جديد للشاعر ثابت عوض

[حيد كريتر]

جديد للشاعر ثابت عوض
القصيده للشاعر حمد الصمبحي الحمري وهي مرسله الى الشاعر القدير ثابت عوض اليهري

يقول ابو صقر تبت للكذب مقصر حباله = من مد بالكذب حبله يقصر من العرض والطول
الخالدي مات وصبحت اليوم في خس حاله=بعد الخصار المدسم بخصر من البيض والفول
البارحه رد جاني من ثابت اخزى جلاله = يباني ارفع قضيه متكامله ضد مجهول
وانا امتحنته بغيته يرد حسب الرساله = لكن خرج عن اطرها وكثر من العوج والرول
لا قول ناجح ولا انه مازال تحت الطلاله = خمسين نسبه نجاحه وبالعلامات مقبول
وعاد له دور ثاني حول به الله حواله = انا فاز ولا شطبته وايش فرعون بيقول
خيب بها ظن يافع ليته بعين الشلاله = ذي ما حسب للجواهر ولا تعوض من اللول
مايدري اني معلم قاضي قضاة العداله = اعطي ذوي الحق حقه والظالم اجزيه مدبول
بالاه يااعزم اعزم وخلها بالسهاله = سلم لثابت وقله الكذب والدجل مملول
بانمنحك دور ثاني وقدم لنا بالكفاله = لما تجيب الشهاده من جامعه سعد زغلول
ان فزت ولا اسمح لنا باقولها بالاصاله = عني وعن اهل يافع من اليمن انت معزول
شف من دخل سوق شمر بالسوق يصرف رياله =ولا من السوق يطلع وهو مجلل ومزلول
ماباك تصبح مسير مع ذيول العماله = اللي تحارب وطنها وتصول بالبحر وتجول
واحد بجده وواحد مريض داخل صلاله =واخر بالندن بيرقص مع مكسر ومشلول
لو يرجعوا لا وطنهم بالبيت تسعين صاله = بايتسعنا جميعا والحق بالبيت مكفول
لكن يبون الدراهم كلأ يبى له شواله = ورزق ذي ساعدوهم بابه مبند ومقفول
ولي بدرج السلامي كوده يكفي عياله = للمدرسه والملابس والبيت لضيف مدخول
ما دخله في يمينه يخرجه من شماله = والفايده والخساره متوازنه شبه معقول
لا تدخلونا متاهه حيث الغلط والثعاله = معنا مشاريع كثيره نبى لها حل وحلول
نبى عمل للمواطن نبى انخفاظ البطاله =نبى مشاريع نبغى من المشاريع محصول
نبى تكاتف بدقه كلأ يواصل نضاله = مع علي وستفيدوا من خبره انسان مسئول
من علم ابنه تعلم من اصوله الرجاله = ومن عصى بوه ومه يمسي ورى الباب مذغول
ذي ما نفع بوه ومه ماعاد بايفيد خاله = قدها مقاله قديمه ولها معاني ومدلول
ارجع بنا لا جوابك لول جواب الفساله = جواب شاعر مذبذب مابين فاعل ومفعول
شجعة فيه الجرادي شعيركم والنخاله = ياعيب عيباه ماذا باقول عن شخص مهبول
شعره مكسر وقوله قول الخمل والرذاله = ومايزال في نظرنا جاهل صغير ومخبول
اثبت لنا انت ونعم خل الجرادي لحاله = بركز بدال الجرادي في شامخ العر سحبول
هو والقطنه دعوهم الطبل عند الزماله = دوشان دوشان مهما يقول باقول محمول
بانصب اللي اريده يديرها بالوكاله = لما نحصل خليفه يقضي على قوم ديقول
اما الجرادي جراده ومن رغب في نزاله = بيكون مثله جراده من صف لبطال معزول
والبنت اخذها بطلها الشاجع وصارت حلاله = شرعا وعرفا وسيفه على الانانين مسلول
شهر العسل شهر باهر من مقدمه لاهلاله = ورتاح في حضن ليلى ونته مضيع بكابول
مرثاة حالي لمنهو مثلى الجمل في عقاله = جالس بالندن معذب يقرع مزامير وطبول
والشرخ بالبيت ماشي به شرخ خل الهباله = البيت معمور مبني على مشاريع وحقول
كان العطال به من اول ونته السبب في عطاله = سلمت لي بيت خارب من كل زاويه مخلول
لي عشره اعوام رمم ومكتفل بالاعاله = ونته مع اهل التأمر خطك على طول مشغول
ومايحق لك ان تكلم شفك مصنف حثاله = لو زالت ايام مرت من شهر مارس وأيلول
حتى ولو قلت انك زوجتني بالغزاله = وانا اعرف انك منافق وقلبك اسود ومعلول
لو امرها تحت يدك كانت اصبحت لامحاله = في روسيا او بكوبا ولا صنم مثلا ابو الهول
لكن قد الله داري من جار انزل زواله = ومن طار يوقع ومسى مبهذل ومذلول
هذا عن البنت اما القائد العام ذاله = وسيع ماشي يهمه لا تذلح العوج والرول
قائد مناضل محنك ضحى بحاله وماله = من اجل رفعه بلاده وحسن اوضاع بهلول
ساب الأداره اداري وبالمواقع رجاله = رجال تعمل وتنتج هذا الخبر لنت مقلول
ماشي شوايب تشبوه من شدته وانفعاله = شغله وقوله وفعله كله مثمن ومدقول
دع الدعايات وترك وكل شيء باتناله = في ظل وحده قويه وبايقع حل وحلول
لا تتبع من تشتت وباع كوته وشاله = في سوق مابه بضاعه وخذ مفرق ومجمول
من صاحب أمال كبرى في شمس ولا ظلاله = ولا تسرع تمهل قدامك اجبال وسهول
حاسب لنفسك بنفسك لاتهتري بالجماله = شف كل شيء بايصلني عبر الاذاعات منقول
وهاجسي والحليله كلا يقرب دلاله = على قهاوي ماشي كماها بالهيل والبن مذقول
اذا تقهويت منها بايحرم ابليس فاله = وكله وشربه ونومه وبايسلم على طول
لكن قد افضل تصلوا على محمد وأله = صلاه من قلب خاشغ وسكك ابواب وقفول

وهذا جواب الشاعر القدير ثابت عوض اليهري

حيا بأيار مايو حيابطلعت هلاله = حيا بتشرين حيا سته وعشرين أيلول
حيا برابع عشر أشعل حممها شعاله = وسهم بتحرير صنعاء لما اصبح البدر معزول
عني وعن كل ناسي باقولها بالاصاله = الضيف لاجاء قدانا ما يوجد الباب مقفول
حيا ملأ اشعاب يافع حيا يوازن جباله = من شرقها للمغارب من شامخ العر لا طول
حتى ولحمد محمد ما يستحق الثناء له = لكن قد الجود طبعي والجود للجيد مسئول
ثابت عوض قال بطل واصمبحي للهباله = بتزود الطين بله لا فوق مالطين مبلول
سويت نفسك مخضرم ونته علي باثعاله = بتخاف من ظل ذيلك واليوم بتصول وتجول
ياصاحبي بطل حبك وتعن به بالنخاله = لا تربشه بين حبي حبي منطئ ومنخول
لسانك اقصر من اذنك ما شانها اليوم طاله = او قد تناسيت رقمك بالمجتمع رقمك اسمول
لا تنتحل اسم حمراء ما تستحق انتحاله = حمراء لنا ناس فيها والعيش والملح مزلول
كلمه ابو صقر حمري ما شي عليها دلاله = انا اشهد انك نقيله مدري منين انت منقول
من قل من قدر غيره تقديرنا ما يناله =ماكنت ظنك مخطط للحد هذا ومخبول
تكذب وصدقة نفسك محد يصدق خياله = والناس هبلان عندك ماغيرك انسان مهبول
بمسح لك العقل لول ورد لك ثاني بداله = لابد من غسل مخك من ماء مقطر ومحلول
انا سمعتك وغيري لايسمعون المقاله = ياصمبحي حد مني هذا الخبر غير مقبول
وايش بايقول حيد يافع ويش بيقولوا رجاله = لو يعرفون النتيجه وايش عني الناس بتقول
من فوضك تختبرني من ذي عطاك الوكاله = وانا الذي بك موصى والامر لي فيك موكول
ملأ قد انته زميلي تحرم عليا الزماله = مازاملك ونت طالب فاشل وانا سعد زغلول
ياللعقول السخيفه ياللغباء والجهاله = بتحط راسك براسي بلاه عليك منت مخجول
ايش انت فاكر لنفسك صاحب سموا اوجلاله = انت انسان عادي لاقوة لك ولا حول
ماجوده الا من الجيد والفسل منه فساله = ذي ما يجئ بالقديه باتجيبه الصمول الرول
واحمد محمد احدهم ظللته احسن ظلاله = ماشي تحمد عليها فرصه ركضها بالرجول
حول بك الحظ يحمد لايد ثابت حواله = ما بطلقك من حبالي ألا على النعش محمول
يهوى على بن محمد ذي كنت تدفئ باشاله = اما انا مرحمك شي بكويك بالعرض والطول
انا صبر مر علقم بالحق يمسك سفاله = مانا الخصار المدسم ولا انا البيض والفول
هابعد قم يارسولي وشل مني رساله = من حب حسن الرساله يرسل لها خير مرسول
سافر الى ارض زايد مايوجدوا من مثاله = يعطي بايدي سخيه قلبه من الحقد مغسول
وسأل على انسان زايد هرجه وناقص فعاله = صاورخ شرما حدعشر وهو مورش ومسبول
من حيث فداء المريسي غطاء عليه ابتداء له = يحط ظهره لحملي شاحمله حمل مميول
يحمل ولو صار به شي راح الجمل بالحماله = لما يمدد رقبته عل الارض لذبح مذلول
مدري منين ابتداء له من جده او من صلاله = قد بختصر في كلامي وكلما قل مدلول
سبحان ربي مغير لحول حاله بحاله = النازله فوق تطلع والطالعه تنزل انزول
ذي كنت عروه معاهم قدهم ذيول العماله = لكن قد الصبر طيب وتلك ليام بتزول
ولعلمك الانفصالي مسؤول عن انفصاله = وانا العمود النخاعي مانا عن الجسم مفصول
أمنت لك بيت كامل ولازمات الأعاله = أمنت لك دخل قومي من صيد بحري وبترول
وانته الذي باتحمل مسؤليه في عطاله = رؤوس لموال تهرب منها وهو كان مدخول
بابه خشب والعمودي جونه وجابه طواله = وتحصلوا على الحمايه بايصبح الوضع معقول
لكنكم كلما جاء واحد طمعتم بماله = افضل تملوا يديكم ويظلي الشعب معلول
والجهل والفقر يبقاء وبالمرض والبطاله = ونفط مارب وشبوه يعود لاجيب مجهول
وصحابكم كلموهم لايجعثون الغزاله = شف من جرحها بشوكه كسرة راسه بسحبول
نحن نريد التسامح ما بيننا والجماله = ونتوا تبونا نظلي ما بين قاتل ومقتول
ليام بيني وبينك من فاز بالكاس شاله = وبه جماهير تحكم وبه ميادين وخيول
والشعر ثروه بيافع يتوارثوها سلاله = مابكسبك ونت قارب وبيع من شانك اسطول
كلا ولا تغتفر لك كلمه مصنف حثاله = بالقنك ردس فيها مربوع مثلوث مدبول
كلمه بذيله هزيله بكل معنى الهزاله = والمستمع ذي سمعها يمكن فهمها على طول
وختمها بانصلي على محمد وأله = يشفع لمن في يمينه وفي كتابه ومشمول





Read more: http://www.dhal3.com/vb/showthread.php?p=1064855&posted=1#post1064855#ixzz2IoguZlVh