: انتي متأكده؟
نهى : ايييييييييه
بو ناصر : عااادي خوووات ومع بعض وش فيها
مي : ههههههه والله ماتدري عن بنت اخوك مها
ناصر : مييييي؟؟
ماجد : انا قايل لكم مها بنوته طيبه وحبوبه
ام ناصر : الحمدلله على كل حال الله يهديها ان شاء الله
******************
(( في بيت بو سعود))
عبير في المطبخ تجهز الغدا وتهاني وبوسعود وسعود وريناد بالصاله
بوسعود قاعد يلعب ريناد وسعود وتهاني يسالفون
سعود : جابت لك خلود جوالك؟
تهاني : ايه
سعود : قلتي لها اني ماجيت اخذه لاني سويت حادث؟؟
تهاني : ايه صح نسيت تقولك هي وحنان ومها الحمدلله على سلامتك انت وعبير
سعود : مها اختي؟؟
تهاني : ايه اختك (( وقالت له السالفه .. صارت سالفة مها وخلود في كل بيت لأن الكل يدري ان مها تكره خلود والكل استغرب لما شافوهم مع بعض))
سعود : اييييه الحمدلله وهم خوات مالهم الا بعض
سعود : وخلود وش اخبارها
تهاني مستغربه : نعم؟؟
سعود (( يصرف)) : قصدي وش اخبارها مبسوطه من اللي صار لها مع مها؟؟
تهاني : اكيد مبسوووطه
(( سعود في نفسه: غصبا عليها مها تحب خلود ...واللي مثل خلوود يستاهل انه ينحب))
عبير : سعووود وش فيك؟
انتبه سعود : هاااا انتي جيتي؟؟
عبير : وين من زمان.. يالله قوم تغدا
ابتسم لها سعود وقام : يالله بروح اغسل ايدي
***************
(( بيت بو نايف – بعد صلاة العصر – الصاله))
بو نايف نايم بالصاله وام نايف تتقهوى مع نايف وحنان..طبعا حنان قالت لهم سالفة مها وخلود
ام نايف : الحين مها هذي من عمر خلود ولا اكبر منها؟
حنان : لا من عمرنا بس هي تخصص عربي وحنا رياضيات
نايف : هي ادبي ولا علمي؟
حنان : لا علمي
نايف : ايه الله يوفقها ان شاء الله
ام نايف :الحين خلود ليش ماتزورنا؟؟
حنان : تدرين يا يمى جامعه واختبارات يعني مشغوله شوي..بس انا عازمتهم بعد الاختبارات
ام نايف : ايه حياهم الله
نايف يكلم حنان : سلمي عليها اوكي
حنان : ان شاء الله يبلغ
نايف قاام : يالله يمى بتروحين معي نزور فيصل؟؟
ام نايف : لا يا ناايف مااقدر اشوفه وهو بالسجن روح انت لحالك وسلم عليه
نايف : مايصير يا يمى كل مااروح له يسأل عنك
ام نايف ( تبكي ) : والله ودي اروح بس مااقدر اشوفه وهو بهالحاله
نايف : خلاص يمى لا تبكين ادعي له بالهدايه (( وطلع))
حنان : خلاص يا يمى مابقى له شي ويطلع ان شاء الله
***************
(( بيت بو ناصر- غرفة نهى))
نهى قاعده على النت تكلم خالد على المسنجر
&&(( مثل الجليد اذوب انا من نار شوقك يالحبيب **مل الانتظار يوم طال بعدك رغمك قريب))&&
آآآآآآآآه ياريم لو تدرين انا وش فيني كان تعذريني
%% ليتك تحس بخافقي كيف يغليك وليتك تحس بفرحتي يوم لقياك%%
وش فيك قول لي
&&(( مثل الجليد اذوب انا من نار شوقك يالحبيب **مل الانتظار يوم طال بعدك رغمك قريب))&&
انتي جربتي الحب؟؟
%% ليتك تحس بخافقي كيف يغليك وليتك تحس بفرحتي يوم لقياك%%
انا مو جربته وبس الا انا غررررقااااانه فيه
&&(( مثل الجليد اذوب انا من نار شوقك يالحبيب **مل الانتظار يوم طال بعدك رغمك قريب))&&
شعور حلو كونك تحب ولا وش رايك
%% ليتك تحس بخافقي كيف يغليك وليتك تحس بفرحتي يوم لقياك%%
الحب احسن شي بهالدنيا .. بس القهر ان الشخص اللي تحبه ما يدري عنك هذا هو اللي يزيد عذاابك
&&(( مثل الجليد اذوب انا من نار شوقك يالحبيب **مل الانتظار يوم طال بعدك رغمك قريب))&&
ايه ولله ..تصدقيني اول كل مااسمع الحب من اول نظره اضحك عليهم واقول وش هالخرابيط لكن من شفتها حسيت ان قلبي انجذب لها شفتي المغناطيس لما ينجذب مع بعض حسيت ان قلبي انجذب لها مثل المغناطيس
%% ليتك تحس بخافقي كيف يغليك وليتك تحس بفرحتي يوم لقياك%%
انت تعرفها ؟؟ ووين شفتها بالسوق؟؟
&&(( مثل الجليد اذوب انا من نار شوقك يالحبيب **مل الانتظار يوم طال بعدك رغمك قريب))&&
لا بالسووق شفتها في بيتنا
%% ليتك تحس بخافقي كيف يغليك وليتك تحس بفرحتي يوم لقياك%%
في بيتكم ؟؟ ومن هي؟؟
&&(( مثل الجليد اذوب انا من نار شوقك يالحبيب **مل الانتظار يوم طال بعدك رغمك قريب))&&
صديقة اختي ... آآآآآآه ياريم لا تذكريني فيها انا من غير محد يكلمني عنها وذايب في هواها الحين انتي تكلميني عنها وش بيصير فيني
%% ليتك تحس بخافقي كيف يغليك وليتك تحس بفرحتي يوم لقياك%%
الله يوفقكم ان شاء الله ويجمعكم على خير ... يالله فارس عن اذنك امي تناديني...مع السلامه
سكرت نهى المسنجر واقطعت خط الاتصال وتقول في نفسها : ((من هي هذي صديقة اخته؟؟يمكن يقصدني ؟؟ لا لو يقصدني قال لي بنت عمي )) راحت نهى واخذت الجوال ودقت على مها
نهى : هلا مها
مها : اهلين
نهى : مها الله يخليك انتي عازمه احد من صديقاتك في بيتكم؟؟
مها : شنوو؟؟ لا مااعزمت احد .. وبعدين وش فيك
نهى : خالد يا مها
مها : خالد اخوي وش فيه
نهى : يحب صديقة اخته
مها : ههههههههههههه يا خبلك هو يقصدك انتي .. مو انتي صديقتي وانتي الوحيده اللي تزوريني
نهى : هااااا ... لا لا لا يا مها هو ما يقصدني لو انه يقصدني كان قال بنت عمي ليش يقول صديقة اختي
مها : ايه والله ..يمكن يقصد وحده من صديقات خلود او ساره بس ...ايه صح صح امس تهاني كانت عندنا لايكون يقصدها؟؟
نهى والعبره خانقتها : لا لا تقولين الله يخليك يا مها تأكدي من الموضوع
مها : وشلون اتاكد تبيني اروح اسأله؟؟
نهى انفعلت : مها تصررررفي خلصيني احس اني بمووت من القهر الله يخليك تكفين
مها : خلاص اوكي اوكي انتي هدي نفسك الحين اروح استفسر من خلود
****************
(( في بيت بوسعود - الصاله))
بو سعود في الشركه وعبير بيت اهلها وتهاني فوق وسعود لحاله يطالع التلفزيون رن التليفون
سعود : هلا
......... : السلام عليكم
سعود : وعليكم السلام
.........: تهاني موجوده؟؟
سعود : تهاني ... لحظه اشوفها ....تهاااااااني تهااااااااااني ...(( رجع للسماعه )) مين اقول لها؟
خلود : قول لها خلود
سعود : شخبارك خلود؟؟
خلود ارتبكت : هااااا .. الحمد لله بخير
سعود : امي وعمي وش اخبارهم؟
خلود : الحمدلله كلهم بخير ... تهاني هنا ولا لأ
سعود تجرأ : خلود ممكن تسمعيني؟؟
خلود خافت : هاااااا ..نعم
نزلت تهاني من فوق وسعود نزل السماعه...
سعود : تعالي تهاني خلود تبيك
تهاني : من متى وهي تنتظر
سعود : توها داقه
قعدت تهاني واخذت التليفون من سعود وقعدت تسولف مع خلود عن الاختبارات
***************
(( في بيت بو سلطان ))
بوسلطان في الشركه وام سلطان واشجان وعبير وريناد في الصاله ..ريناد منسدحه بالارض وقاعده تتقلب
اشجان : يا قلبي قلبها يازين اللي يتقلبووون
اخذت اشجان ريناد وتضحكها : متى راح تحبين؟؟ متى راح تمشين؟؟
ام سلطان تكلم عبير : هااا متى ناويه تحملين مره ثانيه
عبير : حرام عليك يمى ريناد توها صغيره على الأقل تاخذ سنه وبعدين افكر في الحمال
ام سلطان : ايه وآخرتها يطفش منك سعود ويتزوج عليك
عبير : تطمني يا يمى ما ايقدر يسويها
ام سلطان : وليش مايسويها .. والله ماتدرين عن الرجاجيل..انتبهي لرجلك بس
عبير : الا سلطان ونسرين وش اخبارهم دقوا عليكم؟
اشجان : ايه دقوا اليوم الظهر
عبير : والله اشتقت لهم
اشجان : خلي رنوودي عندي اليوم
عبير : ليش مو رايحه بكره الكليه ؟
اشجان : لا
عبير : اجل خليها عندك الليله بس
قعدت اشجان تلعب رنوودي وتضحكها ...
**************
(( في بيت بو ناصر غرفة نهى ))
نهى تكلم مها : مين؟؟ تهاني ما غيرها
مها : ايه تهاني ما غيرها
نهى قعدت تبكي : وانا يا مهاا
مها : مدري وش اقولك يا نهى .. بس الى الآن ماصار شي
نهى تبكي : وتبيني انتظر الين يصير شي...آآآآه يا مها كل هالحب اللي اشيله لخالد وآخرتها يسوي فيني كذا ...وهذي تهاني وش جابها بيتكم وليش يشووفها؟؟
مها قالت القصه لنهى
نهى وصوتها مخنوق : بعد مفكر انه يخطبها ؟؟
مها : يا نهى يا حبيبتي خلود تقول يمكن تهاني ما توافق لأنها رافضه الزواج بالمره
نهى : يعني انا حياتي متوقفه على موافقتها؟؟
مها : نهى انتي هدي نفسك..وصدقيني تهاني ماراح توافق لأن من كلام خلود باين انها ماراح توافق..انتي الحين ريحي نفسك وان شاء الله مايصير الا الخير ..اوكي
نهى : خلاص اوكي
سكرت نهى وانسدحت على سريرها ودموعها اربع اربع ...
***************
(( بعد 3 اسابيع))
(( في بيت بو سلطان الصاله))
بو سلطان : حيا الله بالمعاريس وش اخباركم؟؟
سلطان : الله يحيك يا بوي احنا مبسووطين والحمدلله
اشجان : لا يكون غثيتها وعصبت عليها انعرفك انت عصبي
سلطان : هذا نسرين عندك واسأليها
ام سلطان : اماانه ما عصب عليك ولا هاوشك
نسرين بأبتسامه : كل صباح اقوم بهووشه وقبل لأنام بهووشه
سلطان : افاااااااااااا
نسرين : هههههههههه لا بالعكس ولا مره عصب علي
اشجان : غرررررريبه
ام سلطان : الله يهينكم ان شاء الله
اشجان تكلم نسرين : تعالي قولي لي وش سويتوا بايطاليا؟؟
نسرين : وش سوينا بعد كل شي راح تشوفينه على كاميرا الفيديو
اشجان : زين وين رحتوا ؟
نسرين : رحنا روما , وميلانو , فينيسيا وسيسيليا وبيزا وش اقولك بعد
بو سلطان : خلاص يا اشجان سولفي معاها بعدين خليهم يروحون يرتاحون ويصير خير بكره
سلطان : ايه والله يا انا تعبان
نسرين تكلم سلطان : زين قبل لاتنام ودني بيت اهلي مشتتااااقه لهم
سلطان : اوكي يالله قومي
**************
(( بيت بو سعود - في غرفة تهاني ))
تهاني تكلم خلود ..
تهاني : بصرراحه ماادري يا خلود بس انا متعقده من شي اسمه زواج
خلود : طيب ليش فهميني ..
تهاني : وش اقولك سالفه طويله وعريضه
خلود : ما عليه انا فاااضيه وما عندي شي
تهاني : طيب راح اقولك السالفه ..
(( السالفه : ان حمد (بو سعود) كان يحب نوره (ام سعود) لأنها كانت بنت جيرانهم ..حمد قال لأبوه انه بيتزوج نوره قاله ابوه اذا تزوجتها لأنت ولدي ولا انا اعرفك (( لأن كانت علاقة ابوحمد بأبو نوره ماهي لهناك)) ..حمد تزوج نوره وطلع لبيت لحاله وبعد سنتين ام حمد دقت على عيالها حمد وسعد ((بو سلطان)) لأن ابوهم يحتضر ويبي يشوفهم قبل لا يموت .. بو حمد على فراش الموت يقول لحمد اذا تبيني ارضى عليك طلق نوره واتزوج بنت عمك صيته (( ام تهاني)) ومات بوحمد ..حمد طبعا نفذ وصية ابوه وكانت حياااته مع صيته صعبه وكل يوم اهواش واخناق الين ما ماتت ام تهاني بسكته قلبيه))
خلود : الله يهديك يا تهاني .. طيب هذا شي من زمان وراح
تهاني : يا خلود انا اذكر كل شي يصير بين امي وابوي .. ابوي عذب امي
خلود : يا حبيبتي اصابع ايدينك مو مثل بعض .. يعني بصراحه ماله داعي انت تكرهين الزواج عشان هذي القصه اللي قلتيها..
تهاني : انا خااايفه يصير حالي من حال امي ..اخاف اموت من الضيم والقهر..انا كل ماشفت أي رجال اشووف صورة ابوي فيه
خلود : طيب انا بسألك سؤال؟؟ سعود مثل ابوك؟
تهاني : لأ
خلود : هذا وهو ولده مو مثله .. اجل عيال الناس بيصيرون مثل ابوك؟؟
تهاني : والله مدري يا خلود
خلود : شوفي انا بعطيك يومين تفكرين فيها وانتي عاااد على راحتك اوكي
تهاني : اوكي
خلود : يالله مع السلامه اخليك الحين
تهاني : مع السلامه
سكرت تهاني وقعدت تفكر في الموضوع اللي قالته خلود ....ودخلت عليها نسرررين شافتها تهاني وقامت لها تركض واحضنتها
تهاني : الحمدلله على السلامه يا قلبي وش اخبارك؟
نسرين : الحمدلله بخير مشتااااقه لكم مووووووت
تهاني : تعالي اقعدي وسولفي لي ... شخبار سلطان معاك
نسرين : سلطااان آآآآآه على سلطان .. بصراحه ما توقعته كذا ..
تهاني : وش فيه ؟ يعني كيف ماتوقعتيه كذا؟
نسرين : ماتوقعته طيب وحنون لهالدرجه
تهاني : يعني مبسووطه معاه؟
نسرين : الحمدلله
تهاني : متأكده؟
نسرين : يوووووه يا تهاني وش فيك لا تخااافين سلطاااان مو مثل ابوي صحيح عصبي شووي بس حنووون حييييل
تهاني : الحمدلله لك يارب .. الله يهنيك ويوفقك يالغاليه

[superman]

(( في بيت بو خالد – غرفة مها ))
مها قاعده تدور لها لبس حلووو دخلت عليها خلوود
خلود : هااا خلصتي ولا لأ؟
مها واقفه قبال الدولاب : مدري والله وش رايك وش البس؟
خلود : امممممممم بصراحه ملابسك كلها روووعه وعليك احلى
طلعت مها بلوزه : هااا وش رايك في هذي؟
خلود : حلوووه ...يالله عااد يا مها راح نتاخر على حنان
مها : خلاص اوكي ثواني بس(( ابتسمت مها)) ممكن تطلعين برى عشان ابدل ملابسي؟
خلود ردت لها الابتسااامه : اوكي على امرك
***************
(( في بيت بو ناصر – الصاله))
ناصر : يالله يمى متى راح تخطبين لي؟
ام ناصر : هي الحين خلصت الاختبارات؟
ناصر :ايه
ام ناصر : خلاص اول شي ابوك يكلم عمك وبعدين نشوووف
ناصر : تكفين يمى عجلي علي والله مااقدر اتحمل خلاص ابي اعرس بسرررعه
ام ناصر : طيب قلنا لك خلاص
ناصر : اخاف انها تروح مني
ام ناصر : اذا هي تبيك وتحبك مثل ماتقول ماراح تروح منك
نزل ماجد من فوق ومعاه شنطته
ام ناصر : هاا الحين بتروحون؟
ماجد : ايه الحين بيمرون علي الشباب ونتوكل على الله
ناصر : كم يوم بتقعدون ؟
ماجد : تقريبا اسبوع
ناصر : اهم شي تجي بدري ولا ترى بخطب وانت مو هنا
ماجد : اللي يسمعك رايح ماليزيا كلها الشرقيه يعني كم ساعه وانا جاي
ام ناصر : الله يحفظكم اهم شي لا تسرعون
ماجد : ولا يهمك يمى ..دعواتك انتي بس
رن جوال ماجد ..وبعد ماسكر من خويه سلم على امه واخوه
ماجد : سلموا على ابوي
ام ناصر : انتبه لنفسك
ماجد : مع السلامه
*************
(( اليوم الثاني – العصر في بيت بوخالد))
مها وساره وخالد وخلود قاعدين بالصاله اللي فوق
ساره : اووووف متى نخلص ..يا حظكم خلصتوا
خلود : ههههههه ايه ذوووقي العذاااب
مها : يالله هانت كلها كم يوم وتفتكين
خالد يكلم خلود : هااا خلود وش صار على موضوعي
خلود : تو مكلمه البنت امس والى الحين ما فكرت
خالد : تكفين كلميها الله يخليك
خلود : طيب طيب الحين ادق عليها
دقت خلود على تهاني
خلود : هلا بتهاني شخبارك
تهاني : الحمدلله بخير..انتي شخبارك وشخبار خواتك؟
خلود : كلنا بخير .. الحمدلله على سلامة نسرين؟
تهاني : الله يسلمك ..
خلود : هااا فكرتي في الموضوع؟
تهاني : ما امداني افكر حرام عليك
خلود تطالع بخالد : انا وش اسوي هم مستعلجين
تهاني : والله مدري وش اقولك ..
خلود : انتي مرتاحه ولالأ
تهاني : الحمدلله مرتاحه بس متردده
خلود : تهاني وش اللي يخليك تترددين؟
تهاني : مدري
خلود : وشو ما تدرين؟؟..... تهاني .. انتي موافقه ولا لأ؟
تهاني :............
خلود : يعني مووووافقه .. ازغرررط؟
تهاني مستحيه : خلووود
خلود : كللللللللووويش
خالد وساره طاروا من الفرحه ومها قامت وراحت غرفتها ودقت على نهى
مها : هلا نهى
نهى : هلا بك مها وش اخبارك ؟
مها : الحمدلله بس عندي لك خبر مو حلوو
نهى : شنووو؟
مها : تهاني وافقت
نهى والعبره خانقتها : هااااااااااااا؟؟ وافقت؟
مها : خلاص يا نهى انسي خالد؟
نهى : انساااه ؟؟؟ شلووون؟؟
مها : انا قلت لك وشو رد تهاني .. خلاص الزواج قسمه ونصيب
نهى بحزن : طيب مشكوره وما قصرتي .. مع السلامه
مها : مع السلامه
رجعت مها للصااله ومالقت احد الكل راح ارجعت لغرفتها
(( في غرفة خلود))
خلود قاعده بغرفتها تجمع كتبها في كرتون تذكرت انها ماقالت لتهاني ان حنان عازمتهم بكره كلهم اخذت الجوال ودقت على تهاني
خلود : الوو
سعود : هلا
خلود تلخبطت : ااااااااااا سعووود وين تهاني؟
سعود : والله تهاني وانتي بكرامه بدورة المياه وانا مار سمعت جوالها يرن ورديت لما عرفت انه انتي
خلود : خلاص اوكي ادق عليها بعد شوي
سعود : خلود لحظه اشوي ابي اتكلم معاك؟
خلود خافت : تتكلم معي انا ؟؟
سعود : خلود مدري وش اقولك بس..... انا احبك
خلود اندهشت : ....................
سعود : وادري انك تحبيني ..سمعتك تتكلمين بالجوال يوم كنتي في بيتنا
خلود : ............
سعود : ومن هذاك اليوم اللي سمعتك فيه وانا مو قادر اشيلك من راااسي ... خلود انتي معي ؟؟
(( الجزء السابع))
خلود : سعود حرام عليك لا تقول هالكلام .. انت ما تحبني انت تحب زوجتك .. الله يخليك لا تهدم بيتك وزواجك
سعود : شلون انا مااحبك وانا كل وقتي افكر فيك ..في المكتب وفي السياره حتى في البيت وعند عبير خلود... صحيح انك اول ماكنتي تعنين لي شي لكن من سمعتك هذاك اليوم وانتي بالنسبه لي كل شي
خلود : لا يا سعود هذا وهم صدقني انت تتوهم انت تحب عبير.. ما ابي اكون السبب في خراب بيتك ..انا حاولت انساك و...
سعود : وماقدرتي صح؟؟
خلود:..................
سعود : قوليها انك ما تقدرين تنسيني ..
خلود : سعود الله يخليك حاول انك تنسى الكلام اللي سمعته وبعدين هذا مجرد كلام مو حقيقه..وفكر بعبير وبنتك
سعود : انا حاولت وحاولت كثير اني انسى الكلام اللي قلتيه لكني ماقدرت... اكتشفت اني احبك ..انا نفسي مو عارف ليش حبيتك .. بس ليه دااايم افكر فيك و تجين في بالي واسرح فيك؟؟
خلود :...............
سعود : وشخبار امي ان شاء الله بخير ........ ايه خذي هذا تهاني جات
تهاني : هلا
خلود بحزن : هلا تهاني
تهاني : هااا وش فيك
خلود : ما فيني شي ...بس نسيت لاقولك حنان عازمتنا بكره في بيتهم تجين معنا؟؟
تهاني : ومين انتوا؟
خلود : انا ومها
تهاني : والله كان ودي اجي معكم بس تعرفين نسرين توها جاايه وودي اقعد معاها كل يوم الين ما تطفش مني
خلود :اوكي مو مشكله خذي راحتك وسلمي على نسرين.. مع السلامه
تهاني : مع السلامه
سعود ما زال بغرفة تهاني
تهاني : ابي اعرف مين اللي سمح لك ترد على جوالي؟
سعود : كيفي وبعدين هذي خلود يعني عااادي
تهاني : لأ مو عااادي خلود اختك عشان تكلمها؟؟
سعود قعد يناظر بتهاني بعدين قام ولا رد عليها
****************
خلود دقت على حنان وهي تبكي
خلود : هلا حنان
حنان : وش فيك؟
خلود : كان عااارف وساكت..قهرني بكلامه
حنان : مين؟
خلود : سعود
حنان : وش عرف؟
خلود :عرف اني احبه
(( وقالت لحنان السالفه))
حنان عصبت :يا ما قلت لك انسيه بس ما طعتيني ؟؟ عجبك الحين انه يحبك وانك بتهدمين بيت سعيد؟؟ عجبك انك تاخذين رجال من زوجته وبنته ؟؟
خلود : حناااان حرام عليك مو وقت عتاب الحين..انا عااارفه اني غلطااانه بس الله يخليك قولي لي وشلون اتصرف..الله يخليك ...والله ان مو معجبني شي من اللي قلتيه ..حنان انا كنت احبه بيني وبين نفسي ما كنت متوقعه انه بيعرف او انه بيسمعني .. الله يخليك علميني وش اسوي؟؟انا مابيه يتجرأ ويرد علي مره ثانيه او يكلمني بها الاسلوب..ماابي تهاني تحس ان في شي بيني وبين اخوها
حنان : اكيد انه راح يتجرأ مره ثانيه وثالثه !! خلاص الرجال ضامن انك تحبينه ومتأكد انك مو قادره تنسينه ... تدرين اناعندي الحل بس....... انتي بتنفذينه؟؟
خلود : ايه ....الله يخليك قولي وش الحل؟؟
حنان : انك تنسينه مره وحده ...لا تقولين لي مااقدر ...انتي وافقي على نااايف واتزوجيه.. وانتي تنسينه وهو بعد بينساااك وبيبعد عن طريقك
خلود اندهشت من كلام حنان...لكن لازم ترضى بهالحل وتنفذه..واذا هي ماتبي تهدم بيت سعود لازم تتزوج نااايف
******************
(( في بيت بو ناصر ))
مي رايحه لنهى في غرفتها تبي تسألها سؤال في درس النحو...طقت مي الباب
مي : نهى ................ نهى
بعد ماتعبت من الطق امسكت مسكة الباب وافتحتها فتح لها الباب
مي تكلم نفسها : لو ادري انه مفتوح فتحته من زمان
دخلت مي وتنادي : نهى.....نهى..
الا فجأة تطيح عيونها على نهى المرميه بالارض ..راحت لها تركض وارفعت راس نهى عن الارض
مي ودموعها في عيونها : نهى ...... نهى...نهى الله يخليك ردي علي ....نهى
مي نزلت راس نهى وانتبهت لعلبة الحبوب بالأرض .. راحت تركض لناصر ..ادخلت عليه غرفته .. ناصر كان مشغول بأوراق
مي بخوف : ناااصر .. قووم شووف نهى طايحه بغرفتها و ما ترد علي
قام ناصر مفزوع لغرفة نهى وحاول انه يصحيها بس مااافي فاااايده ...
ناصر : مي روحي البسي عباتك و لبسي نهى عبااتها وانا بروح اشغل السياره
***************
(( في بيت بو سعود – بعد العشا ))
تهاني في بيت نسرين وعبير وسعود وبو سعود وريناد في الصاله
عبير تكلم سعود بشويش : تهاني هي اللي قالت لي
سعود : ومتى هالكلام؟
تهاني : اليوم العصر ... شوف انت قول له وانا بروح انوم ريناد ومره وحده تاخذون راحتكم
سعود : خلاص اوكي
عبير اخذت ريناد وطلعت فوق وسعود جلس جنب ابوه
سعود : هااا يبى وشلون الشركه معاك؟
بو سعود : الحمدلله بخير .. وانت انتبه لشغلك وتصير الشركه احسن من كذا بكثير
سعود : افااااا عليك ولا يهمك...يبى ؟؟بصراحه انا ابي اكلمك في موضوع مهم بس هااا ماابيك تعصب
بو سعود : قول وش عندك؟؟
سعود بتردد : يبى اخوي خالد خطب تهاني
بو سعود عصب : نعم؟؟؟ وش تقول؟؟
سعود : يبى الله يخليك اللي راح راح .. واللي يسلمك وافق .. خالد ما شاء الله عليه مصلي واخلاق .. وانا ما أمدحه عشانه اخوي لا والله .... وربي والكل شاهد على اخلاقه
بو سعود : مستحيل ولد بو خالد يا خذ بنتي .. كفااايه اخذ امك مني هالمره بنتي؟؟
سعود : يبى ...هذي حياة البنت حرام عليك تهدمها بسبب خلافات قديمه...يبى زين ان تهاني طلعت من عقدتها للزواج ... شوف نسرين اصغر منها ومتزوجه ..يعجبك تهاني تقعد عانس؟؟
بو سعود : ومن قالك انها بتقعد عانس هو مافي الا خالد ..مليون واحد يتمناها
سعود : شوف تهاني زين انها وافقت على خالد ... ياخووفي انه اول واخر واحد توافق عليه
قام سعود وخل ابوه لحاله
**************
(( في غرفة مها ))
مها مشغله المسجل على اغنية عبد المجيد عبدالله وقاعده ترقص:
(( قول آآآآآآآمين عساااك تحبني وتموت فيني ...قول آآآآآمين عسى ايدينك ماتفارق ايديني ...مثل مااشتاق انا لعينك ابي تشتااق انا لعيني ...عسااااااااك تحبني وتموت فيني.............ويرن جوالها (( ناصر يتصل بك))
مها : يوووووه وش هالبلوه اللي ابتليت فيها
وطت مها صوت المسجل وردت على ناصر
مها : نعم
ناصر : مها تعالي مستشفى ****** نهى مريضه ..
مها مفزوعه : وش فيها نهى؟؟
ناصر : انتي تعالي وانا اقولك بعدين
مها خلاص اوكي ثواني بس واجيك
**************
(( في المستشفى))
ناصر : خلاص يا مي مها الحين راح تجي ..يالله خليني اوديك البيت
مي : لا يا ناصر انا ابي اتطمن على نهى
ناصر : يا مي لا تنسين انك ثانويه عاامه ..خلاص رووحي البيت وانا اطمنك عليها .. واذا امي سألت عنها قولي انها عند مها ...يالله نروح قبل لا تجي مها
طلع ناصر ومي ....ناصر نزل مي البيت ورجع مره ثانيه لنهى ...رن جواله (( حبيبتي يتصل بك))
ناصر : هلا مها
مها : وينك انت ونهى بأي دور؟
ناصر : انتي خليك عند الاستقبال وانا اجيك
وصل ناصر المستشفى وراح هو ومها عند نهى بالدور الثاني وقعدوا ينتظرون الدكتور يطلع من غرفة نهى
مها بخوف : وش صاير يا ناصر فهمني؟
ناصر : مدري يا مها بس شكلها منتحره
مها انفجعت : اييييييييييش ؟؟ وعسى ما صار فيها شي؟؟
ناصر : مدري والله الدكتور قال لازم يسوي لها غسيل معده وصار له نص ساعه الحين
مها ازعلت على نهى وعلى اللي صار لها((تكلم نفسها )) كل منك يا خالد انت والزفت تهاني ..ياااربي انك تقوم نهى بالسلامه ياااارب....بعد عشر دقايق طلع الدكتور راح له ناصر
ناصر : هاا يا دكتور اختي وش اخبارها؟
الدكتور : الحمد لله اختك بخير
مها : نقدر نشوفها؟؟
الدكتور : ايه تقدروا تشوفونها بس راح ننومها عندنا 4 او 5 ايام عشان نتطمن عليها اكثر
ناصر : يعطيك العافيه ..
دخل ناصر هو ومها على نهى...نهى على السرير ووجها اصفر وبااين عليها التعب والمغذي في ايدها
مها ماقدرت تمسك دموعها راحت لنهى : ماتشووفين شر يالغاليه
نهى بتعب حتى مو قادره تفتح عيونها : هلا مها
ناصر : الحمد لله على سلامتك
نهى : الله يسلمك
مها وهي تبكي : ليش سويتي بنفسك كذا يا نهى ليش؟؟
نهى ودموعها على خدها : آآآآآآه يا مها اتمنى الموت على اني اسمع بخبر زواجه
ناصر : زواج مين؟؟
مها التفتت لناصر : زواج اخوي خالد (( وقالت لناصر قصة حب نهى لخالد))
ناصر : ماعليك منه يا نهى اصلا هذا ما يستاهل دمعه من دموعك
مها طالعت ناصر بحقد
ناصر : آآآسف يا مها بس هذي الصراحه
مها عصبت شوي : والله الغلط من اختك ليش ما اعترفت له ؟؟ لو انها قايله له انها تحبه وتموت فيه بظنك فكر بوحده ثانيه؟؟
نهي وهي تبكي بحرقه : خلاااص الله يخليكم .. ما ابي احد يطري لي اسمه تكفووون .. انا اكرهه والله اكرهه
مها تهدي بنهى الين ما نامت ...طلعت هي وناصر من الغرفه.. مها طلعت جوالها من الشنطه
ناصر : مين بتكلمين؟؟
مها وهي تدق : بكلم السواق
ناصر : سكري ماله داعي انا اوصلك
مها بحده : مو لأنك ولد عمي يعني خلاص اروح معاك ولا بروحي بعد
ناصر : هذا انتي بتروحين مع السواق لحالك ولا هو عادي وانا لأ؟؟ .. مها .. انتي بتصيرين زوجتي
مها : اذا صرت زوجتك يصير خير .. عن اذنك السواق عند الباب
راحت مها وتركت ناصر واقف ... ناصر مستغرب من حدتها ..ليش تكلمه بها لطريقه؟؟

[superman]

في بيت بو سعود))
(( غرفة الجلوس – جناح سعود))
سعود قاعد على الكنبه وعبير قاعده بالارض تلعب رنودي
سعود : عبير ؟
عبير : هلا عمري
سعود : تزعلين اذا تزوجت عليك؟
التفتت له عبير بخوف: هااااااااا؟؟
سعود : اذا قلت لك اني بتزوج عليك بتوافقين؟
عبير : سعود تتكلم جد؟
سعود ابتسم : يا بعد عمري امزح معك
عبير ارتاحت : والله لو تتزوج علي لأذبحك انت وياها
سعود : ههههههههههههه ويهون عليك تذبحيني؟؟
عبير : مثل ما هنت عليك وذبحتني بزواجك .. اكيد بتهون علي..
ارجعت عبير تلعب ريناد ...سعود في نفسه : آآآآآآه يا عبير سامحني يالغاليه .. والله انك ما تستاهلين اللي اسويه فيك....خلود وش اللي دخلك بحياتي؟؟ انا ماابي افرط بزواجي بس مو عارف ليش انا دااايم افكر فيك...ان شاء الله يكون حبي لك مجرد ووهم وطيش شباب
عبير : سعود؟؟ وش قال عمي على موضوع تهاني وخالد؟
سعود : شكله مو موافق..((قام سعود)) ..ذكرتيني انا لازم اروح واقول لتهاني عن موقف ابوي .. اخاف انها عطت اهلي كلمه ولا شي
طلع سعود من جناحه رايح لغرفة تهاني كان باب غرفتها مفتوح وسمعها وهي تتكلم بالجوال
تهاني : صدق؟؟؟............يالله عاااد وافقي عشان تصير ملكتي وملكتك في يوم واحد ............ايه .........ان شاء الله ........ويوفقك ياااارب......ايه
دخل عليها سعود قعدت تطالعه تهاني واشرت له عشان يجلس
تهاني : خلاص .....اوكي ....سلمي على الأهل ......مع السلامه
سعود : مين هذي حنان؟؟
تهاني قعدت بالكرسي المقابل لسعود : لا هذي خلود
سعود حس حراره بجسمه((وقال في نفسه)) : خلوود بتتزووج؟؟؟
تهاني : هيييييييي وش فيك ؟
انتبه لها سعود : هااا .. اااااا نسيت وش بقول لك .. ترا ابوي شكله مو موافق على خالد
تهاني بدهشه : ولييش؟؟
سعود : انتي عاارفه ليش..بس ولا يهمك انا بحاول فيه ..يالله عن اذنك اخليك تنامين
طلع سعود وتهاني زعلت من موقف ابوها ... يعني لما هي وافقت ابوها يرفض؟؟؟ليش .. وش هالنحس اللي هي فيه؟؟
سعود طفش من البيت وطلع برى بسيارته
سعود في نفسه : شلون تتزوج وهي تحبني ؟؟ وليش الحين بالذات تتزوج ؟؟ يووووووه وانا وش علي منها تتزوج ولا على كيفها؟؟ بس انا احبها شلون تتزوج ؟؟
*******************
(( بيت بو ناصر- ))
بو ناصر وناصر وام ناصر بالصاله
ام ناصر : وليش ماقلت لي من البدايه؟؟
ناصر : يعني يا يمى اذا قلت لك وش بتسوين ؟؟ خلاص بكره ان شاء الله اوديك لها وتشوفينها؟؟
بو ناصر : هي وش فيها بالضبط ليش كان مغمي عليها؟؟
ناصر (( يصرف)) : هااااااا مدري والله بس هي تقول انها ما كلت طول اليوم وكانت قاعده بالحوش تحت الشمس وطلعت غرفتها واغمى عليها ومحد درى عنها الا مي
بو ناصر : والله محد قال لها ما تاكل .. الثلاجه مليانه من الاكل انواع واشكال
ناصر : انت عارف يا يبى بنات اليوم الكسل ذابحهم
ام ناصر : يالله الحمد لله على كل حال اهم شي انها بخير...بو ناصر ؟؟ كلمت اخوك على موضوع ناصر؟
بو ناصر : يوووووووه والله نسيت ... خلاص بكره امره وافاتحه بالموضوع
قام ناصر وباس راس ابوه : ياسلااااااااااااااااام عليك يا بو ناصر
ام ناصر : الحين انا اللي اتكلم وراس ابوك اللي ينباااس.؟؟
قام ناصر وباس راس امه : انتي الخير والبركه يا يمى
*************
(( اليوم الثاني- الساعه 8 الصبااح))
ساره بالمدرسه تركي و مها نايمين .. بوخالد في الشركه وام خالد بالصاله وخالد يتروش عشان بيروح الشركه .. خلود طلعت من غرفتها انزلت تحت سلمت على خالتها وطلعت برى الحوش احياناً تتمشى واحياناً تقعد على الكرسي (( خلود في نفسها : ان شاء الله اذا تزوجت نايف راح انسى سعود .. على الأقل ارتاح ان بيت عبير ما أنهدم)) سمعت باب الشارع يطق راحت عنده
خلود : ميييييين؟؟
سعود : انا سعوووود افتحي
خلود : ثواني بس ابرسل الشغاله تفتح لك
سعود عرف ان هذي خلود وناداها
سعود : خلوووووووووود تعالي شووي ابي اقولك شي..خلوووود....يااا خلوووود؟
خلود سمعته وهو يناديها بس سوت نفسها ما تسمع وراحت تنادي الشغاله تفتح له الباب...اول ما دخل سعود سأل عن خلود قالت له الخدامه انها فوق بغرفتها ودخل الصاله شااف امه سلم عليها وقعد
سعود : اجل خالد راح الشركه ولا لأ؟؟
ام خالد وهي تمد له بيالة الشاي: لا والله الى الحين ماطلع...بغيت منه شي؟؟
سعود : بغيته في موضوع
ام خالد : الحين ينزل ما راح يتأخر
بعد 10 دقايق نزل خالد وسلم على امه وسعود
خالد مستعجل : يالله عن اذنكم تأخرت
سعود : تعال وين راايح ابيك في موضوع
خالد : انا مستعجل تعال معي وقول اللي عندك بالسياره.
سعود : وسيارتي؟؟
خالد وهو طالع : اكلم السواق يجيبها لك بالشركه
طلع سعود مع خالد وركبوا السياره ...سعود قال لخالد ان ابوه رافض
خالد : لا عااااد لا تقوول؟؟..وظنك اذا حاولت فيه بيوافق؟
سعود : والله مدري ابوي عنيد وصعب اقناعه
خالد : والله ضااق صدري ياااشيخ... تكفى سعوود حاول معاه الله يخليك
سعود : ان شاء الله اني بسوي اللي اقدر عليه
وبعد لحظة سكوت...خالد مد ايده ناحية الراديو وشغله :احياناً تطري علي واقول ماقساها..واحيانا ماتطري والقى الشوق جنني.. كل يوم اقول اني من هاليوم بنساها..واكذب على روحي بالنسيان لكني .. للحين احبها ولاني قادر انساها صورتها دايم في بالي ما تفارقني كل شي حولي يذكرني بذكراها...................
******************
((بيت بوسعود- غرفة تهاني))
تهاني قاعده تشوف الهدايا اللي جابتها لها نسرين .. اسمع طق على باب غرفتها
تهاني : مااااااابي غدا يا عبير وش فيك كم مره اقوولك
بوسعود : انااا ابوك افتحي
تهاني رمت اللي بأيدها وراحت تفتح الباب
تهاني : اسفه يبى على بالي عبير
بو سعود : ليش ما تغديتي معنا؟؟
تهاني وعيونها بالارض : مالي نفس
دخل بوسعود غرفة بنته : تعالي وسكري الباب معاك
تهاني سكرت الباب وقعدت جنب ابوها : نعم يبى امرر
بوسعود : انتي موافقه على خالد؟؟
تهاني نزلت راسها : اذا انت مو موافق انسى الموضوع خلاص
بو سعود : انا سألتك انتي تبين خالد؟؟
تهاني بصوت خجول : اللي تشوفه يبى
بوسعود رفع راس بنته وابتسم لها : الف مبرووك يااابنتي
تهاني ابتسمت لبوها واحضنته : الله يخليك لي يا احلى ابو في هالدنيا
بوسعود قام : خالد ما شاء الله عليه ما يحتاج نسأل عنه..كلمي خلود وقولي لهم يجون يخطبونك رسمي
تهاني : مبتسمه ومنزله راسها : ان شاء الله يبى
طلع بوسعود وتهاني خذت جوالها ودقت على خلود وقالت لها
خلود : الف الف الف مبررررروك والله انك تستاهلين
تهاني : الله يبارك فيك عقبالك ان شاء الله
خلود : خلاص ان شاء الله يوم الخميس نجي نخطبك
تهاني : وليش التأخير ليش مو بكره
خلود : يمىى منك كنتي رااافضه الزواااج بالمره والحييين مستعجله..وبعدين حراام ساره عندها اختبارات ويوم الاربعاء تخلص
تهاني بخجل : الي يجيها مثل خالد لازم تستعجل..واذا على جيتكم حياكم الله بأي وقت
خلود : احلى احلى وش هالحركاات .. شووفي انا الحين بروح اقوله مسكين خالد والله بيطير من الفرح
تهاني : خلاص اوكي حبيبتي يالله مع السلامه
خلود : مع السلامه
**************
(( 4 العصر – في المستشفى))
مها تسولف مع نهى
نهى بحزن : يعني خلاص بيملكون؟؟
مها : ايه يوم الخميس ان شاء الله
نهى ودموعها بعيونها : ليش يصير معي كذا؟؟ كنت ضامنه اني بكون زوجته!!ليش تهاني طلعت فجأه علينا؟؟
مها حطت ايدها على يد نهى : خلاص عااد انسيه وادعي ان الله يوفقهم
نهى في نفسها : انساااااه؟؟؟ انا بنساه بس ماراح انسى الجرح اللي سببه لي..والله لأدمره مثل ما دمرني
مها قامت : يالله انا بروح وان شاء الله بكره ازورك.
نهى : تو الناس اقعدي شوي وش فيك؟؟
مها : لا معليش ساامحيني عندي مشوار مع خلود
نهى : خلاص اوكي على راحتك
ومها طالعه كان داخل ناصر وامه ومي : السلام عليكم
نهى ومها : وعليكم السلام
مها سلمت على ام ناصر واستأذنت وطلعت .. لحقها ناصر
ناصر : مهااا. مهاااا
التفتت مها : نعم
ناصر : كيف حالك؟؟
مها : الحين انت طالع من اختك ولاحقني عشان تقول لي كيف حالك؟؟ صدق انك انساان فااضي
ناصر تغيرت ملامح وجهه: مها وش فيك علي ؟؟ ليش متغيره انا ضايقتك بشي؟؟
مها : اووووووووووه
وراحت مها ورجع ناصر لغرفة اخته وحس ان مها راح ترفضه
************
(( بيت بو نايف))
ام نايف وبو ناايف كالعاده بالمزرعه وحنان استقبلت خلود ومها ودخلتهم الصاله
حنان : هلا وغلا اسفرت وانورت حياالله من جانا
خلود ومها : الله يحيك
مها : شكل بيتكم مافي احد
حنان : ايه مافي الا انا وناايف فوق بغرفته
خلود : وش اخباره؟
مها انقهرت من سؤال خلود عن نااايف
حنان : الحمدلله بخير... مها شخبارك؟
مها : والله الحمد لله انا بخير
((وبعد ساعه من السوووالف والضحك ))
مها: حنان عندك مقص؟؟
حنان : ايه عندي .. بس وش تبين فيه؟؟
مها تأشر على تنورتها: شوفي طالع منها خيوط وما ابي اقطعها ابي اقصها احسن عشان ما تخترب علي التنوره
قامت حنان : الحين اروح غرفتي واجيبه لك؟؟
مها : لا خلاص مدامه فوق لا تقومين وتعبين نفسك عشاني
حنان : عااادي وش دعوى تعبك راحه وان ما تعبت عشان اختي اتعب لمين؟؟
مها ابتسمت وقامت : تسلمييين يالغاليه ..ودامك تعتبريني مثل اختك انا اروح لغرفتك واجيبه ... هذا اذا ماعندك ماانع
حنان : لا عاادي البيت بيتك بس اخاف تضيعين؟؟
خلود : عاادي يا حنان من كبر بيتكم عشاان تضيع وبعدين مها ذكيه اذا وصفتي لها مااظن انها بتضيع
حنان : اوكي .. شووفي اول ما تطلعين فووق بيكون في وجهك صاله وعلى يمينها مووزع .. هذا الموزع فيه 3 غرف اول وثاني غرفه لا تدخلينها الغرفه الثالثه اللي بالزاويه هذي غرفتي .. ادخلي تلقين المقص بدرج التسريحه الاول
مها بخوف : زين اخاف اخوك يطلع من غرفته
حنان : لا ما عليك انا قلت له لا تطلع الا لما اجيك.
راحت مها فوق وراحت غرفة حنان واخذت المقص وقصت الخيوط اللي بتنورتها ..وقفت قبال المرايا تتعدل .. مها جميله وبشرتها بيضا وشعرها اسود ناعم حرير وهي تتعدل طرت في راسها فكره خبيثه .. اخذت روج من اغراض حنان واصبغته بشفتها..ورتبت شعرها وتعطرت من عطورات حنان وطلعت من الغرفه..مها انتبهت لنور في اول غرفه وعرفت انها غرفة نايف ...تعدلت ولأخر مره ...افتحت الباب ودخلت وتسوي نفسها ما شافت نايف ..نايف كان قاعد على مكتبه بآخر الغرفه في الزاويه مقابل مها بس غرفته كانت كبيره.. قاعد يراقبها وهو مستغرب وكاتم الضحكه .. مها تسوي نفسها تدور على شي وفجأه
مها اشهقت : آآآآآآآآآسفه .. والله ما شفتك (( وواقفه ما طلعت))
وقف نايف وهو يطالعها : خلاص حصل خير ماله داعي تعتذرين..انتي مها صح؟؟
مها سوت نفسها مندهشه وخايفه ومستحيه وطلعت من الغرفه وهي مبسوووووطه لآخر حد
***********

[superman]

تحت بالصاله ))
حنان : هااا وش قلتي في موضوع ناايف؟؟
خلود بتردد : خلاص انا موافقه
حنان : واخيررررررررا.. على الأقل اخووي يرتااااح
خلود : حااسه بالذنب لأني بظلمه معي
حنان : خلود اقولك للمره الألف اذا تزوجتي ناايف رااح تحبينه يعني ما راح تظلمينه ..لكن اذا ما تزوجتيه راح تحسين بذنب عبير وريناد وتهاااني .. انتي وش تختارررين؟؟
خلود : على قولتك .. وان شاء الله اني اقدر اسعده
حنان مبتسمه : امييييين يااارب
نزلت مها طبيعيه ولا كأن صار شي
حنان : هااا لا يكون ضيعتي؟؟
مها : لا ما ضيعت .. (( تأشر على تنورتها)) هااا شوفي قصيتهم وافتكيت
خلود مبتسمه : اقووولك مها مستحيل انها تضيع
**********************
(( في بيت بو سعود – الصاله))
تهاني تكلم نسرين بالتليفون ..وعبير تغسل صحون العشا وريناد تلعب لحالها وسعود منسدح على الكنبه..سعود عدل جلسته وقعد يطالع ناحية تهاني ... قااام وراح فووق طلع جواله من جيبه ودخل غرفة تهاني ودق على جوالها..سمع صوت الجوال وعرف مكانه راح بسرعه اخذ الجوال ومسح اخر مكالمه لم يرد عليها وراح قائمة الأسماء ويدور اسم خلود ...لقى رقم خلود سجله بجواله ..رجع الجوال مكانه وطلع من الغرفه وسكر الباب ونزل تحت وطلع في سيارته
**********
(( في بيت بو خالد – 9ونص الليل))
ام خالد ومها وتركي وخالد بالصاله
تركي : وليش ما تبينه بالعكس نااصر مافي احسن منه
مها معصبه : ما أبيه هوووغصب يعني ؟؟
ام خالد : خلاص براحتك انتي حره...وبعدين انتي الخسرااانه
مها : لا خسراانه ولا شي في غيرررره الف..
خالد : الا ماشاءالله محد صدق تجي الاجازه الكبيره الا والكل قعد يخطب له
تركي : ايه والله كأنهم ينتظرون الاجازه على نار عشان يعرسوون
ام خالد لتركي : يالله عقبال ما نفرح فيك وفي خواتك
مها : آآآآآآآآآآآآآآآآآمين
تركي : والله تقهرين اللي يسمعك الحين ماافي احد يخطبك..اذا تبين تعرسين وافقي على نااصر
مها : تراك غثيتني بنااصر..انا ابي واحد احسن من ناااصر وما ابي من العايله فهمت؟؟
************
(( في غرفة خلود ))
خلود تو طالعه من دورة المياه الا تسمع جوالها يرن..خذت جوالها لقته رقم غريب افتحت الخط
خلود :...........
سعود : الووو
خلود سكرت الخط اول ما سمعت انه صوت رجال..دق الرقم مره ثانيه وثالثه وخلود مطنشه..رن الجوال نغمة الرسايل ..اخذت جوالها وافتحت الرساله (( خلود ردي علي انا سعود ابيك في موضوع))
خلود بخوف : يااااربي وش يبي..ارد عليه ولا لأ؟؟
دق سعود ...خلود متردده وبالأخير ردت
سعود : هلا خلود
خلود : نعم بغيت شي
سعود بدون مقدمات : سمعت انك راح تتزوجين؟
استغربت خلود وقالت بنفسها (( وانت وش دخلك))
خلود : ايه ..وبعدين
سعود : شووووفي ان تزوجتي راح اطلق عبير وانتي المسؤوله اوكي
وسكر سعود الخط ..خلود مستغربه ليش سعوود قال هالكلام؟؟ وش دخل عبير في الموضوع ..وعلى طول دقت على حنان
خلود خايفه : حناان سعود دق علي
حنان : اوووووووه وش يبي بعد
خلود : هددني بطلاق عبير
حنان : شلوون ؟؟ مافهمتك؟؟
خلود : قال لي اذا تزوجتي بطلق عبير
حنان عصبت : وش فيه هذا مجنوووون ؟؟ هو وش دخله؟؟ هذا جزاك لانك ماتبين تهدمين بيته يسوي فيك كذا؟؟
خلود : مدري يا حنان والله اني مستغربه ماتوقعت سعود يطلع منه كل هذا ..
حنان : والله انه حقير واناني .. هو استغل حبك الكبير له وقاعد يتحكم فيه.. هو على باله بما انك تحبينه معناتها راح تطيعين كلامه ؟؟ ما عليك منه وطنشيه؟؟
خلود : بس اخاف صدق يسويها ويطلق عبير واكون انا السبب
حنان : يعني شنو بتقعدين عاانس؟؟ وإلا ناااوي يتزوجك على مرته؟؟
خلود : والله يا حنان لو اقعد طووول عمرري عااانس مااخذ سعود من عبير .. يسوي اللي يسويه ..يهددني يذبحني اللي يبي بس ما اهدم بيت عبير
حنان : يعني وش بتسوين؟
خلود : ماراح اتزوج ناايف.. لا تقولين عشان سعود لا والله مو عشانه بالعكس من تصرفه هذا احس انه طااح من عيني ..لو اقعد طول عمري بلا زواج اهم شي عبير ما تتطلق ولا تتشرد ريناد
حنان : طيب واذا قالك تزوجيني ولا اطلق عبير وش بتسوين؟؟
خلود : ماراح يطلب مني الزواج لأن مثل ماقلتي هذا مو حب هذي انانيه ..هو من عرف اني احبه موت اعتبرني من املاكه ومايبيني لنفسه ولا لأي واحد غيره
****************
(( الجزء الثامن))
(( اليوم الثاني – بعد الغدا – بيت بو نايف))
الكل قاعد بالصاله يتقهون ويسالفون
نايف : حنان ... وشرايك بمها ؟؟
حنان با ستغراب : مها؟؟
نايف يأكد : ايه مها اخت خلود
ام نايف تسأل حنان : مها هذي اللي ماتحب خلود؟
حنان : ايه يمى كانت ماتحبها بس الحين علاقتهم زينه
نايف : يمى انا وش علي منها تحب خلود ولا ما تحبها... بعدين انا قررت اخطب مها
حنان : ناايف انت متأكد انك تبيها ؟؟
نايف قام معصب : اجل تبيني انتظر خلود الين ماتوافق علي ؟؟ شوفوا يا تخطبون لي مها ولا ماافي عرس(( وطلع من الصاله))
حنان تطالع في امها : يمى مها ما تصلح له
ام نايف : وش اسوي يعني؟ انتي شفتيه بنفسك وسمعتي وش قال
حنان : تكفين حاولي فيه خليه يغير رايه ..مها مغروره وحقوده وشايفه حالها مااظن انها راح تسعده
بو نايف : انتي شوفي رايها يمكن هي مو موافقه
حنان : واذا وافقت؟؟
بو نايف : اذا وافقت بعد خلاص نكتب الكتاب ,,
حنان عصبت شوي : يااربي انتوا ما تعرفون مها كثري الله يخليكم اقنعوه خلوه يغير رايه
ام نايف : شوفي يمى اخوك نايف ما هو صغير وخليه هو يتحمل نتيجة اختياره
*********************
(( في بيت بوسعود))
بوسعود بالشركه وسعود وعبير وريناد بالصاله وتهاني بغرفتها
سعود : حياتي ..انا بعد شهر بسافر سوريا عشان شغل بالشركه.. وش رايك اخذك انتي وريناد معي؟؟
عبير: والله سوريا حلووه بس ..مدري وش اقولك ..ماودي اروح اخاف تهاني وعمي يحتاجون لشي
سعود : ابوي ماهو بزر وتهاني تقدر تدبر حالها (( وبكل حنان)) وبعدين بسوريا ناخذ راحتنا وننبسط ونرجع ايام شهر العسل..
عبير بتردد:والله يا قلبي ودي بس ريناد مااقدر عليها يعني هنا تهاني و اشجان يساعدوني عليها..بعدين بيكون طول يومك مشغول ..
سعود عصب : لو اني طول اليوم بكون مشغول مثل ما تقولين كان ماطلبت منك تجين..خلاص وفري اعذارك لنفسك بروح لحالي..
طلع سعود برى الحوش وقعد بنفس الكرسي اللي كانت قاعده عليه خلود ذاك اليوم..قعد يلعب بجواله ويسمع مقاطع من الاستيديو وفتح مقطع حلو (( يا خــــذون اللي يبونه كل هالعـــالم وكونه إلا قلبك يتركووونه لا تمسه ايدهم...يابعدهم كلهم ..يا سراجي بينهم ..عطني من دنياك حبك واترك الباقي لهم...)) وارسله لخلود بالوساااائط
انتظر خمس دقايق على باله خلود بترد عليه برساله..لكنها ماردت ..دق عليها مره ..مرتين بعد ماردت..ارسل لها مسج (( خلود ممكن تردين علي ابي اسمع صوتك))..بعدها دق عليها..
سعود بحنان : هلا وغلا
خلود : نعم؟؟
سعود : افاااا وش فيك علي؟
خلود بتوسل: سعوود الله يخليك خلني بحالي وخلك مع زوجتك وبنتك تراهم يحتاجونك اكثر من اول
سعود : يا قلبي يا خلود عبير وريناد مو محتاااجين لي انا اللي محتاااج لشخص يهتم فيني
خلود : عبير موووومقصره معك
سعود: صحيح هي مومقصره معي طول السنين اللي عشتها معاها بس بالفتره الاخيره كل اهتمامها بريناد
خلود : سعود واللي يسلمك اصبر عليها الين ماتكبر ريناد شوي وصدقني راح ترجع تهتم فيك .. وبعدين انا وش دخلني؟؟انت كيفك مع زوجتك
سعود بوقاااحه : انتي فااضيه ليش ماتهتمين فيني؟؟
خلود عصبت : والله انك حقير ونذل..تبيني اكون تسليتك؟؟ سعود والله ان دقيت مره ثانيه راح اقول لبوي او خالتي وهم يتفاهمون معاك
سعود بخبث :ان قلتي لهم انتي اللي بتروحين فيها .. حبيبتي رقمك والمده اللي كلمتك فيها كله طالع بالفاتوره ..يعني لا تتهورين وتطيحين نفسك في مشااكل
خلود عصبت زياده : انت انسان مريض ..انت حقير وربي ماتوقعتك نذل لهالدرجه
سعود بكل هدوء : حبيبتي انا احبك ..بعدين انتي بأسلوبك تخليني اهددك وهذا الشي مو من طبعي
خلود : انت ما تحبني.. ولو انك تحبني صدق تعال اخطبني وتزوجني انا موافقه عليك...
سعود : ......................
خلود : وش فيك ساااكت؟؟ شفت انك اناااني والدليل انك ماتبي تتزوجني عشان ما تطلق عبير لأنك ما تبي تخسرها .. وفي نفس الوقت ماتبيني اتزوج أي شخص لأني احبك (( وبدت تبكي )) ليش تستغل حبي لك بأفكارك الوسخه .. حرررام عليك يااسعود..حررام عليك اللي قاعد تسويه فيني..ذنبي لأني حبيتك؟؟بس تدري على كثر ما حبيتك اكرهك اكرهك (( وقفلت الخط))
سعود قعد يفكر بكل كلمه قالتها خلود .. (( وش فيك ياسعود؟؟ معقووله انت تفكر هالتفكير؟؟معقووله تكون اناااني مثل ماتقووول خلوود؟))
جاته عبير في الحوش وراضته وقالت انها بتروح معاه سوريا
***********************
(( في بيت بو خالد – غرفة خلود ))
خلود قاعده تبكي : آآآآآآآه يا يمى وينك ..والله اني محتاااجه لك .. ياربي وش اللي قاعد يصير ماااصدق ان هذا هووو سعوود اللي انا حبيته من كل قلبي ..
رن جوال خلود (( حنان يتصل بك))
خلود امسحت دموعها وتأخرت على حنان عشان ما يبين على صوتها انها تبكي .. ماتبيها تعرف باللي صار لأن حنان راح تهاوشها
خلود : الو
حنان : هلا ...سنه على ماتردين؟؟
خلود : معليش آسفه كنت برى الغرفه ...شخبارك؟؟
حنان : والله يعني مو لهناك
خلود : عسى ماشر وش فيك؟؟
حنان : نااايف يبي يخطب مها
خلود : مها اختي؟؟
حنان : ايه ومصر على رايه
(( اول مره خلود تحس بالغيره من مها ... لأن ناايف الأنسان الخلوق المحترم هي رفضته عشاان سعوود الي مايسوى ظفر نايف.. وتندمت لأنها رفضته من المره الأولى))
خلود بحزن : الله يوفقهم ان شاء الله
حنان : انتي تعرفين مها وتعرفين اطباعها وبصراحه هي ما تستاهـــــــــــــــــــــــــــــــــــله
خلود : حرام عليك مها تغيرت حييل
حنان : عموما هو يبيها وكيفه .. المهم كلميها وشوفي رايها وردي علي
خلود : خلاص اوكي (( خلود قاعده تكح وبقووووه))
حنان : سلاااامااات يا خلووود وش فيك؟؟
خلود وصوتها انبح شوي : لا ماافيني شي بس شكلها انفلونزا
حنان : طيب ماتشووفين شر وانتبهي لنفسك
خلود : اوكي يالغاليه مع السلامه
راحت خلود لمها وقالت لها ..مها طبعا ماصدقت الخبر ووافقت على طول..نزلت خلود لخالتها ومها معاها ....وقالت لها خلود الموضوع
ام خالد : خلاص اجل دامها وافقت قولي لهم يجون يوم الخميس عشان تصير ملكتها هي وخالد بنفس اليوم
قامت خلود وباست راس خالتها : الف مبروك يا خالتي
ام خالد : عقبالك ان شاء الله
شوي خلود حست بدووخه وانها تبي ((تطرش)) وراحت الحمام بسرعه ويوم ارجعت اقعدت مكانها وسندت راسها
مها : خير خلود وش فيك؟؟
خلود وحاطه ايدها على راسها : لا لا مافيني شي بس حااسه بتعب
ام خالد : كلمي تركي خليه يوديك الطبيب
خلود : لا يا خالتي ماله داعي .. عوووار بسيط وبيروح بحبتين بندوول
مها : قومي اوديك لغرفتك عشاان ترتاااحين
مها اخذت خلود وودتها لغرفتها
*******************
(( في المستشفى – غرفة نهى ))
الكل قاعد مع نهى
نهى طفشاانه : يمىىى قولي لناصر يكلم الدكتور ابي اطلع زهقت
بو ناصر : يا بنتي خليك الين ما يقول لك الدكتور اطلعي..وجهك الى الحين شاااحب
نهى : يبى والله طفشت من القعده على السرير
ناصر : خلاص انا بروح اكلم الدكتور اذا قال انك بخير وما له داعي تقعدين راح اطلعك اوكي
نهى بأبتسامه : اوكي
طلع ناصر من الغرفه
بو ناصر : والله البيت من دونك مايسوى
ام ناصر : قولها تاكل وتغذي جسمها عشان ماتطيح علينا مره ثانيه
نهى مبتسمه: يمىىىى خلاص اوعدك اني اكل كل يوم عشر وجبااات
رن جوال نهى (( مهاوي يتصل بك))
نهى بفرح : هلا وغلا... هلا عمري
مها : هلا فيك وش اخبارك؟؟
نهى : الحمدلله بخير..انتوا وش اخباركم
مها : انا حدي مبسووووووووووطه واحس اني بطير من الفرح
نهى : الله الله وش اللي مفرحك لهالدرجه؟؟
مها بفرح : انخطبت يااانهى
نهى با استغراب : نعم؟؟ انخطبتي؟؟
مها وبقوة عين : ايه خطبني ناايف اخو حنااان وانا وافقت
(( نهى في نفسها: الحين فهمت سبب تغير مها..هي من شافت ناايف وهي متغيره..والحين حصلت على اللي هي تبيه..الله يا خذك انتي واخوك ))
مهاا : نهى وينك فيه؟؟
نهى : الف مبروك تستااهلين ...يالله مع السلامه انا مضطره اقفل
سكرت نهى الجوال وهي مستغربه من تصرف مها .. خالد ومايدري انها تحبه ..بس مها تدري ان نااصر يموت فيها ليش سووت فيه كذا..وليش قالت له انها تحبه؟؟
ام ناصر : من هي هذي اللي انخطبت؟؟
نهى : هاااااااا هذي صديقتي بالجامعه
بو ناصر : وش في وجهك تغير..كأنك مو فرحانه لصديقتك؟؟
نهى باابتسامه متصنعه : لا يبى عااادي بالعكس انا فرحاانه لها حيل
بعد ربع ساعه دخل ناصر عليهم بالغرفه
بو ناصر : هااا وش قال الدكتور
ناصر مبتسم : يقول انها بخير وماله داعي تقعد بس انتبهوا لها اكثر
ام ناصر مبتسمه : الحمدلله على سلامتك يا نهى (( تكلم ناصر)) هااا يمى الحين تطلع ولا متى؟
ناصر : ايه الحين انا خلصت كل اوراااقها يالله يا نهى قومي البسي عباتك وجهزي اغراضك
نهى ما كانت معاهم ابداً وقاعده تطالع بناصر (( مسكين يا ناصر الله يعينك اذا سمعت هالخبر اللي انا سمعته))
بو ناصر : لااا البنت ابد مو طبيعيه نهىىىى
انتبهت نهى : هلا يبى معاك
ام ناصر : يالله قومي البسي عباتك ..الدكتور رضى انك تطلعين
نهى : يالله الحين اقوم
قامت نهى تجهز اغراضها
ناصر يكلم امه وابوه : وش فيها اول كانت طفشانه من القعده والحين كأنها ماتبي تطلع
ام ناصر : والله مدري عنها..من كلمتها صديقتها وهي متغيره
البست نهى عباتها واطلعوا كلهم من الغرفه وراحوا لبيتهم

[superman]

بعد صلاة العشا يوم الخميس – ملكة < خالد وتهاني><نايف ومها))
(( في بيت بو خالد – المجلس))
الكل قاعد بالمجلس الشيخ و بو خالد وخالد وتركي ونايف وبو نايف وسلطان وسعود وبوسعود اللي اول مره يدخل بيت بو خالد بس من اليوم وهو ناسي كل اللي صار
الشيخ قام : الف مبروك للجميع
بو خالد يسلم على بوسعود : الف مبروك يا بوسعود
بوسعود : الله يبارك فيك وعقبال تركي وخواته
جا بو نايف وسلم على بو خالد : الف مبروك
بو خالد : الله يبااارك فيك
وكل واحد قعد يسلم على الثاااني ويباااارك له...وراح تركي يوصل الشيخ عند الباب..
بوسعود يكلم خالد : هااا يا خالد متى ناااوي على العرس
خالد مبتسم : والله يااعمي باقي شقتي ما خلصت يعني ان شاء الله بعد شهرين ..شهرين ونص
بو سعود : على خير ان شااء الله
نااايف : اما انا وااااحد مستعجل وكل شي جااااهز وان شاء الله زواجي الشهر الجااااي
الكل : ههههههههههههه
بو خالد : الله يوفقك ان شاااء الله
سعود : يااااتركي وين تركي
تركي تو داخل : هلا
سعود : وين الكاميرا تعال صووورنا مع المعاااريس
جاا تركي وعنده الكاميرا وصوووروا صوووره جماااعيه
نايف يكلم خالد بصوت صغير : هااا متى اشووف العرووس
خالد : خلني اشووف عرووستي بالأول
بو خالد : وش فيكم لا تخااافون بتشووفونهم بس اصبروا شووي
راح بو خالد داخل عند الحريم ..وتركي وسعود يستقبلوون المهنئين
(( عند الحريم ))
تهاني ومها قاااعدين بوسط الحاضرين بأحلى زينه ما شاء الله تبارك الرحمن كل وحده احلى من الثاانيه
خلود قاعده على يسااار تهااني وصاايره ملكة جمال وحنان زي القمر واقفه على يمين مها وحولينهم الكل (( ام خالد , ونسرين واشجان وعبير وساره وام نايف وام سلطان )) وصديقااات البنات وجيرااانهم
جات الشغاله لأم خالد : مدام ..بابا يبي انت
قامت ام خالد لبو خالد
بو خالد : الف مبروك يا ام خالد
ام خالد : الله يبارك فيك يالغالي ..هااا كلمت اخوك بو نااصر؟؟
بو خالد : ايه كلمته والحين هم في الطريق... المهم المعااريس يبون يشووفون حريمهم
ام خالد : خلاص اول شي خالد وتهاني وبعدين مها وناايف ..قول لخالد ينتظر ابقول للحريم يتغطوون وبدخل مها داخل
بو خالد : والله وكبرتي يا ام خالد وزوجتي اثنين من عيااالك
ام خالد بأابتساامه : انا توني شباااب انت اللي كبرت يالله بس روح للرجاجيل تأخرت عليهم
***************
(( في نفس الوقت بس في بيت بو ناصر – الصاله))
بو ناااصر كاااشخ ويناادي : ياا ام ناااصر ووووينك ...مي يالله مي تأخرنا
ام نااصر : يالله انا خلصت ..بس مي انت موديها الصالون وش فيك نسيت؟؟
بو نااصر : لا تو جايبها تقول نااسيه اكسسوراتها مدري وش نااسيه...نهى بتقعد لحالها؟؟
ام ناصر : وش اسوي بعد ..
بو نااصر خلاص مو مشكله ....ياااااااااااااااامي .......مي
انزلت مي : هاااااااا يبى خلاص جيت يمى منك ما تنتظر
بو ناصر : يا بنتي تأخرنا يالله يالله
قبل لا يطلعون دخل عليهم ناااصر : هااا الحين بترووحون بيت عمي؟؟
بو نااصر : ايه ليش انت مو جااااي؟؟
ناصر مبتسم : شلوون مااجي واليوم خطوووبة خالد
مي بتعمد : ومهااا
ناصر با استغراب : وش فيها مها؟؟
مي : اليوم ملكتها
ام ناصر بصوت صغير : حسبي الله عليك من بنت ما تسكتين ابد
مي : يمى اخرتها بيعرف...ماقلت لك لا تفكر فيها يا ما حذرتك بس ما سمعتني
عصب ناااصر : ليش تسوووي فيني كذا والله مااخليها بروح اذبحها هي واللي ماخذته
راح ناصر فووق ونزل وعنده السلاح يوم شاافه ابوه امسكه
بو نااصر : الله يهديك يا نااصر وش قااعد تسووي ..تعوذ من ابليس ياا ولدي
ناصر بحرقه : ليش كذبت علي وقالت انها تحبني ...خلني ياابوي خلني اذبحها مثل ما ذبحتني
ام ناصر وهي تبكي : يمى نااصر عشاااني الله يخليك خلها تولي ان شاء الله ازوجك احسن منها
ناصر والعبره خانقته : خليني يااايمى حررام عليك ...خليني احرمها من السعاااده مثل ما حرمتني منها
بو نااصر : يا ناصر انت رجااال عااقل وفااهم يعني تبي تحرم نفسك من الحريه وتدخل السجن ويمكن يعدموونك وكل هذا عشاان تحرمها سعادتها؟؟تعوووذ من ابليس
ناصر ما قدر يمسك نفسه وقعد على ركبتيه وقااعد يبكي قعدت جنبه امه وقعدت تهدي فيه وقالت لبو ناصر ياخذ مي ويروح وهي بتقعد مع ولدها ... نهى تراقبهم من فووق وهي تبكي
**************
(( بيت بو خالد – عند الحريم ))
دخل خالد بكامل كشخته وسعود وبو خالد عند الحريم واول ما دخلوا انوووواع الزغااااريط ..تهاني ووواقفه بخجل جاها خالد ووقف بجنبها وقال لها بصوت صغير : الف مبروك يا عروس
على يسار خالد ( ام خالد , بو خالد , خلود ,ساره ,مي ) وعلى يمين تهاني ( سعود , عبير , نسرين , اشجان)
وفي الوقت اللي خالد قاعد يلبس تهاني الشبكه سعود عرف خلود وقااعد يطالع فيها..خلود انتبهت لنظراته ومطنشه وقاعده تطالع بخالد..خلود كانت تجنن باللثمه وعيونها روووعه ..بعد ما خلص خالد خلود راحت ودخلت داخل ونظرات سعود تلاحقها ..انتبهت له عبير ودقته بكوعها..سعود قعد يطالع بزوجته وهو مبتسم لها..راحت ساره لخلود
ساره : خلود وش فيك؟؟
خلود : هاااااا مافيني شي بس حاااسه بالحر
ساره مبتسمه : زين يالله لا تتأخرين لأن بعد دقايق بتدخل مها وناايف
خلود بتعب : ان شاء الله ماني متأخره
(( خلود في نفسها: اووووف ليش يطالعني كذا؟؟ .. صدق انه مايستحي ولا قدر وجود زووجته ولا حتى ابوي وخالتي..والله عينه قووويه... وانا وش عليه منها))
خلود سمعت ضجه برى وزغاااريط وعرفت ان مها دخلت هي ونااايف دخلت عليهم وقعدت تطالع بناايف اللي واقف على يساار مها ويلبسها الشبكه وهو مبسووط وفرحاان..غير مها اللي بتطير من الفرحه..خلود حست بالغيرره وتخيلت نفسها بدل مها وصحت من حلمها بصوت حنان
حنان : انتي هنا واحنا ندور عليك يالله تعالي معنا
راحت خلود مع ساااره وشاركوا ناايف ومها فرحتهم
******************
(( بيت بو نااصر – في غرفة نااصر))
من اول ما طلعت امه من الغرفه وهو قاعد يبكي ويسمع اغنيه .. الاغنيه سمعها يمكن عشر مرررات
(( خدعتـــــــيني بكلمـــــاتك من اول ما تلاقينـــــــــا ... قلت لي انا اغلـــــى النــــــاس احبـــــــك حيــــــل صــــــدقني... وصـــــدقتك وانــــا ادري عن الــــحـــب اللي تخفيـــــــنه مشيــــــت دروب كذباتــــــــك وشـــــوفي ويـــــن ودتنـــــي ..اتـــااري قلبـــــك لغيــــري وحبــــــك كلـــــه لعيــــنه ..عرفتـــــيني وكــــل قصــــــدك تشـــــووفي غيـــــرته منــــي....ليـــــــه ليـــــــه تحـــــــــبيــنه؟؟؟ ...احبـــــك حـــــيل))
******************
(( بيت بو سعود – الساعه 1 ونص – غرفة سعود))
سعود منسدح على السرير : ياااا حليلك ياا تهاااني والله وصرتي عروس
عبير حطت ريناد بسريرها : وش رايك بخلود؟
سعود تلخبط : هااااااا وش خلوود؟
عبير قعدت على حافة السرير : على بالك انا ماادري..من دخلت وانت عيونك ماانزلت عنها
سعود عصب شوي : يااامره العقل زين ..وش هالكلام اللي تقولينه .. انا لاادري عن خلود ولا غير خلوود
عبير : ايه واضح حتى يوم انها دخلت داخل عيوونك ورااها
سعود انسدح على جنب وتلحف : اقووول خلي عنك الخرااابيط وناامي .. قال خلوود قال
عبير في نفسها : الله يستر منك بس
*************
(( شقة سلطاان))
سلطان : الله الله وش هالحلا وش هالجمال
نسرين تدور : صدق .؟؟ صااايره حلووه؟؟
سلطان بحنان : الا صاااايره قمر
نسرين : تصدق في حرمه هناك تسألني انتي اخت العروس ؟قلت له ايه ..قالت لي : متزووجه .. قلت لها ايه متزووجه ... الظااهر تبي تخطبني لولدها
سلطان : لا والله .. وانتي مبسوووطه؟؟
نسرين بدلع : اكيد بنبسط ..والمفروض انت تنبسط ان زووجتك يخطبونها
سلطان : نسررررررررين
نسرين : ههههههههههههه لا تخااف يااعمري محد ماااخذني منك انا ملكك وكلي لك
************
(( بعد اسبوع – بيت بو خالد – الصاله))
نزل خالد من فوق وشاف خلود ومها وام خالد وساره وتركي بالصاله
ام خالد : هاااا وين بعد ؟؟
خالد : والله رايح لتهاني اليوم عازمها على العشاء
مها بزعل : وليش ناايف مايعزمني؟؟
خلود : ناايف دايم مشغول مع اهله يعني اعذريه
مها عصبت : وانتي وش دخلك ؟؟
الكل استغرب من رد مها لخلود
خلود : مالي دخل بس انا تو مكلمه حنان وقالت لي انا ناايف عند فيصل
تركي : شكلها عااادت حليمه لعااادتها القديمه
خالد : يالله مع السلامه
ام خالد : انتبه لا تسرع
خالد وهو طالع : لا تحاااتين يمى
تركي : هااا ساره متى نتاايجكم تطلع؟؟
ساره : اتوقع بكره ..لان العاده يطلعون نتايج الثانويه بعد الاختبارات بأسبوع..يعني بكره
تركي : تتوقعين انك نااجحه؟
خلود : اكيد انها نااجحه بس اسألها عن النسبه
ساره : الله يخليكم لا تذكروني في النتااايج والله اني ميته من الخووف..
ام خالد : اذا انتي تذاكرين وتتعبين راح تجيبين نسبه وتنجحين
ساره : والله يمى في نااس ما تفتح كتاب وتنجح واكبر دليل بنتك مها
تركي : اتركي مها عنك ..مها بالجاامعه ونجاحنا كلنا ماايعني شي اهم شي نجاااحك
***************
(( في سيارة خالد ))
خالد : هااا أي مطعم تبين؟؟
تهاني بخجل : على كيفك اللي يعجبك
رن جوال خالد .. رفع جواله لقااها رساله ..فتحها لقاها من رقم غرريب (( السلام عليكم .. ليش يا خالد تا خذ حبيبتي مني .. يعني خلصوا البنات مالقيت الا تهااني حرررام عليك يااخي))
خالد استغرب من هالرساااله وقعد يطالع بتهاااني (( معقوله تهاااني كانت تحب واحد من قبل))
خالد : حبيبتي اسألك سؤال وما تزعلين؟؟
تهاني : عاادي اسأل
خالد : عمرك حبيتي؟؟
تهاني استغربت : نعم ؟؟ خالد وش هالسؤال؟
خالد : آآآسف بس انا قلت لك لا تزعلين من سؤالي ليتك تجااوبيني بصررراحه
تهاني عصبت شوي : لأ عمررري مااحبيت ولا عرفت احد .. أي سؤال ثاااني؟؟
خالد : يااقلبي وش فيك زعلت كلها سؤال
تهاني : ........................
رن جوال تهاني رنه وحده وقطع
خالد : مين اللي داق عليك؟؟
تهاني وهي تطلع الجوال من الشنطه : لحظه اشوف ... مدري هذا رقم غريب .. يمكن غلطانين
خالد : اشوف عطيني الجوال
تهاني : خالد يمكن واحد غلطان ولو انه يبي شي كان ما قطع الخط
خالد : يووووووه عطيني جوالك
تهاني مدت له الجوال وشاف الرقم
((خالد في نفسه : غريبه رقم غريب يرسل لي رساله .. وبنفس الوقت رقم ثاني يدق عليها ..؟؟ وش السالفه )) رن جوال تهاني رساله جديده
خالد : ترا جاتك رساله وبفتحها
تهاني : عاادي خذ راحتك
خالد فتح الرساله : (( تهاااني حبيبتي انا دقيت دقه وسكرت ابي اتأكد عندك احد ولا لأ اذا ما عندك احد دقي علي وقفلي .. احبك))
جن جنون خالد : تهاااني مين هذا
تهاني خاافت : وشوووو مين؟
خالد معصب : اللي راسلك هالرساااله ؟؟
تهاني اخذت جوالها وقرت الرساله : وووووربي ماادري اول مره اشوف هالرقم ..صدقني يا خالد
************
(( بيت بو ناصر غرفة نهى ))
نهى قاعده على النت وتكلم اصدقائها بالشاات في محادثه خاصه
المجروحه : هااا رسلت الرساله >>> نك نيم نهى
منصور : ايه ارسلتها .. بس مين هذي؟؟ <<< واحد من الشات
المجروحه : هذي وحده حقيررره اهدمت حياااتي وانا لازم اهدم حيااتها..شووف أي رقم غريب يدق عليك لا ترد عليه اوكي
منصور : ان شاء الله .. بس ولا يهمك راح ازعجهااا ازعاااج مو طبيعي
المجروحه : مشكووور ومااقصرت
منصور : ولو احنا في الخدمه وانتي صديقتي الغاليه ولازم اوقف معك
المجروحه : شوف منصور .. ابي هذا الرقم تنشره لكل اخووياك فاهم
منصور : ولا يهمك .. راح اكرهها في شي اسمه جوال
نهى تكلم الشخص الثاني بمحادثه خاصه ثانيه
احمد : شفتي هذا اللي ارسلت له الرساله راح تسمعين خبره قريبا انه دخل مستشفى المجانين هههههههههه
المجرووحه : يستااااااهل
احمد : اعتمدي على الله ثم علي ولا تفكرين في هالموضوع
المجروحه : والله مااقصرت واردها لك ان شاء الله في الافراح
نهى في نفسها : والله ما راح ارتاااح الا لما افرقكم من بعض .. هين يا خالد وراح تشووف انت مع تهاينووه والله ما اخليكم تسعدوون في يوم واحد
***********************
(( في بيت بو سعود – الصاله))
كانت عبير وريناد قاعدين بالصاله
دخلت تهاني البيت وهي معصبه
عبير : وش فيك يا تهااني مسرع ما رجعتي
تهاني طلعت فوق ولا ردت عليها
عبير وهي تلحق تهاني : تهااااني ...... تهااااااااااااني
دخلت تهااني غرفه وقفلت عليها الباب وقعدت تبكي (( ليش خالد يشك فيها ؟؟ ومين هذا اللي يرسل لها ويدق عليها ))
رن الجوال (( خلود يتصل بك))
تهاني وصوتها مخنوق : هلا خلود
خلود : هلااا تهاااني وش صاااير
تهاني : ما قال لك خالد ؟؟
خلود : ما قدرت اخذ منه لا حق ولا باااطل .. دخل علينا وهو معصب وحالته حاله..فهميني يا تهااني وش صااير بينكم؟؟
قالت تهاااني القصه لخلود
خلود : ولا يهمك الحين انا اروح واكلمه.. وصدقيني هالحركه مقصوده وهذي وحده حاقده عليك وفوق هذا غبيه .. شلون ترسل لك انتي وخالد وبنفس الوقت
تهاني وهي تبكي : تكفين يا خلود فهميه وقولي له .. انتي تعرفيني زين وتعرفين اخلاقي .. انا مااسوي هالشي
خلود : ياااقلبي انا عااارفتك زين ماله داعي تقولين لي ... انتي ريحي نفسك ولا تشيلين هم وانا افهمه واقوله السالفه .. يالله مع السلامه
تهاني : مع السلامه
سمعت طق على غرفتها
تهاني وهي تمسح دموعها : مييييييييييييييين؟؟
عبير : انا عبير وش فيك يااا تهاااني
تهاني : مااافيني شي ياا عبير بس ياليتك تخليني برووحي وانا بعدين اقوولك وش السالفه
عبير : على راااحتك
انسدحت تهاني على سريرها وقعدت تبكي
**********
(( بيت بو ناصر – الصاله ))
ام ناصر ومي قااعدين يسالفون
ام ناصر : ان شاء الله انا اذا شفته قلت له وان شاء الله انه يووافق
مي : بصررراحه يا يمى البنت حلوه واخلاااق وساره وخلود يمدحوون فيها .. اقنعيه انه ياخذها
ام ناصر : ما ابي اغصبه انا بقووله وبنشووف رايه
وبعد 10 دقايق دخل ناصر : السلام عليكم
ام ناصر ومي : وعليكم السلام
ناصر وهو رايح فوق لغرفته
ام ناصر : تعال يمى ابي اكلمك في موضوع
ناصر : يمى تعبااان خليها بكره
ام ناصر : الى متى وانت بهالحاله لا تقعد معانا ولا شي من دوامك لغرفتك تعال يمى وسولف معنا
قعد ناصر معاهم : هااا يمى هذا انا قعدت يالله سوولفي
مي : بصرراحه ياا ناصر حنا لقينا لك بنت احسن من مها
ناصر قام : انسوا اني اتزوووج اوكي
ام ناصر امسكت ايده : اقعد يا ناصر وش فيك انت عرفت هي مين ومن بنته
قعد ناصر : ماابي اتزوج هو غصب
ام ناصر : يمى هذي حنان اخت ناايف وما شاء الله البنت الكل يمدحها جمال واخلاق
ناصر : بس لا تكملين ..انا أي وحده ماابيها هالمره اخت هاللي ما يتسمى ماابيها لو شنو
مي : بالعكس يا خوي انت لازم تتزوج عشان تقهر مها وتبين لها ان الحياه مو متوقفه عليها .. وانك مثل ما تحبها قدرت تحب غيرها
ناصر في نفسه : والله صاادقه مي .. ومره وحده اقهر ناايفوه واخذ اخته وانتقم منه
ناصر : خلاص اللي تشوووفوونه
ام ناااصر : يعني خلاص انت موووافق
ناصر وهو قاايم : ايه يمى موووافق خلاص عاااد
طلع ناصر غرفته
ام نااصر : كللللللللللللللللللللووووووووويش
مي مبتسمه : الف مبروك يا يمى
ام نااصر : عقبااالك ان شاء الله انتي واخوك ماااجد
الا دخل ماااجد : وووش فيه مااااااجد
اكملت فرحة ام نااصر برجعة ولدها ماااجد : الحمدالله على سلااامتك يااولدي
قامت مي تسلم عليه : وليش مااقلت انك جاااي
ماجد وهو يبوس رااس امه : حبيت اسويها لكم مفاجئه .. هااا يمى وش اخبارك؟
ام نااصر : الحمدلله بخير .. انت شلووونك ان شاء الله انبسطت
ماجد : الحمد لله مبسوووط لآخر حد
مي قعدت تسووولف على ماجد وقالت له كل اللي صاار
ماجد : والله ما توقعتها من مها
مي : اما انا اتووقع منها كل شي .. بس الحمدلله نااصر بيقهرها وبياخذ اخت زوجها
ماجد : الحمد لله اللي هدااه ووافق
ام نااصر : من ملكة مها وحنا كل يوم نقوله على بنت وهو رافض الحمدلله وافق على حنان
*************
(( بيت بو خالد – غرفة خالد))
خالد : والله يا خلوود انقهرررت حسيت اني بمووت
خلود : يا خالد انا اعرف تهاني زين وهي صديقتي من زمااان والله ماعندها هالسوووالف
خالد بأ رتيااح .. خلاص انا بكلمها وبعتذر ومنها
خلود بأ ابتساامه : اوكي اجل انا اخليك الحين
**********
راحت خلوود لغرفتها وشافت جوالها واكثر من 3 مكالمات لم يرد عليها يوم افتحتها لقته رقم سعود
خلود : ياااااربي وش يبي بعد .. وش اسوووي فيه .. اقفل الجوال احسن لي واريح (( وقفلت جوالها))
********
(( بيت بو سعود – غرفة سعود))
سعووود : يووووووووه ليش قفلتي الجوال
عبير توها داااخله على سعود
عبير بتساااؤل : مين اللي جوالها مقفل ؟؟

[superman]

الجزء التااااسع والأخيــــــر))


(( بيت بو سعود – غرفة سعود))
سعود : هاااااا هذي تهااني
عبير بحده : تهاني ؟؟ بينا وبين غرفتها خطوتين..يعني ماله داعي انك تدق عليها بأمكانك انك تروح لها
سعود متوتر : اصلا كنت دااق عليهااااا ابيها تجيب لي.... كاس مااي وووووعجزان اني اقوم فاا دقيت عليها وجوالها مقفل بس هذا هي السالفه
عبير بشك : متأكد؟
قام سعود ووقف قبال زوجته : تشكين فيني يا قلبي؟؟
عبير منزله راسها (( زعلانه)): مدري يا سعود بس بصراحه تصرفاااتك تخلي الواحد يشك
سعود حط ايده عند ذقنها ورفع راسها: لا تخاافين يااعمري ماافي احد رااح ياخذ مكانك (( وضمها لصدره))
**************
(( اليوم الثاني – العصر – بيت بو خالد))
خلود وتركي ..قاعدين يسالفون ..نزل بو خالد من فوق وقعد معاهم بالصاله
خلود : هلا يبى..تبيني اصب لك قهوه
بو خالد : ايه ياابنتي
بو خالد وهو ياخذ فنجانه: الا امكم وينها؟؟
خلود : في المطبخ
تركي : يبى سااره نجحت ونسبتها 89%
بو خالد : لا والله .؟؟ زين زين ... الحمدلله يارب.. اجل .. بمناااسبة نجاااح الكل .. قررت اسووي عشاء عااائلي
تركي : والله؟؟ .. وين بتسوويه هنا؟؟
بو خالد : لا لا.. بأجر استراحه كبيره ووسيعه لمدة يوم كامل
خلود : وناااسه .. أي يوم بنروح؟؟
بو خالد : مدري بس انا بشوف راعي الاسترااحه واعطيكم خبر
جات ام خالد من المطبخ : هااا الى الحين ما رحت الشركه؟؟
خلود : يمى ابوي بيسوى عشا في استراحه بمنااسبة نجاحنا
ام خالد : تستاااهلون وزين مااسويت على الأقل نوسع صدورنا
بو خالد : خلاص ان شاء الله اكلم الرجال اليووم واقولكم متى بنرووح واعزمووا العااايله كلهااا
************
((غرفة مها ))
مها : الوو
نايف : هلا وغلا
مها : هلا حياتي .. وش اخبارك؟
نايف : الحمدلله بخير انتي شلوونك؟
مها بزعل : انا..؟؟ مو بخير
ناايف : افاااااااااا ليش؟؟
مها بزعل : بس كذا
نايف : معقوله تزعلين بس كذا؟؟
مها من قلب : حبيبي .. ليش ما تعزمني على عشاا ولا غدا ولا حتى نطلع نتمشى زي كل اثنين مخطووبين؟؟ شوف تهاني وخالد كل يوم يطلعون مع بعض
نايف : يا مها انتي وش عليك من النااس وش يسوون؟؟ .. خليهم الله يوفقهم ان شاء الله .. وبعدين انا مااحب هالخراابيط وكلها كم اسبوع وبتصيرين زوجتي واطلعك كل مكاان انتي تبينه
مها: ...............
نايف : وش فيك ؟؟
مها بزعل: خلاص ماافيني شي
نايف : لا تشيلين هم .. وبعدين انتي دااقه علي بس عشان تقولين لي هالكلام؟؟
مها : هاااا انا دااااقه اسلم واطمن عليك
نايف : مها تحبيني ؟
مها : امووت فيك يا قلبي
نايف : دامك تموتين فيني لازم ترضين فيني وفي اطبااعي اوكي ؟؟ وما عليك من خالد وتهاني ادعي لهم بالتوفيق .. ومو شرط ان احنا نسوي مثلهم
مها : ان شاء الله يااقلبي
بعد ما سولفت مها مع نايف وسكرت منه رن جوالها (( نهى يتصل بك))
مها مستغربه : هلا نهى
نهى : اهلين .. وش عندك على الانتظار
مها : والله كنت اكلم ناايف .... الا غرررريبه داااقه
نهى : حبيت اطمن عليك
مها : لو حابه تتطمنين علي مثل ما تقولين كان رديتي على مكالماااتي مو مطنشه
نهى : والله يا مها اللي مسوي سووايااك المفروض ان ماله عين يدق
مها عصبت : زين انتي الحين وش عندك داااقه؟؟
نهى : وش فيك عصبتي في احد يزعل من الحق؟؟ المهم وش اخباركم؟؟
مها من غير نفس : الحمدلله بخير ..
نهى : كلكم بخير ؟؟
مها : ايه كلنا
نهى : متاكده؟؟
مها : ايه واذا قصدك خالد ..هو بعد مبسووووط مع تهاااني ..
نهى في نفسها : يعني اللي سوويته ماافاد ؟؟!!
نهى : الله يوفقهم وانتي وش اخبارك مع ناايف؟؟
مها : الحمدلله مرتاااحه
نهى : ااااا مادريتي ؟؟
مها : بشنو؟؟
نهى : ناصر راح يخطب
مها بأ ستغراب : ايش؟؟؟
نهى : اللي سمعتيه
مها : وبها لسرعه؟؟
نهى : اجل وش تبينه يقعد يبكي على اطلالك..هذا انتي اول ما خطبك ناايف على طول واافقتي ..لأنك حااطه عينك عليه .. والله يستر وش مسوويه له
مها عصبت : نهى وش قصدك؟؟
نهى : حبيبتي محد فااهمك بهالدنيا كثري..
مها : زين ومين هذي اللي بيخطبها؟؟
نهى بخبث : مفاجأه
مها بقهر : أحلى مني؟؟
نهى : مها انتي وش عليك احلى منك ولا مو احلى منك ..
مها بثقه : اكيد مو احلى مني ..لأنه ماراح يلاقي وحده مثلي
نهى : كان بين ايدينك وما بغيتيه ويوم خطب غيرك تغااارين!!
مها بأرتباك : ومن قالك اني اغير .. وبعدين انا وحده مخطووبه وماعلي من ناصر ولا علي من اللي بيخطبها
نهى : الله يعينك على نفسك..(( تنهدت))يالله مع السلامه
مها : مع السلامه
*******************
(( في بيت بو ناصر- بعد صلاة المغرب– غرفة نهى))
نهى تكلم صديقتها بالتليفون
نهى : شوفي انتي اشتريها الحين وتعالي لي البيت وانا اعطيك الفلوس...........اوكي .....مشكوووره .....اوكي بس هاااا لحد يدري اوكي ......الله يعطيك العافيه ...مع السلامه
طلعت نهى من غرفتها وشافت مي بالصاله قاعده تكلم تليفون
نهى : مين تكلمين؟؟
وخرت مي السماعه من اذنها : ساره بنت عمي . وترانا معزومين بكره على العشاء
نهى : وين ؟؟ بيتهم؟؟
مي : لا بأستراحه
نهى : وش المناسبه؟
مي تمزح : بمناااسبة نجاااحي
نهى كشت عليها وهي ناازله : امحق نجاح جاايبه 85 % وفرحااانه
رجعت مي وكملت سووالف مع ساااره....نهى نزلت تحت الصاله وشافت ناصر وماجد وامها وابوها يسالفون وقعدت معاهم
ام ناصر : هي تقول ماتبي تعرس الا بعد مايطلع اخوها فيصل من السجن
ناصر : خلاص يمى على كيفهم بس قولي لهم مانبي طقطقه ولا خراابيط نكتب الكتاب من هنا ونروح شقتنا من هنا
بو ناصر : هااا نهى وشلونك الحين؟؟
نهى : الحمدلله بخير
ام ناصر : بتروحين بكره الاستراحه
نهى : ان شاء الله بروح
ماجد : الا مها شخبارها؟؟
قام ناصر : يالله عن اذنكم انا طالع غرفتي
بعد ماراح ناصر (ام ناصر تكلم ماجد ) : وانت لازم تجيب طاريها عنده
ماجد : مو قصدي والله .. وبعدين هو بيتزوج يفكر في مرته مو في مهاا!!
نهى طفشااانه : اقوول انت اسكت وش يعرفك؟؟
ماجد : وانتي وش دخلك انا اتكلم عن نااصر
بو ناصر : اقول انطم انت وياها وبلا هووواش
*************
(( بيت بو سعود – 12 بالليل – الصاله))
سعود وتهاني وعبير كلهم قااعدين يسالفون
سعود : قلتوا لنسرين ولا نسيتوها؟؟
عبير : الا قلت لها وقلت لسلطان يقول لهلي وكلهم راح يجون ان شاء الله
قام سعود :عبير منتي نااايمه ؟؟
عبير : لا بقعد شوي مع تهاااني
سعود وهو طالع فوق : يالله تصبحون على خير
عبير وهي تطالع بسعود وهو رايح فوق : تعالي تهااني انتي الباارح كنتي مقفله جوالك؟؟
تهاني مستغربه : لأ ...ليه؟؟
عبير : مدري امس دخلت على سعود وسمعته يقول ليش مقفله جوالك؟؟ ويوم سألته قال انه بيدق عليك عشان تجيبين له كاس مااي
تهاني : تتوقعين انه يكلم وحده؟؟
عبير : والله مدري بس هو متغير كثير.. وانا ماابي اشك فيه
تهاني : بصررراحه وبدون زعل انتي مقصره معاه وكل يومك مع ريناد
عبير : اجل وين اوديها ؟؟ كل مره اقوله جيب شغاله يقول ماله دااعي وش اسوي؟؟
تهاني : الرجاجيل ما ينعرف لهم..اسمعي ...انتبهي لزووجك لا يطير منك
عبير :آآآآآآآآه ليتي اعرف من هي ؟؟ والله لقطعها
تهاني : الله يعينك .. زين قولي لي وش الأساسيات اللي لازم اشتريها؟؟
قعدت عبير وتهاني يسالفون عن زواج تهاني وتجهيزها
(( غرفة سعود))
سعود قاعد يتقلب على السرير وما جاه النوم قاعد يفكر بكره يكلم خلود ويعتذر لها ولا لأ؟؟اخذ جواله
سعود : ادق عليها ولا اصبر لبكره؟؟ بس ان دقيت اخاف تدخل علي عبير !! وبعدين اكيد انها ناايمه الحين ..ارسل لها رساله احسن .. عشاان امهد لبكره وتساامحني على الكلام اللي قلته لها
قعد سعود يكتب الرساله (( تصبحين على خير .. واحلام سعيده يااارب )) وارسلها لخلود..سعود حس بالراحه ونااااام
****************
(( يوم الخميس – العصر – الاستراحه))
اول مادخلوا عايلة بو خالد كان فيه مساحه ملياانه العاب بدايتها على اليمين مجلس الرجال ودورة مياه وبجنبه مبنى كبير فيه المسبح وجنبه دورة المياه وبعدين ينتهي بمجلس الحريم ومقابله في الجهه الثانيه المطبخ يعني أي وحده من مجلس الحريم بتروح المطبخ لازم تمر على الالعاب وهذا كله وسط زرااعه ...شالوا الشغالات الاغراض وودوها المطبخ ..مها على طول راحت المقعد .. ساره وخلود لفوا على كل الاستراحه وبعدها قعدوا على المرااجيح يلعبون ..تركي وخالد قاعدين مع امهم وابوهم بمقعد الرجال..بعد نص ساعه خلود راحت لمجلس الرجال
خلود واقفه عند الباب : يمى قومي الحين خالتي وعيالها راح يجون...
طلعت ام خالد وراحت لمجلس الحريم وساره دخلت وراها
ساره : مها نااايف جا
مها قامت : قولي والله؟
ساره : وليش اكذب؟؟
قامت مها وتعدلت وحطت هالعطر واول ما وقفت عند الباب شافت خلود واقفه مع ناايف وحنان وسوالف وضحك ..انقهرت مها وراحت لهم
مها معصبه : خلود ؟؟ وش عندك هنا؟؟
نايف مبتسم : هلا مها .. الناس تسلم بالأول
مها : لا والله وحضرتك مبسوط وسوالف وضحك مع الست خلود
حنان تحاول تهدي الوضع : مها لا تنسين ان نااايف ولد خالتها
مها معصبه : بس هو زوووجي .. ولو سمحتي يا خلود ماابيك تكلمين زوجي بهالطريقه ياليت يكون بينك وبينه حدود فاااهمه
خلود ماتبي تكبر السالفه وراحت لمجلس الحريم وهي منحرجه من نايف
نايف عصب : مهااا وش قااعده تقوولين ؟؟ طول عمري وانا قاعد اضحك واسولف معها.. لا أمي ولا ابوي قال لي الكلام اللي تقولينه
مها : اول كنت عززابي بس انت الحين متززوج
جات ام نايف وابو نايف وطالعتهم مها وراحت لمجلس الحريم
ام نايف : وش فيكم اصواتكم واصله برى؟؟
حنان امسكت امها وقعدت تطالع بنايف : سلامتك يمى مافي شي .. تعالي ندخل داخل
خذ نايف ابوه وراحوا لمجلس الرجال
******************
(( مجلس الحريم ))
بعد ما سلمت ام نايف وحنان على الكل وكل واحد قعد مكانه..وخلود تصب لهم الشااي
ام نايف مبتسمه : وشلونك يا ام خالد؟؟
ام خالد : بخير الله يسلمك ..انتي شلونك وشلون بو ناايف والعيال؟؟
ام ناايف : الحمدلله بخير ... (( تطالع بمها )) وعروستنا كيف حالها
مها بدون نفس : بخير
ام نايف تاخذ البياله من خلود : وانتي وش اخبارك؟؟
خلود مبتسمه : الحمدلله يا خالتي بخير
وبعد ربع ساعه دخلوا عليهم عايلة بو سعود وبو سلطان..وبعد نص سااعه جات عاايلة بو نااصر..
ام ناصر وام نايف وام سلطان وام خالد اندمجوا مع بعض وقاعدين يسالفون ..ساره ومي قاعدين بزااويه ويسالفون .. مها قاعده على التلفزيون وخلود وحنان وتهاني وعبير ونسرين واشجان ورنودي قاعدين يسالفون ويضحكون .. ونهى قاعده تلعب بجوالها
رن جوال تهاني (( خالد يتصل بك))
تهاني : هلا والله
خالد : هلا وغلا ..تقدرين تسحبين نفسك وتطلعين لي؟
تهاني : الحين؟؟
خالد : اجل بكره؟؟...يالله تراني انتظرك برى
تهاني : خلاص اوكي الحين اجي
سكرت تهاني التليفون..
نسررين : مين هذااا خااالد؟؟
قامت تهاني تلبس عباتها: ايه وقااعد ينتظرني برى وموتوا قهر كلكم رجالكم داخل ولا وحده نادها زوجها وقال لها يبي يتمشى معاها الا انا
اشجااان: يااااااااااااابختك
(( نهى تطالع بتهاااني وهي ميته من القهر...نهى في نفسها : لازم اسوي شي))
عبير : ايه والله ياابختك
نسرين تكلم عبير : حتى انتي ياا بختك باخووي لا تنكرين
عبير بتنهد : ايييييه ياا نسرين هذااك اول الحين سعود غير
خلود حست ان سبب تغير سعود هي فحبت انها تطلع من المقعد
خلود : عبير .. عطيني رنودي(( عبير عطتها رنوودي )) ياااقلبي يااازين هالبنت ..عن اذنك عبير بروح العبها
قامت خلود وطلعت هي مع تهاني ..تهاني راحت مع خالد ويتمشون داخل الزراعه..وخلود خذت رنودي وقعدت تلعبها على المراجيح..حطت رنودي على المرجوحه وتدفها وهي قاعده على ركبها ..طلع سعود من مجلس الرجال وشاف رنودي على المراجيح ولا عرف خلود لأن مايشوف الا ظهرها..وراح عندها وقعد وراها وحط ايدينه على كتوفها
سعود : هااا حبيبتي قااعده تلعبين رنوودي؟؟
التفتت خلود مستغربه والتقت عينها بعيونه
قام سعود : خلود انا آسف على بالي عبير
خلود اخذت ريناد وراحت للمجلس من غير ما ترد عليه...
حنان تكلم خلود : مسرع ما لعبتيها
خلود بأرتباك : هاااااا الجو حاارعليها
اشجان : وش رايكم كلنا نروح نلعب بالمراجيح
نسرين : ايه والله تكفين اشجانووه قومي نرجع ايام الطفوله
قامت نسرين واشجان وحنان وعبير
حنان : يالله خلود قوومي معنا
خلود : لا لا ماني رايحه روحوا انتوا
مي : هيييييييي بناات وين بترووحون؟؟
نسرين : بنلعب بالمرااجيح
ساره : بنجي معااكم يالله مي قوومي
مها طفشت واخذت جوالها ودقت على نايف : ناايف وينك؟؟
نايف : يعني وين بالمجلس
مها : قوم خلينا نتمشى
نايف : انا الحين مو فاضي مايصير اخلي الرجاجيل واقوم
قامت مها : شلون خالد يقدر يقوم وانت لأ
نايف : خلاص اكلمك بعدين (( وسكر الجوال))
مها انقهرت مع مين تروح .. شافت نهى لحالها وقعدت معاها
مها : نهى تطلعين معي ؟؟
نهى : وين ؟؟
مها : نتمشى بالزراعه
قامت نهى : اوكي يالله
خلود قعدت لحالها وقاعده تفكر باللي صار .. رن جوالها نغمة رساله افتحتها (( آآآسف يا خلود اعذريني ما كان قصدي وربي على بالي زوجتي)) ردت عليه (( ولا يهمك أنا عاارفه ان مو قصدك)).رد عليها (( معناتها انك مو زعلانه علي ..صدقيني ياخلود وربي ما كنت اقصد بشي من كلامي اللي قلته لك بالمره اللي فاتت..والحمدلله انك رضيتي علي)) ..ارسلت له (( خلاص اللي راح راح..وبليز الله يخليك لعاد ترسل لي او تدق علي..اوكي؟))....

[superman]

مها ونهى قاعدين يتمشون
مها : آآآآه يا نهى قااهرني هالناايف
نهى : وش فيه؟؟
مها : مدري احس انه ماايحبني
نهى : مو هذا اللي انتي فضلتيه على واحد يحبك ويموت فيك؟؟
مها : يوووووه يا نهى ..خلاص عااد انتهينا من هالسالفه
نهى شافت تهااني مع خالد وشكلهم يتكلمون في موضوع كبير
نهى : وانا مو قااهرني الا هالأثنين...بس كأنهم يتهاوشون
مها : ايه والله ..بس ما عليك شوي ويرجعون يضحكون ويسالفون..آآآه يا نايف ليتك مثل سعود
نهى : والله نااصر كان احسن من سعود
مها : نهى ؟؟ وبعدين معاك
نهى : خلاص
مها : الا قولي لي ناصر من خطب
نهى : حنان
مها مستغربه : حنان اخت نايف؟؟
نهى : ايه
مها : وش معنى حنان...لايكون ما خذها عشاان يبي يقهرني ؟؟
نهى : والله مدري ..اهم شي كلمناهم وهم موافقين وزواجهم يمكن بعد زواجك بأسبوع او اسبوعين
مها : يالله .. كل واحد دمه اثقل من الثاني ..يعني لا يقين على بعض
نهى : ان لله وان اليه راجعون
وهم يتمشون اوصلوا الجهه الثانيه وقابلوا تركي
مها : نااايف وش يسوي
تركي : لحظه ..اول خليني اسلم وبعدين اقولك (( مد ايده وابتسم )) هلا نهى شخبارك؟
نهى مدت ايدها : الحمدلله تمام انت شلونك؟؟
تركي : انا بخير .. والحين بخيرين
مها : يالله ترووك قول لي
تركي : بعد وش يسوي قاعد يسولف ويضحك ومبسوط
مها : شفتي كيف .. ولما دقيت عليه يقول لي مو فاضي
تركي مبتسم : نهى ممكن تجين معي شوي..ابي اكلمك في موضوع
نهى مستغربه : تبيني انا؟؟
مها : اقول انتي وياه والله انكم فاااضين..اروح المقعد احسن لي
بعد ماراحت مها..
نهى : آمر يا تركي
تركي : مدري وش اقولك .. بس هذا الكلام انا اعتبره سر ومحد يدري عنه
نهى : قول يا تركي وسرك في بير
تركي : بس اخاف تزعلين مني
نهى : ازعل؟؟ وليش؟؟
تركي بتردد: نهى ....انا أحبك
نهى : تحبني ..؟؟
تركي : ومن زماااااااااااان وكاتم هالحب سنين في قلبي
نهى : وش معنى اليوم جاي تقول لي.؟؟
تركي : مدري وش اقولك بس تدرين ..حنا باقي لنا سنتين ونتخرج .. يعني ...مدري وش اقولك..بس احس اني طفشت ..وخفت اني اذا سكت راح تطيرين مني
نهى : تركي انا زين اشوفك..يعني ياليت تعطيني فرصه عشان اعرفك على الأقل
تركي : اخذي راحتك..بصراحه انا ودي اعيش قصة حب مع الانسانه اللي انا احبها قبل لأتزوجها وابيها تحبني كثر مااحبها..
نهى مبتسمه : اووووووووه وصلت لحد الزواج
تركي : ايه .. بس مو الحين بعد سنتين...
نهى : لا تنسى اولا لازم اتعرف عليك..بعدين اشوف
تركي بأ ابتسامه : انا متاكد انك راح تحبيني وصدقيني ماراح تندمين..والحين ممكن اتمشى معاك شوي؟؟
نهى : امممممم اوكي بس حدك ربع ساعه
قعد تركي يسولف على نهى ... وهي ارتاااحت له كثير
********************
(( تهاني – خالد))
خالد معصب شوي : يعني بذمتك يا تهاني وش معناتها هالرساله..
تهاني : وانا وش يدريني
خالد : تهاني قولي الصدق .. تراى عاادي كل شي صار مااضي وانتهى
تهاني : خالد تبيني اقولك ايه كنت على علاقه بسلطان؟؟بس عشاان تصدق رساله ما تدري من وين جااايتك؟؟
خالد : اووووووف اموت واعرف مين اللي يرسل هالرساايل؟؟
تهاني : يااقلبي صدقني ان هذا شخص يبي يفرقنا..الله يخليك لا تصدق
خالد : القهر يمكن يردون ..لازم نوقف هالمهزله
دق خالد على الرقم اللي جات منه رسااااله
خالد : الووو
..........: هلا خالد
خالد مستغرب : مين معي؟؟
مي : انا مي بنت عمك
خالد : وهذا من جواله؟؟
مي : ليش انت دااق ولا تدري هذا من رقمه؟؟ هذا رقم نهى
خالد : نهى .. وهي وينها الحين؟؟
مي : مدري بس سمعت الجوال يرن وطفشنا من كثر مايرن ..ويوم عرفت انك المتصل رديت
خالد : خلاص اوكي((وسكر))...طلعت نهى يا تهااني ..بس هذا مو رقمها
تهاني مستغربه : نهى ؟؟ وليش تسوي كذا؟؟
خالد : مدري بس لازم اتكلم معاها
تهاني : خلاص اوكي ..اروح اناديها لك ؟؟
خالد : مو الحين بس هااااااا لحد يدري اوكي ..مانبي نكبر السالفه
تهاني مبتسمه : لا توصي
******************
((بعد العشاء - في مجلس الحريم ))
الامهات طبعا قااعدين مع بعض .. نهى تستقبل رسايل بلوتوث من تركي..مها منسدحه..مي وساره واشجان ونسرين يلعبون ورقه..حنان وتهاني وعبير يسالفون...رنودي نااايمه
اتصل تهاني بخالد وقال لها تنادي نهى .. تهاني راحت لنهى
تهاني : نهى؟؟
نهى با احتقار : خير ؟؟
تهاني : خالد يبيك برى
نهى خاافت : يبيني ؟؟ وش يبي؟؟
تهاني : مدري عنه..روحي وانتي تعرفين؟؟
نهى : طيب الحين اروح له
اطلعت نهى وشافت خالد ينتظرها وراحت معاه
******
رن جوال مها (( حبيبي يتصل بك))
فرحت مها بأتصال نايف ..وقعدت
مها : هلا عمري
نايف : هلا مها..تعالي برى ..ابي اتكلم معاك
مها بفرح : ان شاء الله ثواني بس واجيك
راحت مها لنايف وهي ميته من الفرح ...وراحوا داخل الزراعه يتمشون
مها بدلع : واخيرا فضيت لي..
نايف : وش هالتصرفات يا مها؟؟
مها مستغربه : أي تصرفااات؟؟
نايف : تصرفااتك معي ومع خلود
مها عصبت : الحين انت مطلعني عشان تتكلم عن خلود
نايف : اولا.. لا ترفعين صوتك علي مره ثانيه..وبعدين ايه طلعتك عشان نتكلم في هالموضوع
مها : يعني شلون اشوفك تضحك وتسولف مع غيري واسكت؟؟
نايف : بس هذي بنت خالتي
مها : يعني يرضيك اضحك واسولف مع ناصر وماجد؟؟
نايف : اذا كان ضحككم وسوالفكم عاديه ..ايه عادي مافيها شي
مها : طيب أنا آسفه
نايف : مها ترا انا اللي قلت لهلي اخطبوا لي هالبنت..بليز لا تخليني اندم
مها وراسها با الارض : اوكي ..اوعدك ان هذي آخر مره
نايف : اكيد
مها : ان شاء الله..نايف انت تحبني؟؟
نايف رفع راسها وابتسم : اكذب عليك اذا قلت لك ايه احبك ..انتي عاارفه خطوبتنا تمت بسرعه يعني ما امداني اعرفك او احبك...بس كل ما ريحتيني وتعودتي على اطبااعي صدقيني راح احبك واموت اني اتصلت كذا مره محد يرد علي
تهاني : حاول مره ثانيه في حبك
هزت مها راسها موافقه لكلام نايف...وقعدوا يتمشوون ويسالفون

[superman]

(( خالد – نهى))
خالد : هلا نهى وش اخبارك ؟؟
نهى : الحمدلله بخير ..انت شخبارك؟؟
خالد : الحمدلله مبسووط ..المهم (( طلع جواله)) هذا رقمك؟؟
نهى مستغربه وخاايفه : هااااااااااا لا مو لي .. وبعدين انت تعرف رقمي
خالد : نهى .. ليش تسوين كذا؟؟ليش تبين تفرقين بيني وبين تهاااني؟؟
نهى : ..............
خالد : اوكي على راحتك لا تتكلمين..بس رجاااء لا تسوي هالحركات مره ثاانيه ..وانا هالمره ماراح اقول لحد ..لكن ان شفت أي ازعاج او أي رساله من رقم غريب على طول بروح اكلم عمي وهو يتفاااهم معاك
مشى خالد وتركها لحالها .. نهى كان ودها تقول له كل شي بس وش ينفع الحين ؟؟ (( نهى في نفسها : دامه كشفني بعد خلاص راح اخليه والله يهنيه بتهاااني وانا لازم اشوف نفسي ...يارب سامحني على كل شي انا سوووويته))
*************
(( بعـــــــــــــد شهــــر))
(( شقة ناايف - العصر ))
نايف واقف عند المرايا ويلبس شمااغه : يالله يا مها تأخرنا .. الحين راح يجي فيصل
مها : لازم اروح يعني ؟؟
التفت عليها ناايف : مهااا انتي عروس ما صار لك اسبوع يعني لازم انك تجين معي لبيت اهلي
مها بزعل : مالت علي لو اني عروس مثل ماتقول كان حلاتنا الحين بشهر العسل .. لكن حظي اقشر
ناايف : خلاص يا مها اوعدك اول اجاازه اوديك
مها : اييييييه يالله الشكوى لله
نايف : يالله بس قوووومي ترا جد تأخرنا
********
(( بيت بو نايف – الصاله))
ام نايف وحنان ونايف ومها ينتظرون بو نايف وفيصل ...بعد خمس دقايق دخل عليهم فيصل ..لابس ثوب ومربي اللحيه ولا بس شماااغ بدون عقاال ووجه ينوور ..اول مادخل ارتمى عند
ارجول امه وقعد يبوسها ويبكي
فيصل : سااامحيني يا يمى ..الله يخليك سااامحيني
ام نايف ارفعت ولدها واحضنته : مساااامحتك يا بعد قلبي ...بس الله يخليك لا ترجع لهالطريق شووف وين وداااك
بو نايف : خلاص عاااد لا تقلبونها لنا حزن .
بعد ما سلم فيصل على حنان ونايف
نايف : فيصل هذي زوجتي مها
فيصل وعيونه بالارض : الف مبروك يا مها وش اخبارك
مها: الحمدلله بخير..الحمدلله على سلامتك






اتنمـــــى الاستمتااااااااع

[روح الأنوثة]

القصة مرررررررررررررررررررررررررررة خطييييييييييرة أحسنت الاختيار اخوي سوبر مان

صح طويلة مررررة لكنها مررررة تجنن.....

وأكييييييد في منها على حياة الواقع...ز

تقبل مروري بانتظار جديدك لا عدمناك.....

دمت بخير....