تحيا ثورة المنصوره -- ثوره ياجنوبي ثوره- الئ شباب عدن

[ابومشاري]

http://www.up.t-kjool.com/upfiles/IO276908.amr صووووت


قال بن الجنوب تحية-لابنأ العاصمة ثورية-تحيا ثورة المنصوره-ثورة ياجنوبي ثورة-
تحية لارجال الميدان-ابطال العريش الشجعان-واهل الشيخ والمنصورة-ثورة ياجنوبي ثورة
عشتو يأنصار الدرويش-وكريتر أبية وتعيش-والتواهي المقهورة-ثورة ياجنوبي ثورة-
وبريقا وصلاح الدين-ذي بنضالهم سباقين-ثارو واعلنوها ثوره-ثورة ياجنوبي ثورة-
قمتو كلكم بالواجب-مشكورين شاب وشايب-ايضآ والمرة مشكورة-ثورة ياجنوبي ثورة
ياابناء عدن يالاحرار-انتم مدرسه للثوار- وانتم صانعين الثوره-ثوره ياجنوبي ثوره
انتم من ثلجتو صدري-وانتم من رفعتو قدري-اعلنتوها علا السنبوره-ثوره ياجنوبي ثوره
سيرو عالخطا يالبطال-يوم النصر بكرة وصال-شعشع يوم نصري نورة-ثورة ياجنوبي ثورة
سيرو ربنا يحفضكم-يالابطال لاترهبكم-كلاب الطاغي المسعورة-ثورة ياجنوبي ثورة
ثورة عارمة عالمحتل-والطاغية لازم يرحل-مثل الارنب المذعوره-ثورة ياجنوبي ثورة
ارحل من عدن ياملعون-ياسارق بئسم القانون-صيره ثار هو وصقوره-ثوره ياجنوبي ثوره
ياتفله عليك ان تعلم-نحنا شعب مايستسلم-فاتح لرصاص صدورة-ثورة ياجنوبي ثورة
وان جا الموت له مستنين-لاجل الحريه به راضين-من قهري علا المعموره-ثوره ياجنوبي ثوره
ثرنا والنبي مانرجع-لاحتاء علمنا يرفع-راس القمه المشهوره-ثوره ياجنوبي ثوره
قمة حيد شامخ صيرة-لازم نرفع البنديره-ذي قلتو لنا محضوره-ثوره ياجنوبي ثوره
وتعود الحلا لاحضني-ذي عمري لها بستني-ب النقشه وبالحاموره-ثوره ياجنوبي ثوره
وباحضانها تحضني-لها اشعر وهي بتغني-مسروره معي مسروره-ثوره ياجنوبي ثوره
ثورة لستعادة لجنوب-هذا مقصدي والمطلوب-لازايد ولاتقصوره-ثوره ياجنوبي ثوره
نحنا مش دعاة التغيير-لاتسوو غطا لي عالبير-هذه لعبتك محضورة-ثوره ياجنوبي ثوره
العبها مع الزنداني-اوبن عمك السنحاني-والا الشيخ بوزنوره-ثوره ياجنوبي ثوره
والشعب الشمالي يشعل-بالكامل يريدك ترحل-قبل الصبح يطلع نوره-ثوره ياجنوبي ثوره
لاتهري بئسم الوحدة-خلو من قده في لحدة-الله يرحم المقبوره-ثوره ياجنوبي ثوره
ياتاجر بدم الاطفال-قرب موعدك يامحتال-اراء شوكتك مكسوره-ثوره ياجنوبي ثوره
شعبك من تعز لاصعده-جهز رحلتك لاجده-اومن حوف عالخابوره-ثوره ياجنوبي ثوره
الاصحاب لك مشتاقين-علئ الجمر لك مستنين-زملا البلطجه والدوره-ثوره ياجنوبي ثوره
زين العابدين وحسني-راقص بلطجي وافهمني-وانته كمل التقصوره-ثوره ياجنوبي ثوره
ومن بعدك احنا والاخوان-في صنعاء سانبقاء جيران -لقمه بالعسل مخصوره-ثوره ياجنوب ثوره
مثل اول بقبل التسعين-براحه عايشين الشعبين-كلآ يحكمه دستوره-ثوره ياجنوبي ثوره
يكفي هاجسي مانضم-بوصقر القوافي ختم-بسم الله بسم الثوره- ثوره ياجنوبي ثوره

شاعر ثورة ابوصقر السليماني

[ابومشاري]

ثوووووووووووووووووووووووووووووره ياجنووووووووووووووبي ثوووووووووووووووووووووووووووووووووره

[ابن الشرج]

اتمنى من جميع ابناء عدن ان يرفعوا رايات او يافطات مكتوب عليها
(( الشعب يريد تحرير الجنوب ))
لانه اخواننا الشهداء ستروح هدرا لو طالبنا باسقاط النظام
فنحن هنا ندعم بقاء الشماليين
فارجوا من جميع ابناء عدن التنبة لهذه النقطة
والتركيز دوما على رفع ملفات الفيديو والصور للمجازر للطاغية الى موقع شارك الجزيرة
لنسمع صوتنا للعالم

[عدن الاحرار]

كلنا نشتي رفع اعلام التحرير

شكرا